قبل لا تدخلين اعرفي انج اذا دخلتي لازم تكتبين مشروعج والا لا تدخلين....

أهلين خواتي أنا حلمي إن الله يمدني أنا وعائلتي بالصحه والعافيه وحمدالله وشكره دائمآ وأبدآ..
أقولكم مشروعي نفسي أفتح روضة أطفال وأفتح من خلال تجارتي بيوت بعدالله سبحانه وتعالى (يعني إللي محتاج للوظيفه)
ياااااااااااااااارب توفيقك..لي ولأخواتي العرايس..

الله يوفقكم ان شاء الله...

بصراحه مبدعه يالامبراطوره على هالموضوع الي يلفت الانتباااه ويفيدنا كلنا..

انا واعوذ بالله من كلمة انا :shy:توني مبتدأه فالتجاره وابوي يزاه الله خير ساعدني يعني ((هو يتعامل مع واحد يبيع عسل بالجمله واشترا كميه وانا سويت دعايه فالعيله وبعت وبردله راس المال وباخذ ربحي صح مب وايد بس لانها البدايه ))وقلت اني بعرض العسل فالمنتدى بعد
ومن متى صارلي ابغي اشترك فعضوية التاجره بس ربي يهدي ابوي كل يوم يأجل روحة البنك عشان يدفع تعبت وانا احن بس شسوي بصبر ..وفوق هذا كله اتريا بعد حد يتكرم علي ويروح لشركة التوصيل عشان اتعامل معاهم بس لا حياة لمن تنادي :angry:

وعندي افكار عقب مايزيد دخلي:
انا احب الخلطات وسويت خلطه للشفايف لونها روعه وريحتها تهبل وخليت اهلي يجربونها وعيبتهم بصراحه وقلت بعرض المنتج فالمنتدى وبشوفه يمشي والا؟؟؟

وعقب اذا فتحها الله علي ابغي اشتري بضاعه من الكويت ((مهادات ولبس للبيبيات))واعرضهم فالمنتدى باذن الله واشوف الاقبال ..((ترا امي ربت من اسبوع وخالتي مطرشه هدايا من هناك حق البيبي ويتني هالفكره))

وربي يفرجها ويفتح علينا جمييييييييييييييعا يابنات

شوق ابداع;5289023:
حبيبتي تسلمين ع الموضوع
امممممممم
فديتني بديت بمشروع والله يوفقني يارب
تصميم شيل وتصميم مسكات حق العروس
واصمم علاقات موبايل وشنط وشبابيص
واشيا غيرها من ابداعات

تحياتي اختكم شوق ابداع

اتمنى ان تشرحوا لي لمن تصممون و كيف??
:15:

بوكيه ورد;6080779:
محل للزهور :9_28:
بس محتاره شو اختار له اسم :think:

سميه بوكيه ورد متل اسمك . اؤ بوكيه و الله يعاونك يا اختي(y)

انا بقي حبيت انضم اليكم بمشروعي الصغير الكبير
انا طول عمري بحلم ان يكون لي مشروع خاص و خاصه اني بحب مجال الشغال اليدويه و بعمل حاجات حلوة بشهادة اللي اتعامل معايا
بس المشكله اني حابه اتخصص في مجال المفروشات و اطور فيه بعمل اشكال رقيقة و اسعارها معقوله
و علشان ابتدي لازم يكون معايا ايد عامله و ديه احدي المشاكل لاني مش عارفه ممكن الاقيهم ازاي .
و طبعا ما ينفعش ابتدي لوحدي لاني مش هدي انتاج و الثقه فيا لو حد طلب حاجة و مخدهاش في معادها هتهتز .
وطبعا علشان اكون المجموعه اللي معايا لازم اكون اعرف مجالات تسويق مختلفه و انا مش جريئه قوي في عرض اللي معايا يعني في الحاجات اللي اتا عملتها قبل كدة شغلي هو اللي بيتكلم عني .

طبعا من القعده علي لنت حسيت ان ممكن مجال تسويق يفتح من خلال النت بس بصراحة انا مش عارفه ممكن يكون ازاي ازاي الناس ممكن تثق فيا و انا جديدة في المجال ده و ازاي يكون الشحن و التسليم و كل الحاجات ديه

معلش طولت عليكم بس بصراحة انا مش لاقيه حد ممكن يساعدني زيكم اصدقائي .

