بنات مصر يلا نفيد و نستفيد

ازيكم كلكم يا رب كلكم تكونوا بخير
و يارب ترجعوا تدخلوا تانى زى الأول
مبرووك يا شيرى على البابى ربنا يثبتلك حملك و يباركلك فيه
و حمدا لله على سلامتك يا سهى و ربنا يهديلك جنة و يحفظهالك
و روفة و عزيمة ربنا ينزلكوا الوزن اللى عاوزينه و يكرمكوا
و عزيمة يا رب تلاقى شغل كويس


أنا بقى مشكلتى معقدانى فى شكلى جداااا
أنا طولى 156 أو 158 مش فاكرة بالظبط و وزنى 53
هتقولوا كده مثالى هقولك مش متناسق تماماا
أنا رفيعة جداا من فوق و بعدين تيجى الأفخاذ كأن وزنى
متركز فيهم كأن فى قنبلة اتفجرت على الناحيتين
بجد نفسى أنزلهم عشان يبقى شكل جسمى متناسق
بس مش عارفة أعمل ايه فكرت أروح جيم اصحابى قالولى
المناطق اللى مكنتش بتتخن عندهم بدأت تتخن فا قلت لا
أنا مش هعالج حاجة و أبوظ حاجة و فكرت فى الميزوثيرابى
لقيت وزارة الصحة الأمريكية موافقتش عليه يبقى فيه قلق
سألت واحدة لسه مخلصه طب قالتلى لسه بيتجرب مش عارفين
بيعمل سرطان و لا لا وبجد مش عارفة اعمل ايه

هههههههههههه
monaamor
إنتى مسخررررررررررررة دى عجب بجد
بس إنتى كدة مريحة دماغك
أنا لو رحت الملاهى هنا حلاقى جوزى وراه 5 راكبين
لسة إنهاردة بيحكيلى إنة شاف واحدة تقريبا مش لابسة حاجة و إنة فرحان أوى إنة غض البصر
طب ما هو شافها خلاص حاجة تنرفززززززززززززز

ربنا يخليلك مريومة يا رب شكلها كدة زى العسل زى مامتها

angell00k
مرسى جدا على الدعوة الحلوة دى بجد فرحتينى
موضوع الجيم دة مش مظبوط
الجيم بيتخن للى بيعملوا عضلات لكن لو ركزتى على الأماكن التخينة بس و عملتى إيروبكس مفيش حاجة حتتخن إن شاءالله
و كمان المشى حلو أوى
إمشى كل يوم نصف ساعة قبل المغرب و زودى كل يوم 5 دقايق
دة بيشد الجسم كلة و يحسن جدا من توزيع الدهون
و كترى من شرب المية و قللى من الشيكولاتات والمحمرات لأنى دى فيها دهون مشبعة إللى هية جايبانا كلنا ورا
و ربنا يوفقك يا جمييلة

ازيك يا شيري يا قمر:87457::87457:

انتي اللي عسل انا يا حبيبتي جوزي مش مقصر بيراقب كل الحريم اللي هنا مع العلم انهم علوج بجد غير عندنا في مصر لو شفتي واحده عاملة اشي و مشمشي ممكن تبصي وممكن لا !!! هنا بقي يا اختي جوزي لو شاف واحده لبسه كعب عالي يقولي شوفي وليه وعشان ايه ورسمه عنيها ليه ويفضل.................................... اوووووووووووووووووووووف وحياتك يا اختي كنا في الاجازة في مصر ولا كان بيقول ليه ولا غيره بس هنا بيبقي المووع غيييييييييييير
ربنا يكون في عوني مع اني والله الناس كلهم بيقولوا اني من تعداد الجميلات بس هنعمل ايه لما بنكون في البيت عندهم خلاص ميشفوش غير اللي بره في الشارع

angell00k;7035546:

