تجمع بنات مصر المتاخرات عن الحمل

أنا آسفة يا نونا والله ما كان قصدي أنكد عليكي...بس أنا ما ليش حد أشكيلو إلا انتو يا جماعة ..صحيح ماما و جوزي مش مقصرين معايا بس انتو حاسيت بمشكلتي أكتر,,,,

ربنا يتمملك على خير يا رونا و تبقي فاتحة خير علينا كلنا.... و ربنا يرزقك يا نونا و يرزقني انا كمان ..و ياااا رب نفرح بخلفتنا و ما يشمتش حد فينا ....

أنا عارفة بتأخر بالرد يا جماعة بس والله غصب عني .... وجع و آلام الدورة شديد.... و أديني رجعت آخد كلوميد...

ربنا يجيب اللي فيه الخير المرة دي.... على فكرة دكتورتي قالتلي إزا ما صارش حمل كمان الشهر ده راح تعملي تحليل نسيت إسمو بس ملخصو انها بتاخد مني عينة من المهبل بعد الجماع مع جوزي، و بتشوف نسبة حموضة المهبل و ازا المهبل فيه أجسام مضادة و بتقتل الحيوانات المنوية... حد سمع عنو ده؟؟؟ لأني خلااااااااااااااااص شبعت تحاااااااااااااليييييييييييييل..و بصراحة لو كنت وفرت كل مصاريف المختبرات و التحاليل و الكشفيات كانت نفعتنا و عملت عمليتين أطفال أنابيب بدل الواحدة...

انشالله يا نونا ربنا ما يخليناش نحوج لحد و يديني بدل الواحد عشرة......

ما قلتوليش يا جماعة رأيكو إيه في ربط الأسنان؟؟ ما حدش علق عالموضوع؟؟؟ أعملها و أتوكل على الله علشان أخس من 7-10 كج..؟؟؟

أزيكو يا بنات عاملين إيه النهارده معلش أنا بدخل بس بالليل على ما إخواتى بيخلصوا النت هم كمان المهم إيه يا أيام ربط الأسنان دى قصدك ربط المعده لو هو ده قصدك لأ و مليون لأ لأنها مضره للجسم صدقينى حاولى تنظمى أكلك و أنتى هتخسى صدقينى وربنا يكنبلك الخير
يا نونا أنا كنت حاسه إنك مش نونا اللى أنا متعوده عليها بس والله أنا حاسه بيكى وعلى فكره عارفه أنتى بتفكرى فى إيه وعارفه كمان أنتى مخنوقه من إيه لأنى مجربه كل اللى أنتى فيه هقولك على حل سحرى كل ما أتخنق بعمله على فكره أنا كنت زيك جوزى كان إتخنق منى من كتر إلحاحى على موضوع الحمل بس عارفه لما لقيت نفسى مش عارفه أتكلم مع حد بقيت لما بحس بخانقه بقعد يا أما بكتب اللى أنا حساه وبكلم ربنا با أما بقعد أكلم ربنا لإنه الوحيد اللى عارف اللى عاوزه تقوليه من غير ما تقوليه وحتى إذا مش عارفه تعبرى عنه هو فاهمه كلمى ربنا يا نونا وعيطى و أنتى بتعيطى إدعيه و إن شاء الله هيستجيبلك و كمان إقرى سوره الضحى هى صغيره بس جميله وفيها أيه كل ما كنت بتخنق كنت بقراها يا نونا وهى (ولسوف يعطيك ربك فترضى) خلى يقينك بالله كبير و ربنا هيعوض صبرك خير بإذن الله وبعدين الناس ما بتسبش حد فى حاله صدقينى روحى عيشى مع جوزك ومتفكريش فى الناس إذا كان قعادك معاه هيريحك و طنشى كلام الناس خالص و توكلى على ربنا الرحمن اللى مفيش أحن منه علينا
و أنتى يا أيام روقى و حاولى تكون نفسيتك مرتاحه و متقلقيش من التحليل اللى الدكتوره هتعمله دى بتاخد مسحه من عنق الرحم بعد ما يكون حصل جماع عشان تشوف الحيوانات المنويه عايشه ولا لأ لإنها إذا مش عايشه بيكون يا أما ميكروب عندك أو عندك أجسام مضده للحيوانات المنويه وفى الحالتين متقلقيش بتديكى برشامه بتعالج الموضوع ده ولو ميكروب بتديكى أنتى و جوزك برشام عشان الميكروب ميكونش إتنقل لزوجك وربنا معاكى ويكتبلك الخير بإذن الله
يا بنات تفائلوا خير فى ربنا لأنكم أنتم اللى مصبرنى على الخنقه اللى أنا فيها لا جوزى موجود ولا عارفه أتحرك من البيت و على طول حاسه بتعب فى جسمى الحمد لله على كل حال طبعا بس أنتوا صحباتى اللى بتكلم معاهم و بنفضفض لبعض وربنا معانا كلنا يا رب و يهون عليكى يا نونا بعد زوجك عنك وعليا أنا كمان و تكون الدكتوره بتاعتك شاطره يا أيام يا رب

