crazy ananas;4684235:
هو انا لسه معرف كتير فالاضاءه بس الحمد لله خطيبى بيعرف فيها كويس
اهم حاجه توظفى الاضاءه صح فالوانها واشكالها حسب استيل المكان اللى فيها
انا لسه مشفتش العنواين فالكتالوج لو لاقيت حاجه تنفعك هكتبها
:wavetowel2:
رورة;4685095:
بصراحة يابنات.. انا وقعت من السما وانتو استلقتوني
انا بأة لسة هعمل شقتي بس المشكلة اني برة بشتغل في الكويت.. انا وجوزي، والي هيشطبلي شقتي أهل جوزي.. لي عودة مرة تانية ان شاء الله عشان نتكلم براحتنا..
سلام مؤقت
سارة نورى;4694124:
هاى يا بنات
الف مبروك لكل العرايس
انا متجوزة بقالى سنة ونص بس اختى هتتجوز ومش هتعمل فرح
كنت عايزة اعملها حجة تتوزع على الناس تكون جديدة فى كتب الكتاب
ياريت تقولولى افكاركم
boky2010;4694608:
المواضيع حلوة اوى والحاجات اللى بتحها مهينار وابل تحفة
boky2010;4694667:
يااااريت ومرسية ياقمر على اهتمامك
ياريت انا عاوزة حاجة مجنونة ومطرقعة لان البيت فية انتين مجانين وشيك كمان
crazy ananas;4694754:
على فكره يا بوكى انا روحت امبارح رويال هوس ولاقيت فى ركن الاثاث تحت حاجات اضاءه مودرن
بس بيتهيئلى غاليه اكتر من بره روحى واتفرجى يمكن تعجبك
crazy ananas;4694733:
الف مبروك يا ساره لاختك وعقبال متفرحى باولادك ان شاء الله :shiny:
http://www.3roos.com/forums/t290795_19.html
الموضوع ده هيفيدك اكتر لان هنا للديكورات ولتجهيز الشقه بس
وياريت تفيدينا بخبرت فى تجهيز شقتك واحسن الاماكن اللى اتعملتى معاها :shiny:
بوكى يا حببتى شكلك اتلغبطى مهنار وابل بينزلوا الصور فالموضوع بتاع التجهيزات م هنا للاسف
فتاة مسلمه;4694067:
روره انا قريت مشاركتك وبصي بقى ياستي اولا بالنسبه للحمام ..كلام جوزك صح ..حمام بيت خالي كان عامله الارضيه كحلي ..اي بقى شوية صابون تلاقيه معلم في ارض الحمام ومع الوقت تحسي اللون مبقاش كحلي اوي بهت كده ..فاحين حاجه ابعدي خالص عن الالوان الغامقه في الارضيات
يعني تفتكري أبعد خالص عن الغوامق.. خلاص ماشي ياستي.. ماما واخواتي بردو قالولي كدة..
بالنسبه للبيج المعتق فانا معاكي جدا في اختيارك احنا شقتنا عملينها بيج معتق هو السيراميك كانت الجوهره ..تحفه وكل اللي يشوفه يعجبه اوي ..بالنسبه لطقم الحمام احنا جايبينه اوف وايت ..يعني مش ابيض ولا بيج حاجه كده وسط بين الاتنين.
طيب تفتكري هلائي اللون دة في كليوباترا.. اصل الجوهرة غالي شوية، وانا بصراحة مش ناوية اصرف عالشقة اوي يعني.. في حدود معينة ليها.. وعموما ممكن تسأليلي كم متر السيراميك الي انتي عملتيه دة في الجوهرة ؟؟
بالنسبة لطقم الحمام .. انا خلاص قررت ان شاء الله اعمل الحمام بيج والطقم دهبي فاتح.. اكيد هيكون حلو.. خاصة ان طقم الحنفيات الي جيباه فيه دهبي. إيه رأيك.. ولو ملأوش اللون دة ممكن يعملوه أوف وايت بردو فكرتك حلوة.
بالنسبه للون الدهانات ده احسن حاجه انك تبقى واقفه على ايد الراجل وتخليه يجربلك كل لون ..انا عملت كده لما كنت بدهن شقتنا ..او ممكن تعملي حاجه في مواقع لشركات الدهانات الكبيره انتي تدخلي عليها وتختاري اللون اللي عاوزاه وتعرفي الكود بتاعه وبعدين تديه لاهل جوزك يروحوا الشركه ويجيبوهولك ..هيبقى بالضبط هو اللون اللي اختارتيه.
