قبل لا تدخلين اعرفي انج اذا دخلتي لازم تكتبين مشروعج والا لا تدخلين....

وانا خاطري أأسس شركة تدريب واستشارات على مستوى

أنظم دورات تدريبية للشركات والجهات الحكومية والخاصة ،، وتكون لها أفرع في دول الخليج كلها

دايما أحلم بهالشي ،، لأني أحس شي حلو إنك تفيد وتستفيد

وانا عموما احب المجالات الي فيها تطوير الذات ،، تستهويني


الله كريم ،،

الله يحقق امنيتي وأمنية كل البنات يا رب

ويرزقنا رزق حلال

نفسي في مشروع للحنه ماشاءالله حلو ويكسب بس لازم اسافر واجيبهم وانا ماعندي حد يروح معاي الهند :((

مشكورة حبيبتي على الموضوع الجيد وأنا نفسي في محل تطريز أشتغل وأبيع يارب أتتمنى التوفيق للكل

نفسى اعمل مشروع يناسب الدخول البسيطة وانا عندى فكرة وهى التجارة بالملابس المصرية الجميلة الجيدة والرخيصة لانها مش ماركة
بس نفسى اتاجر عن طريق المنتديات لكن مش عارفة ازاى خصوصا انى لسة عضوة جديدة
ممكن اللى عندها اى معلومات او تقدر تساعدنى ترد عليا او تبعتلى على الخاص ..... وشكرا

موفقين خواتي

ولله الحمد

مشروعي تصميم فساتين وجلابيات بتصميمي وابتكاراتي ولله الحمد لقت صدى ولقيت قبول من بنات قطر


والله يوفق الجميع

مشتاقة لقطر;5358732:
الللللللللللله

احلى موضوع


انا ودي اسوي مكان بقطر للنساء يعني مثل النادي اللي بالافلام المصرية

يكون فيه كل الانشطة والترفيه

واهم شي الامان والسرية للنساء

دايما افكر بهالشي لو حطيت عاملة اجنبيه وما تخا ف الله وصورت بنات خلق الله

بس هذا حلم مستقبلي ان شالله

مشرع وااااااااااايد حلو نفس اللي عندنا في الامارات مكان اسمه الشريعه في منطقة العجبان
واااااااااااايد حلو خاص للنساء ولا في أي حد بس النساء فقط
وله الخصوصيه التامه
فيه مسبح ومدربه تعلم السباحه وفي نادي صحي وصالة رياضه بأجهزتها وفي حمام سونا ومدربة ايروبيك وحديقه كبيره للأطفال فيها ألعاب متنوعه ومدربة كراتيه

وفي معرض للتاجرات يبيعون فيه وأشياء واااااااايد
وفي بعد مكان اذا كنتي حابه تسوين فيه حفله وتبون تاخذون راحتكم يالبنات هم موفرين هاأشياء وشي بعد مطعم والخ...


بس تعبت

عزيزتى انا مشروعى هو شراء اشياء من ماركات معروفه وبيعها بهامش ربح بسيط لاكن مش عارفه اسوق فين لانى اعيش فى جدة والمجتمع هنا منغلق على نفسه لو عندك اقتراح يا ريت تقوليه:sm229:

مرحبا

صراحه انا اغبطكم في امكانية عندكم ان الناس تشتري لكن في المكان اللي انا فيه معظم المشاريع تخسر وتتسكر وماتنجح....ويخسروا
يعني اللي يفتح صالون عندنا يسكره واكثر من محاوله واكثر من شخص لكن نفس النتيجة
انا خاطري اتاجر واذا الله وفقني وسهل علي بتاجر عالنت
واذا عندكم لي نصيحه لا تبخلوا علي فيها
جزاكم الله كل خير

مشكورة حبيبتي على الموضوع الجيد وأنا بصرحة اسوي لوشن للجسم وعطورات ريحتهم تهبل بس عندنا في منطقة مايشجعون الواحدها ع هذا شيء

