تجمع حوامل الثلاث الشهور الأولى1-2-3

انزين فيدباك ماختاريتي أسم للولد انشاءالله ؟؟

هلا أختي ted أكييييييد هالابرة غاليه صح ؟؟

هلا أختي زهور بنفسجيه مابقعد على المنتدى أسبوووووووووووع مو بس يوم ههههههههههههههههههههههههههههههههههههههههههههه

هلا أختي سنيوريتا22 الله يسمع منج يااااااااااااااااااارب

++ ختيه الغالية زهور بنفسجيه ++

فديتج أنا حالياً في الأسبوع 19

وعسى ربي ايتمم لنا جميع على خير

+++++++++++++++++++

++ ختيه الغالية اريج_خاشقجي ++

النور نورج يعلنيه افداج

والحمدلله مستمرة على اللبن والروب .. لكن مش واااايد

الله كريم


بخصوص الوزن

فديتج استشيري الدكتورة ايكون أحسن

لأني أنا نقصت في أول 3 شهور تقريبا 10 كيلو

وأساساً أنا من النوع اللي جسمي أوكي .. لكن وزني قابل أنه ايزيد

ومرت فترة قبل الزواج متنت فيها وعقب رجعت وضعفت

لكن مع بداية الحمل قام وزني واااايد ينقص

فقالت لي الدكتورة أنه هالشي طبيعي في بداية الحمل

وفعلا .. حالياً أنا في الشهر الخامس .. ووزني زاد كيلوين تقريباً

وشكلها الزيادة مستمرة :21_207:

+++++++++++++++++++

++ ختيه الغالية **قطرات الندى ** ++

حبوبة

أنا الأسبوع الياي بإذن الله تعالى عندي موعد للسونار

ويا رب هالمرة ايخبروني بجنس البيبي


لكن أنا بخبرج عن حركة البيبي حسب اللي حسيت به

ابصراحة حسيت بالحركة في وقت مبكر .. يوم كان عمر الحمل شهرين ونص تقريبا

يعني قلت فخاطريه مستحيل .. أكيد أنا أتوهم

لكن في الشهر الثالث يوم سرت وسويت سونار

قالت لي الدكتورة .. ما شاء الله البيبي واااايد حركي

فتأكدت أنه احساسي صح

الحركة كانت على اليمين مثل الركل والرفس

لكن حركة خفيفة جداً

حالياً في الشهر الخامس

الحركة زادت

وكله يمين .. تحت عند المثانة وفوق السرة صوب اليمين .. ركل ورفس

أترياج اتخبريني .. ولد ولا بنت؟؟

+++++++++++++++++++

++ ختيه الغالية قمقومة ... قم قم ++

فديتج انتي واااااايد ضعيفة

ختيه الصغيرة شراتج

كانت 38 كيلو تقريبا

ويوم حملت .. وصلت فآخر الحمل لـ 54 كيلو

لكن أول ما ولدت .. على طول وزنت ولقت عمرها ناقصة 6 كيلو

وحالياً عقب سنة من الولادة .. رجع وزنها 38

فانتي شدي حيلج عقب الولادة إن شاء الله واتغذي وإن شاء الله اتحافظين على الوزن اللي اتحبينه


