استفسارات بنات مصر ........تفضلوا

تيوة يارين الاضاءة بتاعت الديكوارات المودرن لانى محتاجاها
لانى ان شاء الله هاعمل بيتى مودرن فحاولى تحطيها فى اسرع وقت

فكرة جميلة اوى اوى يااناناس

فكرة الموضوع جميلة اوى يا اناناسة

موفقة يا قمرة

@ green apple @;4683399:
فكرة الموضوع جميلة اوى يا اناناسة

موفقة يا قمرة

منوره يا جرينا

ويارب تستفيدى ونستفاد منك انتى صحبت موضوع مش غريبه

crazy ananas;4683843:

شكرا يا بوكى على وجودك معانا

بس خالى بالك انتى مش مجرد واحده بتسئل انتى كمان ممكن تجوبى على اى واحده تانيه بتسئل اصل الدنيا دواره هههههههههه وان شاء الله نفيد بعض

وان شاء الله اجبلك كام عنوان للمحلات المودرن

على فكره مؤقتا فى محل فى مصر الجديده ميدان تريانف بتاع اضاءه مودرن مش عارفه العنوان بالظبط بس بصى هو فالشارع اللى فيه محل البيك خالى البيك على شمالك وامشى على الرصيف التانى بس امشى مع العربيات تقريبا هو نحيت حضر موت اللى هناك
معرفش انتى فهمتى وله لا ياريت تقوليلى اوك

وفى كمان سوق الكهرباء ورا المطافى اللى فالعتبه معرفش مكانه بالظبط اسئلى هناك

مع حبى واعتزازى

مرسية ياجميل انا هسئل واروح امال ايه اهم حاجة فى البيت الاضاءة عاوزة حاجات لذيذة كدة
انا شفت واحد عند كارفور تحفة بس مش عارفة هاعرف اروحة ولاا لاء

الاباجورالت عاوزة محل بيبيع اباجورات حلوة وسعرها كويس
عشان جارتى اللى تحت عاوزة وفرحها خلاص بعد 15 يوم وعاوزة اساعدها

اوعى تقوليلى خطيبك مهندس كمان يااناناس لحسن كدة هدبحك بجد

ياجماعة عاوزة اسالكوا على حاجة جارتى عاوزاها بس محرجة جدااااااااااا
بس برة قبل يوم 15

انتوا فين

بصراحة يابنات.. انا وقعت من السما وانتو استلقتوني

انا بأة لسة هعمل شقتي بس المشكلة اني برة بشتغل في الكويت.. انا وجوزي، والي هيشطبلي شقتي أهل جوزي.. لي عودة مرة تانية ان شاء الله عشان نتكلم براحتنا..

سلام مؤقت

يا بوكى انزلى درب البرابره هتلاقى اشكال والوان واسعار مختلفه وممكن تفصلى معاهم

واهلا بيكى يا روره على فكره انا شفتلك كام موضوع هنا وعجبونى ومبسوطه انك معانا ويارب تلاقى معانا اللى انت عوزاه بس متزعليش لو طلبك اتاخر عشان الموضوع مش مشهور قوى بين البنات

ربنا يسهل ويتشهر هههههههه

يابنات انا عيزة اخد رأيكو في كم حاجة كدة.. وياريت بجد تفيدوني.. انا حسة اني لوحدي ومفيش حد بيساعدني ولا بيديني رأيه

انا بآلي حوالي سنة ونص متجوزة وعندي بنوتة جميلة خالص اسمها مريم

اتجوزت في شقة حماتي والحمدلله علا كل حال، شقة اديمة طبعا وعفش أديم.. وأقمنا فيها شهر وبعدين جينا عالكويت انا وجوزي..

المهم اني مفرحتش بشقة ولا بفرش زيي زي أي عروسة.. ولما ربنا يسر ولله الحمد قررنا انا وجوزي نبعت لأهله الفلوس في مصر وهم يشطبو.. ودة لأن شقتي فوق شقة حماتي

بصو بأة يابنات.. انا شقتي خالصة كهربا ومحارة وخشب.. مش ناقص إلا السباكة والأرضيات ودهانات الحائط والخشب

انا محتارة جدا في ألوان الدهانات والسيراميك وكل الكلام دة.. مش عرفة اعمل ايه وخايفة اختار لون يعملوه فاقع وميفهموش اانا عيزة ايه

ياريت تدوني رأيكم..

