تجمع بنات مصر المتاخرات عن الحمل

ربنا يخليكي يا رونا يا حبيبتي
انتي كمان عندك امساك؟؟؟؟
ده احنا لازم نغير اسم التجمع ده بقه
نخليه تجمع بنات مصر الممسكات
ههههههههههههههههههه
ما شاء الله علينا
كل ده من التخن اصلا

اهلا بيكي يا ام المحبين معانا
ربنا يكرمك ان شاء الله ونفرح بيكي
و تفرحي بذريتك ان شاء الله عن قريب
بس اصبري و ادعي ربنا واستغفريه
و ربنا مش بيرد حد من على بابه ابدا
بس ده اختبار من ربنا و لازم ننجح فيه باذن الله
ربنا يرزقنا كلنا ان شاء الله

ازيك يا ايام عامله ايه
انا بس عاوزة اوريكي ان الياس اللي كنتي فيه ده غلط
شفتي ماشاء الله في واحده في المنتدى حملت و عندها تكيس
و كمان من غير ماتاخد علاج ماشاء الله عليها
لانها خسست نفسها و كانت بتستغفر و تقرا سورة البقرة
و الله ماشاء الله عليها ربنا يثبت حملها و يتمم لها على خير
و عقبالك يا ايام يا رب و عقبالنا كلنا
ان شاء الله

ليكي وحشة يا رونا...دحنا بيبقى عندنا عيد لما بتدخلي و تردي علينا.... و انشالله ربنا يسمع منك و يتمملك على خير و يقومك بالسلامة ......

عاملة ايه يا نونا؟ و ازاي الامساك معاكي النهاردة؟؟ انا فعلا بديت زي ما قالت رونا اهتم بالخضار و آكل خيار كتير (مجبر أخاك لا بطل) بس تتسهل الأمور..... صدقيني يا نونا انا جسمي مش تخييييييين للدرجة دي..بالعكس انا لأني طويلة جسمي يعتبر ملياااان بس تخينة قوي.... و الريجيم ما بيجبش نتيجة معايا لأنو لخبطة الهرمونات عندي موجودة.... و اللخبطة دي بتصعب نزول الوزن..

ربنا يوعدنا و يدينا من غير تعب ... و صدقيني نفسي ألاقي وقت إني أدي ربنا حقو عليا..لأنو بقينا بزمن و دنيا كلها جري بجري...ما بتلحقيش توصلي البيت علشان تبدأي تطبخي لتاني يوم أو تاخدي شغل معاكي تكمليه بالبيت..انا حاسة حالي بقى عندي 70 سنة من ضغط الشغل.

و مرات بقول كل ده ليه؟ لاولادنا بكرة..بس هييجو ازاي و انت تعبااااااااااااااااااااااااانة و بتجهدي نفسك بالشكل ده؟

ربنا يديني و يديكي يا رب يا نونا و نبقى نواسي بعض بعدين عن قرف الوحام و نبقى نجهز ليهم كمان

ماشى يا نونا يا بتاعه الإمساك بس أنا عندى أسباب للإمساك أولا خمول الغده الدرقيه ثانيا الحمل بيعمل إمساك فعلا ممكن نغير إسم التجمع لتجمع الممسكات و أنتى يا ست أيام مش عشان غبت عنكم كام يوم خلاص بكره إن شاء الله لما ربنا يكرمك وتبقى قاعده كده و الحمل عامل عمايله معاكى هنشوف هتعملى إيه مع الترجيع والدوخه و الغممان و إنك تبقى مش طايقه ريحه حاجه ولا حتى جوزك هنشوف هتعملى إيه ساعتها هتفتكرينا ولا لأ والله أنا ساعات بدخل على التجمع عشان أنسى التعب والله بس زى ما قلتلك ساعتها بقى إن شاء الله هضحك عليكى إنتى ونونا و هبقى أنا صحبتكم الخبره بقى وهقعد أضحك عليكم وبعدين أنتى جوزك جانبك يعنى ممكن أضحك عليكى قريب قوى يا شقيه فإعملى حساب لليوم ده

