قبل لا تدخلين اعرفي انج اذا دخلتي لازم تكتبين مشروعج والا لا تدخلين....

أنا الحين ادرس اتمنى اذا تخرجت اتوظف وظيفه حكوميه واخذ قرض من البنك وواشتري بيت صغير واجره هذا المشروع الكبير اما المشاريع الصغيره ياكثرها في بالي

ربي يوفقنا وياك

انا الحمدلله كان نفسى احقق مشروعى والحمدلله نجح وبقيت مشهورة انا مصممة اكسسوار حفلات وبقيت بعدها بفضل الله مصممة ديكور الحفلات وتنظيمها باركوووووووووووولى

أتمنى يكون لي مشروعي الخاص بس مالي حظ

فترة كنت أبيع قطع من عمان وماشاء الله نجحت بس انشغلت بالدراسة..

وبعد فترة بعت مكياج وانقطت لأني انتقلت لبلد ثاني

يعني سوالف؟؟؟


وسلامتكم

انا حابه افتح محل مكياج واسميه ماج يعنىmagبتهيالى بجيب ربح بس ما اعرف راس ماله كم بيكلفنى وموفقين يا خواتىالحلوين

انا براسي مشروع

اصمم لائحآت وعناوين للمحلات بالشوارع عن طريق الفوتو

لأني اعشقه بجنون

اناودي افتح صالون في الحي اللي احنا فيه لانه حي كبير وينقصه هالمشروع بس يبيلي ادخل دوره تجميل حتى الغرفه التجاريه تعطيني تصريح بفتح المحل وبعدها اقدر احط عاملات فيه,ادعولي الله يوفقني واحقق الفكره ع ارض الواقع,ومشكوره اختي فتحتي باب للتنفيس والتحفيزومشاركة الافكار بين الاخوات.

وفقكن الله لمشاريع ناجحه ورزقكن المكسب الحلال
أبارك لكل الأخوات ممن نجحت مشاريعهن وأتمنى لهن دوام التقدم والنجاح

خاطري في مشروع فيه تكنولوجيا مثل تصوير وتصميم يعني اسوي كروت وبطاقات بالفوتوشوب ..
اتمنى....وتغليف هدايا يوووووووووووووووه اموت عليه
وانا على فكره شاطره بتغليف الهدايا بس ينقصني الزبائن (محشوره بالبيت )وسائق متفرغ بس!!!

صح نسيت اقولكم انه من ضمن تغليف الهدايا ودي اتعلم الكورشيه عشان اسوي هدايا منها..!!!

مشكوره على الموضوع الحلو والله عن نفسي افتح استديو تصوير وان شالله بعد مده يشوف النور مشروعي بس دعواتكم ياخواتي يارب اللهم فرج همي وهم اخواتي وارزقنا من حيث لانحتسب اللهم امين اختكم الاميرة

انا نفسي اكون مدرسه في البيت من الابتدائي الين المتوسط

طبعا احب ادرس انجليزي

لاني ادرس انجليزي في جامعه عبدالعزيز

انا مشاريعي كلها فشلت فشل ذريع
انا اتشجع لما اشوف البنات مشاءالله ماشي شغلهم بس اذا بديت انا اخسر
ههههههههههههههههههههههههههههههههه
يلا الحمدالله على كل حال
والجاي احسن انشاءالله خاصه اني بديت بشي جديد

انا ولله الحمد ,,, مصوره بالاصل وكنت اصور في الحفلات والحين صار عندي دي جي

بعد حق الحفلات النسائيه فقط والاعراس والزفات وانشالله الحين باكبر مشروعي بترتيب طاولات الاعراس

وادعولي انشالله باذن لله انه افتح صالون للحنه لاني بعد احني

التوفييييييييييق لكل البنات

انا ودي اتاجر بالمعادن والعملات بس بعدي ادرس الموضوع
وودي افتح محل ذهب بس محتاره شوي
وشكرا على طرح الموضوع

أتمنى لكم التوفيق أخواتي العزيزات

أنا نفسي افتح محل صغير للزهور وتغليف الهدايا


شئ راااااايق وحلوو^^


وبالتوفيق لنا يارب

وتسلمي ع الموضوع الحلوو ^^

انا اتمنى يكون عندي محل لتصميم ديكور الحفلات والكوش والتغليف :15::15:

اعشق هالاشياء:o:o

بس انتظر لحد مااتخرج بأذن الله واتفرغ واقدر اجمع راس المال وفي هالفتره جالسه اقدم خدماتي لاقاربي بالمجان منها دعاياه لنفسي ومنها انمي مهاراتي

ويارب تتحقق امنيتي وامنياتكم (f)(f)

الحمد لله فكرت في مشروع والله ساعدني وكملته توه طلع السوق من أسبوعين وهو تأليف كتاب عن الحرف الفنية وإعادة التدوير وفيه بدايات طرق للي تبي تتعلم التوزيعات للزواجات والمواليد وإعادة التدوير للقطع الدخليه والخارجية للحاسب الآلي وقصاصات القماش وعمل أطباق من القماش بالفرن !!! وإعادة تدوير الاكسسوارات القديمة وعمل أشياء جميلة مثل عقد لماع وبراويز صور من الورق الخاص بالبطاقات والجرايد والمجلات وأعمال حجريه لعمل الشمعدان والبيوت القديمة بالحجر والأثل وعمل شجر بالخرز والشك على الشجر وغيره .
توه نزل السوق من أسبوعين والحمد لله . اللي تبي استفسار عنه تراسلني وانا حطيت لكم منه صور في أفكار وخبرات . يصلح للي تبي تتعلم بازارات وللمدرسات والله ما شاء الله عليه اقبال جيد

الله يوفقكم جميعاً
قاعدة أفكر بمشروع صغير بس محتارة شو أثبت عليه