زوجي خطب بنت عمة بموووت

يلا الحمدلله انحلت المشكله.. ربي يحفظكم من الحسد ويخليكم لبعض
ماعليه تصبري اختي
بس متى يقصد في الصيف شهر 6 ولا 7 لو 6 خير ونعمه باقي شهر وشوي


الله يوفقج

يا ربي عليج يالبحرينية .. عاد لا تصيرين طماعة اهم شي زوجج رجع لج .. و مشكله بنتج انحلت ;)

شالأخبار الحلوة يا عسل :) فرحتينا و الله ..

عاد سمعيني .. و الله لا تحسبينها ايام وايد لي الصيف كلها شهرين بس اهم شي انتي و زوجج تكونون مرتاحين :)

و مثل ما قالت وحده من البنات خليها شهر عسل ;) ياربي يجعل ايامج كلها عسل

حبيبتي لا تزعلي و لا شي لازم تهتمي في زوجج روحي ركضي ورها لا تخلين احد ياخذه من عندج

وعرفي ان انتي في باله((انتي الاولة و الاخيرة))

وينج يا بنوتة البحرين توافينا باخر التطورات ربي يوفقج

:mad::mad::mad: ولد عم زوجي يهدد زوجي اليوم متصل يقول له اختي علمتني بالي صار بينك وبينها ولية اتكنسل الخطوبه
ياربي ياربي ياربي مايحسون نفسهم انهمم يبون يخربون بيت مو المفروض يستر على عمايل اخته ويوبخها
اقول ليكم البنت قاطة نفسها تبي تعرس باي طريقه مالقت الا زوجي طيب زوجي عندة اخو اصغر منه تروح تفلت روحها عليه هذاك عزابي
نفسي اقطعها تقطيع احس اني هبلة يوم كنت اني بالبلد وسمعت عن هالموضوع المفروض اروح لوسط بيتهم واسوي فضيحة بس الشرة علي انا الي خوافة موكول خيري
والله الي افضحها قدام الي يسوى والي مايسوى وانا كيدهن لعضيم
علي وعلى اعدائي :confused::confused::confused:
زوجي مستحي منههم يقول لحظة ضعف
انا سكت لان مشكلتك وحلها يالله
تدرون شنو قال لي قال والله انا غبي حد يطالع في هشيفه كل منك انتي الي رحتي وخليتيني
بيحط عمايلة السودة علي
قلت له انت وراك نار بتسعرك وهي بعد لان سويتون مالا يرضاه الله ولا رسوله
قال لي والحل الحين انا ويش اسوي خايف منها تقول لعمه
قلت له ماخفت من ربك تخاف من عمك
وولد عمه كل شوي يتصل بس الاخ مايرد خااايف حدة منه لان ولد عمة راعي مشاكل الضاهر اولاد عمه كلهم لا بنات ولا صبيان الا راعين مشاكل اتوقع
انا سكت وطلعت من الغرفه ورحت اطبخ جا لي بالمطبخ وانا مو عاطتنه وجهه لان اتذكرت السالفه وبنتي وحقدت :mad:
وصار يهدر يهدر يهدر يقرقر وانا بس اي ولا
ويبيني اعطيه وجه وانا ماكو فيني الصيحه والقهره منه ومن عمايله
وجلس يبي يراضيني بس احسه جبروته وكبريائه يبيني انا الي ابداء بس انا بالمطبخ اصريت اسوي حالي مشغوله
استسلم الاخ وقال لي انتي تستاهلي واحد احسن مني تدرين ليش
فجاءة انا قلت له ليش قال لان انتي طيبه وحنونه وعلى نياتش وفوق هذا كله حلوه
قلت له لا يا عيني انا مو على نياتي ولاني غبيه لاني احبك واااااااااااي طار من الفرحه وجا وحضني وباسني وعلى طول ماصدقت خبر جبت سيرت يارا قال لي لا بصيف نجيبها قلت بقلبي طاح حضك متى بتحن ليها بس
قلت له الله يصبرني منيه لين الصيف شهرين ونص قال تمشي الايام
الي احسه من زوجي من وجهه انه متاسف بالمرررررررررررررره
وانا للحين تجيني حالات حنان بقووووه قلبي ينعصر ابي بنتي احس انها مسكينه ووحيده وفريده بس ماتعرف تعبر
كلمت اختي بالمسنجر وقالت لي بفتح لك الكميرا تشوفي يارا مبسووطه قلت دخيلك ماتفتحيها مابي قلبي يتوجع عليها خلاص ماقدر ماقدر ابيها صدري كله حليب وتعبانه بالمره
المفروض يحطني تاج فوق راسه تخليت عن حبيبتي وحياتي وجيت له



