بنات البحرين تعالوا نتشارك الافكار ونسوي مشروع صغير

السلام عليكم

بالتوفيق ان شاء الله

و البداية دايما تكون صعبة .. و لكن مع الاصرار ممكن الانسان يحقق الي يبيه

بالتوفيق لكم يا بنات البحرين

مشكوره مشرفتنا انا حلوه شرف لنا مرورج على الموضوع واتمنى تزودينا بخبرتج

غلا روحي التوفيق للجميع مشكوره على مرورج

حبيبتي همس الثلج موفقه ان شاء الله
اما عن اسماء العطور والبخور ممكن تدخلين على ركن العطور
بتحصلين البنات حاطين اسماء للعطورات المميزه واللي مرغوبه
وحاولي اختي تجيبين دايما العطور الجديده والمشهوره والمعروفه

وين تفاعلكم يا بنات البحرين ؟؟؟؟؟!!!!!

مشكوره اختي قصايد على مشاركتج بالموضوع

وفعلا التسويق يعتبر نوعا ما مشكله وهذا الي انا اواجه حاليا انا عندي مستحضرات تجميل من مكياج وكريمات للجسم والشعر واكسسوارات وابيعها على معارفي واهلي ..

وهم اسوي بطاقات عمل للمحلات وسويت لكذى وحده بس طبعا بدون مقابل لانهم من الاهل وانا اللي اقترحت عليهم يسون وفعلا انشهروا من ورى البطاقه بس انا اللي ما انشهرت ههههههه

صج ماني عارفه شلون اوسع تجارتي بشكل صحيح ومثل ما تعرفين لو بنفتح محل يبيلنا مبلغ موب سهل..

تصدقين اختي قصايد ودي يصير لنا رابط احنا اللي عندنا تجاره نمارسها من البيت ونسويلنا معارض في المدارس والا مراكز او حتى صالات مثل اللي يسونه اخواتنا الخليجيات

ما تحسين انا احنا نفتقد هذا الشي في البحرين ما في تشجيع على التجاره من هذا النوع؟؟

اختي حلو موضوعج
انا من قبل فكرت ان اشتري بضاعه وابيع بس المشكله البحرين من يشتري واذا اشتروا قالوا لي اخر الشهر راح نعطيج ،، شنو الفايده الحين

شي ثاني انا يعجبني البنات اللي يسون سفرة عجم وأأجرونها ترى هذي الفكرة جدا رائعه خصوصا في مواسم الاعراس وماشاء الله البحرين كل يوم اعراس وحفلات وجلوة

بنت النور
وعجبني شغلج بالنسبه للبطايق ليش ماتواصلين لان وااايد ناس تبي بطايق حلوة وفي نفس الوقت اسعار حلوة
يعني تسوين كذا نموج وتعرضينهم في ركن العروس عندنا وراح يكون اقبال عليج

السلام عليكم
شحالكم خواتيه
ان شاء الله بخير

صح كلامج يا بنت النور :(" ..!
انا عني كِنت افكر بمشروع صغير ، وبسيط
بس مب تسويق لانه ما عندي فلوس اشتري بضااعة
احسه مسئوولية ويباله وحدة جريئة واجتماعية ..!

انا احب اسوي اعمال يدوية وابيعها .. هالمشروع توني ابديه!!
نعمل اعمال يدوية من الخرز .. ميداليات ، اكسسوارات ، و مال النقال مذكر شسمونه !
همم ان شاء الله لمن اتقن الكرووشيه اعمل ثياب واكسسوارات به و اعرضها!
واشياء بالصوف و السيراميك .. جيه يعني اعمال يدوية


تشجعت لمن شفت طالبة بتوجيهي احين تبيع تيجان من الصووف مرة حلووين رووعه بجد!!
و عليها اقبال كبير ما شاء الله بهالسن و تسوي مشروع و تجارة !

