إلي عندها تكيس وقاعده تنزل وزنها تدخل.. والي متعايزه تنزل وزنها تدخل

رووووووووووووووعه يعطيك العافيه ماقصرتي بنحاول نسوى مثلك

السلام عليكم ورحمة الله وبركاته

شلونكم بنات ان شاء الله الكل بخير يارب

يارب تفرج علي وعلى أخواتي العزيزات أخواتي في منتدى عروس وترزقهم وترزقني الذرية يارب انك سميع الدعاء قريب مجيب


ريحة خنينة قريت الموضوع للأخت مولي هو حلو ومنوع مشكورة

أخواتي استمرو على النظام لانه وايد شي طيب وله أثر كبير على الصحة ولله الحمد

يخلي الجسم خفيف تبارك الرحمن ويصفي البشرة ويريح النفس وشوي شوي الوحدة راح تتعود بس يبي له عزيمة وارادة قوية أمام مغريات الوالدات الافاضل أمهاتنا الغاليات وطباخهم في أيام اليمعات او الخروج مع الزوج العزيز او اغراء زميلات الدوام !!!!! طبعا من صار نظامي وهم حطو بثلاجة الدوام ما لذ وطاب
وسلة كوكاو كبيرة ( ما أكذب عليكم اخذت واحد كاوكاو وقسمته على ايام الاسبوع كل يوم قضمة وبس وحاطته بدرج الدوام بس الله يصبرني اني ما اخذ واحد ثاني من هالسلة !!!!!

بالنسبة لي احاول مرة استخدم نظام الأخت شما العناوية وايضا نظام الاخت مولي والله كريم

وزني ..... يارب اعني .....صار له فترة ينزل كل اسبوع بس كيلو

مع اني اقيس الوزن بالاسبوع مرة


الله كريم بنات الله يوفقنا يارب ويقر عينا بطفل أو طفلة سليمة معافاة ويجعلهم من الذراري الصالحين يارب ويفرح قلب اهالينا

[GLOW="CC0099"]شعاري ...ماضين على نسف باقي الدهون المتراكمة .... شعاري[/GLOW]

( نظام للأكل يضعف ويخفف الوزن واحنا ان شاء الله بصحة وعافية )

استودعكم الله تعالى

ومع مولي انت أرشق بإذن الله

عند الاستيقاظ من النوم:
كوب شاي بالحليب + 2 قطعة شابورة

الافطار: خيارات ( أي تختار كل واحدة خيار واحد فقط من الموجود وليس أكثر)
1*عيشة ردة + بيضة مسلوقة
2*عيشة ردة+2 قطعة جبنة (أي نوع مع مراعاة الحجم)

الغذاء: (خيارات،وتختاري واحد منها فقط في اليوم)
1* عيشة ردة + سلطة خضراء بملعقة زيت زيتون وملعقة خل + 5 ملاعق من طبيخ البيت
2* نصف عيشة ردة + سلطة بطاطس بالبقدونس والفاصوليا البيضاء
3*عيشة ردة + سلطة خضراء بها ملعقة كبيرة حمص

وجبة خفيفة: (عندي اثنين وليس خيارين)
1* قطعتين فاكهة أي نوع أو كأس عصير فاكهتين
2* شاي المغرب بحليب (لمن ترغب) + نصف عيشة ردة

العشاء: ( خيارات،،وتختاري واحد فقط)
1* سلطة خضراء مع اضافة تفاحة خضراء (مفيدة جدا) + 2 ملعقة زبادي
2* سلطة خضراء مع اضافة بنجر وبرقوق ولكن من غير بصل
3* سلطة خضراء مع اضافة ملعقة زيت زيتون وخل
***تؤكل أكيد بالملعقة


أخواتي ....خلال هذا الأسبوع ستشعري بفرق في وزن الجسم وفي القياسات ،،رجاااااء اتبعوا الريجيم بحذافيره وستري النتيجة ان شاء الله

