بطالة البحرين تفضلوا هنا...

جمـــانة;4817088:
تاريخ الاعلان 15- 12

وكاتبين بالاعلان لمدة 10 ايام بعد الاعلان..

(انزين هالعشرة ايام كلها اجازة ؟!!! )

يالله ندري انه مجرد واجهة وان الوظائف اصلا محجوزة .. لكن عن تأنيب الضمير قدمنا...

أم حسين أني بعد كنت أقول وأفكر جدي ، بس بنت حميي شافت إعلان بعد كات تبع مجلس النواب وقدمت " وهي مسكينة لا واسطة ولا هم يحزنون " صار ليها أكثر من سنتين من وزارة لشركة بدون فايدة ... والحمدلله توظفت وألحين بتكمل سنة في المجلس

وأختي توظفت من شهر في المجلس الأعلى للمرأة بعد بدون واسطة شافت إعلان في الجريدة وقدمت بعد ما فكرت الموضوع خلص نادوها لامتحان ومقابلة وبعد فترة خبروها بالنتيجة وأنها أخذت المرتبة الأولى في الامتحان والثانية في المقابلة ما أدري العكس والحمدلله توظفت براتب ممتاز " تخصصها حقوق "

أما أني قصة توظفي فلم هندي ... يعني صدق المفروض الواحد ما يفقد الأمل بالله ويعرف أن إذا الله كاتب شيء محد يقدر يوقفه

أني كنت أتدرب " عشان التخرج " وكان في ضغط عمل لأن توهم فاصلين العمل عن التنمية وموزعين الموظفين على الوزارتين ، وتم يمددون ليي يمددون " سنة وشوي وأني أشتغل بــ 50 د.ب " وهربت شغالة الموظفة اللي ويايي واضطرت تآخذ إجازة شهر " شفتون شلون سبحانه يسبب الأسباب " فكان ما عندهم غيري يعني الشغل يغرق أقسام مو قسم وأني عندي خبرة سنة وشوي مدري سنتين فيه مو معقولة يجيبون أحد من برة رغم أن المدير مال الإدارة كان رافضني " من غير ما يشوفني حتى " كان يفضل صبي ، وبقيت الحمدلله ... للحين أذكر نفس التاريخ اللي طلعت فيه نتيجة الحمل " ايجابي " هو تاريخ تعينني .. الحمدلله

خلاصة القول لا تفقدون الأمل ... قدموا في كل مكان وشيلوا الأفكار السودا " مالينا أمل ... كل شيء بالواسطة إلخ " من بالكم والباقي على الله

الله يوفقكم

والله صدقتي رقم
كل الي الله كاتبة بيصير لو ويش انسوي

سلام بنااات

كتبوا في الجريده ان التامين ضد اتعطل بنزلونه يوم الثلاثاء الجاااي

اي اكتبوا
بس انا ليلحين ماخذو حسابي اللي في البنك
ابي اعرف شنو الشروط اللي يقولون عنها ؟؟؟

العلوي يدشّن الدفعة الأولى اليوم ويعلن دخول البحرين مرحلة الضمان الاجتماعي
«التأمينات»: صرف التأمين ضد التعطُّل خلال يومين لجميع العاطلين
الوسط - هاني الفردان
أكد الرئيس التنفيذي للهيئة العامة للتأمينات الاجتماعية الشيخ محمد بن عيسى آل خليفة لـ «الوسط» أمس أن صرف التأمين ضد التعطل سيتم بحسب ما هو مقرّ له في القانون مع نهاية كل شهر، مشيراً إلى أن الهيئة سترفع المبالغ المرصودة إلى العاطلين اليوم إلى المصارف على أن تصرف لهم خلال اليومين المقبلين، وأن وزير العمل مجيد العلوي سيسلم عدداً من المستحقين اليوم (الثلثاء) ما يثبت أحقيتهم في الحصول على التأمين ضد التعطل، على أن تصرف لهم الأموال بعد ذلك في حساباتهم المصرفية.

