بطالة البحرين تفضلوا هنا...

السلام عليكم بنات
اشلونكم وشلون البطاله معاكم ..البطاله وما ادراك ما البطاله
على العموم بشاركم همومكم وبقول لكم شنو اللي صار لي ......والله راح تستغربون
الشهر اللي فات عطوني تأمين لاني امسجله من زمان وصار لي 11 شهر عاطله عن العمل وقبل ثلاثه اسابيع حصلت على وظيفه وقالوا لي بدلي بطاقتش وسوي الاجراءات اللين من نتصل فيش علشان متى تبدأيين الدوام (على اساس انهم ما راح يتصلون اللا اذا كملت الإجراءات وخبركم بعد عندهم زي موحد وعلى ما يتفصل الزي ويجهز وبعدين ينادووني للدوام ) اتصل الاسبوع الللي فات للشركه اقول لهم متى بتنادووني للدوام قالوا لي بدايه الشهر انشاء الله ..انزين اني غيرت بطاقتي وكل يء صح بس ما بديت العمل يعني للحين ما عندي راتب يعني استحق هاي الشهر المخصص لانهم يدفعونه نهايه الشهر ..بس للأسف اتصلوا فيني وزاره العمل يقولون لي خلاص ما راح نعطيش لانش تشتغلين وكل ما قلت لهم للحين بدايه الشهر راح ابتدي قالوا لي بس خلاص يعني بتشتغلين وقطعوها عني وماراح يمشون لي .......حذف ألفاظ تسيء للبلد

وهذا قصتي

عصفورة البحرين
وين الشغلة الي عطوج اياها ممكن اعرف وين؟؟
وبكرة عندي مقابلة ثانية حق الشغلة الي قلت لكم عنها
ماادري بعد ليش
يمكن نتفق على الدوام
ادعوا لي الله ييسر امري

موفقين ياااارب

مشكوره خيو جمانه على الموضوع ،، حذف ألفاظ تسيء للبلد
اني الحمدلله متخرجه من اعمال مكتبيه من جامعه البحرين صاري ليه سنتين وشتغلت في عدة اماكن بس ما اتم لانه الحال ما يعجبني واخر شغل ليه تميت فيه وايد لاني تعرضت لمضايقات من قبل فتاه وريال قد ابويه والله ،، لليوم ولباجر واني ادعي عليهم حسبي الله وهو نعم الوكيل عليهم ،،، وحملت في ذيك الفتره وتعبت نفسيتي من المشاكل وزوجي ما خلاني اتم معاهم لانه اصلا مديري ما كان مهتم ليه وقمت وتركت العمل وصار ليه الحين 9 شهور

والحين حبيت انظم وياكم ،،، وسامحوني طولت عليكم

وبما اني توني والده فبحارس شويه وبروح اسجل في هذا التأمين الإجتماعي وبشوف ،، وتره الدنيا كلش متعبه والحاله اتعب ،،، الله بس يستر على الجميع

تحياتي لكم ،، وسامحوني مره ثانيه للإطاله

اليوم رحت المقابلة
هذه المقابلة كانت في الشركة نفسها ذاك المرة كانت ويا المسؤلة
والحمد الله رب العالمين
كانت المقابلة ميسرة
والي سوتها كلش طيوبة وحليوة
حتى الي مااعرف بالنجليزي قمت اتكلم لها بالعربي خخخخخخخخ وهي عادي
وقالت بنكون على اتصال علشان نحدد وقت الدوام
الحمد الله رب العالمين اني حصلت هالشغلة صدق شغلة بسيطة لكن اشوة من قعدت البيت
والفال لكم ان شاء الله
موفقين

شخباركم بنات
واللة يوفق كل وحدة بس احنا المنقبات شنقول حذف ألفاظ تسيء للبلد كل مرة يودونا شركات واماكن كلها خلط
على الاقل انتو تقدرون تشتغلون في شركات احنا حتى المدارس الخاصة لازم واسطة يعني مستحييييييييييييييييييييييييل نحصل شغل اقابل ريلي وعيالي ابرك لي من التفرفر والدوار بشركات ونذل روحنا حق المدارس الخاصة اللي كلها واسطات

مبروك بنت النواعم ،، الله يوفقش انشاله ،،، تره مجموعة الراشد سمعت انها زينين بس شنو نوعيه الشغله بالظبط

اني مره رحت مقابله ليهم بس ما خذوني ما ادري ليش :(

بنتي حبيبتي;5048602:
شخباركم بنات
واللة يوفق كل وحدة بس احنا المنقبات شنقول عيلمايستحووون كل مرة يودونا شركات واماكن كلها خلط
على الاقل انتو تقدرون تشتغلون في شركات احنا حتى المدارس الخاصة لازم واسطة يعني مستحييييييييييييييييييييييييل نحصل شغل اقابل ريلي وعيالي ابرك لي من التفرفر والدوار بشركات ونذل روحنا حق المدارس الخاصة اللي كلها واسطات

الله يوفقش بنتي حبيبتي ولا تحطين في بالش (اسعه يعبد وانه الرزاق) انتين حاولي والرزق من عند الله

انزين ليش ما تدورين انتين مثلا قدمي في روضات او جمعيات نسائيه انتين قدمي وشوفي

وعلى قولتش ادا ما صار الاحسن لش زوجش وعيالش وهم اهم شغله في الحياه

بنتي حبيبتي

حطيييييييتي يدج على الجرح انا رحت اقدم وقالولي بندور لج قبل على شغل
وفدريت انه بودوني شغل خلط ومستحيل اشتغل بالنقاب و مستحيل يشغلوني فمدرسه او حتى روضه فما تعبت روووحي اسجل
مدري بنات تنصحوني اسجل؟؟
انزين انتي شنو دارسه دبلوم وله بكلريوس؟؟


