بنات البحرين تعالوا نتشارك الافكار ونسوي مشروع صغير

ايه والله صاجين هني مايمشي شي بسرعه
زين جربوا بيعوا في المنتديات كبدايه، هذا اذا كانت بضاعتكم مميزه
وبعدين بيصير عندج معارف في دول ثانيه وممكن يصيرون مندوبات لج

همس الثلج

مشكورة حبيبتي على الرد
واحس ان هاذي الفكره حلوه يعني كذا وحده يشتركون في محل واحد ويبيعون فيه
لان ماشاالله هالمعارض يصير عليها وايد اقبال من الناس

اختي shawqy

دام عندج خبره في الفوتوشوب وهالسوالف ممكن تصممين بطاقات زواج مثلا وباسعار رمزيه وبعدين شوي شوي تتوسعين بمشروعج

انا عني، عندي مواهب مسكينه بس محد يدري فيني :dd:
يعني مثلا توزيعات الاعراس، الولادة ، اي شي فيه تزيين وحركات
يعني الحمدلله ولا مره سويت شي ماصار حلو
بس بعد الموضوع يبيله تشجيع

بنــت النــور;5198658:
هلا اختي راعية الفراري اولا عجبني توقيعج وسويت لي مثل حركتج ان شاء الله ما يضايقج؟؟؟

ثانيا شرفتيني بالموضوع شكرا..

ثالثا بخصوص اللي ياخدون ويدفعون اخر الشهر فعلا هذي مشكله نواجها وخاصه من الاهل ونستحي نخبرهم ان ما نبي احد ياخد بدون ما يدفع ولو على اللي يدفعون نهاية الشهر ويلتزمون ما عليه لكن اللي ينسون ان عليهم فلوس وانتي تستحي تذكرينهم هني المشكله ههههههه

يعني مثل ما يقول المثل التجاره يبغالها عيون قويه وما تخجل

لا جد مثل هالمشكله تقدرين تتلافينها بكتابة ممنوع السلف وتخبرين القريبات منج بشكل ودي حتى يساعدونج ويخبرون كلمن يبغي يتسلف وبجذي ممكن تتلافي المشكله ولازم تقوين عينج حتى تكوني تاجره شاطره >>> قولي لروحج هههههه

وبالنسبه لسفرة العجم فعلا مرغوبه من قبل الكثيرات بس تحتاج الى وحده ماهره وكل فتره لازم تغير وتجدد في السفره حتى يتقبلونها الناس..

حبيبتي انا اسوي بطاقات عمل يعني ( بزنز كارد ) للي عندهم تجاره او عمل خاص فيهم

يعني مثل وحده عندها صالون بالبيت وتعدل او تسوي دورات في المكياج اسويلها بطاقه تعريفيه توزعها على المعارف واللي تلتقيهم كإعلان لها اكتب في اسم صاحبة البطاقه ورقم هاتفها ونوع العمل اللي تسويه والعروضات اللي عندها وممكن الاسعار ...الخ

انا سويت بطاقه حق وحده مندوبة مبيعات وسويت حق وحده عندها صالون سويتها على اسم الصالون وسويت لوحده عندها تجاره في البيت تبيع ملابس واكسسوارات وخرز للاطفال ...

مشكوره مره ثانيه اختي راعية الفراري ونبغي تواصلج ويانا بإفكار جديده وما خبرتيني شنو رايج بالاقتراح اللي طرحته مع الاخت قصايد بخصوص نسوي رابط يجمعنا احنا اصحاب المشاريع الصغيره ونسوي لنا معارض مثل اللي يسونها اخواتنا الخليجيات ؟؟

انتظر رايج حبيبتي وراي جميع البنات طبعا

حلال عليج حبيبتي اخذي اللي تبين من التوقيع ههههه
وصح كلامج في كل كلمة قلتيها
ورأي في المعارض والله فكرة حلوة انا اشوف الامارات عندهم هذي الاشياء وحلوه المشاريع هذي
بس من اللي راح يسوي لنا المعارض ،، صح مشكلتنا تقول ان مافي معارض ،، من يسوي لنا وكلنا تشاؤم بس هذي الواقع اللي احنا عايشين فيه ،،
ياريت يكون هني مجموعه بنات تفكر وتقترح لكي نتشارك في مشروع ونطورة مع الايام ،،

{ هلا بنوتات

انا الشوق

حلوة فكرتج

بس شلون ابتدي

يعني مثلا اي حد بيولد من الاهل اسوي له حركات او اي حد عنده مناسبة !!