تصدقين اختي قصايد ودي يصير لنا رابط احنا اللي عندنا تجاره نمارسها من البيت ونسويلنا معارض في المدارس والا مراكز او حتى صالات مثل اللي يسونه اخواتنا الخليجيات

يااريت والله يصير جيه ، بس هاي صعب كح ...
همممممممم تقدرون تعرضون بضايعكم في السوق ذا الي يصير كل مرة بمنطقة
مرة بالسنابس سوق الخميس و جدحفص سوق السبت و سوق الاربعاء مدري فوين!
لانه الاحظ ان الي يصير في منطقتهم يستغلون هالشي ويحطون اغراضهم ويعرضونهاا للبيع
فيه بعضهم يطبخون ويبيعون اكل شراات ورق عنب وهاي السواالف !! ينجحون :tongue:!!


همن الي يعرف يسوي اعمال يدوية فاتحين توه مجمع مدري شسمه خاص بالاعمال اليدوية
بسأل ربيعتي وبقول لكم .. ^^ تقدرون تعطونهم بضاعتكم وايد ناس يتشرون من اهناك
حتى اجانب يجون أذكر لمن زرته حملة من الاجانب جايين له بزيارة .......!

/
،

لي عودة اكيد :cool:
بنت النور يعطيج العافية ع الموضوع لج (f)

هلا اختي راعية الفراري اولا عجبني توقيعج وسويت لي مثل حركتج ان شاء الله ما يضايقج؟؟؟

ثانيا شرفتيني بالموضوع شكرا..

ثالثا بخصوص اللي ياخدون ويدفعون اخر الشهر فعلا هذي مشكله نواجها وخاصه من الاهل ونستحي نخبرهم ان ما نبي احد ياخد بدون ما يدفع ولو على اللي يدفعون نهاية الشهر ويلتزمون ما عليه لكن اللي ينسون ان عليهم فلوس وانتي تستحي تذكرينهم هني المشكله ههههههه

يعني مثل ما يقول المثل التجاره يبغالها عيون قويه وما تخجل

لا جد مثل هالمشكله تقدرين تتلافينها بكتابة ممنوع السلف وتخبرين القريبات منج بشكل ودي حتى يساعدونج ويخبرون كلمن يبغي يتسلف وبجذي ممكن تتلافي المشكله ولازم تقوين عينج حتى تكوني تاجره شاطره >>> قولي لروحج هههههه

وبالنسبه لسفرة العجم فعلا مرغوبه من قبل الكثيرات بس تحتاج الى وحده ماهره وكل فتره لازم تغير وتجدد في السفره حتى يتقبلونها الناس..

حبيبتي انا اسوي بطاقات عمل يعني ( بزنز كارد ) للي عندهم تجاره او عمل خاص فيهم

يعني مثل وحده عندها صالون بالبيت وتعدل او تسوي دورات في المكياج اسويلها بطاقه تعريفيه توزعها على المعارف واللي تلتقيهم كإعلان لها اكتب في اسم صاحبة البطاقه ورقم هاتفها ونوع العمل اللي تسويه والعروضات اللي عندها وممكن الاسعار ...الخ

انا سويت بطاقه حق وحده مندوبة مبيعات وسويت حق وحده عندها صالون سويتها على اسم الصالون وسويت لوحده عندها تجاره في البيت تبيع ملابس واكسسوارات وخرز للاطفال ...

مشكوره مره ثانيه اختي راعية الفراري ونبغي تواصلج ويانا بإفكار جديده وما خبرتيني شنو رايج بالاقتراح اللي طرحته مع الاخت قصايد بخصوص نسوي رابط يجمعنا احنا اصحاب المشاريع الصغيره ونسوي لنا معارض مثل اللي يسونها اخواتنا الخليجيات ؟؟

انتظر رايج حبيبتي وراي جميع البنات طبعا

lost rose
وعليكم السلام والرحمه..

احنا بخير انتي شخبارج؟

اختي شي جميل ان يكون لج هوايه تمارسينها والاعمال اليدويه مرغوبه وتكون مميزه عن الجاهزه

بس شلون تسوقين شغلج ؟؟ وين تبيعينه؟؟

وبالنسبه لتعليقج على اقتراحي ((يااريت والله يصير جيه ، بس هاي صعب كح ... ))

ليش اختي صعب ؟؟ ما في شي صعب اذا ترابطنا ...

اما للإسواق اللي تصير متنقله من منطقه لمنطقه اشويه صعبه لانها تكون مفتوحه واحنا البنات نستحي نبيع جذي في مكان مفتوح على الشارع...!!!

