تجمع حوامل الثلاث الشهور الأولى1-2-3

feedback زين و الحمدلله تطمئنتي على البيبي بس ماقلت لنا وش فيك ؟ شكلك ولد ؟؟الله يخليه لك

صدقتي مرات اسوي لي حليب بالموز واتقبل اشربه صراحه احنا ماننعطى وجه لازم نغصب روحنا


بحاول اذا زوجي صحى من النوم بطال منه اروح المستشفى او على الاقل خلال هاليومين متحمسه ابغي اعرف وش فيني

أجرنا وأجركم كلكم

هلا فيدباك يلا قولي شنو جنس الجنين ؟؟

هلا زهور بنفسجيه أنا في بيت أبوي وأمي كليوم تغصب عليي أشرب حليب في اليوم 3 مرات ههههههههههههههههه

السلام عليكم حبيباتي لكم وحشه والله وشكرا لكل من سال عني..........زهووره يسلمو سؤالك بس الابتوب كان بالتصليح وبعدها عروس كان به تصليحات.......لكم وحشه كلكم لونلس كيفك ويارب غيكي بنت وولد...بااقي العرايس حبي الغالي شلونج ويالبي قلب مبروك التوام وضي القمر يسلمو حبيبتي ويخليه لج...السيده سوسو شلونج عزييزتي ...فييد باك مبروك حبيبتي وواضح انه ولد لانج قلتي حبيبي هههههه...بسبوسه الحلوه ربي يطمن بالج ياارب ويثبته....موها والله ماعندي فكره لكن ندعيلج بالثباات يارب....امل عااش من شافك حبيبتي ولاتجهدي نفسك بالضيوف ........قمقومه مبروك الشهر الجديد....تيد ربي يعينج يارب......وام عيسى ربي يعوضج يارب.........ام زايد وجوليااااااات وكل الكروشات الجددمبرووك...وام هيا والعفو لاي كروشه نسيت اكتب اسمها....السموحه على الاطاله

هلا بنات اخباركم مع التعب انشالله بخير

انا اليوم مره مو تمام تعباااااااااانه مره ولا كاني بالرابع الوحم مو راضي يخف عني
وتعرفون الكل يقولي لازم تاكلين وانا بعد مو يم اهلي مايمي اله اخت ريلي ومره اهي وريلي راصين علي لازم تاكلين ويوم قلت خلاص بسمع الكلام:) صحيت الصبح وسويتلي فطور بعد ماكلت قلت بروح انام مو تعرفوني كله ابي انا ولا ابي اكل واول ماجطيت راسي علىطول على الحمام تكرمون الي اكلته طلع قلت هذا لاني سمعت الكلام :(ولمن صحيت كل ماكل شي يطلع مايضل وانا طبعا الحليب مايضل على طول يطلع وانا اتغصبه بس مافي فايده والله اني تعبااااااااااااااااااااانه واجس اني جايعه وصرت اخاق اكل على شان مابي اروح اطلع الي اكله :(زهقت مادري وش ايوي شكلي اذا ضليت كذا راح اروح المستشفي لاني من الصبح مافي شي داخل بطني وبقي فيه شكل البيبي صااااااااااااايم :)

عظم الله اجرك حبيبتي حبي الغالي

اخباركم بافي الكروشات ؟عذروني على اني ماكتبت ام وحده وحده انا الحين اكتب ومره احس اني تعبانه بس ابي شي ينسيني جالسه علي النت :)

ههههههههههههههههههههههههههههههههه والله موتوني من الضحك فديتكم كنت اسويلكم حركات اشوف تشجيع الجمهور واكيد ابخبركم وش فيني لانكم خواتي واعزكم وايد قالولي ولد والحمدلله على كل حال اهم شي ياربي انه ذرية صالحه وسليم ومتعافي يااااااااااااااااااااااااااااااارب ............

ted;4523841:
هلا بنات اخباركم مع التعب انشالله بخير

انا اليوم مره مو تمام تعباااااااااانه مره ولا كاني بالرابع الوحم مو راضي يخف عني
وتعرفون الكل يقولي لازم تاكلين وانا بعد مو يم اهلي مايمي اله اخت ريلي ومره اهي وريلي راصين علي لازم تاكلين ويوم قلت خلاص بسمع الكلام:) صحيت الصبح وسويتلي فطور بعد ماكلت قلت بروح انام مو تعرفوني كله ابي انا ولا ابي اكل واول ماجطيت راسي علىطول على الحمام تكرمون الي اكلته طلع قلت هذا لاني سمعت الكلام :(ولمن صحيت كل ماكل شي يطلع مايضل وانا طبعا الحليب مايضل على طول يطلع وانا اتغصبه بس مافي فايده والله اني تعبااااااااااااااااااااانه واجس اني جايعه وصرت اخاق اكل على شان مابي اروح اطلع الي اكله :(زهقت مادري وش ايوي شكلي اذا ضليت كذا راح اروح المستشفي لاني من الصبح مافي شي داخل بطني وبقي فيه شكل البيبي صااااااااااااايم :)