ويمكن حد من الي يزورونهم يجوفون شغلي صح؟


امممم
اذا جي ليش لا

بس حاليا عندنا حامل وحدة خخخخخخ

وانا دخلت دورة تصميم ستايلات للمنتديات

والله يوفقنا ^_^

مرحبا للجميع....لو تجتمع الافكار يصير مشروع كبير وناجح
اما عن نصيحتي لك همس الثلج اختاري الي يناسب ذوقك ويكون بسعر زين
مثل الاكسسوارات الكريمات العطوروالبخور هالاشياء لها ناسها وسوقها
والله يوفق الجميع

السلام عليكم ...

شخباركم تاجرات البحرين ؟؟؟؟

عساكم بخير ..

ما شاء الله طلع الكل عندها مواهب وتجاره مو هينين تراكم يا بنات هذا شي زين

وابد ابد ما نبغي اليأس ياخدنه وفتحنا هالموضوع عشان نتناقش شلون نقدر نتعاون ونطلع بتجارتنا الى النور نبغي كل وحده عندها اقتراح تخبرنا في لا تقول لا ما نقدر نسوي وصعب قوليه واللي تقدر تسوي شي وتساعد الجميع لا تبخل

يعني من كلامكم الحين عندنا مصممة منتديات واعلانات وفي موهوبات في الاعمال اليدويه وفي تاجرات ملابس واكسسوارات وعطورات وبخور ومكياج ومصممة بطاقات عمل ....الخ

ما تلاحظون انها سوق متنوعه لو اجتمعنا ؟؟!!

حبيبتي lost rose ياليت لو تتحركين بالموضوع مع صديقتج وفكرتج ممتازه

ممكن نبدأ من خلال اسواق خيريه او اسواق مهرجانات بتنظيم من جمعيات نسائيه

وعشان جذي احنا محتاجين نشكل رابطه خاصه فينا حتى اللي تقدر تتعاقد مع جمعيه او مؤسسه خيريه او ما شابه تخبر الرابطه ككل شنو رايكم ؟؟؟

راعية الفراري مشكوره حبيبتي كلج ذوق ...

عزيزتي ((بس هذي الواقع اللي احنا عايشين فيه )) كللش ما عجبتني هالكلمة فيها استسلام ويأس للواقع لا لا لا
بسم الله الرحمن الرحيم
((ان الله لا يغير ما بقوم حتى يغيروا ما بأنفسهم)) صدق الله العلي العظيم

لازم نبدأ بأنفسنا نشيل هالتشاؤم وبعدها ننطلق ثقي بنفسج وبقدراتج وانطلقي الى العالم شوفي تتغير هالنظره او لا ...

وكلامج ((ياريت يكون هني مجموعه بنات تفكر وتقترح لكي نتشارك في مشروع ونطورة مع الايام ،،)) وايد عجبني هذا اللي نبي نبغي افكار واقتراحات حتى نطور نفسنا

وفعلا العمل الجماعي يكون افضل انا اقترح كل وحده اللي تشوف في مقدرتها تسوي شي وينقصها شي ثاني موجود عند غيرها ممكن تتعاقد معاها وبجذي يكملون بعض ويصير شغلهم ناجح ..

والا شنو رايكم بنات؟؟؟!!

غياب الروح انا معاج ((لو تجتمع الافكار يصير مشروع كبير وناجح))
مشكوره على مرورج وياليت تتواصلين ويانا وتعطينا افكار واقتراحات شلون نجمع الافكار ونسوي المشروع؟؟

{ هاي بنات

احنا عندنا مواهب مختلفة

بس شلون نجتمع

؟؟


لو اجتمعنا ممكن انسوي اشياء حللوووووة


فكروا ويياي بس

اهلين حبيبتي ShwaQy

فعلا عندنا مواهب مختلفه وممكن كل وحده تكمل الثانيه..

