عنوني;5060764:
بنات اذا بروح اسجل حق الضمان الإجتماعي وش بيطلونون من اوراق او وين اروح بالظبط او ويش اقول ليهم بالظبط
فيدوني يزاكم الله الف خير
انتي قدمتي امتحان او لا ؟؟؟
المهم في كلتا الحالتين تودين كل شي عندج من اوراق
السي في وشهاداتج كلهااااااا
وحتى الدورات اللي خذيتيهم ونسخه من البطاقه الذكيه والجواز وعدد 2 صور شخصيه وودي رقم حسابج احتياط
خيو اني قدمت امتحان ورحت مقابله بس من زمان مال مشروع التوظيف من سنة 2005 يمكن واصلا ديك الأيام وله حته حصلت رنه منهم
بس الحين ما ادري اهو نفسه الأمتحان بيحسبونه ليه وله لا
اني بروح خلال هذا الأسبوع او الأسبوع الجاي اني توني في الأربعين لاني توني والده والأسبوع الجاي بكمل الأربعين ،، بس ابغي امشي الموضوع (اسع يعبد وانا الرزاق) وإنشاله إلي فيه الخير يقدمه ربنه
*
**ام عبادي القمر**
عروس ماسية
27-01-2008 | 06:04 PM
بسم الله الرحمن الرحيم
الحمد الله رب العالمين
عنوني مارديتي علي؟؟
انا صار لي سنتين من قدمت لمشروع العمل الوطني وكلا مقابلات بس الحمد لله في شهر 11 اخذوا مني رقم الحساب واخر شهاده والحمدلله مع نهايه 12 وصلني مسج بنزول المعاش
واللي يصبر ينول وجزاهم الله خير فرجوا عنا الله يفرج لامه محمد قول امين
وبخصوص المعاش يمكن ينزل نهايه واحد لان المسج وصلني نهايه12
عنوني;5063487:
خيو اني قدمت امتحان ورحت مقابله بس من زمان مال مشروع التوظيف من سنة 2005 يمكن واصلا ديك الأيام وله حته حصلت رنه منهم
بس الحين ما ادري اهو نفسه الأمتحان بيحسبونه ليه وله لا
اني بروح خلال هذا الأسبوع او الأسبوع الجاي اني توني في الأربعين لاني توني والده والأسبوع الجاي بكمل الأربعين ،، بس ابغي امشي الموضوع (اسع يعبد وانا الرزاق) وإنشاله إلي فيه الخير يقدمه ربنه
ماعتقد راح يعيدون لج الامتحان لالا
بس روحي وودي كل اوراقج لازم تسوين تجديد بيانات
انا يوم اقدم كان شهر 2 عام 2007 ورحت شهر 11 تجديد بيانات يعني كل شي عطيتهم من يد ويديد وعقب دخلت محاضرة وعقب خذو رقم حسابي
واجيك البنك مانزلو ا لي الله العالم متى
أم أحمد وبدر;5064651:
انا صار لي سنتين من قدمت لمشروع العمل الوطني وكلا مقابلات بس الحمد لله في شهر 11 اخذوا مني رقم الحساب واخر شهاده والحمدلله مع نهايه 12 وصلني مسج بنزول المعاش
واللي يصبر ينول وجزاهم الله خير فرجوا عنا الله يفرج لامه محمد قول امين
وبخصوص المعاش يمكن ينزل نهايه واحد لان المسج وصلني نهايه12
ام احمد نزلج شهر 12 وهل نزلج شهر 1؟؟
امس اتصلوا فيني عشان اروح اسدد رسوم رخصة المحاماة واكمل الاجراءات.. وخلال ايام قليلة راح أؤدي القسم وخلاص اصير محامية رسمياً احم احم :D
اذا خلصت اليوم اجراءاتي بسلام .. راح ابدي ادوّر لي مكتب اشتغل فيه.. عل وعسى.. تنفرج الاحوال..
الله كريم..
ضحكتيني أختي عاشقة الكوفي شنو تخصص مطلوب سمعي قصتي ونوحي وياي اني متخرجة من جامعة البحرين سنة 2006 تخصص تكنولوجيا التعليم وقدمت في كل مكان مايبغوني ماعندي خبرة وبعدين قدمنا في التربية كل الأمتحانات ونجحت وقمت اراجعهم أسبوعيا لين طفشوني وكل مرة يقول لي المسؤول لاتجين تتعبين روحش بس اتصلي ويقول انتظري دورش مع أن ابوي مشتغل في الوزارة سكرتير لمدة 30 سنة والحين متقاعد المفروض اني اشتغل في الوزارة تكريما لجهود أبي حذف كلام فيه تشويه لسمعة البلد
بنات انزين تعرفون عنوان أو فاكس مكتبة الشيخ عيسى أمبي أقدم
جمانه
موفقه يارب
رحيق الفردوس
نفس حالج بس الفرق اني بكالوريس تربيه رياضيه
بنت النواعم;5052145:
بسم الله الرحمن الرحيم
الحمد الله رب العالمين
شخباركم؟؟
الله يبارك فيكم
عنوني ليش مااخذوش؟؟
من متى رحتي؟؟
لاني الحين اسمع يقولون يبون وايد بنات
روحي قدمي ان شاء الله ياخذونش
وعن نوعية الشعل
هو في نوعين سيلز وكيشر
سالتني شنو تبين قلت لها اي شي
خيو اني قدمت اوراقي تقريبا يمكن 2005 او 2006 ما اذكر كان فيه معرض مهن في مركز المعارض وبعدين اتصلوا فيني حق ريسبشن وكنت وايد مستانسه في المقابل واهم ناس حليوين حتى كان عندي مهم اني اطور من نفسي وشجعني انهم اطورون من العاملين عندهم لانه إلي كانت قاعده في الرسبشن كانو مرقينها
بس ما ادري ليش ما خدوني يمكن الأنجليزيه مالتي ما عجبتهم معنه اني اعرف بس فيه إلي احسن مني اكيد
وخيو اني زوجي ما يرضه اشتغل في محلات ريتيلر يعني لازم داخلي ويش اسوي معنه اني عندي عادي لانه من قبل يوم كنت بنيه اشتغلت كيشر في صالون او في محل
ام الفراري ما قصرتين على ردودش والله يوفقش ،، انتين تخصصش تربيه رياضيه عليل بلووعون جبدش بس يالله انشاله الله يوفقش
جمـــانة;5069035:
امس اتصلوا فيني عشان اروح اسدد رسوم رخصة المحاماة واكمل الاجراءات.. وخلال ايام قليلة راح أؤدي القسم وخلاص اصير محامية رسمياً احم احم :D
اذا خلصت اليوم اجراءاتي بسلام .. راح ابدي ادوّر لي مكتب اشتغل فيه.. عل وعسى.. تنفرج الاحوال..