عظم الله اجرك حبيبتي حبي الغالي

اخباركم بافي الكروشات ؟عذروني على اني ماكتبت ام وحده وحده انا الحين اكتب ومره احس اني تعبانه بس ابي شي ينسيني جالسه علي النت :)

الله يعافيج ياربي والله حاسه فيج انا ماراح عني الوحم الا من 3 اسابيع تقريبا يعني من دخلت الخامس ولما كنت بالرابع زاد اكثر واكثر لكن مالج الا الصبر وتتحملين وكله بأجره ان شاء الله ................ كنت اسير للمستشفى يحطولي مغذي اعوض اللي افقده لاني ماكان اي شي يتم فيني كله ارجعه ..........اذا حسيتي انج تعبانه اكثر روحي وخليها على الله فديتج

زهور بنفسجيه احسن شي هالوقت اذا تبين اتعرفين شو نوعه لان بالخامس يقولون ما يصك رجوله سبحان الله ونتتظر الخبر الحلو ان شاءالله............


حبي الغالي حالتي تحسنت الحمدلله قمت اشرب حليب مع الاوفلتين يوميا مرتين باليوم او ثلاث واكلي صار طبيعي تقريبا بس مو كل شي طبعا لكن الحمدلله احسن بووووووووووووووووووووووايد عن قبل اللهم لك الحمد

اريج_خاشقجي وانتي لج وحشه اكثر يالغاليه .........بشري شو الجديد شو صحتج واخبار البيبي؟؟؟؟؟


باقي الحلوات شو اخبارككم طمننونا عليكم ................

حبي الغالي عظم الله اجرج يالغاليه............فيدباك الحمدلله حبيبتي انا بخير بس دايم احاتي من الاكل وكل اسبوع ابي اروح اسوي سونار اقول للطبيب في نبض؟؟ حتى ارجع انام ..احس اعصابي مشدوده ورب كريم...والله انا فهمتها وهي طايره فيد باك اانه ولدد وربي يتمملج ولنا على هير شو بتسميه؟؟ تيد حبيبتي شدي جيلج وربي يعينج على وحامج بالرغم من ان وحامي خفيف كل اسبوع تقريبا احس باني بارجع وانتي بكرامه واتعب وبعدها خلاص الحمدلله لكن اول 3 اشهر بس وحامي صدااااااااااع........ربي يعين

هلا كروشات كيفكم؟ وحشتوووني

انا بخير الحمدلله،،، امس رحت البحرين سويت مساج حق حوامل اسمه
mommy to be massage
حلو ويريح،، والي تعمل مساج لها خبره بالاماكن اللي المفروض ماتضغط عليها بقوه عشان ما تآثر سلبيا ع البيبي...
وبعدها رحت مجمع السيف وشريت دي في دي يوغا حق حوامل

اللي في محل المساج نصحتني اني اجلس جلسه يوغا عشرين دقيقه واشد ضهري واكتافي و شهيق وزفير وانا ريلاكس.. وبيخف كل الالم اللي بجسمي ان شاء الله،،، جربوها يابانات :)


زوجي جا الاسبوع الماضي كان عنده كورس وبيرجع يسافر الليله وبيجي يوم الثلاثاء بالليل،، والله بصراحه هالازواج مصخوها :cry:

اريج... شلونك ياقلبي وشلون البيبي؟ انا مثلك ترا في شيلة الهم كل اسبوع ودي اسوي الترا ساوند واتطمن ع البيبي،، وادكر الاربعاء رحت عند اهلي وقلت لامي ان بطني يآلمني وضروري اروح المستشفى وودتني امي وابوي واختي معاهم والدكتوره قالت لازم اسوي لك سونار اتآكد ع البيبي وطلع كل شي اوكي الحمدلله،،،،،،، المهم لما طلعت قلت لامي واختي : انا كذبت عليكم ومافيني شي بس شايله هم البيبيات وابي اتطمن انهم بخير.. امي كان ودها تذبحني!!



فيييييييد باك،،، مبروك حبيبتي عرفتي الجنس،، الله يطرح فيه البركه يارب والحين شدي همتك مع التجهيزات :) واختاري له اسم...