للأسف مش هقدر ابدا اقف علا ايد الراجل لأني زي ماقلت في الأول مش هبأة موجودة.. انا عيزة لون اقولهم عليه يفهموه علاطول.. ولا يطلعوه فاقع ولا غامق ولا فاتح ولا لون تاني.. طب معلش ايه رأيكو في السمني.. هو تقليدي شوية بس بيليق علا كل حاجة.. وكمان هيليق اكتر علاسيراميك الريسبشن لو لونه بيج.. مش كدة؟
عموما انا فعلا اخترت لون من شركة جوتن.. بس حسة بردو انهم هيطلعوه مش هوة.. لما اختار هبأة اقولكو عملت ايه
من رأيي اللون المشمشي الفاتح حلو اوي ..كمان ممكن تعملي لون الحيطه اوف وايت ..يعني اغمق درجه من الاوف وايت بيبقى لونه جميل اوي وميزته انه هيليق على اي لون عفش , كمان انا بحس ان اللون اللموني ده متعب شويه للعين ..يعني لو الوان هاديه هتبقى جميله ..
لون العفش البتنجاني رائع وبيبان فخم اوي ..انا معاكي اوي في اختيار اللون ده وكمان هيعمل ماتشينج مع لون الحيطه ..
انا مقصدتش ان لون العفش بتنجاني.. بالرغم اني ناوية ادخل الوان كدة كتير ان شاء الله في العفش.. انا اقصد لون الأبواب والشبابيك.. زي الصورة الي أرفقتها مع كلامي.. لو شفتيها هتفهمي كلامي..
لون الارضيه ..في سيراميك طالع من فتره بيبان زي الرخام كده ..حلو اوي وفخم ..على حسب لون الحيطه لو عملتيها اوف وايت هاتي السيراميك من الوان البيجات ..هيبقى حلو جدا وهيريحك في الديكور لان الالوان الترابيه دي بتليق على كل الالوان ..وكمان بتدي وسع للمكان.
طيب تفتكري هيكون غالي شوية ؟؟ علافكرة انا عيزة ان شاء الله لما اعمل سيراميك الشقة كلها عيزة اعمله مطفي مش بيلمع.. ايه رأيك.. مش كدة أشيك.. بس عيزة اعرف هل المطفي دة اغلا في السعر من الي بيلمع ؟
اي خدمه ليكي ياجميل وبرضه هادورلك على صور تساعدك
ربنا يخليكي لية يا ألبي.. وربنا يكرمك ويسعدك دايما :)
(على فكره انتي ممكن تعملي حاجه حلوة جدا تريحك ..انتي ممكن تخلي الحد المسئول عن تجهيز بيتك ينزل محلات السيراميك الكبيره في مصر ..زي محل المحجوب مثلا ..هناك بيبقوا عملين تصاميم مصغره كده للمطابخ والحمامات وبتبقى تحفه ..مهندسين ديكور هم اللي عاملينها ..فالحد قريبكم ده ينزل ويتفرج ويصورلكم النماذج دي ويبعتهالكم وانتوا تختاروا منها )
العملية دي هتبأة صعبة شوية.. خاصة مع الناس الي هتعامل معاهم
crazy ananas;4694085:
اعمله بيج وخلاص.. بيج فاتح معتق.. ها يبنات ايه رأيكو؟؟ وايه رأيكو طقم الحمام يبأة لونه بيج ولا أبيض؟؟ متهيألي البيج هيليق اكتر صح؟
البيج لونه حلو خصوصا نازل فى سيراميك كيلوبترا نوع شكله يدى على لون البيج المحجر ونقشق السيراميك حلوه قوى تحسى انها فخمه
وعلى فكره السيراميك اللى نقشته زى الحجر فى منها لون الروز والزيتى فاتح الحاجات ديه ففرع روكسى
اما لو طقم الحمام فلو بيج يكون احلى من الابيض
طيب يا أناناسة ممكن تقوليلي السيراميك الي بتقولي عليه دة كم سعر المتر.. والجوهرة ولا كليوباترا ؟؟
بالنسبة لدهان الحائط، فكرت في اللون اللموني.. طالع موووضة وجنان.. بس قالولي هيبأة فاقع.. لئيت اللون المشمشي حلو وكمان لو دهنت الخشب موف غامق او بتنجاني يعني هيبأة احلا.. بس محتارة في لون الكرانيش والسقف والأرضية..
على فكره اللمونى حلو وفيه درجات المهم فاللى هيعمل اللون ,, اما المشمشى الفاتح حلو بردو
والخشب لو لونه بتنجانى هيبئا جميل
اما الباقى لسه مش متخيله الونهم لو لاقيت فكره هقولك انا عندى الوان بتاعت سايبس هشفهم واقولك
مستنياكي
ولئيت اللون الدهبي حلو اوي.. او مثلا مشمشي فاتح
انا دلوقت عيزة اعرف لون الأرضية تبأة ايه ؟؟؟؟؟؟؟؟؟
شفت اللون البيج الغامق المعتق لئيته حلو اوي.. بس هيليق مع بقية الألوان
على فكره الدهبى حلو كمان وعندى صوره هنزلهالك شفتها عالنت
اما الارضيه شوفى الوان الاثاث بتاعك مع الحيطه وشوفى لو يمشى مع الاتنين
ماشي يا قمر مستنياكي
وبالنسبة لسيراميك المطبخ قلتلهم يعملو الأرضية أصفر كناري.. والحائط أصفر كناري مع أذرق ويبأة في حزام في الوسط ليه شكل معين زي مثلا أشكال الفاكهة او ادوات المطبخ.. وهتلائو بردو الأشكال دي في الكتالوج الي حطيته فوق.