مشكورين كل الي ردوووو والله اعز من الاخواااااات وقلوبكم على بعض الله يخليكم ويحقق امانيكم
الي مو متزوجة يارب تتزوج والي ماعندها اطفال ياااارب ترزقها والي زوجها يخونها يارب تهديه
وعسى كل الي ردو علي ترزقهم يارب الجنة بحق محمد وال محمد الطيبين الطاهرين

لا تكونين قاسية معه..
هو اعتذر وندمان من إلي سواه...

=)

يااااااااااااااربي صدق في ردوود تبط الجبد
يعني ميخاالف هو ندماان
بس لاازم تشد علييه شووي.... علشاان ما يعيدهااا
مو كل وااحد مغترب تكووون له حجه انه يخوون زوجته
ويش هالقلب الي عندنا
يعني من يغلط الرجاال ويعتذر لازم نساامحه ونحطه فووق رااسنااا

صدق ياام جنى معااج حق ردوود تبط الجبد

اخبـــار تسر والله

بس تبين الصج حطيت نفسي مكان بنت عمه .. والله انها حقيره ووقحه وقاطه نفسها

اشلوون اتقول لاخوها يكلم زوجج عن الخطوبه وليش كنسلها

توني اعرف ان في نااس جي !!!

الله يبعدنا عنهم ..

وصبري مابقى شي على الصيف .. وانا اقوول جوفي بنتج على الكاام صدقيني بترتاحين

الله يوفقج ويصبرج


>>>> مـــتــابــعه <<<<

الله اعلم من زوجك وكل الي قريته حللته تحليل من واقع تجارب


عندة اكتئاب وو اعتقد بعد مايخلص دراسته بيدور وحدة ثانية واتمنى لالالا لكن الي خلاة يسوي كذاااا ويخلي بنته هذا ماهمة الا راحته ومستقبلة وانتي طبعا الواجه تبعة يعني لمى اصريتي على بنتك راح يدور



بكرة اذا حس انه مو مرتاح بعد مايتخرج بيقول انتي وانتي




الله المصلح

Boo0ooBle;5621782:
اتعوذي من الشيطان وطيعي زوجج..إذا هو محتاج زوجه معاه في الغربه تصونه وتعفه هذا شي زين ..عشان مايروح في الحرام..هذا إنسان خايف ربه والحمدلله..
إذا تبين رضا ربج روحي مع زوجج..وخليه يكنسل الزواج الثاني..وحافظي على بيتج ..وأسرتج..
وحاولي تقنعينه انج تاخذين بنتج معاج عشان ماتحرمونها من الحنان اللي هي محتاجتنه في هالوقت..
بالتوفيق ياختيه..

(y)
انتي كان المفروض بنفسج تقترحين انج تروحين معاه ما تتريينه يقولج
و بعد يوم قالج رفظتي!
حالي تقنعينه و اذا حالته صعبه و ما يقدر عالمصاريف ممكن انتي تساعدينه
بانج تشتغلين و لو بحضانه
بتكون بنتج جدام عينج و منه تشتغلين و تساعدين ريلج و تكونين عنده و ترتاحون!

توني بس كملت ردودج و قريتها كلها
ربي اييسر امورج و يهدي زوجج و يبعده عن الحرام ..

