بنات البحرين تعالوا نتشارك الافكار ونسوي مشروع صغير

اسعد اوقات المتواجدين بهالموضوع الشيق....مشكلة الخجل مشكلة يعني نملك الرغبة ونسعى لكن يوقفنا الخجل ونتردد. المشاريع البسيطة وايد وسهلة لكن !؟
مثل ماقلت لكم انا عندي بعض الاشياء اليذكرتها سابقا للبيع وبنفس الوقت مندوبة لشركة ومرتاحة وايد بانضمامي لها وفي استفادة لكن الخجل من عرض الكتالوج يمنعني من المواصلة دائما
وعموما حبيباتي الي تبي تكون مندوبة اقدر اساعدها وبكل سعادة
بالاضافة الى مشاريعكم الصغيرة
دمتم بحفظ الباري.

السلام عليكم ...

شخباركم يا حلوات ؟؟؟

اسعدني كثيرا تواصلكم وتفاعلكم مع الموضوع ..

ان شاء الله دووووم يارب ...

حكاية غرام حبيبتي ياليت توضحين فكرتك من غير ما يكون فيها نوع من الدعايه

نحن في الانتظار غاليتي ...

مشرفتنا الحلوه انا حلوه اسعدني تواصلج وياليت تساعدينا من خلال خبرتك في شلون نقدر نبدأ ونتواصل ..
ولك ودي وتحياتي ...

اختي قصايد اللهم امين يارب نوصل لنتيجة حلوه من هالتجمع الحلو
وان شاء الله راح اتواصل معاج ومع البنات الجادات في الموضوع ..

واتمنى مثل ما عملت الاخت قصايد كل وحده تحط لنا بطاقه تعريفيه عنها ..

غياب الروح اهلا وسهلا ويسعد مساج يارب ..

اتمنى اختي تخبريني شنو يصير معاج عن الجمعيه وانا مستعده بعد موافقتهم ارتب الموضوع واجمع البنات ..

مساء الورد حبيبتي دام عندج اراده ووقت بس تنقصج لفلوس ابتدي بشيء بسيط من البيت وان شاء الله اذا قدرنا نجتمع من خلال معرض تشاركينا ..

اما سؤالج من وين ناخد البضاعه للمتاجره انا عن نفسي اجيبها من برى البحرين ما ادري عن باقي البنات واذا حابه اساعدك في جلب البضاعه راسليني على الخاص.. موفقه

انا الشوق شكرا للاعلان وان شاء الله الطالبات الجامعيات يستفيدون من هالمعرض واللي طالبه جامعيه وما عندها شي تشارك فيه وحابه تشارك ياليت تتعاون مع البنات في هالتجمع وتعرض بضايعهم منها تفيد ومنها تستفيد اكيد ما بيقصرون معاها ...

اختي رقم شكرا على فكرتج وهي شي راقي وقمه في الروعه لو نسويه لنا احنا كرابطه
وياليت لو تعرفين هالبنت تراسلينها اذا نقدر نشاركها في موقعها بعرض بضايعنا او حتى نسألها شلون سوت هالموقع وكم كللفها...

ريم البوادي حبيبتي هذي المشكله اللي اغلبنا نواجهها ..
وهي صعوبة التسويق عن طريق البيت فقط..
وان شاء الله نطلع بنتيجه من هالموضوع وهذا التجمع ونقدر نتجمع في مكان ونسوق بضاعتنا من خلاله ..
نتمنى تواصلج في الموضوع وطرح افكارج حتى نستفيد من بعض ونطلع بنتيجة..

أم سلمان الحلو الله يخليلك سمان يارب واولادك الباقين ..
ماشاء الله حبيبتي عندج مواهب مختلفه حرام تضيعينها من يدج وبعدين اذا على الوقت ممكن تخصصين لج وقت معين كأنج بالدوام وتمارسين في هواياتج ومواهبج وتستفيدين منها ...
ولما تبدي تنتشر سمعتج وتنشهرين تقدرين تشغلين معاج مساعده ...

وبالنسبة لجمعية رعاية الامومه ممكن تعرفين لنا تفاصيل اكثر متى يسون هالمعرض وهل في امكانيه يقبلونا معاهم لانه بالعاده هالنوع من المعارض يكون عندهم ناس معينين يكونون مسجلين بشكل سنوي يعني ما يكون في مجال لانضمام احد اخر معاهم...