حلو اللون ده وكمان عندك الاحمر مع الرصاصى وفى البيج مع التوبى وفى سراميك بيكون فى اشكال وفى وزره مستطيله بتتحط فى نص الحيطه
يلا يبنات مستنية الهمة والنشاط.. وانا والله لو لئيت حاجة ليكو هحطهالكو ان شاء الله ومش هبخل عليكو.
ان شاء الله البنات كمان تقولك رايهم
Armstrong's Design A Room
ممكن الموقع ده يفيدك بردو وربنا يكرمك ويفرحك ويجزيكى خير على المواقع اللى نزلتيها :flower:
رورة;4690633:
يابنات انا عيزة اخد رأيكو في كم حاجة كدة.. وياريت بجد تفيدوني.. انا حسة اني لوحدي ومفيش حد بيساعدني ولا بيديني رأيه
انا بآلي حوالي سنة ونص متجوزة وعندي بنوتة جميلة خالص اسمها مريم
اتجوزت في شقة حماتي والحمدلله علا كل حال، شقة اديمة طبعا وعفش أديم.. وأقمنا فيها شهر وبعدين جينا عالكويت انا وجوزي..
المهم اني مفرحتش بشقة ولا بفرش زيي زي أي عروسة.. ولما ربنا يسر ولله الحمد قررنا انا وجوزي نبعت لأهله الفلوس في مصر وهم يشطبو.. ودة لأن شقتي فوق شقة حماتي
بصو بأة يابنات.. انا شقتي خالصة كهربا ومحارة وخشب.. مش ناقص إلا السباكة والأرضيات ودهانات الحائط والخشب
انا محتارة جدا في ألوان الدهانات والسيراميك وكل الكلام دة.. مش عرفة اعمل ايه وخايفة اختار لون يعملوه فاقع وميفهموش اانا عيزة ايه
ياريت تدوني رأيكم..
بالنسبة للسيراميك في الحمام كنت همووووووووووووووت واعمله الأرضية سودا والحوائط رمادي فاتح معتق
شكله تحففة والحمام دة شفته على الكتالوج دة.. علا فكرة هيعجبكو اوي الكتالوج دة وهيفيدكو جدا.. وانا كمان هساعدكو في اني احطلكو مواقع كتير تخص تشطيب الشقق
http://go.3roos.com/gDrRZgoMoMj
المهم فشلت الفكرة بسبب رفض جوزي.. وقالي اي حاجة هتعلم فيه.. فقلت خلاص.. اعمله بيج وخلاص.. بيج فاتح معتق.. ها يبنات ايه رأيكو؟؟ وايه رأيكو طقم الحمام يبأة لونه بيج ولا أبيض؟؟ متهيألي البيج هيليق اكتر صح؟
بالنسبة لدهان الحائط، فكرت في اللون اللموني.. طالع موووضة وجنان.. بس قالولي هيبأة فاقع.. لئيت اللون المشمشي حلو وكمان لو دهنت الخشب موف غامق او بتنجاني يعني هيبأة احلا.. بس محتارة في لون الكرانيش والسقف والأرضية..
بصو كدة على الألوان في الصورة دي عشان تعرفو فكرتي اكتر
http://go.3roos.com/MXU7Yn8DPbT
بس حسة بردو اني لو قلتلهم مشمشي هيطلعوه فاقع
ولئيت اللون الدهبي حلو اوي.. او مثلا مشمشي فاتح
انا دلوقت عيزة اعرف لون الأرضية تبأة ايه ؟؟؟؟؟؟؟؟؟
شفت اللون البيج الغامق المعتق لئيته حلو اوي.. بس هيليق مع بقية الألوان
وبالنسبة لسيراميك المطبخ قلتلهم يعملو الأرضية أصفر كناري.. والحائط أصفر كناري مع أذرق ويبأة في حزام في الوسط ليه شكل معين زي مثلا أشكال الفاكهة او ادوات المطبخ.. وهتلائو بردو الأشكال دي في الكتالوج الي حطيته فوق.
يلا يبنات مستنية الهمة والنشاط.. وانا والله لو لئيت حاجة ليكو هحطهالكو ان شاء الله ومش هبخل عليكو.
يلا سلام
رورة;4696787:
أناناسة ميرسي اوي يا جميلة على ردك.. بجد انتي عسووولة اوي.
حبيبتي اناناسية مرة تانية بشكرك على مساعدتك حبيبتي وتسلملي ايدك على كل حرف كتبتيه
وجزاكي الله خيرا.. :))