العفو يا شيرى خلاص ان شاء الله هاروح جيم فى عندنا جيم صاحبته دكتورة أصلا
ان شاء الله أروحلها و ربنا يسهل و بفكر أعمل دايت كمان لأن نفسيتى زى الزفت
و لسه بابا مزعقلى حالا على بنطلونين شاريهم عشان ضيقين مش عارفة أعمل
ايه يعنى أولا انا مش بلبس قصير عليهم أقصر حاجة فوق الركبة ب 5 سم
تانى حاجة أجيبله منين يعنى حاجة على مقاسى بجد مش طايقة جسمى
يعنى البنطلون ضيق جدااااا و لاذق فى الأفخاذ بس وسطه هواااا واسع جدا
واقف يعنى لولا انه ضيق كان زمانه وقع منى متخيلة أصلا المنظر
أووووووووف بجد مش طايقة ادعيلى بالله عليكى مشكلتى تتحل

يا رب مشكلتك تتحل يا سكرة
"قولى أللهم لا سهل إلا ما جعلته سهلا وأنت إن شئت جعلت الحزن سهلا"
ومتزعليش أوى كدة وقولى الحمد لله فى ناس بيبقى جسمهم كتلة واحدة مش باين لا وسط ولا رقبة
إنتى جسمك زى أختى بالظبط "مزززززززززززززة يعنى" ههههههه يلا قربت أعاكسك أهو :wink:
إنتى إنوى وتوكلى على الله وإنزلى الجيم من بكرة
وإعملى لنفسك ساعة كل يوم قبل الفطار مشى
تنزلى من البيت و تمشى و لما تعدى نصف ساعة ترجعى تانى البيت
وأنا معاكى أهو بشجعك
أنا حدخل التاسع ولازم أمشى إن شاءالله عشان يسهل الولادة
وإنسى خالص البيبسى والشيبسى والشيكولاتة
ممكن عشان رمضان تاكلى بعد صلاة التراويح قطعة حلو صغيرة مع شاى أو نيسكافيه مش حتأثر أوى
بس الشيبسى والشيكولاتة مليانيين دهون مشبعة إللى بتجرى على الهنش والوراك وتقعد فيهم
يبقى كدة التوكل على الله والدايت مع الجيم والمشى حتخسى إن شاءالله ويبقى جسمك مشدود من غير ترهلات
و تلبسى البنطلونين فى العيد يا قمر
وكل سنة وإنتى طيبة

monaamor;7035917:
ازيك يا شيري يا قمر:87457::87457:

انتي اللي عسل انا يا حبيبتي جوزي مش مقصر بيراقب كل الحريم اللي هنا مع العلم انهم علوج بجد غير عندنا في مصر لو شفتي واحده عاملة اشي و مشمشي ممكن تبصي وممكن لا !!! هنا بقي يا اختي جوزي لو شاف واحده لبسه كعب عالي يقولي شوفي وليه وعشان ايه ورسمه عنيها ليه ويفضل.................................... اوووووووووووووووووووووف وحياتك يا اختي كنا في الاجازة في مصر ولا كان بيقول ليه ولا غيره بس هنا بيبقي المووع غيييييييييييير
ربنا يكون في عوني مع اني والله الناس كلهم بيقولوا اني من تعداد الجميلات بس هنعمل ايه لما بنكون في البيت عندهم خلاص ميشفوش غير اللي بره في الشارع

الرجالة دوول حاجة غريبة
أنا جوزى قالى كدة بردة
قاللى لما كان فى السعودية كانت أى واحدة باين منها حتى فردة عين واحدة مثيرة للفضول عن أى واحدة عريانة
هوة الممنوع مرغوب
أأقولك......... إحنا نفاجئهم
شوفى أى حاجة جوزك مش متوقعها منك وإعمليها ليه مفاجأة:wink::wink::wink:
وأصلا الرجالة مخها صغير و بتعجبهم أوى الحاجات دى هههههههههههه
أنا عملت كدة مرة قبل م أبقى شبه كورة القدم فى الشكل واللون ههههه
مكانش مصدق نفسة
بس كنت لسة عروسة فى الأول مش عارفة دلوقتى حيبقى إيه النظام :(
و لو إحتجتى مساعدة أنا فى الخدمة (x)

