استفسارات بنات مصر ........تفضلوا

نورالسعودية;5357153:
الله يوفقكم يارب

الله يكرمك يا نور
بس مش عارفه مفيش مشاركات ليه؟؟؟؟

السلام عليكم

الموضوع حلو جدا ومفيد

أنا لسه ما أتخطبتش قصدى ما إتخطبتش ههههههههه

دعواتكم

بس أنا هقلكم عن اللى أعرفه لأن أغلب صحباتى وقرايبى أتجوزوا قريب وكمان أحنا وضبنا شقتنا قريب

بالنسبه للسيراميك
بيبقى فيه فى المصانع سيراميك بواقى تصدير أو درجه تانيه أو تالته ده بيكون فيه عيوب بسيطه أوى بس بيبقى أرخص بكتير وكمان أسمع عن السيراميك فى الفجالة أنه رخيص وتشكيلته كبيره والمصانع فى العاشر من رمضان وأماكن تانيه بس اللى جبنا منه لشقتنا من العاشر

الخشب طبعا من دمياط لكن دمياط فيها معارض كبييييره أعتقد على البحر دى الحاجه فيها غاليه نار لكن الورش اللى بتصنع للمعارض دى بتبقى جوا فى شوارع ضيقه الورش دى بتكون أرخص بكتير بس اللى يروح محتاج حد يكون بيفهم فى الخشب كويس

النجف من درب البرابره فى القاهره وطبعا معروف مكانه ده أكبر شارع لبيع نجف على مستوى الجمهوريه

السجاد مفيش أحسن من النساجون الشرقيون فى التصميمات والتشكيله سواء فى الذوق أو السعر

رفايع المطبخ والنيش فيه شارع حمام التلات عند جامع البنات فى الموسكى كل ماتتخيليه للمطبخ والسفره من أطقم الصينى والأكروبال والبيركس وكل حاجه خاصه بالمطبخ والسفره هناك حتى الأجهزه الكهربائيه وكل الأسعار والأذواق والماركات

المفروشات بقى موجوده فى الغوريه فى شارع الأزهر ودى قريبه جدا من الموسكى فوط الحمام والملايات والبطاطين واللحفه تشكيله كبيره لكل الأذواق والأسعار

الستاير فيه مكانين الأول شارع الأزهر والتانى وكالة البلح والمكانين تشكيلتهم روعه وكل المستويات


كل اللى فات خاص بالقاهره

مش عارفه فيه إيه تانى بس ده اللى فى بالى دلوقتى لو إفتكرت حاجه هرجعلكم

إسكندريه بقى أحسن ناس أكيد هتلاقى أهلها موجودين

أنا لا من القاهره ولا إسكندريه

بس خبرتى بالقاهره لأنها أقربلى

maiada
فعلا موضوعك جميل جدا وياريت كنتي نزلتية من 3شهور كده كان هيفيدني أوي
بصي ياستي أنا مش من القاهرة ولا الاسكندرية بس لسة متجوزة قريب وعندي خبرة في الحاجات دي على قدي يعني
المهم الخشب طبعا من دمياط بس زي ماقالت بوسي المحلات الكبيرة غالية جدا رغم إن الحاجات هي هي اللي في الورش والمعارض الصغيرة الللي بتكون في الشوارق الضيقة دي بس انا مش فاكرة اسم المنطقة دي كويس بس لو عايزاها قوليلي اجيبهالك واجيبلك اسماء المعارض اللي انا جايبة منها بجد حاجات جميلة اوي والاسعار تحفة
وبالنسبة للسجاد من النساجون الشرقيون طبعا في لية فروع في كل مكان بس على فكرة ممكن انك تروحي المصنع نفسه في العاشر هتلاقي تشكيلات كتيرة هتوفري كتير بس للأسف انا مارحتش
وأما المفروشات مش متأكده منين من مصر بس اعرف ان المحلة متخصصة في الحاجات دي انا بصراحة جبتها من كذا مكان


اما الستاير من الوكالة بصراحة تشكيلات كتير وفي كل الاسعار والمستويات


مش فاكرة في ايه تاني؟؟؟
بس لو انتي عايزة تسالي عن حاجة تحت أمرك

والف مبروك وربنا يتمملك بخير

السلام عليكم اختى ميادة
انا رايى لو عايزة بجد تستفادى ادخلى التجهيزات ماشاء الله البنات بتفيد بعض اوى وهتلاقى كل اللى انتى عايزاة وكمان لو فى حاجة عايزة تسالى عنها هيفيدوكى فيها اوى
فبجد روحى هناك وان شاء الله البنات تفيدك