إزيك يا رونا؟؟ وحشتينا والله.... ربنا يتمملك على خير يا رب..و يسمع منك ربنا و يرزقنا و إياكي بالذرية الصالحة..ربط الأسنان دا يا بنات يعني زي التقويم بحطوه علشان يربطو الأسنان ببعضها ما تبقيش قادرة تفتحي اسنانك بالتالي هتطري تعيشي على السوائل لفترة... و هيا بسيطة جدا و غير مكلفة و بتنزل جااااااااامد... بس جوزي ما رضيش اني اعملها.. قلي زيكو ...انظم أكلي ..بس والله يا بنااااااااات انو اكلي عادي لكن مع حبوب الكلوميد بتلاقيني عندي شراهة قوية..و لما وقفت الحبوب قبل رمضان لمدة 4 شهور خسيت جامد لأنو جسمي رجع لطبيعتو...

أعمل ايه انا ؟؟؟؟؟

يا بنتي اتوكلي على الله
و حاولي ماتاكليش الا المفيد زي ماكنا بنقول لرونا
انا نفسي اثبت على ريجيم كل شويه بغير ريجيمي
و ده ساعات يخسس و ساعات يتخن
انا اصلا عشان نفسيتي تعبانه اليومين دول باكل زي اللي جايه من مجاعة
انا قرفانه من نفسي جدا بسبب الموضوع ده
و لما اخدت كلوميد الشهر اللي كان جوزي فيه هنا زاد وزني كتير
و كنت بجوع جامد جدا لدرجه ان جوزي افتكرني حامل و كان متاكد لاني كنت كتير برجع
بس واضح اني كنت برجع من كتر الاكل مش من حاجه تانيه ههههههههههههه
المشكلة معايا حوامل من اصحابي وزمايلي و طول النهار جايبين سندوتشات و ايس كريم وشوكولاته و كل اللي نفسهم فيه عشان مايحرموش نفسهم من حاجه و هم حوامل و طبعا لما بقوللهم انا عامله ريجيم بيحلفو و يصرو اني اكل معاهم لما بقى شكلي حامل اكتر منهم هههههههههههههههههههه
بس حاسه ان ظهري بيوجعني لان وزني زاد
و رجلي كمان بتوجعني و المفروض ان ده انذار من جسمي عشان اخس
ربنا يسهل و يقدرني ع الموضوع ده
يا رب نخس ونحمل ونخلف يا رب

إنتي وزنك قد إيه يا نونا تقريبا؟؟؟ و درجة تكيس المبايض عندك إيه؟؟؟ يعني متوسطة و لا شديدة و لا إيه؟؟؟ بعدين هدي نفسيتك ..انا اسمع انو النفسية و التوتر بيلخبط الهرمونات... و احنا كل هرموناتنا سليمة مش ناقصة يعني (قال يعني)

انا أديني باخد كلوميد لتاني مرة و هبقى ضعف اللي انا فيه دلوقتي... ربنا يستر...