أحلى سلام وأحلى تحية لأحلى بنات في الدنيا كلها

ازيكم يا مصريات يا حبايب قلبي عارفين دخلت عليكم النهاردة ليه..؟؟؟

أولا علشان أسلم عليكم وثانيا وده الأهم علشان أقولكم ألف ألف ألف مبرووووووك على النجاح والفوز الي حققه

المنتخب المصري في كأس افريقيا بجد كانو جامدين جدا وان شاء الله يكسبو في المباراه النهائية ويكون الكأس

السنة دي من نصيب مصر حبيبة قلبي.. ألف مبروك مرة ثانية وعقبال مادخل أباركلكم على الحمل ان شاء الله

بنات انا داخله ومش بعمل دعايه والله بس كل ما في الامر اني اتمني لكل بنت نعمه الاطفال و كمان لان انا ليا واحده قريبتي 6 سنين لف علي دكاتره كثير وكل ما تحمل والبيبي يروح ينزل ما بين الشهر الثاني لحد الخامس وتعبت من الهرمونات والادويه وفي الاخر هلكت لحد ما اتعالجت عن دكتور وفي الوقت ده كانت عددت الثلاثين وسبحان الله جابت فاطمه وبعد ولاده فاطمه بخمس شهور حملت وجابت خديجه وبصراحه انا لما كنت بتابع مع دكتوره الحمل قالت لي انه ممتاز وانا لما غيرتها رحت تابعت حملي مع زوجته وهي برضه طبيبه ممتازه بس هي ماجستير ولكن هو استاذ في كليه الطب ومعاه دكتوراه ولما ولدت وفي مره رحت لطبيبه امراض نساء بقلها علي مراته فقالتلي انا اعرف زوجها ده كان عايش في المانيا ودكتور ممتاز علي فكره انا من اسكندريه فبجد بنات اي بنت فيكم تحب تاخذ بياناته تراسلني علي الخاص وادهولها وطبعا ربنا يرزق الجميع فاولا واخرا الدكتور ما هو الا سبب واحنا لازم ناخذ بالاسباب

rona_mo7a;4844844:
و الله كله تمام الحمد لله ماشيه على حقن تحت الجلد و حقن المنشطات و كمان كان كاتبلى أنا و جوزى شويه مضادات حيويه و الله يا نونا كانت بتخلينا مدروخين على الأخر بس الحمد لله على كل حال لسه كنت عنده أول إمبارح لقى المبيض عندى مطلع بويضات كتي بس صغيره يعنى ملهاش لزمه فكتبلى برشام إسمه سيدوفاج و قالى إن البرشام ده بيقلل نشاط المبيض و بيقلل عدد البويضات اللى بتطلع الواحد مبقاش فاهم حاجه بس عارفه أنا بنفذ اللى بيقوله و خلاص و يا رب ميضعش تعبى على الفاضى لإنى والله تعبت من كتر الحقن و ربنا يكرم يا رب وانتى أيه أخبارك عامله أيه و جوزك جيه ولا لأ وعملتى أيه فى العيد ؟؟؟؟؟؟؟؟؟؟

سيدوفاج غريبه ده انا ماما بتاخذه لان عندها سكر ههههههههههههه مش عارفه يمكن بس عموما ربنا يرزقكم بنعمه الاطفال ويكرمكم باحلي بيبهات بس انتم ادعوا وصلم ومتزهقوش من طول الامل وربنا حيرزقكم

rona_mo7a;4876276:
شوفى يا ستى أنا عيله زوجى بعيد عنى شويه فى المنصوره أما مامته و إخواته هم بس اللى موجودين فى إسكندريه بس من ساعه موضوع الإجهاض و اللى جرالى فيه و بصراحه مامته على طول تقولى متفكريش ووقت ما ربنا هيريد هيحصل حمل و بابه مش بيتكلم عن الحمل خالص و لكن المشكله عندى فى أهلى أنا تصدقى مش بابا و ماما لأ عيلتى هم اللى مش سيبنى و على طول يسألوا حتى لما الدكتور كتبلى مانع حمل ماما بقت تقولهم كده و برده بقوا عاوزين يعرفوا ليه عارفه بقيت مبحبش أقعد معاهم ولا أروح عند حد بسبب الحوارات دى و عارفه عندى بنت خالتى متربيه معايا عرفت إنها حامل بالصدفه مع إن مامتها كل يوم عندنا تصدقى مع إنها عارفه أد أيه الواحد بيتمنالها الخير بس الواحد هيقول أيه يا رب يكرمنا بالحمل عشان كل واحد بيتكلم يبطل يتكلم يا رب اللهم أمين يا رب العالمين و أنتى عامله أيه فى الرجيم لسه شغاله فيه ولا بطلتيه