والله المستعان

ازيكم يا بنات

الموضوع فعلا جميل اوى وبوسي ماشاء الله عليها ماسابتش حاجة الا وقالت على مكانها بتيجي منين

بس بالنسبة لموضوع العفش بتاع دمياط ليا راي فيه

انت لما بتنزلي دمياط بتلاقي الاوضة نفسها في اكتر من معرض وباسعار مختلفة جدا وده مش معناه ان المعرض ده رخيص وده غالي لا الفرق بيبقى في نوعية الخشب نفسها وتشطيبها كمان

انا روحت دمياط كتير مع اخواتى وبنات خالتى وعشان كده بقينا ناخد بالنا ولازم كمان ناخد حد معانا بيبفهم في الخشب كويس لان المعارض بتبقى عاوزة ترضي كل المستويات وعشان كده الورش بتنزل نفس الديزاين بتاع الاوض باسعار مختلفة تبع نوع الخامة والتشطيب فماتفرحيش لو كان فيه اوضة عاجباكى ب20 الف وبعدين لقيتيها ب12 او 15 الف مثلا في حته تانية

فهمتوا قصدى

من احسن المعارض هناك في انواع وجوده الخشب وتشطيبه معرض على طريق بور سعيد يعنى مش على البحر لا ادخلي جوه شوية اسمه اولاد صديق على
وطبعا الحناوى تحفقه تحفه فعلا بس غالي شويه
وفيه سمير عراقي وده اول محل هيقابلكم اول ما تنزلوا دمياط على البحر

انا بقى ليا سؤال عندكم

ياريت البنات اللي بيحبوا العفش المودرن يقولولي اماكن معارض اثاث مودرن في القاهرة تكون زوق عالي ومستواها كويس

لانى ناوية افرش شقتى مودرن ومعنديش فكرة لسه ادور فين لان الشقة لسه بتتشطب فما كناش دورنا
انا شوقت استقبال في سيتى ستارز بس كان غالي اوى لانه عفشه مستورد وكمان شوفت في اركاديا مول عندهم حاجات تحفة بس دول كانوا محلين بس فاللي عندها فكرة عن اماكن معارض ماتبخلش عليا الله يجازيكم خير

أنا برضه زى جنة العنبر

نفسى أعرف أماكن لبيع الأثاث المودرن

بس نفسى بيتى كله يبقى نصه مودرن ونصه كلاسيك ويبقى جو البيت قريب من بعضه مش يبقوا حاجتين مضادتين سوا فهمنى يا بنات؟؟

يبقى واخد بساطة المودرن وشياكة الكلاسيك

بصو يا اماامير انا برضو شقتي بتتشطب والعفش هنجيبه من دميااط بس الصالون من هنا القاهر ه
اولاا انا هجااو باللي كانت بتسال عن اماكن المودرن ف يالقاهره ... مصطفى النحااس معظم المعاارض اللي فيه بتبق مودرن كاان فيه بيوتاات عجبتني عنده اوض النوم والسفره واسعااره مش عااليه اوي يعني الاوضه الراجل قلنا تعالو خدوها ب 14 ونص وكانت زان وقشره ارو والسفره يمكن اغلى بس مش فاكره بكام بالزبط الصراحه

سؤالي بقى يا حلويييين

اللي نزلو دميااط كنت عااوزه اعرف الحجاات المودرن بتبقى اسعاارها ايه يعني مثلاا ممكن قلااقي اوضه سمبل زي اللي شفتها هنا ب 14 ونص زيها هنااك بس ارخص يعني زان وقشره ارو برضو ولا ايه النظاام بلييز يا جمااعه تساعدون يوتقولولي

صحيح بالنسبه للصالون تقريبااا هجيبه من طارق تريد لاني شفت عنده امريكاان وعجبني وربناا يسهل بقى

مهو انا كمان عاوزة اعمله نصف كلاسيك ونصفة مودرن وبردوا يكونوا قريبين من بعض زي ما بوسي قالت


اما مارمراتى انا يا حبيبتى نزلت دمياط كم مرة بس ما شوفتش هناك حاجات مودرن خالص كله كلاسيك

لكن اسمع ان فيه مول فتح في دمياط جديد اسمه المهندس فيه عفش كلاسيك وكمان مودرن بس اسعارة غاليه جدا جدا
وغير كده معرفش

موضوع جميل قوي

السلام عليكم ورحمة الله وبركاته
مش عارفه بجد اشكركوا ازاى...
بجد انتوا اللى جليتوا الموضع رائع
ميرسى (f) بوسى/(f) هاله/(f) برايفت/ (f) مارماتى/(f) جنة العود والعنبر



