تجمع حوامل الثلاث الشهور الأولى1-2-3

سلامي لجميع الكروشات ماشاء الله ربي يزيد الامه الاسلاميه زياده وزياده يارب بولادة كل مولود......حبي الغالي ورومانوف وزهور بنفسجيه ولونلس وفيدباك وسوسو قمقومه وامل وبن حارب وضي القمر وقطرات الندى وام هيا وام زايد وجوليات وسينيوريتا وعروسه وكل الكروشات شلونكن واخبار البيبيات يارب الجميع بخير ...انا صايره دي الايام عندي كونكشن سئ لو دخلت عروس دقيقتين يفصل...اطمنكن حبيياتي الحمدلله راجعت الطبيب وطمني على البيبي وبعد سويت جميع الاجراءات وخلاص باسوي رباعي الوالدة قالت لا سويه بغد يكبر شوي يكون افضل وحتى انا يا لونلس عندي تامين وندفع شئ بسيط ...طبعا الدكتور سوالي التراساوند مو رباعي لكن جهازه مو بطبيعي متطور جدا وقال البيبي بعده صغير لكن اعتقد ولد ....بنات صايرة غريبه انا مدري وش فيني كل شئ يبكيني ويعصبني وخلاص احس الدنيا خرم ابره مدري ليش ولا اطيق احد يقول لا او ليش .....ااسفه على الاطاله ونشوفكم على خير كروشاااااااااااات

هلا بكل الكروشات الجدد،، الله يزيد ويبارك ويتمم للجميع على خير..

اريج الحمدلله تطمنتي ع البيبي .. وان شاء الله الموعد الجاي تعرفي جنسه ميه بالميه،،، ونبدا تجهيز

الرباعي خليه لبعدين انا سويه وما استفدت شي،، هي صح الصوره حلوه بس مو باين فيها شي كثير ابد

ع المزاج انا مثلك كل شي يعكر مزاجي وتوني اضحك تشوفيني قلبت معصبه على اسخف شي

وان كان ع البكا،، فياقلبي كل شي يثير فيني المواجع،،، مايبي لي شي


احس النفسيه زفت ولله الحمد،، لاسخف الاسباب..

هذا شعور طبيعي هرمونات الحمل وماتسويه

اهم شي تسيطري على اعصابك وخلاص،،

>>>شوف مين يتكلم.،، العصبيه ههههههههه


يالله الله ييسر لنا امورنا كلنا يارب

اريج_خاشقجي انا وبخير ولله الحمد..........الحمدلله دام امورج طيبه والله يتتملج على خير

هلا ريـــم البــوادي الف مبرووووووووك الحمل والله يثبته لج أنشاءالله

هلا عروسه03 ماتشوفين شر يالغاليه

هلا قموقومه والله لج وحشه وينج ماتبينين ؟؟

هلا أريج أنا بخير الحمدلله .. أسأل عنج يالقاطعه كلش مانشوفج في التجمع

هلا loneliness أنتي بعد لاتعصبي وااااااااايد

بااااااااقي الكروشات شخباركم ؟؟ فيدباك وأمل وزهور بنفسجيه والسيدة سوسو وضي القمر والباااااااااااااااقي

أم هيا

حبي الغالي

فيد باك

مشكورين وما قصرتوا على ردودكم الحلوة ودعائكم وترحيبكم بي

قمقومة مشكورة حبيبتي واكيد اتذكرج انتي والبنات الصراحة كلكم ماقصرتوا معاي وكان كلامكم

يخفف علي مأساتي بس الحمدلله

الله عوضي وان شاء تكون هذه الحملة سهلة والله يثبته

ياجماعه انشغل قلبناعلى اريج
شصار معاها بعد ما راحت موعدها
الي يعرف شي لا يبخل علينا

حبيبتي اريج كتبت فوق في بدايه الصفحه شنو صار معاها في الموعد

اخبار البنات الحلوات قصدي الأمهات الحلوات عسى الله يثبت حملي وحمل كل حامل يارب ياكريم ويقومنا والبيبيات بالسلامة والصحة والعافية يارب يارحمن يارحيم ...
..
.
.
.
.