يا بنات انا عاوزة أسألكو....لو عملت تلقيح صناعي مش يبقى أحسن بدل المرمطة اللي انا فيها دي؟؟؟

أزيكوا يا بنات عاملين إيه والنبى بلاش سيره الأكل أحسن هقوم أكل و أنا بقاوم بقالى ساعه إنى أقوم أكل متجوعونيش أكتر ما أنا جعانه و بعدين متهيألى يا أيام مش هتخسرى حاجه إذا عملتى العمليه لأن فرص نجاحها كبيره بس لازم تحطى فى بالك شويه حاجات وهى إن الحقن برده بتطخن و كمان لازم تبقى عارفه إن العمليه مش شرط تنجح مش بقولك كده عشان تتضايقى بس عشان تحطى كل الإحتمالات قدامك رأيى توكلى على الله و أعمليها و ساعتها مش هتحتاجى أى تحليل من اللى الدكتوره طلباهم بس أهم حاجه تعمليها عند دكتور شاطر فى العمليات دى و ربنا يكتبلك الخير
أزيك يا نونا عامله إيه هم صحباتك زيى جيلهم الحمل بجوع عارفه يا نونا وزنى دلوقتى زى وزنى لما كنت فى الشهر السدس الحمل اللى فات تصدقى مقولكيش مش عارفه ألبس هدومى العاديه من دلوقتى الحمل اللى فات كنت بلبس نفس البنطلونات لحدما ولدت تصدقى حبيت أقولك أنا طخنت قد إيه عشان تعرفى إن كلنا فى الهوا سوى بس اللى رافع روحى المعنويه إنى كنت باخد دواء فيه كورتيزون و المفروض إنه بيطخن أخر مره لما رحت للدكتور وقفه الحمد لله وشى التنفيخه اللى فيه قلت بقول عقبال جسمى لما يخس

بصي يا ايام ماتسالنيش عن وزني عشان انا بتحرج اقوله اصلا بس انا تخينه جدا دلوقتي حطي في بالك اني اخدت كلوميد لمده 7 شهور وبعدين رجعت اخده 4 شهور يعني تقريبا سنه فتقدري تقولي بقيت فيل صغير ماشي في البيت و جوزي زعقلي كتير على وزني بس المشكله اني وقتها ماكنتش بحس بنفسي وانا باكل فبقى شكلي زي الحامل بالضبط و درجة التكيس عندي انا مش عارفاها بس كل اللي اعرفه ان اخر مرة كشفت فيها الدكتورة قالت عندك كيس واحد على المبيض الشمال وفي شهور قالت دول كيسين واحد فيهم جواه دم و حجمهم لا بيقل ولا بيزيد كده من 4 سنين و حللت برولاكتين قريب طلع عادي و مافيش مشاكل وباخد دلوقتي جلوكوفاج و الحمد لله الدورة منتظمة ومش بتتاخر بس هي دي حالتي والدكتورة بتقوللي ان 70% من علاجي اني اخس عشان لو فضلت تخينه المشكلة بتزيد
انتي بقه قوليلي انا درجة التكيس عندي ايه؟؟؟؟
ربنا يشفينا و يرزقنا بالذرية الصالحه يا رب