الله يعينج ورايي انج تروحين له وبسرعة بعد

الله يوفقك و يهدي زوجكـ

روووووحي معه طيران والبنت خليها عند امه مافيها شي او خذيها معك
بس لا تخلينه بروحه وهو مايصبر عن الزوجه فاذا انتي ماعفيتي زوجك هو بيعف نفسه بالحلال

بصى خليكى جنب زوجك وخليه هو اللى يقلب الدفه على بنت عمه هو راج ومايعيبه شئ اذا عمه كلمه او اخو النت يقوله ازاى اتجوز واحده عمت معايا كدا ااتمنها ازاى على اسمى وسمعتى اختك ماتلزمنى ويقف موقف صلب وجاد هو الراجل وهى بنت وهى الى حتسوء سمعه نفسها ولو اقتضى الامر اعتى حد من اصدقاءك او اقربك عندهم فى المنطقه يفضح امرها هذا هو الحل مع الحقيرات اللى زى دول خطافين الرجاله

بنت بحرينية
اله يوفقش ان شاء الله وينصرش عليها..وهذي شكلها صدق ما تستحي بالمرة وقوية عيون..اني نقهرت عدل شلون انتين ..الله يساعدش حبيبتي ويكون في عونش..
الا بسألش شلون يعني كانت تثير زوجش ،بالكميرا والصور لو بس بالكلام على المسنجر..

بصراحة انا مستغربة ....


يعني الناس تحب تعقد السوالف؟؟ و لا تبي تعقد السوالف .. مش فاهمة


يعني الحين زوجج الله يهديه ... بيدرس بره حلو اوكي ... شنو المصيبة لو يبتي بنتج معاج؟؟؟؟ ليش يعني عند امه انا مش فاهمة ؟؟؟

يا جذي يا بيتزوج عليج؟؟؟؟ اي منطق هذا

و اي منطق يحكم على انه ام تفارق بنتها لطلب غير واضح من زوجها مش مفهوم ....


غريب والله .. اول مره اسمع

بس على العموم .. نفس ما قالوا الاخوات حاولي تقنعينه انج تيبين بنتج معاج و روحي مع زوجج و دافعي عن بيتج قد ماتقدرين

والله يسهل عليكم و يهدي زوجج انشاءلله

حبيبتي وا لله بجيتيني بآخر رد لج ..

بصراحه الحين المفروض زوجج يرد على ولد عمه .. و يوقف في ويهه و يقوووووووله خل يستحي على عمايل اخته

و خل يسترون عليها بدل ما يتكلمون و يفضحونها .. انتي حركيه خل يتكلم .. و ليش يخاف منهم ..

و اذا عمه كلمه .. اهو ماله شغل خل يفضحها حتى .. شبيسوون له .. ما بيقدرون يضرونه .. و اذا كانو راعين مشاكل

اوقفي انتي معاه .. و خليه يتكلم .. لأنه اذا ما كلمهم الحين بيكلمهم باجر .. و احسن انه يعجل الأمور

و يا ربي يسهل كل شي

و لا تنسين قراءة سورة البقرة كل ليلة يا روحي :)

السلام عليكم ورحمة الله وبركاته..
موقفك وانتي بالمطبخ والله شجاعة وربي ينصرك وممتاز وتستاهلي عليه الف بوسه.. المهم انتي وقفي مع زوجك وكوني صلبه وقوية بنفس الوقت يعني لا تتساهلين و تقولين سامحتك كله يحس بالمشكلة حتى يتعلم درس ويتوب.. وبالنسبة لولد عمه خله يقوله ان عنده ادله وانتي قلتي انك شفتي رسائلها بالايميل بس خبري زوجك وقولي له اذ عندك اي دليل ضدها خبر اهلها وصدقيني هي بتخاف من فضيحة جدام ابوها وسوالفها البطاله..
يالله ننتظر الحلاوة انفراج المشكة وعودة بنتك اوكي.. ربي يسهل امرك

طيعي شور خواتج العرايس وسيري مع ريلج دام إنج رافضة إنه يتزوج