ممكن انا اساعد في ابدأ بخطوه عشان نجمع الرابطه

وهي ان اخد اسماء وارقام البنات ونوع نشاطها او تجارتها او موهبتها او حتى اللي عندها رأس مال وحابه تبدأ مشروع ومو عارفه تراسلوني على الخاص حتى اسوي قائمه بإسمائكم وممكن اذا صار سوق خيري او مهرجان او ممكن احاول اتصل في بعض الجمعيات اطلب منهم ان نعمل سوق خيري برعايتهم واللي عندها معارف مع جمعيات تتواصل وياي

وشرايكم بنات ؟؟؟ اللي حابه تطرشلي معلوماتها

وياليت تطرحون افكاركم حبيباتي ..

هلا بنات ،،،،،
يمنع مشاريع تبادل الاموال بين الاعضاء .. المشرفة

السلام عليكم

افكاركم حلوة و لو يتم تنفيذ بعضها بتحققون اهدافكم

بالتوفيق يا رب

صباح الخير....بنت النور
وباقي خواتي الي معانا...الله يسعد صباحكم بكل خير
فكرة حلوه جدا المشاركة الجماعية وتتحقق طبعا في الاسواق الخيرية والجمعيات
عني بحاول اشوف الجمعية التابعة انا لها واعتقد لو صار راح نسعد جميعا بالخطوة
تمنياتي بالتوفيق للجميع.

فعلا اخت قصايد...بطاقة التعريف مهمه
لنوع البضاعة الي متوفرة عندك وهالشي مهم جدا
عن نفسي
غياب روح
من البحرين الغالية
نوع البضاعة
كل مايخص البشرة والجسم....عطور مختلفة....اكسسوارات
وبعض الملابس احيانا(بجامات وملابس داخلية)
دمتم جميعا بود
ونبي التفاعل والمشاركة الجدية

سلام عليكم

حبيت اشاركم في الموضوع لاني من فتره افكر في مشروع صغير
لكن ما لقيت.
فكرت في فتح كوبي سنتر بس ياخذ ميزاني كبيره و انا ما عندي
واذا وحده تفكر لي في مشروع اسويه مع العلم انا معارفي قليله جدا
بس ابي اسوي مشروع ادخل منه

وان باخذ بعض من افكاركم و باجربها
لكن وين عندنا في البحرين نقدر ناخذ بسعر اقل
مثل العطور و الكريمات الجسم و غيرها من هالاشياء
و لا انسى اقول لكم اني فكرت اشتري عن طريق النت و ابيعه

شخباركم صبايا؟؟؟

بس حبيت اقول لكم اذا وحده منكم طالبة في جامعه البحرين ترى بيكون عندهم سوق حق البضايع او الاعمال اليدوية
وفيه اقسام حق
الرسم
الاعمال اليدوية
الطبخ
التجميل
الموسيقى
التصميم (ببرامج التصميم بالكمبيوتر)
وحتى لو عندكم بضاعه تعرضونها
بس حق الطلبة والموظفين

أنا عندي فكرة

بس للأمانة أنا مو صاحبة الفكرة ... بس شفت وحدة من الأخوات مطبقتنها وجداً حبيتها ... هي الأخت من البحرين وعضوة في عروس بس للأسف ناسية اسمها ... أعرف اسمها في منتدى ثاني ، مسويه موقع للتسوق الموقع جداً مرتب ومنظم وعملية البيع والشراء روعة قمة في النظام

أنا مرة شريت شيء وكان مكتوب أن التوصيل مجانا والدفع عند الاستلام وما توقعت أن يجيني اللي طلبته مغلف تغليف DHL .. حطيت رقم تلفون زوجي وكان مكتوب أن الخدمة لا تتجاوز الــ 24 ساعة ، وفعلا في نفس اليوم اتصلوا فيه وكان في الشغل قاله اللي اتصل أنه في نفس منطقة شغله وبيمره ألحين ... سلمه المغلف واستلم الفلوس وداخل المغلف كانت الفاتورة مع المطلوب ... ولما دخلت الموقع كان مبين على الطلب أنه تم ... الخلاصة أن العملية احترافية

ومن مدة عجبني كلينكس مسح صبغ اظافر لكن ما طلبته لانه الشيء الوحيد اللي كنت أبيه ... اهني تمنيت أن الموقع شامل وفيه بضايع أكثر ... هو شبه تخصصي ما فيه تنوع

وللحين أتمنى موقع مماثل أو نفس الموقع بس يكون شامل ... ثياب ... شنط ... عطور ... اكسسوارات ، خدمات بطاقات توزيعات إلخ

أحس أنه لو أتنفذ صح بيكون من أجمل المشاريع وأكثرها نجاحاً ... بس تكون البضائع مختارة مو تمشية كلام وأسعارها مناسبة