وبخصوص البطن

سبحان الله

حتى أنا اللي ايشوفني ما ايصدق أني حامل

ويوم أقول لهم أني حامل وما أسولف

يتخبروني .. انتي في الشهر الثاني؟؟ أقول لا والله الخامس

الحمدلله على كل حال

+++++++++++++++++++

++ ختيه الغالية حبي الغالي ++

عسى ربي يجمعج بريلج ولا يحرمج منه


+++++++++++++++++++

++ ختيه الغالية بن حارب ++

منورة يالغالية

وين هالغيبة؟؟؟


وسبحان الله .. بخصوص فقر الدم ونقص الحديد

أنا نفس الشي

قالت لي الدكتورة أنه الجنين يتغذى ويحصل كفايته

لكن أنا اللي أتعب وااايد

وقالت لي يمكن أحتاج نقل دم .. لا سمح الله

+++++++++++++++++++

++ ختيه الغالية *ام هيا* ++

الحمدلله رب العالمين

ومبروك الولد يالغالية

وعسى ربي يحفظه لج

عقبالي أعرف نوع البيبي إن شاء الله

+++++++++++++++++++

++ ختيه الغالية ترانيم القلب ++

تسلمين على هالدعوة الحلوة

وأسأل رب العالمين أنه يرزقج الحمل .. آااامين يا رب

+++++++++++++++++++

++ ختيه الغالية الغريبة 111++

الله ايعافيج وايشافيج ويحفظ لج الحمل ياااا رب

طمنينا عليج حبوبة

+++++++++++++++++++

++ ختيه الغالية loneliness++

نورتي التجمع يالغالية

وين هالغيبة؟؟؟

والحمدلله أنج انتي والبيبيات بخير

فديتهم يا ربي

عسى ربي ايتمم لج الحمل ويرزقج إياهم صحيحين وسالمين

+++++++++++++++++++

++ ختيه الغالية سنيوريتا22 ++

يالغالية لا توسوسين

إن شاء الله البيبي بخير وتتطمنين عليه أول ما اتسيرين المستشفى

+++++++++++++++++++

++ ختيه الغالية عروسة03 ++

ألف ألف ألف مبروك يالغالية وعسى ربي ايتمم لج على خير

+++++++++++++++++++

++ ختيه الغالية S.H.S 84 ++

حياج الله بيننا

ومبروك الحمل حبوبة

+++++++++++++++++++

++ ختيه الغالية السيدة سوسو ++

نورتي التجمع حبوبة

[QUOTE=حبي الغالي;4554188]انزين فيدباك ماختاريتي أسم للولد انشاءالله ؟؟






ان شاءالله قررت اسميه فيصل؟؟؟؟؟؟ وانتي شو بتسمينه؟؟

أسم فيصل وااااااااايد حلوو

أحنا أنشاءالله بنسميه (أحمد) على أسم أبو زوجي

حبي الغالي;4554916:
أسم فيصل وااااااااايد حلوو

أحنا أنشاءالله بنسميه (أحمد) على أسم أبو زوجي

ما شاءالله اسم احمد بعد حلو يلله نربي بالسلامه ان اشاء الله وتقر عيونا بشوفتهم يااااااااااارب

مرحبا بنااات شلونكم جميع؟ وحشتووني..


بنات انا من قمت الصبح وانا فيني الم تحت.. احس الالم في رحمي داخل..
احس زي الكهرب.. وزي الشد..خايفه بس مابي اروح المستشفى لاني خايفه اتفشل .. كل يوم وانا قاطه وجهي وعلي اقل شي..

مادري احد صار له كذا؟



حبي الغالي..فيد باك .. رومانوف.. زهور.. ام هيا .. اريج..قمقوومه..تيد ..ام شوق..سنيوريتا..قطرات الندى.. سيده سوسو .. SHS ..

طمنوني عليكم بنات

feedback اووه اقصد ام فيصل ترى الاسم مررره حلو ودارج هالاسم كثير في هالفترة ، الله يعينك على التقويم خاصة في اول ماتحطينه انا اذكر تاذيت حيل بس مع الوقت تعودت عليه ، والله يعينك على الآلم الظهر شي يذبح ، وانا اليوم مثلك قبل ماروح المستشفى قمت ارجع يمكن مرتين 00


سنيوريتا22 مبروك الحمل ولازم تلتزمي بالفوليك الى اخر الشهور الحمل ترى مهم ، اه ياقلبي حيل ابغي اعرف انشاء الله قريب


حبي الغالي هههههههه دائما كذا اذا قالوا يتحرك وزين نخاف ونصلي على النبي وودنا نكب في وجهم ملح



Romanove اها يعني بيني وبينك 3 اسابيع انا الحين في 22 وانشاء الله الاسبوع الجائ بدخل الشهر السادس

مشكوووووووووووورات بنات على كل ما سأل عني وبارك لي :)
والله انا ما ادخل وايد بس احاول قدر الامكان اني اقرا ردودكن واتابعكن

مرحبا بنونات

اسمحولي انضم لكم في فريق الحوامل "ما شاء الله"