حبي الغالي،، الله يرحمه يارب وعظم الله اجركم حبيبتي...


زهور... كيفك ياقلبو وكيف الحمل معاك؟


لبى قلب وليدي.. وينك حبيبيتي مختفيه.


مووها.. نسمه... شلونكم مع الحمل حبايبي،، طمنونا عليكم،،،



تيد،، ماتشوفين شر ياقلبي وتدرين على هالحاله لازم تاخذي حبوب كالسيوم وحديد وفيتامينات لانك ماتقدري تاكلي،، حرام كذا انتي والبيبي بتتعبون،، والله لا يوريكم اي مكروه ياقلبي،،،

السلام عليكم بنات .. شحالكم كلكم ... عظم الله اجرج حبي الغالي ..واللي تطمن على البيبي يارب يطمن قلوبكم دوم يارب ..
عني انا وضعي الحمد الله بخير البيبي بخير ... الجو صار حلو و خاطري اطلع اروح البحر و اهييت و اتمشا بس الدكتور نصحني اني ما اغامر باقي من الحمل 3 شهور و يارب يتمم علية وعليكم خير ..بنات ها الايام حاسة بضيقة وتعب نفسي اختي بتتزوج و منطقت اهلي تبعد 180 كيلو وريلي رافض يرديني علشان الطريج وخايف علي وانا خاطري ارووح مادري شو اسوي ..
انا قريت سوالفكم واتابع تطوراتكم ويارب كل وحده تفرح بصحتها و شوفت ببيتها ..

حبي الغالي زين ماتسوي فيج امك والله هذا الي يبي لنا ماننعطه وجده ابد وانا الحمدلله وعدت روحي ان اشرب حليب بس اليوم ماشربت بس اكيد بكره بعوض

اريج_خاشقجي الحمدلله اطمئنين عليك وعلى البيبي صراحه ماقدر على فراقكم كلكم ، اه ودي بين فتره وفتره اروح اطمئن وانا قلت هالاسبوع لازم اعرف وش فيني بس اشوف اليوم المناسب وبروح


ted الله يعينك انشاء الله قريب بيخف عنك بس اهم شي تعوضين تاخذين حبوب كالسيوم وحديد


feedback قلبي كان حاس انه ولد بس ماقلتي وش بتسمينه ، الله يخليه لك، صحيح انا سمعت ان هالشهر افضل شي لمعرفة الجنين بس لنشاء الله قريب وبعرف وببشركم


loneliness عليك بالعافية وزين انك رحتي البحرين وغيرتي جو الله حمستني على المساج ابغي اسوي خخخخ

صراحه ضحكتيني هههههههه على حركتك مع اهلك امس زوجي كان عنده مناوبه وانا كنت في بيت اهلي وفكرت اروح بس تعرفين يوم الجمعه يمكن طبيبه النساء ماتكون موجوده عاد قلت كيفه بس هاليومين او بروح لحالي ، الله يعينك على سفريات زوجك


السيدة سوسو حاولي تقنعيه وماعليك شر

هلا خواااااااااتي أجرنا وأجركم

شخباركم ؟؟ عساكم طيبين ؟؟

والله وحشتوني وااااااااااااااااايد بس شسوي ما أقدر أقعد وااااايد على الكمبيوتر لان كلا هواش أني وأخواني وكل واحد لييه وقت محدد .. شفتوا شنو يسوون فيني :( شافوا ريلي مسافر ولعبوا فيني :( بس يلا باقي أسبوع ويرجع ليي بالسلامه يااااااااارررب

فيييييييد باك،،، مبروك حبيبتي عرفتي الجنس،، الله يطرح فيه البركه يارب والحين شدي همتك مع التجهيزات واختاري له اسم...



اللهم امييييييييييييييييييين ..........الله يسهل عالتجهيزات وان شاءالله ابدورله اسم

feedback قلبي كان حاس انه ولد بس ماقلتي وش بتسمينه ، الله يخليه لك، صحيح انا سمعت ان هالشهر افضل شي لمعرفة الجنين بس لنشاء الله قريب وبعرف وببشركم




الحمدلله يارب على كل حال وان شاءالله انه ذرية صالحه وسليم ومتعافي .........بعدني ما قررت شو باختار من اسم والله يسهل وعقبالج ما تعرفين شو الللي فبطنج