بوسى: ميرسى اوى ليكى يا بوسى بجد
انا كمان زيك عايزه اعمل ماكشر بين المودرن والكلاسيك...يعنى الكلاسيك فى اناقته والمودرن فى بساطته.بس على فكره انا رحت دمياط من فتره مفيش مودرن خالص هناك ممكن انتريهات مودرن بس لكن غير كده لأ,لو عايزه مودرن يبأى من القاهره


برايفت: ميرسى ليكى :) معلش هنعمل ايه بأى حظك معانا ..!
ياريت تقوليلى على امساء المعارض اللى فى دمياط ولو ينفع كمان الشوارع لأننا مش حافظين دمياط فهنروح نسأل على الأسامى على طول..ورينج الأسعار كان عامل ايه معاكى؟؟


هاله:ميرسى ليكى يا هاله...لو عندك برده معلومات ياريت تقوللنا


جنة العود والعنبر:ميرسى ليكى بجد
اما موضوع المودرن فزى ما قولت لبوسى نادرا لما تلاقى حاجه كده فى دمياط اخرهم فى المودرن الأنتريه...انا زيكم برده عاوزه حاجه بين الكلاسيك والمودرن.المودرن فى القاهره زى استقبال اللى فى سيتى استارز امريكان فرنتشر فروعه كتير وان اند اويت فى كارفور اسكندريه والقاهره وبيقولوا فى اركاديا انا شوفت بس مدخلتش...


مارمارتى:ميرسى ليكى...ياريت تقوليلى بستفاضه اكتر عن الأماكن بالظبط يعنى طارق اللى هتجيبى منه الصالون ده فين بالظبط؟؟ومصطفى النحاس اى محلات؟وبيتاات فين؟ وايه نظام اسعارهم ورنجهم؟؟


ان شاء الله نبأى هنا مع بعض اى واحده تكتشف حاجه او تلاءى حاجه كويسه ياريت متبخلشى علينا كلنا بيها

وربنا يوفقنا جميعا لما يحب ويرضى

اكبر و احسن فرعيين للنساجون الشرقيون فى السجاد
طبعا اولا اللى فى مساكن الشيراتون(مصر الجديده)...بس عايزه اقلكوا على حاجه عشان ناس كتير بترحله فعليه سحب جامد جدا وبتلاءى كتير حاجات خلصت
عشان كده بحس ان فرع المعادى كويس اوى وكبير برده بس مش زى الشيراتون طبعا

والفكره الجديده اللى اتقالت بتاعة المصنع الرئيسى اللى فى العاشر...

السلام عليكم
أنا اللى ميرسى لكى يامياده على الموضوع لأنه لذيذ وإن شاء الله أفضى بس وهحاول أشارك أكتر ,
بالنسبه للنساجون أنا أعرف كمان إنهم بيعملوا السجاد بطلبك يعنى لو عجبتك موديل معين ولونها مش مناسبك بتقولى لهم على الألوان اللى عايزاها بالظبط وعلى الموديل اللى عايزاه وبتستلميها زى ما إنتى عايزه وبالألوان اللى أنتى عايزاها
بنت عمى عملت كده وصاحبتى كمان

bosy-bosy;5379995:
السلام عليكم
أنا اللى ميرسى لكى يامياده على الموضوع لأنه لذيذ وإن شاء الله أفضى بس وهحاول أشارك أكتر ,
بالنسبه للنساجون أنا أعرف كمان إنهم بيعملوا السجاد بطلبك يعنى لو عجبتك موديل معين ولونها مش مناسبك بتقولى لهم على الألوان اللى عايزاها بالظبط وعلى الموديل اللى عايزاه وبتستلميها زى ما إنتى عايزه وبالألوان اللى أنتى عايزاها
بنت عمى عملت كده وصاحبتى كمان

ميرسى ليكى يا بوسى الله يخليكى
فعلا انا عارفه موضوع انك تعملى سجاده فى النساجون دى وعنده كتالوج كمان عشان الموضوع ده
واللذيذ اكتر انك ممكن تجيبى قطعه من القماشه بتاعة عفشك ويعملك سجاده زيها
مستنيه مشاركاتك معانا هنا ...وعقبالك ان شاء الله :) يا جميل

الله حلو اوى فكرة انك تجيبي قماشة من صالونك ويعملك زيها دى

انا كنت عارفة انه بيعمل مخصوص بس مش لدرجة كده

ميرسي يا بنات والهمة كده بننفع بعض بجد

جنة العود والعنبر;5405409:
الله حلو اوى فكرة انك تجيبي قماشة من صالونك ويعملك زيها دى