هلا حبيبتي الغريبه انا بخير الحمدلله


ماني قادره استحمل .. الاربعاء الجاي موعدي وقاعده على اعصابي من الحين!!!!

انتي كيفك وكيف الحمل معاك خيتتووو؟؟

أهلين كروشات شخباركم’
شوفيها أريج؟أنشاالله تكون بخير
أختي لولينس شوعندك ولد ولا بنت؟
والأخريات كيفكن حبي الغالي فيدباك زهور بنفسجية تحفة الابرار و كستر رومانوف بن حارب والغريبة إنت موغريبة إنت معنا والأخريات كيفكن ؟
تدرون منتدانا هذا 3للشهور الأولى نشط كثير ومسلي وحيوي، دخلت أمس على منتدى تجمع 3شهور الوسطى ما لقيت فيه حياة ومافيه حيوية، مادري ليش مافيه حوامل كتار بها الشهور؟
الله يعيننا كلنا آمين

صباااااااااااح الخيرات بنااااات وامهات

كيفكم وكيف البيبيات الحلوووووووووووين

والف مبروك كستر وليموونة وباقي الصبايا وربي يتمم لكم
ودي ارد على كل وحدة لحالها بس زوجي بيجي الحين وما ابيه يشوفني على النت
قلت له اسبوع كامل ما بدخل النت وما صار لي يوم ودخلت خخخخخخخخ

واريج loneliness الحال من بعضه ع العصبيه والحساسية الزيادة وسرعة البكاء
اقل كلمة لو طفل ما تأثر فيها وانا اجلس ساعة ابكي عليهاااااا هههههههههه

هلا بنات او بالاصح كروووووووووووووووشات اخباركم انشالله تمام

الله يعطيكم العافيه انشالله ويقومنا بالسلامه جميعا انا حبيت اطمن عليكم وعلى اخباركم وانا تمام الحمد لله انشاالله يخف الوحم للابد خخخخخخ

اشووووفكم على خير وعذروني ماقدرت اطول معاكم عندي كم شغله لازم اسويها هههههه:) سيااااا

سلام حبيباتي عساكم بخير كلكم وكل البيبيات يارب امل حبيبتي شلونك وشلون البيبي انا بخير الحمدلله حبيبتي ......تحفة الابرار هلا قلبو تسلمين على السؤال عسى ربي يديم الموده والالفه بيننا كلنا الخوات يارب وربي يسمعك دايم كل خير ويثبت البيبي .....حبي الغالي ههههه والله مو قاطعه بس صارلي يومين عندي النت سئ جدا والحمدلله تعدل شلون احمدوه وريلك يارب يكون وصل بالسلامه ....فيد باك يسلمو حبيبتي دايم ماتقصرين مع الجميع......زهور شلونك يالغاليه عساكي بخير وتيد و سنيوريتا كيفكم يا حلوات والله العصبيه صارت بزياده خلاص صرت اخاف عالبيبي بس ربي كريم يالله نشوفكم على خيررررررر حبيباتي

صباح الخير امهات المستقبل 000

كستر مبروك الحمل والله يثبت لك يارب ، والله يعينك على الوحام


نسمه مشكوره على الرابط والله يعينا بعد الولادة انشاء الله الكرشه تروح


ليمونه مبروك الحمل واهلا وسهلا معانا



عروسه التزمي الرااااااااااااااحه التامه وانشاء الله ماعليك شر


ريم البوادي مبروك الحمل ، الله يثبت حملك يارب وبما انك ام انشاء الله انت تفيدنا اكثر وحياك الله معانا