ازيك يا رونا اخبارك ايه
و الله يا بنتي بنستناكي زي هلال العيد
ربنا معاكي يا رونا بجد انا بشوف الحوامل اللي معايا بيجوعو بسرعه اوي و بياكلو كل ساعتين تقريبا و كل شويه يتصلو بالسوبر ماركت و ماشاء الله هم 3 و كل واحدة تطلب بسكوتات وشوكولاته و لبن و كرواسون و يدوها اكل و يحلفو عليا واتحايل عليهم يسيبوني مافيش فايده في واحده فيهم قربت تولد بجد ربنا يعينها مش قادرة تمشي حتى و مش عارفه تلبس غير عبايات طبعا و قولتلهامن شهرين ما تاكليش غير المفيد قالتلي وانا مالي النونو هو اللي عاوز كده وكانت على طول بتاكل من كنتاكي وهارديز وبيتزا هت بجد هي صعبانه عليا عشان ضهرها بيوجعها اوي و بتعيط منه ربنا يتمم لها على خير و يقومها بالسلامه
طبعا في وسط كل الحوامل دول صعب تعرفي ان اللي انا فيه ده تخن وللا حمل لاني بقيت شبههم بالضبط
بجد يا رونا خللي بالك من وزنك عشان ضهرك و عشان تقدري تمشي في التاسع
ربنا يتمم لك على خير و تولدي بالسلامه و تجيبي احلى نونو ان شاء الله

ربنا يكرمك يا نونا أنا عارفه والله إن الوزن مهم بس هى حته إنك تكونى حاسه بجوع ومش عارفه تعملى إيه زى ما قلتلك نفسى فى حاجه تشبع و متطخنش حاليا بفكر أروح لدكتور تغذيه ربنا يكرمنى بدكتور شاطر يا رب و يشفيكى يا نونا يا رب و يرزقك الذريه الصالحه يا رب
أزيك يا أيام فينك يا بنتى مش باينه ليه ؟؟؟؟؟؟؟؟؟؟

صباح الخير يا بنات..انا كنت غاطسة في الشغل القرف... معلش استحملوني عندنا ضغط جامد اليومين دول...بس على الله يخف قبل ما تيجي ايام التبويض علشان أرتاح شوية....

الصراحة يا نونا انا ما اعرفش حاجة عن أكياس المبايض و لا درجاتو..انا أعرف تكيس المبايض..

عموما ربنا يشفيكي و يرزقك و يرزقني و إياكي..... طيب ما فيكيش تعملي عملية تشيلي الأكياس دي؟؟

و انتي يا رونا أخبارك ايه؟؟ خدي بالك من نفسك...و ما تجهديش حالك أبدا..و كلي الأكل المفيد ما تعكيش.. و انشالله انا من دلوقتي للصيف لو ما حملتش عالكلوميد..خلاااااص راح أنزل مصر أعملها .. لأني تعببببببببببت من العلاج و الانتظار

ازيك يا ايام
عامله ايه ؟
بصي يا ستي انا اقدر اشيل الاكياس دي بعمليه منظار صغيرة بس المشكله ان الزوج لازم يكون متواجد بعد العمليه دي لمدة 3 شهور ع الاقل عشان بعد المنظار بيكون في فرصه كبيرة انه يحصل حمل
بس طبعا جوزي مش موجود معايا المده دي كلها عشان كده سيبتهم اهم مدفييني
و قلت خليني اعمل ريجيم بقه اهو ع الاقل هو ده اللي بايدي حاليا
و الحمد لله على كل شيء
ربنا يشفينا و يرزقنا الذرية الصالحه يا رب

هههههههههههه عجبتني مدفييني هاي.... حايشاهم لليوم الإسود... انشالله يا رب تكون أيامك كلها هنا و سعادة يا رب..و تجتمعي مع جوزك طول العمر و ما تفارقيهووووش أبدا

أزيكم يا بنات عاملين إيه النهارده و حمد الله على سلامتك يا أيام و أزيك يا نونا إيه أخبارك عارفه إعملى العمليه و إخلصى وخلى موضوع الحمل لما ربنا يأذن بس إخلصى من العمليه وتعبها قبل ما جوزك ييجى و ظبطى نفسك وإن شاء الله كل شئ يتظبط بعد العمليه ووقت ما جوزك ييجى تحملى على طول بس ريحى نفسك من الكياس دى و أنا هبقى أجيبلك جكت يدفيكى بدل ما هم مدفيينك لحد ما إن شاء الله عيالك هم الى يدفوكى وهم جواكى بإذن الله يا قمر و ربنا معاكى إن شاء الله و أنتى يا أيام يا رب ربنا يكرمك وتحملى من غير عمليات وتنزلى مصر تتفسحى والنونو فى بطنك يا رب