بالنسبة للسيراميك في الحمام كنت همووووووووووووووت واعمله الأرضية سودا والحوائط رمادي فاتح معتق

شكله تحففة والحمام دة شفته على الكتالوج دة.. علا فكرة هيعجبكو اوي الكتالوج دة وهيفيدكو جدا.. وانا كمان هساعدكو في اني احطلكو مواقع كتير تخص تشطيب الشقق

http://go.3roos.com/gDrRZgoMoMj

المهم فشلت الفكرة بسبب رفض جوزي.. وقالي اي حاجة هتعلم فيه.. فقلت خلاص.. اعمله بيج وخلاص.. بيج فاتح معتق.. ها يبنات ايه رأيكو؟؟ وايه رأيكو طقم الحمام يبأة لونه بيج ولا أبيض؟؟ متهيألي البيج هيليق اكتر صح؟

بالنسبة لدهان الحائط، فكرت في اللون اللموني.. طالع موووضة وجنان.. بس قالولي هيبأة فاقع.. لئيت اللون المشمشي حلو وكمان لو دهنت الخشب موف غامق او بتنجاني يعني هيبأة احلا.. بس محتارة في لون الكرانيش والسقف والأرضية..

بصو كدة على الألوان في الصورة دي عشان تعرفو فكرتي اكتر
http://go.3roos.com/MXU7Yn8DPbT

بس حسة بردو اني لو قلتلهم مشمشي هيطلعوه فاقع

ولئيت اللون الدهبي حلو اوي.. او مثلا مشمشي فاتح

انا دلوقت عيزة اعرف لون الأرضية تبأة ايه ؟؟؟؟؟؟؟؟؟
شفت اللون البيج الغامق المعتق لئيته حلو اوي.. بس هيليق مع بقية الألوان

وبالنسبة لسيراميك المطبخ قلتلهم يعملو الأرضية أصفر كناري.. والحائط أصفر كناري مع أذرق ويبأة في حزام في الوسط ليه شكل معين زي مثلا أشكال الفاكهة او ادوات المطبخ.. وهتلائو بردو الأشكال دي في الكتالوج الي حطيته فوق.

يلا يبنات مستنية الهمة والنشاط.. وانا والله لو لئيت حاجة ليكو هحطهالكو ان شاء الله ومش هبخل عليكو.

يلا سلام

المواقع دي لشركة جوتن.. هنا تقدري تختاري اللون الي انتي عيزاه وتشوفيه علا لون الغرفة.. حلو اوي

http://jotun.iscgnet.com/visualizer.asp?MinorAreaID=102&CSEID=469&ClearHistory=&MinorAreaSceneID=2288&cRender=469^DV^QM

Jotun : FargeVelger

دة موقع مطابخ عمرو حلمي.. بس غالي ناااااااااااااااااااااار

AMR HELMY DESIGNS - The World ... And More


دة موقع تاني لدهانات الحائط

Dulux paint colour range and advice about choosing colours

وفي كمان موقع قبنوري عنده مطابخ حلوة.. ادخلي علا جوجل وحطي كلمة مطبخ قبنوري

او اعتقد الموقع Kabnoury

الموضوع ده بجد ممتاز وفكرته حلوة اوي ..ان شاء الله كلنا نستفيد ونفيد بعض

روره انا قريت مشاركتك وبصي بقى ياستي اولا بالنسبه للحمام ..كلام جوزك صح ..حمام بيت خالي كان عامله الارضيه كحلي ..اي بقى شوية صابون تلاقيه معلم في ارض الحمام ومع الوقت تحسي اللون مبقاش كحلي اوي بهت كده ..فاحين حاجه ابعدي خالص عن الالوان الغامقه في الارضيات

بالنسبه للبيج المعتق فانا معاكي جدا في اختيارك احنا شقتنا عملينها بيج معتق هو السيراميك كانت الجوهره ..تحفه وكل اللي يشوفه يعجبه اوي ..بالنسبه لطقم الحمام احنا جايبينه اوف وايت ..يعني مش ابيض ولا بيج حاجه كده وسط بين الاتنين.

بالنسبه للون الدهانات ده احسن حاجه انك تبقى واقفه على ايد الراجل وتخليه يجربلك كل لون ..انا عملت كده لما كنت بدهن شقتنا ..او ممكن تعملي حاجه في مواقع لشركات الدهانات الكبيره انتي تدخلي عليها وتختاري اللون اللي عاوزاه وتعرفي الكود بتاعه وبعدين تديه لاهل جوزك يروحوا الشركه ويجيبوهولك ..هيبقى بالضبط هو اللون اللي اختارتيه.

من رأيي اللون المشمشي الفاتح حلو اوي ..كمان ممكن تعملي لون الحيطه اوف وايت ..يعني اغمق درجه من الاوف وايت بيبقى لونه جميل اوي وميزته انه هيليق على اي لون عفش , كمان انا بحس ان اللون اللموني ده متعب شويه للعين ..يعني لو الوان هاديه هتبقى جميله ..

لون العفش البتنجاني رائع وبيبان فخم اوي ..انا معاكي اوي في اختيار اللون ده وكمان هيعمل ماتشينج مع لون الحيطه ..

لون الارضيه ..في سيراميك طالع من فتره بيبان زي الرخام كده ..حلو اوي وفخم ..على حسب لون الحيطه لو عملتيها اوف وايت هاتي السيراميك من الوان البيجات ..هيبقى حلو جدا وهيريحك في الديكور لان الالوان الترابيه دي بتليق على كل الالوان ..وكمان بتدي وسع للمكان.