لا لا لااااااااااااااااااااا
لو مبتدتيش دلوقتى مش حتبدائى
لسه حوالى 20 يوم على الكليات
واظبى من دلوقتى ومتكسليييييييييييييييييييييييييش
ودى نصيحة وانتى حرة عقلك فى راسك إعرفى خلاصك تتنصحى تتنصحى متتنصحيش متتنصحييش
هههههههههههههه
لأ بجد أوعى تهملى الموضوع عشان محدش مضرور غيرك
لازم تستغلى الزهق إللى عندك دة فى تقوية عزيمتك
عشان كمان ترجعى الكليه وإنتى عارفة تلبسى كل هدومك
ولا إيييييييييييه؟

sherrykitty;7075191:
لا لا لااااااااااااااااااااا
لو مبتدتيش دلوقتى مش حتبدائى
لسه حوالى 20 يوم على الكليات
واظبى من دلوقتى ومتكسليييييييييييييييييييييييييش
ودى نصيحة وانتى حرة عقلك فى راسك إعرفى خلاصك تتنصحى تتنصحى متتنصحيش متتنصحييش
هههههههههههههه
لأ بجد أوعى تهملى الموضوع عشان محدش مضرور غيرك
لازم تستغلى الزهق إللى عندك دة فى تقوية عزيمتك
عشان كمان ترجعى الكليه وإنتى عارفة تلبسى كل هدومك
ولا إيييييييييييه؟

هههههههههههههههههههههههههههه خلاص ماشى ان شاء الله
هاروح بس من ورا ماما و بابا هيعلقنى لو عرف أصلا:D
هما مقتنعين انى رفيعة و جسمى كده حلو
أنا نازلة الساعة 9 أتمشى و أشترى حاجات ممكن أروح للدكتورة الأول
بس مش عارفة هلاقيها فاتحه ولا لا لأن عما أوصلها ساعة أو ساعة ونص
ربنا يسهل و لو ملقتيهاش النهاردة يبقى بكرة ان شاء الله شكراااا على تشجيعك

شيري يا قمر دخلتي التاسع يا جميل:o:o ........ربنا معاكي اتمشي كتييييييييييييييير اوي
وربنا معاكي ويسهلها عليكي ورمضان كريم وخلي بالك علي نفسك وعلي النونو

angellook
انتى يا بنتى مش قولتى باباكى متضايق إن البنطلونلت مش مقاسك؟
المهم رنا يوفقك يا رب و ينولك إللى فى بالك إن شاءالله

monaamor
لسة على التاسع 8 أيام إن شاءالله
أنا بمشى كتير و بعمل مجهود على قد مأقدر


بنات أنا عايزة أفتح جيمنزيوم
بمساعدتكم طبعا
لأنى مش عارفة أى حاجة خالص والموضوع مكلف

إيه أهم حاجة محتاجينها فى الجيم؟
إيه المواعيد المناسبة؟
إيه الأسعار إللى شوفتوها؟
أهم الأجهزة؟
أيه المشاكل إللى منعاكم تروحوا؟ غير الكسل طبعا ههههههه
وإللى عندها أى معلومة أو طلب يا ريييييييييييت تقول

وطبعا كل بنات عروس ليهم ديسكاونت

sherrykitty;7093396:
angellook
انتى يا بنتى مش قولتى باباكى متضايق إن البنطلونلت مش مقاسك؟
المهم رنا يوفقك يا رب و ينولك إللى فى بالك إن شاءالله

monaamor
لسة على التاسع 8 أيام إن شاءالله
أنا بمشى كتير و بعمل مجهود على قد مأقدر


بنات أنا عايزة أفتح جيمنزيوم
بمساعدتكم طبعا
لأنى مش عارفة أى حاجة خالص والموضوع مكلف

إيه أهم حاجة محتاجينها فى الجيم؟
إيه المواعيد المناسبة؟
إيه الأسعار إللى شوفتوها؟
أهم الأجهزة؟
أيه المشاكل إللى منعاكم تروحوا؟ غير الكسل طبعا ههههههه
وإللى عندها أى معلومة أو طلب يا ريييييييييييت تقول