شرح اضافي :
مثلا انا بدأت الريجيم اليوم ماذا سأأكل؟؟
عند الاستيقاظ : وجبة محددة
الافطار: اختري اليوم الخيار الاول وغدا سأتناول الخيار الثاني ،،طيب بعد غد؟؟ممكن الخيار الثاني ..فهمنا !!خيار واحد فقط ...ونوعي بين الخيارات كما تحبي

الغداء: الخيار الثاني مثلا ،،وغدا الخيار الأول وهكذا

وجبة حفيفة : عندي اثنين مثلا اليوم قطعتين فاكهة وشاي بحليب ونصف عيشة ردة ،،طيب غدا؟؟نفس الخيار الثاني بس عصير فاكهتين ...مفهوم؟؟

العشاء:
الخيار الثالث مثلا ...وغدا ؟؟الخيار الاول...طيب وبعده ؟؟؟الخيار الثالث مرة أخرى (على كيفك)

أسأل الله يكون الشرح واضح،،ولو يوجد أي سؤال حاضرين

هذا الاسبوع الثاني من بكره انا راح ابتدي فيه

ان شاء الله اني اواصل بنفس الحماس

الصامته من متى وانتي بادئه في الريجيم ؟

السلام عليكم ورحمة الله وبركاته

هلا اختي العزيزة مشكورة ولا تنسين تمرين قسم الرجيم بالمنتدى وتشوفين تجارب البنات ترا وايد فيها استفادة

أحنا معاج نعين ونعاون والله كريم ان شاء انتي وباقي البنات ينتظمون على النظام على قولة العزيزة شما العناوية مو رجيم :)
اصلا سوالفي مع الاهل اقولهم عاملة نظام غذائي ولا اجيب سيرة الرجيم لان الوالدة ربي يسلمها تخاف علي من الرجيم وفاهمة انه يتعب ويمرض وفي جم وحدة من الاهل مسوينه واخر شي نقلوهم للمستشفى

من جذي وايد استعمل كلمة نظام غذائي وما احرم نفسي من اي شي ( اذوق فقط ) مو أكل

عزيزتي الله يسلمج أنا بديت تقريبا من شهر ولله الحمد نزلت جم كيلو + اني استخدم علاج الجلوكوفاج + فلوليك اسيد بسبب انه معي تكيس وضعف تبويض وللأن لم يتم الحمل قالت الطبيبة لازم تنزلين وزنج والباجي على ربنا

شدي حيلج معانا عزيزتي وصدقيني ترا النظام مو بس ينزل الوزن هم يرح النفس وتكونونين خفيفة وتلبسين الي تبين بعد :)


بالتوفيق يارب

الهي ياكريم يا قادر يا مقتدر ترزقني وترزق أخواتي في منتدى عروس الذرية الصالحة الطيبة وتقر عيننا يا كريم

بنات الله يعافيكم وينكم

خل نشجع بعض لا تتكاسلون

الي اذكرهم دشو من قبل وقالو يلا أحنا معاكم

اين أنتم ان شاء الله بصحة وعافية

نبي نعرف اخباركم شصار معاكم مع النظام

[GLINT]نوال يحيى

بورو
زوجة المهندس

أحترت
أعبر

ريحة خنينة

مدراس

أسيل الدوحة[/GLINT]


وباقي البنات ربي يتمم عليكم


الطاف شلونج مو مبينة طلي علينا سلمي ننتظرج وبلقي سلامي للشما بعد

وعليكم السلام ورحمة الله وبركاته

الصامته للابد الله يرزقني واياكِ الذرية الصالحه في القريب العاجل

ويرزق كل محرومه

اختي انا معاي تكيس ومع الرياضه والنظام الغذائي خف واجد بدون اي علاجات !!