بالنسبه للمطبخ ..اعملي اللون اللي يعجبك بس اهم حاجه اعملي حسابك ان الشريط اللي بيبقى في نص الحيطه يدخل فيه لون خشب المطبخ..يعني هل هيبقى بيج وللا بني محروق وللا بني كاكاوي ..فحاولي تخلي الالوان متناسقه جوا المطبخ ومبيقاش في الوان متنافره ..انا فكرت في فتره اعمل مطبخي الحيطه ابيض والارضيه ابيض في اسود وخشب المطبخ اسود ..وادخل بقى الوان في باقي الديكور زي الستاير والساعه بتاعت المطبخ والحاجات دي .. بس زي ماقلتلك المشكله في الالوان الغامقه بيبان فيها اي شوية صابون وكمان مش بتعيش .

اي خدمه ليكي ياجميل وبرضه هادورلك على صور تساعدك

(على فكره انتي ممكن تعملي حاجه حلوة جدا تريحك ..انتي ممكن تخلي الحد المسئول عن تجهيز بيتك ينزل محلات السيراميك الكبيره في مصر ..زي محل المحجوب مثلا ..هناك بيبقوا عملين تصاميم مصغره كده للمطابخ والحمامات وبتبقى تحفه ..مهندسين ديكور هم اللي عاملينها ..فالحد قريبكم ده ينزل ويتفرج ويصورلكم النماذج دي ويبعتهالكم وانتوا تختاروا منها )

اعمله بيج وخلاص.. بيج فاتح معتق.. ها يبنات ايه رأيكو؟؟ وايه رأيكو طقم الحمام يبأة لونه بيج ولا أبيض؟؟ متهيألي البيج هيليق اكتر صح؟

البيج لونه حلو خصوصا نازل فى سيراميك كيلوبترا نوع شكله يدى على لون البيج المحجر ونقشق السيراميك حلوه قوى تحسى انها فخمه
وعلى فكره السيراميك اللى نقشته زى الحجر فى منها لون الروز والزيتى فاتح الحاجات ديه ففرع روكسى
اما لو طقم الحمام فلو بيج يكون احلى من الابيض

بالنسبة لدهان الحائط، فكرت في اللون اللموني.. طالع موووضة وجنان.. بس قالولي هيبأة فاقع.. لئيت اللون المشمشي حلو وكمان لو دهنت الخشب موف غامق او بتنجاني يعني هيبأة احلا.. بس محتارة في لون الكرانيش والسقف والأرضية..

على فكره اللمونى حلو وفيه درجات المهم فاللى هيعمل اللون ,, اما المشمشى الفاتح حلو بردو
والخشب لو لونه بتنجانى هيبئا جميل
اما الباقى لسه مش متخيله الونهم لو لاقيت فكره هقولك انا عندى الوان بتاعت سايبس هشفهم واقولك

ولئيت اللون الدهبي حلو اوي.. او مثلا مشمشي فاتح
انا دلوقت عيزة اعرف لون الأرضية تبأة ايه ؟؟؟؟؟؟؟؟؟
شفت اللون البيج الغامق المعتق لئيته حلو اوي.. بس هيليق مع بقية الألوان

على فكره الدهبى حلو كمان وعندى صوره هنزلهالك شفتها عالنت
اما الارضيه شوفى الوان الاثاث بتاعك مع الحيطه وشوفى لو يمشى مع الاتنين

وبالنسبة لسيراميك المطبخ قلتلهم يعملو الأرضية أصفر كناري.. والحائط أصفر كناري مع أذرق ويبأة في حزام في الوسط ليه شكل معين زي مثلا أشكال الفاكهة او ادوات المطبخ.. وهتلائو بردو الأشكال دي في الكتالوج الي حطيته فوق.

حلو اللون ده وكمان عندك الاحمر مع الرصاصى وفى البيج مع التوبى وفى سراميك بيكون فى اشكال وفى وزره مستطيله بتتحط فى نص الحيطه
يلا يبنات مستنية الهمة والنشاط.. وانا والله لو لئيت حاجة ليكو هحطهالكو ان شاء الله ومش هبخل عليكو.
ان شاء الله البنات كمان تقولك رايهم
Armstrong's Design A Room
ممكن الموقع ده يفيدك بردو وربنا يكرمك ويفرحك ويجزيكى خير على المواقع اللى نزلتيها :flower:

اهلا بيكى يا فتاه مسلمه

الحمد لله ان الموضوع عجبك

وردك على روره جميل وزوق

يارب نشوف معانا علطول

هاى يا بنات
الف مبروك لكل العرايس
انا متجوزة بقالى سنة ونص بس اختى هتتجوز ومش هتعمل فرح
كنت عايزة اعملها حجة تتوزع على الناس تكون جديدة فى كتب الكتاب
ياريت تقولولى افكاركم

المواضيع حلوة اوى والحاجات اللى بتحها مهينار وابل تحفة