انا توني بالشهر الثاني يعني بالاسبوع 7

واللوعة عاملة عمايلها معاي

ما اشتهي اكل على طول فيني لوعة الشي الوحيد اللي اشتهي اكله سندويش جبن او روب او لبن واعصب روحي على شوي حليب ماعرف شنو اسوي مع اللوعة الدكتورة عطتني حبوب للوعة بس بعد مافيها فايدة

يالله ادعوا لي يا بنات الله يثبت حملي لأن المرة اللي طافت سقطت والدكتورة قالت لي بعد 3 اسابيع اروح لها عشان اتطمن اذا اوكي او لا
وعطتني بعد حبوب مثبت

الله يثبت لك حملك ويرزقك بالذرية الصالحه:)

**قطرات الندى **;4544344:


هلا بك اختي
ولا يهمك
بس انتي حددي لي مكان الحركه بالضبط
هل هي قريبه من الســره ولا المثانه
هنا المهم

انتظر ردك :21_207:

اختي قطرات الندى مشكوره

الحركه اكثر من جهة المثانه

بنات الله يهون عليكم جميع الاوجاع والتعب

بنسبه للرياضه بعد الولاده هذ رابط نقلته لكم انشاء الله ينفعكم

بنسبه الي انا احب المشي وما قطعني عنه الا الحمل مشيت سنتين كل يوم سا عه

والحمد لله خفت الكرش كثير بس ما راحت

الله يعين الحين بترجع اكثر من قبل الله يعين
هذ رابط الرياضه بعد الحمل
التمارين الرياضية المنصوح بها للأم بعد الولادة

اي والله صدقتي خيوه زهور بنفسجيه

هلا أختي كستر الف مبروووووووك الحمل والله يثبته لج أنشاءالله

هلا أخواتي .. أنا حامل في بداية الشهر الثاني

ممكن أنضم إلى رابطتكم

عسى تفيدوني وأفيدكم

اختي ليمونه الف مبرووووووك الحمل والله يثبته لج أنشاءالله ويحيااااج الله بيناااااااااا

بنات الحقووووووني..انا في الأسبوع السادس من الحمل اليوم لما رجعت من الدوام.. شفت افرازات مهبلية سائلة و فيها خيوط دم.. شسوييييييييييييييي؟؟؟؟؟

هلا بنوتات شلونكم ويا الحمال اكيد حلوييييييييين
انا حامل جديده خخخخخخخخخخ مو جديده بمعنى الكلمه لأنه هذي ثاني مره أحمل فيها <<<< يعني عندي خبره بس تبخرت ويا الصيف خخخخخخخخخخ اتمنى تقبلوني معكم بالرابطه ونستفيد من بعض
بالنسبه لج اختي عروسه 03 اللي فيج من التعب هذي شي عادي لا تخافين بس ألزمي الراحه التامه وامبطحي على ظهرج ورفعي ريلج على تكيه اومخده وأفضل لج بكره ما تروحين الدوام وتستغلين فترة الاجازه للراحه التامه وماتشيلين اي شي ثقيل
انشاء الله أفدتج

هلا كروشات
فيد باك مبروك عليج اسم فيصل
حبي الغالي مبروك عليج اسم احمد

اختي كستر
فديت روحج الغالية
ما ادري اذا تذكريني
انا كنت وياكم في التجمع اول الشهور وزعلت وايد يوم سقطتي وانسحبتي
الله يتمم لج ها الحمل على خير يا رب وانتي ديري بالج على عمرج عدل مدل وحياج بينا عزيزة وغالية

أدعولي يا بنات ان الله يثبت حملي وما يضيع فرحتي
ما أحس بأي شي من أعراض الحمل غير شوية ألم في البطن والظهر وهذا معناه ان الهرمون عندي ضعيف
ضايق صدري مو قادره انام ):

كستر الف مبررررررررررروك الحمل والله يثبته لج يااااااااااااااااااااارب والله يعينج عاللوعه

ليمونة حامضة الف مبروووووووووك الحمل وحياج الله ويانا اخت عزيزه وغاليه

ريـــم البــوادي الف مبروك الحمل والله يتتملج على خير

قمقومة ... قم قم مشكوره فديتج عالرقم ..............والله يبارك فيج يارب