موفقات حبايبي ونتمنى مشاركات اكثر وافكار اكثر ...

{ اهلا خواتي

ان من فترة الصراحة

حابة اني اسوي موقع لنا

بس ماعرف شلون

انا اعرف اصمم المنتدى واسوي له اعلانات


لان لو في موقع لنا بيفيدنا وااايد

نفتتحه

ونحط فلوس للاعلانات في المتنديات المعروفة


بتكوون بداية حلوة لنا

ولا انتوا شرايككم ؟؟

بنات البحرين بلييز ساعدوني اانا من لكويت ناويه اييب منتجات زوجيه من البحرين حاليا لقيتلي موقعين خذيت ارقامهم وابي تاجرات اذا تعرفون واسواق للجمله


والله يوفقكم ويزاكم الله الف خير

السلام عليكم ورحمة الله وبركاته..
شخباركم خواتي .. انا عندجي فكرة تي شوب.. يعني مقهى للشاي فقط بجميع انواعه .. وديكور حلوووووووو نشتريه من شرق اسيا والاجهزة نشتريها من الا مارات س المشروع محتاج لراس مال ..

السلام عليكم .. بسالكم بنات متى يبدء السوق الي بجامعة.. ؟؟؟ تااااااااااريخ كم؟؟؟

السلام عليكم ..

صباح الخير بنات ديرتي..

شخباركم عساكم بخير؟؟

ShwaQy حبيبتي فكرة الموقع كثير حلوه ودام عندنا اللي يعرف للموقع اكيد بيسهل علينا العمليه

بس محتاجين اول شي نجمع الرابطه ونشوف العدد ونقيم مدى الجدية بالعمل بعدها نأسس لنا موقع واكيد بنعينك انتي على الموقع ..

اتمنى اشوف راي الاخوات في الموضوع ..

الاخت D_AL-mesfer اظن رديت عليج على الخاص وانتظر رد الاخت اللي كلمتك عنها وان شاء الله ارسلك رقمها تتواصلين معاها ..

ملكة الصمت مشروعج حلو وفكره جديده في السوق اعتقد ما عندنا محلات للشاي دايما نشوف محلات للقهوه كوفي شوب اما تي شوب شي جديد من نوعه ..

يعني لو صار راح يكون لج السبق في هذا المشروع بس مثل ما قلتي يبغيله راس مال كبير هل تملكين هالراس المال؟؟
ولازم تعملين دراسة جدوى للمشروع وتشوفين اشكثر يكلفج ؟

وهل تحتاجين شريكه معاج؟؟

ياليت توضحين هالامور عشان البنات اللي تعجبهم فكرتج وحابين يشاركونج يتفاعلون معاج ويعطونج افكارهم واقتراحاتهم ويدخلون معاج شراكه ...

موفقه يالغاليه واما بالنسبه لمعرض الجامعه ما عندي فكره ان شاء الله البنات يخبرونا متى بيكون...

تحياتي ..

مرحبا بنوتات شلونكم
اول شي فكرة الموقع فكره ممتازه خصوصا للي مثلي عندها عيال وما تقدر تطلع من البيت وايد اتابع شغلها من الموقع واللي احلى المشاركه والتعاون
ثاني شي
امس وانه افكر في مشروع ياتني فكرتين اولها اني اييب بضاعه واخل لي مندوبه من المجموعه يكون عندها معارف وجريئه تقدر تسوقها عني وطبعا لها نسبه من الربح ياليت اللي تشوف روحها تقدر تراسلني
وثاني فكره ان كل وحده اتيها فرصه تسوي دعايه حق اي وحده من المجموعه او البنات الموجودات ما تتاخر مثلا انه بعد كم شهر انشاء الله بولد ومحتاجه لتوزيعات اخلي اللي عندها هذي الموهبه تسوي لي التوزيعات وتخلي على كل حبه بزنس كرت لها عشان اللي بياخذون التوزيع بيعرفون من وين مسويتها من الكرت اللي عليها وطبعا اللي بسوي الكرت تحط رقمها من اسفل الكرت على اليسار او ورى الكرت بخط صغير عشان تنعرف ولازم تكوت اشياء حلوه ومميزه عشان تلفت الانتباه هذي شي وكل وحده بطريقتها
شرايكم بفكرتي الجهنميه خخخخخخخخخخخخخ

مشكوره اختي بنت النور على تعاونك معاي
اذا ماعليج امر
من وين مثلا تيبين البضائع اذا ممكن

ريم البوادي افكارج حلوه والله يقومج بالسلامه يارب

وهل تعاقدتي مع حد يسويلج توزيعات الولادة؟؟

مساء الورد اختي العفو حاضرين

حبيبتي جيكي الخاص رديت عليج...