وبالنسبه للمجمع اعتقد تقصدين مجمع العاصمه اللي في منطقة كرباباد ...

بس حبيبتي هذا المجمع مو كل وحده مسموح لها وثانيا الكوشك او الزاويه بإجار شهري اكيد مرتفع واحنا نبي شي يساعدنا على تنميت مشاريعنا الصغيره يعني المشاركه في معرض بيكون برسوم ندفعها بس ما تكون مرتفعه حتى ننشهر من خلالها..

وبعدها يكون عندنا راس مال لفتح مشروع اكبر ومحل خاص فينا ..

حبيبتي اتمنى تواصلج ويانا واذا عندج اي اقتراح او فكره ياليت تطرحينها ويانا حتى نستفيد من بعض

تحياتي لج..

{ هلا حبيباااااتي


^_^

اانا اعرف اصمم بالفوتوشوب

يعني ستايلات MOOD و بنرات للاعلان جي يعني

بس ماعندي دعم

وماعرف شلون ابتدي

احاول الحين انشر خدماتي بالنت بس لليلحن مافي اي جواب او طلب


ومب عارفة شاسوي

ابي ابتدي باشياء صغيرة وعقب اصمم منتديات وواجهات وجي


بس مب عارفة شاسوي

:)" لا مب مجمع العااصمة لانه الي دخلناه مجاني مب بفلووس ^^ اي وحدة تقدر تشاارك فيه
ماكوو ايجار
^^ اما بالنسبة للاسواق المفتوحة عادي اذا قعدتي بصووب فيه كل نسوان اذكر لمن رحت سوق الخميس
بالسنابس كانن الحريم يالسات بصووب والرجال بصووب حبيت هالشي ^^!!

انا اعرض اعمالي على الاهل و بنات الصف و فـ النت .. حتى الربع
وخالتي تشتغل مدرسة فعرضت عليّ لو عندي اي شي ابا ابيعه تاخذه تعرضه على البنات والمعلمات
و هم يسوون لي دعاء فينتشر ..^^"!

/
،

همممم والله الغالية اتمنى فعلاً لو يطبق اقتراحج لانه شي حلوو
اذكر وحدة سعودية اسمها miss.nor اهي فنانة بالاساور تبتكر فيهم ما شاء الله عليها
كنت اكلمها عن مشروعي اتقول انه ماكو عندكم بازرات ..
قلت لها ايش يطلع بازارات
اتسوي مكان تعرض فيه التاجرات و سيدات الاعمال اغراضهم للبيع..
قلت لا والله ماكو اول مرة اسمع عنه !!

اتمنيت من خاطري لو يكون عدنا جيه !!
بس تعرفي ربيعتي مشاركة بجمعية ... هالجمعية تنظم مثل هالشي
راح احاول معاها يعملو يوم حق التسوويق .. و حق البنات بس!!
و نشووف كاقتراح ؟
اش راايكم؟

اممممممممم والله الموضوع حلو
وبالنسبة حق اقتراحج اختي بنت النور بعد حلو وجان زين في جذي تجمعات او تشجيع للبنات

وانا في بالي وايد اشيا وكل فتره يطلع في بالي اختراع خخخخخ بس مشكلتي اول شي اذا بييب بضاعه معارفي قليلين ومو من النوع اللي بيساعد وبيبيع معاي او بيسوي اعلان
وثاني شي وهو اهم شي راس المال مو متوفر، بما اني للحين طالبة في الجامعه

انزين سؤال، الحين المعارض اللي تصير في الخيام نفس سوق واقف والرفاع مايصير اللي يبي يشترك؟؟ يعني اذا واحد يبي وين يروح؟؟ وبجم وشلون؟؟

اختي لوست روز صديقتج في اي جمعيه؟؟
واقتراحج بعد حلو :shy:

مرحبا.....انا نفسكم عندي بعض الاشياء الي ابيعها على قدي
كريمات وعطور واشياء وايد حلوه وباسعاره زينه
لكن بالبحرين صاير صعب محد يشتري بسرعه .وتلاقي الوحده صعوبة بالموضوع
من جذي الوحده يصيدها احباط
تمنياتي بالتوفيق للجميع