لكن عندي مشاكل ثانيه تسبب تأخر الحمل

في لخبطة هرمونات وضعف تبويض لكن مع الكلوميد الحمد لله اموري تمام

يا رب تقر اعيننا برؤية اطفال لنا

ريحه خنينة

شو اخبارك حبيبتي؟ واصلي وخلي عزيمتك قوية وهدفك واضح

ربي يرزقك كل ماتتمني

الصامتة للأبد

هلا غاليتي .. الله يسلمك .. انا على طول امر هالموضوع وأقرأ اخباركم

الله يوفقكم جميعا بإذن الله ويرزقكم كل ما تتمنوا

السلام عليكم ورحمة الله وبركاته

اختي العزيزة مدراس الحمدلله على الصحة والعافية ربي يتمم عليج بالحمل يارب

استمري على الوزن المناسب بصحة وعافية ان شاء الله بالتوفيق يارب


عزيزتي الطاف مشكورة على الرد ربي يتمم عليج ويقر عينج يارب


ربي لا يحرمنا من التواصل معاج ودعائج لنا سبحانه ما يقصر ان شاء الله يحقق ما تتمنينه

اتصدقين زوجي يقولي طلبي تشوفينهم البنات واتفقي تتطلعين وياهم وتتعرفين عليهم
لني قلت له عندي عروسات يآزروني بتخفيف الوزن وهم ما ينسوني بدعائهم أخوات دنيا

جان أرد عليه ... قلت له منتدى عروس فيه من كل دولة عروسة مو بس من الكويت وين بالله بشوفهم والتقي معاهم جان تسفرني لهم :)


بالتوفيق لكم جميعا

مع خالص تحياتي

الصامتة للأبد

بصراحة فكرة زوجك حلووووة .. فعلا رب أخ لك لم تلده أمك

وانا أقترح البداية .. تعالوا كلكم زوروني بماليزيا وبالمرة سياحة :)

السلام عليكم ورحمة الله وبركاته

شلونكم بنات ان شاء الله بخير يارب

ربي يفرج عليكم ويفرح قلبكم يارب

اخباري نزلت

كيلو واحد فقط
الله المستعان الوزن ينزل حبة حبة

المهم راجعت الدكتورة هالأسبوع ما سوت لي اشعة عشان تتأكد من التكيس
بس اتأكدت من نزول الوزن وطلبت مني استمر على الجلوكوفاج والفوليك اسيد وزيادة المشي على قولتها انه يفيد الجلوكوفاج ويسرع عمله

بنات بشارة حبيباتي ربي يفرج عليكم دنيا وأخرة ومشكورين على دعواتكم الحمدلله والفضل لله سبحانه طلعت نتيجة تحليل قياس قدرة المبيض على التبويض والحمدلله كانت نسبة طيبة وتحسنت وايد عن الشهر الي فات

عطونا أخباركم مع النظام اشصار وياكم شكل البنات ملو

عاد اتصدقون من يقدر يقاوم الملذات واصناف الأطعمة

بس والله عشان صحتنا لازم نتحمل المسألة مو بس حق حمال وبس مع ان هذا الهدف الأكبر من تنزيل الوزن
لاكن الي اكتسبته ولله الحمد من نزول الوزن الحة والراحة والرضا التام عن شكل الجسم وعدم وجود ثقل بالمعدة نفس أول :)

طولت عليكم بنات بس شسوي لازم اقولكم احوالي بعد هذا المجهود الطيب والفضل لله سبحانه ونصائح الدكتورة ونظام الأخت شما العناوية صاحبة الموضوع .

الطاف خوش اقتراح اول ما نبدي نسافر لج بماليزيا
وبعدها نمر البنات وحدة وحدة ونشوف بلادهم بس عاد يبي لي تقريبا مليون دينار كويتي
وكل شهر في بلاد :)


الله يخلي لنا منتدى عروس الي جامعنا على خير

موضوعي مع هالألوان كأنه قوس قزح

مع خالص تحياتي

[هلا سلام عليكم انا عضو جديد واحب ارحبكم جمعيا
انا ن متزوجة و عمري 23 وصار من تزجت سنتين حملت مرة واجهضت يوم كملت سنه وفحصت عند دكتورة قالت لي كل شى سليم بس عندي تكيسسسسسسس ولازم اخفف من وزني وزني 63 ما اقدر اسوي رجيم ابغي الحلللل و اتعالج في مستشفى البحرين التخصصي عند دكتورة فرح النعيمي احد يعرف عن الدكتورة زينه او لا باي

بنات شنهو التكيس انا مو قادرة افهمه ...