ويدشّن وزير العمل مجيد العلوي صباح اليوم صرف الدفعة الأولى من إعانات التأمين ضد التعطل، ليدخل يوم الخامس والعشرين من شهر ديسمبر/ كانون الأول الجاري في تاريخ البحرين على اعتباره أول يوم تصرف فيه أول دفعة لمشروع طالب به الشارع البحريني أكثر من 25 عاماً، على رغم تحفظات البعض على آلية استقطاع 1 في المئة من رواتب العاملين لصالح صندوق التعطل، وبذلك فإن العلوي سيعلن بذلك دخول البحرين مرحلة الضمان الاجتماعي للعاطلين.

ويبلغ عدد مستحقي إعانات مشروع التأمين ضد التعطل في مرحلته الأولى 7810 عاطلين منهم 6586 أكملوا جميع إجراءاتهم القانونية المطلوبة لحصولهم على الإعانات البالغة (120 ديناراً لحملة الشهادة الثانوية وما دونها، و150 ديناراً لحملة الشهادة الجامعية وما فوقها).

من جانبه، أكد الوكيل المساعد لشئون العمل بوزارة العمل جميل حميدان أن جميع من أكمل إجراءاته وسلم جميع البيانات المطلوبة سيتسلمون مستحقاتهم التأمينية اليوم، مشيراً إلى وجود 1242 مستحقاً في المشروع لم يكملوا بعد إجراءاتهم التي تخولهم للدخول ضمن القائمة الأولى لصرف التأمين ضد التعطل.

وأشار حميدان إلى وجود 1665 مسجلاً في مشروع التأمين ضد التعطل رفضت طلباتهم وذلك لعدم انطباق الشروط عليهم ومنها امتلاكهم لسجلات تجارية، أو أنهم يحصلون على معاشات تقاعدية أو دخل آخر.

ويشترط قانون التأمين ضد التعطل من أجل الاستفادة من إعانات المشروع أن يكون العاطل بحرينياً، ولا يقل عمره عن 18 سنة ولا يزيد على 60 سنة، ولا يملك سجلاً تجارياً ولا يزاول أية مهنة، وليس لديه أي مصدر للدخل، ولا يرفض فرص العمل المناسبة التي تعرضها عليه الوزارة. وهذا تطلب التنسيق مع مختلف الجهات التي تتوفر لديها البيانات ومنها الجهاز المركزي للمعلومات ووزارة التنمية الاجتماعية ووزارة الداخلية وإدارة الثروة السمكية، علاوة على التنسيق والتعاون المكثف والمستمر مع الهيئة العامة للتأمينات الاجتماعية.

انزين واحنا
متى راح ياخذون رقم حسابنا ؟؟

جمانة آنه مثلج ..خريجة باكلوريوس حقوق وياريت اذا لقيتي شي يناسب تخصصنه تخبريني...

قدمت في العدل والداخلية والنواب وفي هيئة تنظيم سوق العمل ومجلس التنمية..وللحين لاحس ولاخبر اذا عندج اختي مواقع او ايميلات شي جريب من تخصصنه خبريني عشان اقدم..اكون شاكرة لج اختي

بنات يعني بكره بنزلون التأمين ؟؟

ان شاء الله اكون منهم

موديه رقم حسابي من شهر 11

والله كريم ان شاء الله

والله يواسع رزقكم الحلال ويرزقكم بالوظايف السنعه

أختكم الدانــــــه

فلوس الضمااااااااااان نزلت خلاص... جيكو حساباتكم..