فكرتيني ايام انفصالي عن زوجي لان بعد زواجي بيوم تغير تماما والحياه كانت ضرب واهانه حتي طفلتي لما كان عندها شهر ضربها ولم تسلم من طيشه اصل والده كان معقده نفسيا وكان شايف انه كده بيثبت رجولته المهم بنت عمي طول عمرنا صحاب اوي الفرق في السن بينا بسيط وعمري ما فكرت اني اغير منها لاني الحمد لله واثقه من نفسي وطول عمرها عامله صحبتي وفي الاخر اكتشف انها مقريه فاتحتها بقالها ثلاث شهور ويوم خطوبتها عزمتني في نفس اليوم و انا كنت في كل حاجه باخذها معايا وهي تعزمني زي الغرب وتخيلم فاكره اني حغير منها انا اللي اخترت الطلاق عشان اربي بنتي بطريقه سويه وعمري ما فكرت اغير منها لاني مو اقل منها والحمد لله بل طول عمري الاكثر تفوقا في العيله والحمد لله وتزوجت وانا عمري 21 يعني مكنتش كبيره وفي العيد قابلتها فضلت تتحدث بصوت عالي عن خطيبها وعيادته وخلعت الحجاب وفضلت تتباهي بشبكتها كانها تحاول ان تغيظني وكأنهات قول انتي يا اللي متخرجه من كليه قمه اتجوزتي واحد معهد وانا اتجوزت طبيب سبحان الله مع اني والله عم ده ما كان في بالي وعمري ما كنت حوافق علي زوجي الا وانا مقتنعه به 100 في المئه انا مطلقتش منه الا عشان ضربه واهانته ليا مش عارفه الناس بقت وحشه ليه بدل ما كانت تقف جمبي وتساندني بقت زي ما تكون شمتانه فيا طول عمري بابا كان لما تظهر منها اي مواقف كان يدافع عنها ويقول انتي فهمتيها غلط اليوم ده بابا رجع من عند جدتي وجه قالي وحسيت انه منكسر وزعلان وقالي حبيبتي عايزك تبصي لقدام عشان بنتك وعايزك تكملي دراستك وعايزك تبقي احسن واحده في العيله وتثبتي للكل ان مش معني انك مطلقه انك ضعتي لأ عايز الكل يعرف انك حسن بنت بعد ما كان بيدافع عنها حركاتها كسرت بابا وزعلته رغم انه مش زعلان اني اتطلقت لانه عنده ايمان ان ده قضاء وقدر والحمد لله

rona_mo7a;5023339:
معلش يا بنات أنا الdsl عندى بايظ وبدخل بالويرليس فالشبكه ضعيفه عشان كده مش بعرف أدخل ولا يهمك يا نونا ده أنتى أختى حد بيزعل من أخته أنا الحمد لله كويسه و الحمد لله عملت تحليل حمل منزلى و طلع شرطتين الحمد لله بس مش مصدقه والله لحد دلوقتى و خايفه أقول لماما ألا يكون مش صح ولا حاجه بس عارفه أول ما عرفت مكنتش مصدقه لأن عمر التحليل المنزلى ما طلع معايا شرطتين أبدا و عارفه أول ما بطلت عياط صايت ركعتين شكر لله و الحمد لله على كل حال و جوزى أول ما عرف صلى ركعتين شكر لله و اللى نزل عليه قعد يقول الحمد لله الحمد لله بس أمانه يا نونا تدعيلى لأن عارفه منكرش إنى فرحانه بس عارفه عندى رهبه غريبه هو جوزى بيقولى إن ده من اللى حصل المره اللى فاتت بس أنا رميه توكالى على ربنا و يا رب يكملى حملى على خير يا رب و عقبالك يا نونا أنتى و أيام و يا رب تكون بشره خير ليكم كلكم هى بدأت بأيام و أنا و يا رب تكمل بيكى أنتى و أيام و يبقى تجمع لحوامل المنتدى يا رب أمانه تدعيلى لأنى حاسه أنى مخضوضه شويه