عنوني شلون يصير التقديم في الروضات ؟؟

بنات في احد نزلة التأمين ضد التعطل هذي الشهر اول مرة ؟؟؟

بسم الله الرحمن الرحيم
الحمد الله رب العالمين

شخباركم؟؟

الله يبارك فيكم
عنوني ليش مااخذوش؟؟
من متى رحتي؟؟
لاني الحين اسمع يقولون يبون وايد بنات
روحي قدمي ان شاء الله ياخذونش
وعن نوعية الشعل
هو في نوعين سيلز وكيشر
سالتني شنو تبين قلت لها اي شي

هلا و غلا

شخباركم !!!!؟

حبايبي صار لي سنتين ادور شغل ما لقيت عندي شهادة ثانوي بس ناقص مادتين بقدمهم و افتك و عندي شهادة ICDL بس ابي اشتغل
قدمت في وزارة العمل من شهر 9 للحين ما نزلوا لي شي
عندكم اشغال اقدر اقدم فيها
مشكورين

انا ابي اشتغل في روضة واصلي من الرفاع

عنوني انا قدمت في جميع الروضات والمدارس الخاصة حذف ألفاظ لا فائدة من وجودها

انا بكالريوس تكنولوجيا التعليم حبيبتيوعشان تقدمين على الوظيفة
اخذي وياج السيرة الذاتية وقدميها لاي روضة او اي مدرسة خاصة واذا يبونج بيردون عليج

واللة يوفقكم يابنات وعلى الاقل كل وحدة تشتكي للثانية خخخخخخخ

بنات؟؟

احد نزلو ليه التامين ضد التعطل هذا الشهر؟؟؟

شهر 12 استلمتها بس ده الشهر توي جيكت مافي شي!!

فيه اشاعات انه بيقفون الضمان ضد التعطل لأنه بينزلون لكم اعانة الغلاء 50 دينار


ههههههههه امزح معاكم..


محد اعرفه نزل له شيء هالشهر.. نشوف اليوم الاحد شيصير..



راعية الاحساس... انا خوات ريلي يشتغلون من زمان في روضات لأنهم بالاساس مب متعلمات جامعي بس ثانوي..
فأول شيء تتصلين بكل الروضات اللي جنبج.. وفي محيطج.. وتطلبين تكلمين المديرة نفسها..
واذا وافقت راح تكون اول 3 شهور بدون راتب.. عشان تكتسبين الخبرة...
وبعد انتهاء الثلاثة شهور يعطونج شهادة الخبرة وآظن لازم تشتغلين عند نفس الروضة فترة معينة بعدين بكيفج تروحين تقدمين بأي روضة وراح يقبلونج ان شاء الله لأن عندج شهادة الخبرة..

بس ترا الرواتب ضعيييييييييييييييييفة وايد..
اول بداية يمكن من 60 الى 90 دينار بسسسس
تخيلي اخت ريلي صار لها يمكن 11 سنة تشتغل وخبرة كبيرة وتوها معاشهه 120دينار بس !

o0oريانهo0o;5048758:
بنتي حبيبتي

حطيييييييتي يدج على الجرح انا رحت اقدم وقالولي بندور لج قبل على شغل
وفدريت انه بودوني شغل خلط ومستحيل اشتغل بالنقاب و مستحيل يشغلوني فمدرسه او حتى روضه فما تعبت روووحي اسجل
مدري بنات تنصحوني اسجل؟؟
انزين انتي شنو دارسه دبلوم وله بكلريوس؟؟


عنوني شلون يصير التقديم في الروضات ؟؟

ما ادري خيو ريانه بس يمكن يعني تتصلين او تودين ليهم السيفي مالتش وتشوفين والله يوفقش انشاله بحق بيت آل محمد

بنات اذا بروح اسجل حق الضمان الإجتماعي وش بيطلونون من اوراق او وين اروح بالظبط او ويش اقول ليهم بالظبط

فيدوني يزاكم الله الف خير

بنتي حبيبتي;5056133:
عنوني انا قدمت في جميع الروضات والمدارس الخاصة بس الحظ الردي ملازمني
وريانة
انا بكالريوس تكنولوجيا التعليم حبيبتيوعشان تقدمين على الوظيفة
اخذي وياج السيرة الذاتية وقدميها لاي روضة او اي مدرسة خاصة واذا يبونج بيردون عليج

واللة يوفقكم يابنات وعلى الاقل كل وحدة تشتكي للثانية خخخخخخخ

هلا اختي

تخصصج وايد مطلوب خصوصا في وزارة التربية

اكو ياخذون بهبل هالايام راجعيهم و رزي الوجه عندهم كل يوم

حرام ما ياخذونج بين كل فترة لازم تمرين التربية لانج مضمونة هناك

لا ضيعين مستقبلج في المدارس الخاصة المعاشات 200 حرام

انا اقول لو انا منج و انا تخصص تكنولوجيا ارز الفيس كل يوم في التربية

بس الله كريم انا تخصصي الوزارة التربية ما تاخذه بما ان احنا موادنا مثلكم بالضبط

حذف ألفاظ تشوّه سمعة البلد

شهدالحب11;5057392:
بنات؟؟

احد نزلو ليه التامين ضد التعطل هذا الشهر؟؟؟

شهر 12 استلمتها بس ده الشهر توي جيكت مافي شي!!

انا خذو رقم حسابي الشهر اللي طاف لكن ماشفت شي ذي الشهر ولانزلوا لي

الصراحه هذي مو حاله لا وظيفه ولا تأمين حذف ألفاظ تشوّه سمعة البلد
صارلي الحين سنه كامله بالضبط قاعده في البيت واسمنا جامعيين