اريج حبيبتي ترى الزعل والعصبيه ماهي زينه للجنين تحملي كل شي وعارفه ان هالشي موبيدك كل بسبب الهرومنات الله يعينا جميعا اذا مرات جلست ابكي اقول خلاص وقفي والله البيبي جالس يبكي معاك ، وانشاء الله تتاكدي الشهر الجائ اكثر ان فيك ولد مبروك مقدما


loneliness حتى الكلام بعد موجه لك ابعدي عن العصبيه خخخخ ترى انا وحده حدي عصبيه بس جالسه تنصح غيرها، اه ودي كل يوم اطمئن على البيبي ههههه


تحفة الأبرار اريج بخير


الغريبة 111 اللهم آمييين


amel01 اخبارك ياعسل ، تعرفي ليش تجمعنا نشط لان الحوامل حتى اذا خلصوا من الشهور الاولى ماراحو التجمع اللي بعده مستمرين في هالتجمع الى الشهور الاخير انشاء الله

سنيوريتا22 كلنا نعشق النت وخاصة عروس ، الله يعينك على الحساسيه الزائده


ted الله يثبت جمل الجميع يارب واذا خف الوحام يصير الحمل احلى و احلى


بنات يوم الاربعاء رحت المستشفى عشان التحليل المهم صادف ان في محاضرة عن الرضاعه الطبيعية لانه هالاسبوع اسبوع الرضاعه وحضرتها وصرااحه استفدت منها حييل خاصة شي جديد علي وعن غذاء الطفل وكل حاجه وفي نهاية في مسابقة و فزت بهديه ههههههه :encore:
بكره الله يعيني عندي موعد في المركز الصحي وبعدها مباشره بروح المستشفى عشان اعرف نتيجة التحليل الله يساعدني على التعب المشوار باقي اسبوع بالضبط وادخل الشهر السادس

أختي loneliness أنا بخير ولله الحمد والمنه لكن الأفرازات مخوفتني شوي هي عادية بيضاء وأحيانا قليلة صفراء وموية شوي أول مرة خفت وركضت للمستشفى سوت أشعة كل شي سليم الحمدلله بس تقول عندي التهاب بسيط وعطتني غسول والله يستر انا مستمرة على المثبت والفوليك عسى الله يرحمني ويشفيني ويسلم جنيني من كل شر أو مكروه يارب وكل مسلمة يارب...
أختي amel01 تسلمين والله حبيبتي انا عارفه والله اني بين خواتي واكثر بعد ..
اختي زهور بنفسجية يارب يتقبل منا دعانا يارب ويسلمنا من كل شر ....

وصحيح انا ملاحظة شي غريب وهو ان البنات في التجمع ماينتقلون للتجمع الآخر الشهور الوسطى مثلا شكلهم تعودوا على بعض وبصراحة هذا أحسن لنا اللي تونا بالشهور الأولى نستفيد من خبراتهم أول بأول بس عسى مايبخلون علينا ...والله يهون علينا وعليهم ويثبت حملنا وحملهم يارب ويقومنا والبيبيات بالسلامة والصحة والعافية الدائمة يارب ...ويهون وييسر ولاداتنا كلنا يارب ...
..
.
.
.

الغريبة 111شوفي اهم شي الافرازات ماتكون بنيه او دم يكون طبيعي انشاء الله والله يثبت حملك ، كم صار لك من تزوجتي شكلك هذا اول حمل لك ؟؟

واي حاجه تبغي تستفسري عنها انا وباقي البنات كلنا مراح نقصر عنك ابدا ترى هذا شعارنا في التجمع :welcometo3roos:

بنات اليوم الجمعه ويستحب الدعاء في هذا اليوم الفضيل ان الله يمن علينا اجنتنا بالصحة والسلامه ويحفظهم من كل مكروه يارب ( طلعوا صدقه باسم الجنين عشان الله يحفظه خاصة في هاليوم )