اولا مبروك وان كانت متأخره شويه ثانيه انتي بتعملي ايه انتي حتخليني ازعقلك ليه قومي ايه اللي مقعدك علي الكمبوتر قومي يلا افردي ظهرك لازم تريحي نفسك خالص الايام دي قوميي يلا اول ثلاث شهور لحد ما الحمل يثبت متعرفيش ان الاشعه بتاعه الكمبيوتر والتلفزيون تأثر علي الجنين يلا قومي نامي وريحي نفسك ومتتعبيش نفسك واتغذي كويس لا تقولي قرفانه ومتنسيش الفيتامينات وحاولي متنزليش وتطلعي كثير وان شاء الله البيبي يوصل بالسلامه وتنضمي لينا في ركن التربيه وقريب كل بنت هنا تنضم في ركن الحوامل والموضوع ده يتقفل

اهلا بيكي يا امة الله معانا
ربنا يكرمك و يستجيب منك ان شاء الله
و يصبرك على الابتلاء و يبارك لك في بنتك يا رب ويفرحك بيها

شكرا ليكي يا عروسه مغربية
الله يبارك فيكي
وعقبال مانبارك لك ع الحمل وبعديه الولادة يا رب

ازيك يا رونا يا حبيبتي
ربنا يقويكي يا رب ع الحمل وتعبه
و يتمم لك على خير يا روح قلبي
انا بقيت كويسه الحمد لله
الريجيم هو اللي كان عامللي امساك
خللي بالك من نفسك يا قمر

ازيك يا ايام
انا اخدت الدوا اللي قلتيلي عليه
ده فعلا كويس اوي
ربنا يخليكي يا حبيبتي
و يوعدك بتوأم صبيان ان شاء الله

انتي عارفه يا ايام انا خايفه اوي برده من شغلي
الدكتورة قالت لي القعدة الطويله بتاعة الشغل مش كويسه ليكي
اتحركي كتير و امشي وشيلي و حطي في البيت
كان نفسي اقول لها يا ريتني مع جوزي بس كان زماني ع الاقل عندي تنظيف وطبخ ونفخ
بس انا بعد ما ارجع من الشغل بقعد مع الاهل شويه وبعديها باكل وانام
حياتي تجيب اكتئاب والله
و مالهاش اي طعم خالص
انا اصلا بفكر استقيل قريب و اروح لجوزي ونعيش سوا و نرضى باللي ربنا قسمهولنا
انا محتارة جدا في الموضوع ده
ربنا يسهل اللي فيه الخير
ربنا يدينا الذرية الصالحة يا رب

شوفى يا نونا أحسن حاجه تعملى إستخاره فى موضوع الشغل واللى فيه الخير يكتبه ربنا و ألف حمد لله على سلامتك و بصى أنا زيك فى حته الزهق بس كمان مفيش شغل و قاعده عند مامتى بس هنعمل أيه ده قدرنا ربنا يقويكى ويصبرك ويرزقك إن شاء الله اللى يملى عليكى حياتك بإذن الله ومتلاقيش وقت تدخلى تكلمينا وساعتها إحنا راضيين يا ستى.
فينك يا أيام رحتى فين مشغوله عننا فى أيه؟؟؟؟؟؟؟؟؟

الله يبارك فيكى يا عروسه مغربيه و يا رب يرجعوا بالكأس يا رب و يكمل فرحتنا وكمان نسيت أبارك للبنات ألف مبرووووووووووووووووووووووووووووووووووووووووووووووووووووووووووووووك يا بنات على فوز المنتخب
أمه الله أهلا بيكى معانا مقلتيش أنتى منين من إسكندريه ؟؟؟؟ على فكره أنا لحد دلوقتى باخد السيدوفاج ولما سألته قالى مفيد عشان اللى حصلهم إجهاض قبل كده وكمان عشان يمنع حدوث سكر الحمل وربنا يكرم و يكملى على خير يا رب و يرزق كل بنات التجمع يا رب و ميحرمش حد أبدا يا رب