بس الحين وقفت اسوي لوشن للجسم ولا عطورت لانهم كله يتكلامن الحريم اللي عندنا

بس عطيني الحل لمشكلتي اريد اتاجر وشلون قولي لي لاني معندي خبارها

السلام عليكم
انا احب اسوي صالون تجميل بس
بعدين اشكرك الامبراطوره على هالموضوع يعطيك العافيه والله يوفق كل البنات الي حلموا بالمشاريع
وشكرا

كثييير مشاريع تخطر ببالي

لكن اللي يمنعها ما يلي:


المدينة اللي انا عايشه فيها ما تساعد ابد

رأس المال

التحطيم وعدم التشجيع

ودي اصير تاجره او سيدة اعمال بس ماعندي افكار

امم.. اول شي اشكرج على هالموضوع..

و انا ما بتكلم عن مشروع ودي اسويه بتكلم عن مشروع امي..

امي تقريبا باديه في التجاره المنزليه من 5 سنين و الحمدلله الله موفقنها.. يعني موسم ركود و موسم طلب

شديد..

بس من فتره فكرة تسوي شي هو مب يديد بس يديد بالنسبه الها..

و كانت فكرتها انها تسوي مشروع خدمة ضيافه للافراح..و كانت اساس هالفكره انها تكسر قاعدة غلاء اصحاب

هالمشاريع+خدمة مميزة و تعجب الناس..

و المشروع من تجهيزات ما كلفها وايد.. بس للحين ما حصلت طلب عشان تثبت نفسها..

و التجارة يبالها صبر و هاه اهم شي...

اتمنى يعجبكم المشروع و تفيدوني اذا عندكم اي اقتراحات

عشان مااكون دخلت وماشاركت :$

بالاضافة إلى أني موظفة ،، حاابه انه تكون لي تجارتي البسيطه الخاصة ،، خصوصاً أني كنت أدرب طلبة بشكل مبسط لكن لاحظت النتائج بصراحة مبهرة ، لكن شوي كان يبيله تفرغ ودعم معنوي من الأهل


ان شاء الله أقدر أوصل لي الشي الي ابيه :)

انا نفسي يكون عندي صالون تجميل بس ناقصني راس المال اخذت شهاده كوفيرا وحاليا اشتغل فيها في البيت وعندي زباين بس لازم شهاده خياطه وانا ملي هوايه بالخياطه

انا عندي مشروع الشباصات بس ماعرف اتاجر فيهم عندي يمكن 70 شباصه من الي بقن مش معروضات في المنتدى لانهن شكل غير ابيعهم بس في الحاره عندنا ومشالله راحن 105شباصه والي اتريداتوقولي وانا اطرشهم لها بس في ابوضبي وبني ياس

انا خاطري يكوون عندي مشروع بس للحين قاعده افكر

انا من زمان كان نفسي اني اعتمد على حالي ويكون مصروفي في جيبي س ماكنت عارفه شنو بيصير تخصصي
الحمدلله لماتزوجت طلعت عندي حرفة المكياج واخذت دوره وتمرست على اهلي والحين مع الجيران والناس بعيدين يجون لي ولله الحمد وابيع مكياج والحمدلله تيسرت امووري وشي اشغل نفسي فيه
هذا مشروعي وحابه اطوره انشالله مع الايام
اتمنى ماطولت عليكم بس ماحبيت ادخل ولا اشارككم بمشروعي

وااااااااي جيتو على الجرح انا اصمم فساتين سهره مررررررررره خيال بشهادت الجميع بس للاسف ببلاش لاني ما اقدر افتح مشغل نفسي اكون مصممه ازياء بمشغل مو مصممه على الطاير وبلوشي والله صممت لاخواتي وصحباتي فساتين تخبل وكثير خذوها وفصلو زيها
طولتها صح وامكن تقولون مادح نفسه....لا هذا ماهو كلامي بس... بس من حر ما فيني..
الله ينولني وينولكم كل الي نتمناه وبصحه وعافيه..