اختي زهور بنفسجية جزاك الله خير انا متزوجة لي سبع سنوات وعندي ولد ولله الحمد الله يخليه لي حملت فيه بعد شهرين من زواجي بفضل الله تعالى وكرمه وعمره ست سنوات ونصف تقريبا وهذا ثاني حمل لي بعد محاولات يائسة من العلاج الطبي والشعبي وفي النهايه بعد رحمة الله تعالى حملت بدون اي تدخل طبي ولله الحمد بفضل الاستغفار والدعاااااااااااااااء وربي سخر لي ناس كثااااااااار يدعون لي والحمدلله الحمدلله الحمدلله نفس الله كربتي بعد ست سنوات انتتظااااااااااار وألم وهم مايعلم فيه إلا الله سبحانه لكن ... الحمدلله ربي رحمته واسعه أسأل الله تعالى ان يتمم علي فرحتي وان لايحرمني جنيني يارب ياكريم ...هو وحده رزقني اياه وهو وحده سبحانه قادر على ان يحميه ويحفظه لي ,,,
والآن هل ترين ان معي حق بقلقي مع ان وضعي ووضع الجنين ولله الحمد طبيعي ؟؟؟؟؟؟؟؟؟؟؟؟
والله اختي ماهو بيدي غصب عني القلق .... دعواااااااااااااااااااااتك حبيبتي ...

مرحبا،،

بنات مين يقدر يساعدني؟

http://www.3roos.com/forums/227/t285550.html#post4566734

هلا بنوتاااااااات الله يتمم عليكم انشاءالله وتولدون بالاسلامه
التوتر والقلق شي طبيعي بأول شهور الحمل بس صدقوني بعد الشهر الثالث تروح كل هذي الاشياء وبتنسونها كأنها حلم الله يساعدنا بس وتعدي هالايام على خير
بس فيني شي غريب هالايام مادري اذا حد صاده مثلي
وهو انه وايد اجوع يعني اتعشى الساعه تسع وارجع الساعه وحده كأني ما أكلت شي من الصبح والغدى نفس الشي في حملي الاول ما صارلي هذي الشي كنت بالعكس

Romanove;4554801:








++ ختيه الغالية زهور بنفسجيه ++

فديتج أنا حالياً في الأسبوع 19

وعسى ربي ايتمم لنا جميع على خير

+++++++++++++++++++

++ ختيه الغالية اريج_خاشقجي ++

النور نورج يعلنيه افداج

والحمدلله مستمرة على اللبن والروب .. لكن مش واااايد

الله كريم


بخصوص الوزن

فديتج استشيري الدكتورة ايكون أحسن

لأني أنا نقصت في أول 3 شهور تقريبا 10 كيلو

وأساساً أنا من النوع اللي جسمي أوكي .. لكن وزني قابل أنه ايزيد

ومرت فترة قبل الزواج متنت فيها وعقب رجعت وضعفت

لكن مع بداية الحمل قام وزني واااايد ينقص

فقالت لي الدكتورة أنه هالشي طبيعي في بداية الحمل

وفعلا .. حالياً أنا في الشهر الخامس .. ووزني زاد كيلوين تقريباً

وشكلها الزيادة مستمرة :21_207:

+++++++++++++++++++

++ ختيه الغالية **قطرات الندى ** ++

حبوبة

أنا الأسبوع الياي بإذن الله تعالى عندي موعد للسونار

ويا رب هالمرة ايخبروني بجنس البيبي


لكن أنا بخبرج عن حركة البيبي حسب اللي حسيت به

ابصراحة حسيت بالحركة في وقت مبكر .. يوم كان عمر الحمل شهرين ونص تقريبا

يعني قلت فخاطريه مستحيل .. أكيد أنا أتوهم

لكن في الشهر الثالث يوم سرت وسويت سونار

قالت لي الدكتورة .. ما شاء الله البيبي واااايد حركي

فتأكدت أنه احساسي صح

الحركة كانت على اليمين مثل الركل والرفس

لكن حركة خفيفة جداً

حالياً في الشهر الخامس

الحركة زادت

وكله يمين .. تحت عند المثانة وفوق السرة صوب اليمين .. ركل ورفس

أترياج اتخبريني .. ولد ولا بنت؟؟

+++++++++++++++++++

++ ختيه الغالية قمقومة ... قم قم ++

فديتج انتي واااااايد ضعيفة

ختيه الصغيرة شراتج

كانت 38 كيلو تقريبا

ويوم حملت .. وصلت فآخر الحمل لـ 54 كيلو

لكن أول ما ولدت .. على طول وزنت ولقت عمرها ناقصة 6 كيلو

وحالياً عقب سنة من الولادة .. رجع وزنها 38

فانتي شدي حيلج عقب الولادة إن شاء الله واتغذي وإن شاء الله اتحافظين على الوزن اللي اتحبينه


وبخصوص البطن

سبحان الله

حتى أنا اللي ايشوفني ما ايصدق أني حامل

ويوم أقول لهم أني حامل وما أسولف

يتخبروني .. انتي في الشهر الثاني؟؟ أقول لا والله الخامس

الحمدلله على كل حال

+++++++++++++++++++

++ ختيه الغالية حبي الغالي ++

عسى ربي يجمعج بريلج ولا يحرمج منه


+++++++++++++++++++

++ ختيه الغالية بن حارب ++

منورة يالغالية

وين هالغيبة؟؟؟


وسبحان الله .. بخصوص فقر الدم ونقص الحديد

أنا نفس الشي

قالت لي الدكتورة أنه الجنين يتغذى ويحصل كفايته

لكن أنا اللي أتعب وااايد

وقالت لي يمكن أحتاج نقل دم .. لا سمح الله

+++++++++++++++++++

++ ختيه الغالية *ام هيا* ++

الحمدلله رب العالمين

ومبروك الولد يالغالية

وعسى ربي يحفظه لج

عقبالي أعرف نوع البيبي إن شاء الله

+++++++++++++++++++

++ ختيه الغالية ترانيم القلب ++

تسلمين على هالدعوة الحلوة

وأسأل رب العالمين أنه يرزقج الحمل .. آااامين يا رب

+++++++++++++++++++

++ ختيه الغالية الغريبة 111++

الله ايعافيج وايشافيج ويحفظ لج الحمل ياااا رب

طمنينا عليج حبوبة

+++++++++++++++++++

++ ختيه الغالية loneliness++

نورتي التجمع يالغالية

وين هالغيبة؟؟؟

والحمدلله أنج انتي والبيبيات بخير

فديتهم يا ربي

عسى ربي ايتمم لج الحمل ويرزقج إياهم صحيحين وسالمين

+++++++++++++++++++

++ ختيه الغالية سنيوريتا22 ++

يالغالية لا توسوسين

إن شاء الله البيبي بخير وتتطمنين عليه أول ما اتسيرين المستشفى

+++++++++++++++++++

++ ختيه الغالية عروسة03 ++

ألف ألف ألف مبروك يالغالية وعسى ربي ايتمم لج على خير

+++++++++++++++++++

++ ختيه الغالية S.H.S 84 ++

حياج الله بيننا

ومبروك الحمل حبوبة

+++++++++++++++++++

++ ختيه الغالية السيدة سوسو ++

نورتي التجمع حبوبة

هلا بيكم اخواتي
وكل وحده رحبت وسالت عني
أسمحوا لي غبت عنكم يومين ومضطره
عن نفسي الحمد لله بخير وصحه وسلامه وعافيه
والبيبي كذالك
بس لها الحين ماتحرك ...!!!

إذا ع الوصف الي وصفتيه
ما اقدر اقول لك نوع الجنين
الى لما تحددين لي أول حركه تحرك فيها الجنين
وين صايره بالضبط قرب المثانه يمين ولا يسار
ولا عند الشره يمين ولا يسار ؟؟؟؟؟؟؟ظ