ممكن تشوفوا الأخت وتقترحوا عليها المشاركة وتدفعوا أجرة معينة " أجار الموقع وتكلفة التوصيل " أو تستفيدوا من الفكرة

هلا والله ببنات ديرتي
كنا محتاجين هالشي من زمان الترابط والتعاون
الله يوفقكم انشاء الله في كل خير
بالنسبه لي ابي ابدى في مشروع براس مال صغير ومحتاره وكل ما افكر في مشروع تطلع تكلفته كبيره ولو ببدى مشروع من البيت بتكون فكره فاشله بالنسبه لي لني معارفي جدا قليلين وما عندي الجرأه الكافيه ياليت لو تقترحون علي لني محتاجه ابدى بمشروعي الخاص واكون لي دخل خاص فيني

السلام عليكم و رحمة الله تعالى و بركاته،

الله يوفقكم أجمعين يا رب .. أني مثلكم من زمان و أني حابة أسوي لي مشروع بس عندي عائقين .. الأول إن عندي أولاد صغار و مو حابة أنشغل عنهم و الثاني خايفة إني ما أنجح ... السالفة و ما فيها إني أحب المكياج و يقولون إني أعرف أحط زين و حابة أشتغل بهالشي لأني بصراحة أستمتع بالشغلة و عندي هي مثل الهواية .. حتى فكرت إني في البداية أحط بأسعار رمزية ما تتجاوز 5 دنانير أو حتى ببلاش عشان أسوي دعاية لنفسي بس مثل ما تقولون مستحية شوي و بعد عشان أولادي إللي قلت ليكم صغار و ما أقدر أتركهم

و بعد عندي هواية ثانية هي عمل التوزيعات .. مرتين سويت توزيعات القرقاعون لأولادي و الصراحة طلعوا حلوين و توزيعات ولادتي الثانية بعد سويتهم بنفسي و تعبت عليهم عدلو كان شي مميز سويت حقل كبير حوالينه سور و على جهة فيه أشجار و جهة ثانية بيت و وسط الحقل صفيت التوزيعات إللي هي عبارة عن شوكلاتة بعضها معاها حيوانات المزرعة (بطة أو دجاجة أو خروف أو حصان أو بقرة) بس سويتهم بنفسي بخلطة من الطين و يوضع في قوالب خاصة و لونتهم بنفسي و قسم ثاني من الشوكلاتة معاه فراشات و قسم ثالث من الشوكلاتة معاه وردة بيضاء من السيراميك من خلطة أني بنفسي مسويتنها و ملونتنها .. الصراحة طلعوا حلوين .. و لما ولدت حماتي بعد سويت ليها توزيعاتالولادة و هي عبارة عن قرآن مغلف بورق و خرز و شرائط و ديكور الغرفة كان على هيئة فراشات و ورود عملتهم بنفسي و كان شي مميز و الكل مدحوا فيه و الحمد لله

بس المشكلة إن هالأمور تاخذ وقت مني و للأسف وقتي ضيق و بعد أخاف إني ما أجهز الأشياء في الوقت المطلوب و الناس تزعل مني ...

على العموم أتمنى إن شاء الله إن رب العالمين يسهلها عليكم و علي و إن في يوم من الأيام تبصر تجارتكم و تجارتي النور و نكون من الناجحين و نتوفق يا رب

سلام ..

على فكرة يا بنات نسيت أقول ليكم إن جمعية رعاية الطفل و الأمومة تقيم بين كل فترة و الثانية سوق لبيع مختلف البضائع للسيدات طبعاً و ذلك في مقر الجمعية في مدينة عيسى (بالقرب من مدرسة إبن خلدون) و لو تشوفون رغم إن بعض البضائع ما تستاهل السعر إللي تنباع فيه لكنها تمشي .. مثلاً سمعت إن مرة وحدة باعتهم صابون سوفتي لليدين إللي على عود و سعرة 600 فلس بدينارين أو دينارين و نص مو متأكدة ألحين .. و تصدقون إشتروا منها ... بس إللي حابة تشارك في سوقهم خلها تتصل بالجمعية و تستفسر منهم بس عاد لا تتضرب بالأسعار مثل إللي كلمتكم عنها عشان بعد سمعتكم تكون طيبة بين الناس .. و موفقين يا رب