الدكتورة قالت لي تكيس انا فهمت ان كيسسس بس اهي قالت لي لا تفكرين ان التكيس كيس لالا

التكيس هو تكيس البويضه نفسها يعني حجمها صغيررررر هل هذا الكلام صحيح وهذا اهو التكيس اللي فيني
واللي هي من اعراضه تأخر الدووورة لشهووور ؟؟؟؟؟؟؟؟؟؟؟؟

مع العلم ان وزني 45 كيلووو فقط ...

السلام عليكم ورحمة الله وبركاته ،،،

هلااااااااااااااااااااااا والله عراييس شلونكم شخباركم وحشتوني وحشتوني وحشتوني وايد بس والله انشغلت بالامتحانات وبعدها قمت اسوي زيارات عائلية وخبركم دوام ويعني ما في وقت ولا لا يطوفكم اروح الممشى اسوي رياضة وساعات اسوي رياضة في بيت الوالدة لأن عندهم سير المشي وماشيه على نظام التخفيف ما ابغي اقول ريجيم عشان لا انحبط لان هالايام صايره وايد احبط وكله دايخه ومتممله وابو الشباب ماعطني السين اقوله متممله خل نطلع نغير يقول اوكي والليله المفروض نطلع نتعشى رجع البيت الحبيب وكبر الوساد وشكله نايم لين باجر فقلت خلني اسير على خواتي اتونس شوي وافضفض

حبيبة قلبي الصامتة للأبد شلونج الغالية شخبارج مع مشوار الرشاقة والعلاج على قولتج يبغي لنا نسافر نغير والله انا بامرج بالتاكسي وناخذ باقي العرايس ونروح حق الطاف ماليزيا:D

الغاليةمدارس نورتي موضوع ريجيم مولي شفت ردودج واستانست انج دخلتي وصرتي معانا شخبارج الغالية انشاء الله كل شي تمام

باقي العرايس شخباركم طمنونا عليكم


الغالية الغالية الغالية شما شخبارج ؟؟؟

السلام عليكم ورحمة الله وبركاته

بنات شلونكم كلكم ان شاء الله الكل بخير


ما قدرت ادش الايام الي فاتت بسبب جهازي علق وما اشتغل صار له اسبوع وتوني امس سويت له فورمات

وووووووزني ثابت مادري ليش ما نزل ولا كيلو هالاسبوع


بنات الطبيبة ما عطتني اي علاج قالت بس استمري على نزول الوزن

والله متحبطة قالت راجعيني الشهر الياي انا الحين معاها ثلاث اشهر ومافي شي غير نزول الوزن هذا الي تبيه


ريحة خنينة شلونك شخبارج والله فكرة جهاز المشى ودي اشتريه بالنسبة لي ما اروح الممشى امشي بالدوام بس نص ساعة
خليج على هالنظام وربج كريم شجعتيني اني استمر والا والله اني متحبطة وايد

باجي البنات همتكم معانا والله ويانا يارب ويعينا على نزول الوزن

مع انه في ناس حبطوني يقولون جسمج ويد ضعف ومو حلو صار والمشكلة انهم متان الي قالو لي ما ادري هو حسد ولا شي ثاني
وهم في بنات وايد ضعاف من اهلي وللحين ما حملو ومتزوجين معاي بنفس السنة وجسمهم وايد ضعيف ومنهم اختي تزوجت وراي بكم شهر وهي ضعيفة وما حملت للحين

تحبطت حيل ساعدوني حبيباتي

شمس 31116

التكيس غير الكيس

الكيس الي عرفته انه ينشال بعملية جراحية

بس التكيس غير ومن اعراضه
عدم انتظام الدورة الشهرية ( تتأخر بشهور مثلا )
ظهور الشعر بأماكن عديدة بالجسم بالخصوص بالذقن ويكون خشن
السمنة الزائدة والي تكون فجاة
تاخر الحمل
والعديد