ازيكم يا بنات عاملين ايه
اخبارك اه يا رونا و عامله ايه
ربنا يسمع منك يا رب و يستجيب لدعائك لينا و يتمم لك على خير
انا قلت لجوزي اني عاوزة اشيل الاكياس قبل ما اروحله بس هو مش موافق عشان مش عاوزنا نضيع فرصة الــ 3 شهور اللي بعد المنظار عشان يعني مابقاش تعبت نفسي و عملت عملية و في الاخر مش هستفيد من مميزاتها و انا قلت له زي مانت عاوز وخلاص
انا مش بقدر ارفض له طلب و هو بعيد عني بيكون صعبان عليا اني ازعله في حاجه او اضايقه
و ان شاء الله وقت ما ربنا يريد و نبقى سوا اعملها و خلاص
و يمكن سبحان الله يحصل حمل و من غير لا عملية ولا يحزنون
دعواتكم بس و ربنا يسهل ان شاء الله

عاجباكي اوي يا ست ايام موضوع مدفييني ده
طب اعمل ايه
هم يضحك وهم يبكي
احسن ما اقعد اعيط زي ناس اصحابنا
عرفاهم؟؟؟؟

أزيك يا نونا عامله إيه خلاص يا ستى زى ماتحبى لما تروحى لجوزك إعمليها يا ستى وربنا معاكى بإذن الله و يكرمك بالذريه الصالحه إن شاء الله.
يا بت يا أيام فينك عامله إيه يا رب تكونى بخير يا قمر
أنا تمام الحمد لله بس عندى صداع جامد مش عاوز يسيبنى لا بالأدويه ولا بالفكس بس الحمد لله على كل حال

ايه يا ست ايام انتي فين من امبارح مش باينه ليه؟؟؟

إزيكو يا بنااااااااااااااات..والله وحشتوووووووووووووني مووووووت ... صدقوني انا ما بغيب إلا لو في ضغط جامد عليا..انا امبارح مروحة من الشغل عال9 بالليل و غير كدة من الصبح النهاردة اجتماعات و إيميلات و تلفونات.. ده انا اتكلمت في اليومين دول عن سنة لقدام... و كمان رحت عند أخصائية تغذية علشان تنظملي أكلي و قالتلي انسى موضوع الحمل و ما تفكريش بيه... إزاي ؟ الله أعلم، اللي ايدو بالمية مش زي اللي ايدو بالنار

كده يا ست نونا ... بتعايريني لأني بعيط...عموما يا ستي (لا تعايرني و لا أعايرك الهم طايلني و طايلك) ده انتي عيطتي معايا أول عالسيرة (عالريحة بس) أمال لو شفتيني و انا بعيط كنتي هتعملي ايه؟؟؟ (اعملي شاي أخضر ساعتها يهدينا احنا الجوز)

و اني يا رونا خدي بالك من نفسك و راجعي دكتورتك بموضوع الصداع ده... و بلاش تعكي و تاخدي أدوية من غير ما تستشيريها.

يا سلام يا ست ايام
وش القمر وللا وشك
انتي ورونا بقيت بستناكم زي هلال العيد
ماشي
براحتكم

هتبتدي الريجيم امتى عشان ابدا معاكي
ربنا يعينا احنا الجوز
و يدينا الذرية الصالحه يا رب

أيك يا أيام عامله إيه معلش حاولى لما تروحى ترتاحى متعمليش مجهود كفايه عليكى الشغل ربنا معاكى إن شاء الله و يديكى كل اللى فى نفسك يا رب وعن قريب
أزيك يا نونا عامله إيه النهارده طيب أنا وشى ولا وش القمر عشان مبدخلش غير بالليل بس يا رب النت فى العماره يشتغل و أنا هوريكى نفسك يا قمر