الله كريم..
مبوك خيو الله يوفقش انشاله
اذا تبين قدمي عند مكتب حسن رضي ومشاركوه ناس والله اوادم والدكتور حسن ريال وله كل الريايل وناس اوادم ما ياخذون ناس اي شي إله الأوادم إلي نفسهم ،، اصير مكتبهم في بنايه الدبلومات إلي فيه بنك البحريني السعودي في منطقة الدبلومات
وبعد المحاميه فاطمه الحواج بعد زينه في نفس عمارتهم
وفي محامين بعد زينين واوادم بس ما اذكر اساميهم بسأل إذا حصلت اجابه برد عليش خيو
الســــلام عليكم
شخبـــاركم يا عاطلات ,, والله يوفقكم ان شاء الله
ومشكـــورة يا جمانه ع المــــوضوع ,,, والله يعطيج العافيه يا رب وتصير محاميه قد الدنيـــا
,, اني قدمت ســنه 2006 وعطوني جم شغله في مجموعه الراشد و حلويات القرين وثنتينهم رفضوني
وبعدها انخطبت وزوجي ما يبيني اشغل ,, وانسحبت من المشـروع
والحيـــن هالمساعده مالت الغــلاء يقولون انــه ما بيعطونها كل شخص بس بتتوزع ع رب الاسرة
يعني اللى ساكنين في بيت اهلهم ما ليهم شي
يمنع كتابة الفاظ تشوه سمعة البلد
والله حاله ,, الله يعين الجميع يا رب
اذا حصلت لكم وضايف بنزلهم لكم اول بأول
تحياتي للجميع
شـموع
*
**ام عبادي القمر**
عروس ماسية
29-01-2008 | 01:18 AM
ماشاء الله جمون
الله يوفقج ان شاء الله
عنوني اهاااا
بعد روحي يمكن يبون ريسبشن لان الي اعرفة حتى سواق يبون
بنت نواعم وين الشركة الي قلتين عنها يبون سواق......؟؟؟؟؟؟؟؟
مرحبا حلوات
انا ابي اقدم في وزارة العمل بدل التعطل
شالاوراق اللي يبونها
وانا في بطاقتي طالبه لازم ابدلها واسجل عاطله والا عادي
واسمع يقولون مانزلوا 150 للخريجات صدق او لا
طيب الغير دارسات كم يعطونهم 100 لو نقصوها بعد
وتسلمووووووو
انا اليوم رحت وزارة العمل وسالتهم
قالوا لي انهم بينزلون تاريخ 31 واللي ما ينزل له
يروح يراجعهم لان ضايفين ناس جدد و بيتاخرون
نقلا عن كلام وحدة من البنات
والتقديم للتعطل لازم لااااااااااازم تقلبين البطاقة الى عاطل.. تروحين الحين تحجزين موعد للبطاقة الذكية عبر موقعهم وتبدلينها..
وبعدين تودين كل الاوراق مع البطاقة الى مركز التوظيف الا تابعة له انتي وتكملين الاجراءات
www.smartcard.gov.bh
عنوني والبنات مشكورات خواتي..
انا اولردي عندي مكتب اللي مطلعة رخصتي عليه، بس الواحد ينتظر الافضل مثل ما يقولون..
وفيه عوامل وايد...
مكتب حسن رضي ما عليه غبار ، بس هناك زحمة محامين، والمحامي الجديد محد يلتفت له ويدربونه المحامين الصغار الا هناك، عرفتي شلون..
للمدرسات هذا اعلان بجريدة الوسط ..
مطلوب معلمات للتوظيف فوراً في إحدى المدارس الخاصة، وفي هذه التخصصات:
- اللغة العربية.
- التربية الإسلامية.
- مصادر التعلم.
- الحاسوب الآلي.
- الرسم.
- الموسيقى.
- التربية الرياضية (إناث وذكور أيضاً).
* الأولوية لذوي الخبرة والمؤهلات الكافية.
للراغبين، أرسل السيرة الذاتية وصورة حديثة إلى العنوان (الشئون الإدارية والمالية، المنامة، ص.ب: 979)
مصدر الإعلان: "الوسط" صفحة 20 تاريخ 29/1/2008