انا كنت عارفة انه بيعمل مخصوص بس مش لدرجة كده

ميرسي يا بنات والهمة كده بننفع بعض بجد

ياريت فعلا الهمه تعلى كمان اكتر من كده
حتى ندخل فى التفاصيل كمان من اباجورات وانتيكات واكسسورات الحمام الحاجات اللى طلعه جديده والتحف كل حاجه كل شىء

فين يا جماعه مشاركتكوا؟؟
اللى سألناهم على حاجات فين ردودهم ياريت يجوبونا ويفدونا

يابنات حلوة اوي فكرة الموضوع دة

ميادة ياحبيبتي ميرسي اوي على فتحك للموضوع دة، وربنا يجازيكي خير وعيزة اقولك متستعجليش بكرة الموضوع يكبر ويبأة موضوع اد الدنيا :)

بالنسبالي انا اتجوزت خلاص وعندي بنوتة
بس المشكلة ان اهلي جوزي دلوقت بيشطبو شقتي فمصر
وكمان ماما هي الي هتفرشلي، لأني انا مش موجودة فمصر
يعني هنزل على شقتي علاطول ان شاء الله

كنت عيزة اسأل علا حاجة
يابنات ايه اخبار سيراميكا كليوباترا، كنت سامعة انه عامل تخفيضات اليومين دول جامدة اوي، بس لو واحدة ينوبها فية ثواب تتصل تسأل لحد امتة التخفيضات والمعرض بتاعهم امتة؟؟

والبنوتة الي قالت عن الفجالة والعاشر.. طيب تخفيضات كليوباترا مش بتبأة تقريبا نفس الأسعار

ياريت يابنات الي لسة عاملة شقتها سيراميك ونزلت ولفت تقولي الأسعار ايه فرز اول وتاني وتالت وايه احسن ماركة واسعار كليوباترا ايه

بالنسبة بأة للفرش انا هتجنن لأن للأسف المبلغ الي ناوية افرش بيه بسيط جدا، ومش هينفع استنى شوية لأني مرتبطة بمعاد سفر وعيزة انزل علا شقتي..

عشان كدة فكرت في المناصرة، والحقيقة انا كمان كنت عيزة افرش مودرن. .. بحس انه اشيك كتير

طيب مفيش حد فيكو نزل المناصرة وشاف الحاجة الي فيها، وهل عفشها وحش ومستواه مش كويس.. ياريت يابنات تجاوبوني عشان انا خلاص هتجنن من التفكير

بالنسبة للأدوات الكهربائية ، ياريت يابنات الي تعرف محل كويس بيبيع بالقسط تقولي عليه في القاهرة

وكمان ياريت الي جابت ادواتها الكهربائية تكتبلنا لستة بأحسن نوع والأسعار ايه اخبارها.. وانا ان شاء الله لو عرفت حاجة هقولكو

رورة;5417175:
يابنات حلوة اوي فكرة الموضوع دة

ميادة ياحبيبتي ميرسي اوي على فتحك للموضوع دة، وربنا يجازيكي خير وعيزة اقولك متستعجليش بكرة الموضوع يكبر ويبأة موضوع اد الدنيا :)

بالنسبالي انا اتجوزت خلاص وعندي بنوتة
بس المشكلة ان اهلي جوزي دلوقت بيشطبو شقتي فمصر
وكمان ماما هي الي هتفرشلي، لأني انا مش موجودة فمصر
يعني هنزل على شقتي علاطول ان شاء الله

كنت عيزة اسأل علا حاجة
يابنات ايه اخبار سيراميكا كليوباترا، كنت سامعة انه عامل تخفيضات اليومين دول جامدة اوي، بس لو واحدة ينوبها فية ثواب تتصل تسأل لحد امتة التخفيضات والمعرض بتاعهم امتة؟؟

والبنوتة الي قالت عن الفجالة والعاشر.. طيب تخفيضات كليوباترا مش بتبأة تقريبا نفس الأسعار

ياريت يابنات الي لسة عاملة شقتها سيراميك ونزلت ولفت تقولي الأسعار ايه فرز اول وتاني وتالت وايه احسن ماركة واسعار كليوباترا ايه

بالنسبة بأة للفرش انا هتجنن لأن للأسف المبلغ الي ناوية افرش بيه بسيط جدا، ومش هينفع استنى شوية لأني مرتبطة بمعاد سفر وعيزة انزل علا شقتي..