الله يوفقكم اخواتي

ماشاء الله المشاريع كثيرة بس السيولة مافيه

الله كريم

انا بعد خاطر ابيع بعظ الشغلات مثل جلابيات خفيفه وبخور وعطورات اتكون روايحه غاويه وسعرها مب وايد يوم اشتري او يوم ابيعهم بس ما أعرف من وين ابدء انا من بوظبي الي اتعرف من وين ايبون هيالاشياء اترد علي
التوفيق للجميع

الله يوفقكم كلكم




انا بخاطري وحلم الطفوله اسوي لي صالون خاص لي وانا اشتغل فيه
:o

والحمد لله بديت باول خطوة

وجمعت راس مال خفيف وبديت اطبق الفكرة على اهلي


:cool:

وانشاء الله اذا كبر راس المال راح اكمل وافتح صالوووون :D



ولكم خصم خايص يا بنات منتدى عرووووس

70% بس حق اللي تدعي لي


واللي ما تدعي :mad: برفع السعر عليها

والله اختي ضربتي على الوتر الحساس ماتصدقين اني بديت كتاجره بلحظه ومن وقتها سبحان الله الله وفقني...يعني تقريبا صار لي 3 شهور بس الحمد لله اتوفقت بس طبعا ودي اشتهر اكثر واكثر بس الله الموفق...انشالله بعرض بالنت والله يوفقني ويوفق الجميع.........اكيد تبين اتعرفين ابشو.....خخخخخ دخلت بعالم العطورات والدخون والخلطات والحمد لله اتوفقت بس مشكلتي في مندوبات والله يوفقني انشالله..... وربي يوفق الجميع

أحب أبتدي بمشاريع حلوه وصغيره مثل مشغل صغير يكون في زاوية
من البيت وبعدين أتوسع ويكون بره بس المشكله أن ما عندي الهمة ولا أحد
يشجعني ولا عندي معارف وايد للتسويق وغيره .. يمكن في البدايه أحتاج شريكه
معاي في اي مشروع وان شاء الله خير .. ومشكورين على طرح هذا الموضوع

انا عن نفسي افكاااااااااار وافكااااااار

وانا اقرى ردودكم جت ببالي فكرة

تعرفون في تاجرات يبعون اشياء غريبة ومميزة

زي مثلا ملابس داخلية بنكهاات هذي ماظن تنباع بالاسواق

وبعد البودرات المضيئة

واللوشنات والكريمات المعطرة لان المبيضة ماظن بيمشي سوقها

وتعرفون انتو القسم التجاري فيه بضاايع غريبة


حبيت اشتري من هالاشياء واتاجر فيها برى النت

يعني بين معارفي وصحباتي



شرايكم :(

أولا مشكوورة على الموضوع

ثانياً

أني بخاطري أسوي سفرة عجم واجرها

لكن تنقصني الأفكار .. الرأس مال .. من وين آخذ الأغراض وغيرة وغيرة


واتمنى أحد يفيدني وساعدني

تحياتي

حبيت هالموضوع ...وقلت اشارك فيه..
انا عندي فكرة مشروع كوفي شوب نسائي خاصه ان منطقتي اللي اعيش فيها مو موجود فيها اي مقهى نسائي يعني مضمون نجاحه باذن الله...حتى فكرت كمان استدعي مدربات يسون دورات اجتماعيه او دينيه او تربويه....الخ يعني اخصص لي كم يوم بالاسبوع او بالاسبوعين اسوي فيه الدورات حتى كمان الكوفي يهيئ لالقاء الدورات..اكون جمعت بين الترفيه والفائده..بس المشكله ماني عارفه كم يكلف راس ماله..ولا عندي احد يساعدني بهالشئ..والمشكله الثانيه الموقع والمكان وايجار المحل راح يكلفني كثير..لانه لازم اختار مكان مميز وواضح..ياليت احد يساعنيدني لاني متحمسه بقوه..واذا فيه احد يعرف عن شركة عبداللطيف جميل لخدمة المجتمع اللي تدعم المشاريع الصغيره بالسعوديه..يعطيني معلومات عنه..وبالتوفيق..

آنه مشروعي يعتمد على بيع الجلابيات والعباءات الكتف يعني ترسلين لي فلوسج وآنه اشتري لكي بيها اللي تبينه من جلابيات وعباءات كتف ( وانا بحسب معاملاتي اشتريها بسعر الجمله ) وانتي تبيعينها بسعر أكثر اي اذا انا اشتريت العباءه ب 350 ريال انتي تبيعينها بسعر 400 او 450 وهكذا يعني اي زياده لكي ( انا لمن اشتريها بسعر الجملة ابيعها عليكي بزياده قليله وانتي تبيعينها بزياده وهكذا ) واللي حابة اتعامل معي آنه حاضره بمراسلتي عن طريق الايميل او عن طريق النقال وارسال صور للعباءات والجلابيات بالوسائط .

انا خاطري افتح مشروع وهو اصير صاحبه ارقى ملابس ( لانجري) للنساء ويالسه احاول واحاول ابدأ فيه بس شوي متردده

انا خاطري في مشروع حلو واناشاءلله يتحقق

أنا بخاااااااااااااطري مشروع يديد لو كان صغير بس يديد مش مستهلك ..


اللي عنده فكره ياليت يعطيني ،،






وبالتوفيج للكل

نفسي أكون تاجرة من بيتي وأرسل طلبات الزباين وين ماكانوا وبكل سهوله الله يكتب اللي فيه الخير يارب
ومشكورة على الموضوع