والي عرفته ان المبيض ينتج أكثر من بويضات بس تكون صغيرة وتضل داخل المبيض وتسمى تكيس

عزيزتي ريحة خنينة



الله يهداج ويخليج لنا تبين نزور الطاف بتكسي عاد

لماليزيا بتكسي قوية

الطاف عزيزي شنو اسرع وسيلة نوصل لج لماليزيا ؟؟؟؟؟

السلام عليكم ورحمة الله وبركاته ،،،

هلاااا عرايس شلونكم أنشاء بخير،،

أختي الصامتة للأبد أولاً ذبحتيني من الضحك وأنتي تقولين قويه نروح بتكسي حف ألطاف أكييد قويه لكنها خوش وسيله عشان الرحلة تكون طويله ونتكشت أكثر بدل ما نركب الطياره ونوصل بسرعه وعشان تكسينا يكون عندنا هناك ونروح مكان ما نبي ونمر تايلند بعد ع الطريج:wink:

حبيبتي انا صار لي يومين وأنا متملله من أكلي وخاطري أغير وصار الويك أند دخلت في الخربطه شوي يوم الجمعه الوالده كان عندها حريم تذوقت من الأطباق المالحه والحلوه وطبعاً لما رجعت البيت حسيت بتأنيب الضمير وتضايقت وما تم شاي أخضر ولا شاي أعشاب إ وشربته ويوم السبت بعد خربطت شوي واليوم رحت الدوام وأنا متضايقة ولايعه جبدي من روحي ولا بعد اليوم ما قدرت أمشي لأني رحت الجامعه وتأخرت وما مداني أمشي

لازم نواصل على نظام التخفيف والرياضة عشان نوصل للي نبغيه وما عليج من اللي يقولون لج كريهه والضعف مب حلو عليج كلاااام فاضي سمعي من أذن وطلعيه من الثانيه ولا عليج المهم توصلين بس أهم وحده لا تسمعينها نفسج الأماره بالسوء الأماره بالأكل الأماره بالملل والكآبه هاذي المفروض اللي ما نسمعها

باقي البنات شخباركم

شما طمنينا عليج يالغالية والله لج وحشه

هاااااااااااي ياحلوين

انا عضوه جديده معاكم ممكن انضم لحملتكم في تخفيف الوزن انا عامله دايت من شهر ونص ونزلت 8كيلو

وباقيلي مشوار لاني بعد ماجبت ولدي الاول وخلصت الدرسه زدت حوالى 20 كيلو من جلست البيت

وممكن احكي حكايتي انا اتزوجت من سته سنين وكان جسمي شويا مليان بس بعد الزوج بشهرين عملت دايت ونزلت حوالي 12 كيلو وبعدها حملت ع طول بولدي الله يحفظو ويحمي ودحين ليا تلات سنين ادور ع حمل وما حملت وروحت لدكتورة قالت زياده الوزن هيا الموثره خففي وزنك وراح تتنظم الدوره عندك ويسير حمل باذن الله

بس انا خلاص مليت من الدايت فممكن تاخدوني صديقه وتشجعوني

السلام عليكم ورحمة الله وبركاتة
انا ضيفة جديدة عليكم توني عارفة من مدة
قصيرة ان عندي تكيس
عندي ولد احد واخذت الكلوميد لمدة شهرين
وبعدين حولتني الدكتورة الى اختصاصي
وقال لي ان معي تكيس
ياااا بنات ابغى اسال هل طول الدورة الشهرية
هو من اعراض التكيس انا استمرت معي اكثر من
اسبوعين وغزيييييييرة كانها نزيف
واما على العلاج فالدكتور قال انه مابيعطيني شئ
وقال لي اخفف وزني ضروري
وان شاء الله خييير يااارب والله يقدرني وانزل وزني
تحياتي للكل وموفقات