من هذا لراتب الوظيفة ان شا ءالله

انا رحت امس وخذوا رقم حسابي يمكن الشهر الياي ينزلون لي

بنات اللي خذوا ارقام حساباتهم من زمان نزل لهم ؟؟؟؟
ياريت البنات يخبرونا

الحمد لله بنات نزلو لي فلوس الضمان

وعقبالكم يارب

والله يوفق ويسهل للجميع ان شاء الله

أختج الدانــــــه

مبروك الدانه
وعقبالنا يارب الشهر الياي

أقول خلوني ساكته بس

أتصلت لهم وقالوا نزل لج

ورحت أجيك الحساب مافي و لافلس

ولا القهر مطرشين لي مسج بعد

إن شاء الله أتوظف ولا أحتاج فلوسهم

دعواتكم لي ياخوات الله يفرج لي همي بأسرع وقت

asheqat3li;4884718:
أقول خلوني ساكته بس

أتصلت لهم وقالوا نزل لج

ورحت أجيك الحساب مافي و لافلس

ولا القهر مطرشين لي مسج بعد

إن شاء الله أتوظف ولا أحتاج فلوسهم

دعواتكم لي ياخوات الله يفرج لي همي بأسرع وقت

الله يفرج همج وهمنا ان شاء الله
اني اليوم رحت المحاظرة الي في الوزارة هي حلوة
لكن بعد تندمت ليش رحت؛<<<<<<<<<<<<<<متحسفه حدها خخخخخخ
لان قعدت وراسي يعورني وبسرة رحت من غير ريوق وعورني راسي وجتني اللوعة كل الي قعدتها يمكن ساعة الا ربع
وفي انتظار الشغل
وبنشوف حدهم الى وين(a)

السلام عليكم

بنات بغيت اسالكم عن التامين ضد التعطل انا متخرجه صار لي سنه وقاااعده في البيت
وماسجلت في هالمشروع لان كلش ماشجعني اول ماسمعت عنه
بس حبيت اسال البنات الي سجلو ونزلو لهم الفلوس .. رحتو حق محاضرات وامتحان ومقابلات ولا لاء؟

لان في ناس نزلو لهم المبلغ بدون مايروحون حق الامتحان او المقابله الي يسونها

ياريت تردون علي لان انشاء الله ناويه اسجل فيه

صمتي عذاب;4920049:
السلام عليكم

بنات بغيت اسالكم عن التامين ضد التعطل انا متخرجه صار لي سنه وقاااعده في البيت
وماسجلت في هالمشروع لان كلش ماشجعني اول ماسمعت عنه
بس حبيت اسال البنات الي سجلو ونزلو لهم الفلوس .. رحتو حق محاضرات وامتحان ومقابلات ولا لاء؟

لان في ناس نزلو لهم المبلغ بدون مايروحون حق الامتحان او المقابله الي يسونها

ياريت تردون علي لان انشاء الله ناويه اسجل فيه

لا اختي لازم امتحان ومقابله وعقب محاضرة وعقب راح ينزلون التأمين وعلى شروط

مشكوورة اختي على الرد
بس ياليت تقولين لي شنو نوعيه الامتحان الي نقدمه والمقابله

صمتي عذاب;4923185:
مشكوورة اختي على الرد
بس ياليت تقولين لي شنو نوعيه الامتحان الي نقدمه والمقابله

الامتحان انجلينزي سهل جدا وكل خيارات
وفي اللي اهو امتحان يقيس الذكاء اللي يعطونج اشكال ودوائر دور الراس
ويعطونج اوراق مثل الاستمارة ترقمين فيها الاشغال اللي تبينها

والمقابله تاااااااااااااااااااااااافه جدا
تعطيج نتيجه الامتحان وتسألج كذا سؤال تااااااااااااااافه

على العموم روحي ولاضيعين عليج فرصه

هذا الموضوع يمكن يبرد اشوي من النار اللي في قلبي

انا متخرجه هندسة كيميائيه وللحين ما حصلت وظيفه

صار لي سنتين وللحين الحال على ما اهو عليه



وسجلت في المشروع من اول ما تخرجت وكل يتصلون حقي علشان وظائف واروح المقابلات بس بعد المقابله كل شي ينتهي ما اشوف اتصال ولا اشوف حس للموضوع وبعدها يتصلون مره ثانيه لمقابله ثانيه وتنعاد نفس القصه


ما ادري شنو اهي علتي

يمكن ما حان الوقت اللي انكتب فيه للشغل وان شاء الله بدعائكم نشتغل
الحال كل ماله ويصير اردى ويا موجة هالغلاء

السلام عليكم خواتي
في وظيفة سمعت عنها ،، يبغون بائعة لبوتيك لبيع ملابس الأطفال والراتب حسب الدوام اذا كان كامل من 9-12 ومن 4-9 او جزئي من 4-10
والبوتيك يصير في منطقة الزنج
واذا تبغون الرقم للأستفسار تراني حاضرة ما عليكم الا مراسلتي على الخاص
وبالتوفيق للجميع