ازيك يا رونا اخبارك ايه
بصي يا رونا بجد انا شايفه ان قعدتنا كده ف بلد ورجالتنا ف بلد دي غلط اوي
البعد بيولد الجفا و انا من النوع اللي لما بيتعود على حاجه بيتعب لما يغيرها
انا كنت اول ماتجوزت بحب البيت بتاعي اوي و بحب اقعد اوضب فيه و كده
لكن دلوقتي من ساعة مااشتغلت وانا ماليش خلق لشغل البيت خالص
خايفه اتعود على كده و خايفه اتعود ان جوزي دايما بعيد
انا بسمع ستات زمايلي في الشغل ازواجهم برده بيسافروا كتير
بيقولوا احنا خلاص اتعودنا على كده هو شهر كل سنه وكفايه
لو الاجازة بتاعة ازواجهم طولت عن شهر بيكونوا زهقانين
و بينكدوا على نفسهم و على ازواجهم هههههههههه تخيلي؟؟؟
و عيالهم نفس النظام عاوزين من ابوهم الفلوس و مش عاوزينه ينطق بكلمه في تربيتهم وللا حتى ينصحهم
وضع غريب مش عاوزة اعيشه ابدا
عشان كده انا بفكر بجد اني اعيش مع جوزي و نستحمل سوا
رغم ان البلد اللي هوا مسافر فيها صعب اني الاقي فيها شغل ليا
بس مش مهم انا اصلا كان نفسي من الاول ابقى ام و ست بيت
و بعتبر ان ده النجاح الحقيقي للست
ع الاقل الواحد يعرف يعبد ربنا كويس
ده انا حاسه اني مقصرة جدا والله
و مافيش حاجه تستاهل
معلش طولت عليكم
بس بشرح لكم القرار بتاعي واسبابه

ربنا يرزقنا الذرية الصالحة ويقدرنا على تحقيق احلامنا فيهم

إزيكو يا بنات...معلش والله كنت انا و جوزي بايتين عند أخته بالشارقة و ما كنتش قادرة أقعد عالنت ...بس فرحت قوي لما رجعت البيت ... الواحد ما إلو إلا بيتو بالأخير و ما برتاح إلا ببيتو.... أخبارك يا روووونا... ربنا يسمع منك و تبقي تعايريني بس أحمل و أنقطع عن النت..المهم أحمل ..... ههههههههههههه و انت يا نونا اخبار يا قمر عاملة إيه؟ أنا فعلا معاكي الواحدة مالهاش إلابيتها و جوزها بس مرات يا نونا الضرورات بتتحكم بيكي، يعني في الزمن ده لازم الاتنين يشتغلو علشان يجيبو لقمة العيش او عالاقل يعيشو بمستوى حياة أفضل او يكونوا نفسهم...

ربنا كريم ..انشالله بيغنينا عن الشغل و القرف ...و يرزقنا الذرية الصالحة...ياااا رب

انا حابة آخد رأيكو بحاجة انا بقالي فترة بطني بيتقطع من الألم...خاصة عند الجماع..الدكتورة قالتلي انو تبويض ..بس الوجع جيه فترة و بعدين راح يومين بعدين رجعلي تاني امبارح؟؟؟ من ايه طيب؟؟انا بذكر الدكتورة قالتلي انا عندي بويضتين ناضجين معقولة يكون واحدة نزلت قبل التانية ؟؟و الألم االي بحسو دلوقتي من البويضة التانية؟

جاوبوني إزا عندكو خبرة

يمكن حصل تلقيح للبويضتين وابتدوا ينغرسوا في بطانة الرحم
لان الانغراس لما بيتم يبقى ان شاء الله في حمل باذن الله
او يمكن حصل تبويض تاني غير البويضتين دول لانك ممكن تكوني استجبتي للمنشط زيادة شويه
ساعتها بقه ممكن تحملي في تلاته او اربعه
هههههههههههههههههههههه
ما شاء الله يا ايام تخيلي
لو انتي حملتي الشهر ده بكذا واحد
ههههههههههههههههه
ربنا يعينك ده انتي مش هتقطعي النت
ده انتي هتقطعي كل حاجه
بصي عموما لما تروحي للدكتورة اساليها
و شوفي كدا و ان شاء الله خير
ربنا يرزقك بالخلف الصالح يا رب