وطبعا كل بنات عروس ليهم ديسكاونت

أيوا هوا مضايق ان البناطيل ضيقة
بس بابا مقتنع انى فى فترة نمو
و مينفعش أعمل دايت و لا أى حاجة
عشان متأثرش عليا يعنى أى حاجة أفكر
أعملها مش قبل 25 سنة بالقليل كده يعنى


ربنا يوفقك فى حوار الجيم ده بس للأسف أنا مارحتش قبل كده
فا مش هافيدك

حلو اوي عاوزة تفتحي جيم طيب قبل الولادة ولا بعدها
الجيم محتاج دعاية ومدربة شاطرة ومكان مميز اولاً
ثانيا تحسبي تكلفة الاجهزة وفي اماكن بتبيع الاجهزة ديه واجمد منها كمان بالتقسيط بس المهم يكون عندك خبره في الموضوع لان اسئلت الستات بتكون كتيرة اوي في كل كبيرة وصغيرة
يلا شدي الهمة يا قمر

angell00k;7096523:
أيوا هوا مضايق ان البناطيل ضيقة
بس بابا مقتنع انى فى فترة نمو
و مينفعش أعمل دايت و لا أى حاجة
عشان متأثرش عليا يعنى أى حاجة أفكر
أعملها مش قبل 25 سنة بالقليل كده يعنى


ربنا يوفقك فى حوار الجيم ده بس للأسف أنا مارحتش قبل كده
فا مش هافيدك

بصي يا قمر لو تتابعي مع دكتور او دكتورة هيكون ممتاز لانها هتكون فهمة كويس اكثر من اي حد تاني ربنا يوفقك وينولك اللي في بالك واحنا معاكي

angellook
باباكى معندوش حق
المفروض أى شوية تخن يتلحقوا من دلوقتى
ومتستنيش لحد كل دة
أنا عندى 25 سنة وبقولك إن النمو الوحيد إللى بيحصل بعد سن 19 هوة فى المنطقة اللى مضايقانا كلنا ههههه

monaamor
مرسى يا جميل على النصايح الجامدة دى
أنا جوزى حيساعدنى بس بحاول أشوف رأى البنات كلها عشان لو فى فكرة كدة ولا كدة تخلى الموضوع مميز عن الباقى

monaamor;6965147:
حبيبتي سهي معلش ربنا يرزق بنتك الخير كله متزعليش واهتمي بالامورة وخلي بالك من صحتها لان الاطفال اللي ما بيرضعوش بيكونوا معرضين ومعندهمش مناعه كويس ده مش فتوه مني لا انا جوزي دكتور
خالي بالك عليها وربنا يحميها من كل شر امييييييييييييييييييييييييييييييين

ربنا يخليكى يا رب ربنا يسهل ادعيلى انتى بس

sherrykitty;6974471:
سهى متقلقيش عليها
أنا نفسى مرضعتش ولا نقطة طبيعى ولا أختى الكبيرة عشان ماما مكانش عندها لبن نهائى لأنها كان عندها حمل فى الأول و ربنا مأردش فالدكتور كتبلها أدوية تجفف اللبن ف جف للأبد
وأدينا قروود أهو

وأختى كمان اللبن وقف عندها بعد 3 شهور

طبعا الرضاعة أحلى وأهم

بس قولى الحمدلله

انا نفسى ما رضعتشى طبيعى غير فتلرة قليلة

soha ibrahim;7120454:
ربنا يخليكى يا رب ربنا يسهل ادعيلى انتى بس

ربنا يرزقك انتي وبنتك الخير كله الواحد مبيعرفش الخير جي فين

إزيكم يا قمرااااااااااااااااات؟
وحشتونى جدا
طبعا مشغولين و واقفين فى المطبخ أل يعنى بتطبوخوا مش بتسرقوا الأكل من الحلل هههههههههه
أنا وزنى ثابت والحمدلله على 89 و يا رب دايما لحد مأولد

إنتوا أخبار الأكل معاكم إيه فى رمضان؟

يا رب م حدش يتخن يا رب