عشان كدة فكرت في المناصرة، والحقيقة انا كمان كنت عيزة افرش مودرن. .. بحس انه اشيك كتير

طيب مفيش حد فيكو نزل المناصرة وشاف الحاجة الي فيها، وهل عفشها وحش ومستواه مش كويس.. ياريت يابنات تجاوبوني عشان انا خلاص هتجنن من التفكير

بالنسبة للأدوات الكهربائية ، ياريت يابنات الي تعرف محل كويس بيبيع بالقسط تقولي عليه في القاهرة

وكمان ياريت الي جابت ادواتها الكهربائية تكتبلنا لستة بأحسن نوع والأسعار ايه اخبارها.. وانا ان شاء الله لو عرفت حاجة هقولكو

الله يكرمك ياروره جزاكى الله كل خير على كلامك الطيب
وياريت البنات هنا تساعدك فى كل اللى تحتاجيه...!
هحاول بجد اسألك على موضوع كليوبترا...بس سرابيكها فعلا حلو واشكاله جميله انا كنت فيه قريب فى شهر 2 اللى فات كان فعلا فى تخفيضات بس متهيألى خلصت والله اعلم جايز تكون فى تخفيضات تانيه...
اما موضوع الأجهزه الكهربائيه من ناحية ادوات المطبخ اكيد براون اما الأجهزه الكبيره زى التلاجه والبوتجاز الصراحه انا لسه مجبتش بس هقلك على اللى بسمعه وممكن اجيب منه
التلاجه اسمع ان وايت ويل و ل جى كويسين اوى
البوتجاز وايت ويل برده و يونيفرسال بيقولوا حلو هو كمان
الغساله اديال زانوسى وباين كمان وايت ويل
السخان اولمبيك الكترك و وايت ويل كمان
لو فى اى حاجه تانيه عايزه تسالى عليها اقدر اقولهالك ان شاء الله انا موجوده..
اما موضوع المناصره ده انا مش عارفاه ولا سمعت عنه قصدك ايه؟

هااي يا جمااعه

اولاا انتو احبطوووني في حكاايه ان دميااط مفيهاااش مودرن خاالص مع ان في نااس هنا ف يالمنتدى قالتلي قبل كده انه موجود هنااك بس ف يمعاارض معينه فياارب يسهل كده وقلااقيه

وبالنسبه يا ميااده لمعاارض مصطفى النحااس اللي قلتلك عليهاا تقريباا كلهم جنب بعض هتلااقيهم يعني افضلي ماشيه مع شري المترو ف يمصطفى النحاس وانتي هتلاقي كذا معرض وبيوتاات طبعاا واحد منهم وانا شفت عنده اوضه نوم مودرن عجبتني والراجل قلنا تعالو خدوهاا ب 14 ونص والسفره برضو عندو حجااتن ناايس اوي بس مش فاكره سعرهاا بالزبط كاام بس يمكن 17 وفوق مم وف يصالوناات وانتريه مودرن برضو وكده يعني

بس طبعاا انا مبفهمش في الجوده والحجات دي الاراجل بقول انها خشب زان 100% يعني ابقي روحي وشوفي بنفسك احسن برضو

MarMarty_83;5431541:
هااي يا جمااعه

اولاا انتو احبطوووني في حكاايه ان دميااط مفيهاااش مودرن خاالص مع ان في نااس هنا ف يالمنتدى قالتلي قبل كده انه موجود هنااك بس ف يمعاارض معينه فياارب يسهل كده وقلااقيه

وبالنسبه يا ميااده لمعاارض مصطفى النحااس اللي قلتلك عليهاا تقريباا كلهم جنب بعض هتلااقيهم يعني افضلي ماشيه مع شري المترو ف يمصطفى النحاس وانتي هتلاقي كذا معرض وبيوتاات طبعاا واحد منهم وانا شفت عنده اوضه نوم مودرن عجبتني والراجل قلنا تعالو خدوهاا ب 14 ونص والسفره برضو عندو حجااتن ناايس اوي بس مش فاكره سعرهاا بالزبط كاام بس يمكن 17 وفوق مم وف يصالوناات وانتريه مودرن برضو وكده يعني

بس طبعاا انا مبفهمش في الجوده والحجات دي الاراجل بقول انها خشب زان 100% يعني ابقي روحي وشوفي بنفسك احسن برضو

معلش يا مارمارتى انا مكنشى قصدى احبطك بس الصراحه انا مشفتش مودرن هناك..لو لأيتى ابأى قوليلى..!
وميرسى جدا على ردك
وان شاء الله احنا هنا دايما مع بعض