يسمع منك ربنا يا نووووووووووووووونا...أهو عالقليل نجيبهم مرة واحدة و خلاص.... و نبقى نشتري كل حاجة بالجملة .... ههههههه و الأحلى اني هدرسهم مرة واحدة ..يعني مش كل واحد هدرسو على ناحية لأنهم هيبقو بصف واحد...دي تبقى حاجة عسل خالص... انشاللللللللللللله يا عسل و الله نفسي ..انا هراجع الدكتورة على تاريخ 14 يعني يوم الخميس ..إدعيلي ما تيجيني الدورة ...انا بديت اخاف لأنو صدري صار يوجعني...و خايفة تكون من اعراض الدورة...


ادعووووولي أمانة يا بناااااااااااااااااااااات ....و ربنا يسمع منكو

ربنا معاكى يا أيام ويكرمك يا رب بالخلف الصالح و الدوره متجيش الشهر ده ويكون يوم 14 (عيد الحب) يوم سعيد عليكى يا رب و تكون كا الأعراض اللى عندك أعراض حمل يا رب و ميحرمش أى واحده مننا كلنامن كلمهماما يارب ويفرح قلبك أنتى وزوجك يارب اللهم أمين يا رب العالمين
نونا على فكره أنا أكتر واحده تحس بيكى فى موضوع سفر الزوج بس الفرق إنى مينفعش أسافر لزوجى أصلا طبيعه شغله مينفعش أقعد معاه لكن إذا كان ينفع مكنتش إترددت لحظه فى السفر ليه عارفه يا نونا فى دكاتره كتير قالولى إن ممكن يكون سبب تأخرالحمل عندى وعدم حدوثه كان عامل نفسى عشان التفكير فى إن الزوج قاعد جنبى شهرين ولا تلاته ويا صابت يا خابت فالعامل النفسى مهم جدا صدقينى إذا كنتى عاوزه رأيى سافرى لزوجك لحد ماربنا يكرمك بالحمل و بعدين إرجعى بيتك وبعد كده مش هتلاحقى على البيت وصدقينى و إنتى حامل مش هتبقى مستحمله إنك تروحى الشغل و هتكون الراحه هى أفضلك فكرى كويس وربنا معاكى عارفه محدش بيحس بحد غير اللى زيه ساعات كتير بحس بخنقه و بقعد أيط لأن فى الحملين جوزى مش جانبى ولما نزل الحمل اللى فات مكنتش طايقه ريحته ولا حتى إنه يقعد جنبى تصدقى حظه معايا كان فله فنفسى بتصعب عليه ساعات لكن بحمد ربنا لأننا أحسن من غيرنا بكتير وياما ستات جوازهم معاهم ومش بيلحقوا يقعدوا معاهم فالحمد لله إحنا أحسن من غيرنا
بالنسبه يا أيام لموضوع إنك تحملى فى أكتر من عيلين منصحكيش بيه أبداااااااااااااااااااااااااااااااااااااا لأنه حاجه وحشه جدا جدا و مجهود عليكى وعلى جسمك عارفه ربنا يكرمك بواحد أو إتنين و تكونى بصحتك فى الحمل و بعد الولاده أحسن مليون مره من 3 عيال فى الحمل الواحد صدقينى عارفه متهيألى لما الدكاتره بيرجعوا لأى واحده أكتر من 2أجنه ببقى هاين عليه أقولها لما تكشف إذا طلعت حامل فى أكتر من إتنين تسحب الزياده متقوليش عليه مجنونه مش نكران لنعمه ربنا ولا حاجه بس العقل بيقول كده و كمان صحتك أهم من مليون بابى صدقينى أنا عشت أسبوعين عنايه مركزه و أيوعين وراهم حاله حرجه كنت بتمنى بس أعرف أقوم من السرير يله الحمد لله عارفه إن ملهوش لازمه أقولك كده بس خدت عهد على نفسى أى حد يقول قدامى كده أو يكون تفكيره فى إن الموضوع ده ميزه أنصحه لوجه الله وربنا يكرمك يا ستى بتوأم ويكونوا بنت وولد عشان مره واحده عشان متقوليش ربنا حرمك من حاجه وربنا معاكى إن شاء الله