بنت النور مو مشكله بشوف اكبر عدد ممكن لان باخذ كميه

وان شاء الله ما اتضايقين بس ناطرتج للحين

بنــت النــور
هلا اختي لا لين الحين ما تعاقدت بس الفكره في بالي بس انتظر الوقت المناسب حق التنفيذ
قصايد
هم فكرتج حلوه نوع من التبادل التجاري

عندي استفسار اشريكم يا بنات في تجارة الانجري في البحرين هل هي ناجحه او لا؟ وين البنات التجاره يبي لها نشاط وشطاره

اللي سألت عن معرض الجامعه بيكون تاريخ 1-4
ويوم واحد فقط
انا تحمست للمعرض وحسيت انه ياي في وقته بس بيكون في نفس الوقت عندي محاضرات
فمب عارفه للحين اذا بشارك فيه ولا لا
ولا سألت عن التفاصيل بعد خخخخخخخخ

قصايد حبيبتي فكرتج وايد حلوه
العرض التجاري خاص بتاجرات عروس .. المشرفة
اختي D_AL-mesfer لا لا عادي اخدي راحتج من حقج حبيبتي ..

ريم البوادي حبيبتي الله يعطيج العافيه يارب

واذا قررتي تسوين توزيعاتج لا تروحين بعيد عندج البنات هني اظن اكثر من بنت عندها هوايه وموهبة عمل التوزيعات للمناسبات وهالله هالله بالدعايه الزينه كل وحده تسوي اعلان للثانيه عشان يصير تواصل بينه وننجح بمشاريعنا..


اما لتجارة اللانجري والله يعتمد على اللي حوالينج جسي النبض فيهم شوفيهم من النوع اللي يحبون يشترون هالسوالف او لا واذا تبين تسوقينهم بطريقه ثانيه واوسع اكيد في لهم زباين وان شاء الله البنات اللي عندهم خبره في هالنوع من التجاره يفيدونج اكثر موفقه يالغاليه..

أنا الشوق مشكوره حبيبتي
بس ما قلتي انت شنو حابه تشاركين فيه؟؟
وما يصير توقفين احد مكانج بوقت المحاضرات ويكون بإسمج ؟؟

هلا خواتي

حابه انا اشترك معاكم

مع اني توني مبتدا

لكن نجرب

بنت النور شصار على موضوعنا ييتي جربت ان شا الله للبحرين

ليش جذي ليش مافي تفاعل وينكم يا بنات البحرين

بنت النور
ولا يهمج انشاء الله لين تفرغت بدور على وحده مع اني ما اشوف البنات متحمسين بس انشاء الله خير

قصايد
انه حاليا ما عندي بضاعه بس مسويه طلبيه على لانجريهات بيوصلوني بعد 20 يوم واذا عندج شي تبيني اسوقه لج انه حاضره في الوقت الحالي لين توصل بضاعتي

ريـــم البــوادي;5227238:

وثاني فكره ان كل وحده اتيها فرصه تسوي دعايه حق اي وحده من المجموعه او البنات الموجودات ما تتاخر مثلا انه بعد كم شهر انشاء الله بولد ومحتاجه لتوزيعات اخلي اللي عندها هذي الموهبه تسوي لي التوزيعات وتخلي على كل حبه بزنس كرت لها عشان اللي بياخذون التوزيع بيعرفون من وين مسويتها من الكرت اللي عليها وطبعا اللي بسوي الكرت تحط رقمها من اسفل الكرت على اليسار او ورى الكرت بخط صغير عشان تنعرف ولازم تكوت اشياء حلوه ومميزه عشان تلفت الانتباه هذي شي وكل وحده بطريقتها
شرايكم بفكرتي الجهنميه خخخخخخخخخخخخخ