مرحبا كروشات

اشحالكم

انا فصلت لي لبسة مالت الكرشة لانه عندنا عرس في اول واحد وانا بكون في شهري

حبيت اخذ رايكم فيها واقولكم انها من تصميم خالتي والي تبغي الرقم حاضر



هذا عن قرب الشغل



وهذا من بعيد



وهذا با الروب



وهاي الايد



وهاي الايد من بعيد


ها شو رايكم ؟؟؟؟؟؟؟؟؟؟؟؟؟؟؟؟؟؟؟؟؟؟[/QUOTE]

مرحبا يالغاليات

السموحة ما طليت عليكن

والسبب أنيه ييت عند هليه في العين هالـ Week End

وبما أنها الدكتورة آخر مرة ما خبرتني عن جنس البيبي

فقررت ما أتشرى ملابس محددة لجنس معين

وسرت واتشريت الملابس الداخلية للبيبي والقماطات وبعض اللوازم الخفيفة

وركزت على اللون الأبيض

بس ابصراحة تعبت ودوخت وأنا في السوق .. ورجعت البيت على طول

وإن شاء الله عندي موعد عقب أسبوعين .. وياااا رب ايخبروني بجنس البيبي

+++++++++++++++++++

++ ختيه الغالية mohaaa28 ++

ما تشوفين شر حبوبة

وعسى ربي ايتمم لج الحمل على خير ويحفظ لج الجنين


+++++++++++++++++++

++ ختيه الغالية السيدة سوسو ++

عسى ربي ايتمم لج على خير

وتقر عينج بشوفة الأمورة الصغيرونة يا رب


ومشكوووورة فديتج لأنج سألتي عنيه

أنا بخير الحمدلله وكل يوم عن يوم أحس بتحسن من ناحية شهيتي للأكل

لكن عندي عوااااار في الظهر وصرت أتعب من الحركة :sad:


بخصوص مشاوير الطريق

فأنا أقول اللي كاتبنه رب العالمين بيصير

محد كثريه يركب السيارة :21_112:

كل أسبوعين سايرة عند هليه .. أنا ساكنة في دبي وهم في العين

وغير جيه .. المشاوير اليومية :dd:

ورب العالمين كريم .. نسأله يحفظ لنا بيبياتنا


حاولي حبوبة تقنعين أبو الشباب عشان تحضرين العرس .. وقولي له اللي كاتبنه ربك بيصير

وما عليج شر يالغالية

+++++++++++++++++++

++ ختيه الغالية زهور بنفسجيه ++

يااااا رب اتعرفين جنس البيبي قريب

وانبشر بعض :shy:


والحمدلله يوم أنج شربتي حليب

أنا أحس بالموت ولا أنه حد ايقول لي شربي حليب

سواء قبل الزواج أو حتى عقبه .. واتمنيت أني أحب الحليب يوم أحمل

لكن للأسف .. ما رمت .. والحمدلله رمت أعوض بالروب واللبن

+++++++++++++++++++

++ ختيه الغالية لبى قلب وليدي ++

عسى ربي يحفظ لج التوأم

واتقر عينج بشوفتهم

آااامين يا رب

+++++++++++++++++++

++ ختيه الغالية loneliness ++

الحمدلله أنج اتطمنتي على بيبياتج

عسى ربي يحفظهم لج

+++++++++++++++++++

++ ختيه الغالية بسبوسة الحلوة ++

اتطمني يالغالية

أنا صار لي نفس الشي فبداية الحمل

كل مرة ايقولون لي حجم البيبي صغير بالنسبة لعدد أشهر الحمل

وهالشي بسبب الوحام والتعب وسوء التغذية

لكن الحمدلله

آخر موعد سرت له .. طمنتنيه الدكتورة وقالت لي حجم البيبي مناسب لعمره

الحمدلله يا رب


المهم انتي كلي واتغذي

واتوكلي على رب العالمين قبل كل شي

وإن شاء الله المرة اليايه ايطمنونج أنه حجم البيبي أوكي

+++++++++++++++++++

++ ختيه الغالية =نسمه= ++

حياج الله بيننا حبوبة

وألف ألف ألف مبروك الحمل


+++++++++++++++++++

++ ختيه الغالية أم زايد1 ++

سلامااااات حبوبة

لكن بخصوص عوااار الظهر

فالله ايعيننا منه

لكن عليج بالراحة .. وإن شاء الله خير

+++++++++++++++++++

++ ختيه الغالية *ضي القمر* ++

الحمدلله طمنتينيه عليج

وبخصوص جنس البيبي

إن شاء الله اتعرفين قريب وتفرحين

أهم شي الصحة والسلامة والعافية

+++++++++++++++++++

++ ختيه الغالية حبي الغالي ++

عظم الله أجركم يالغالية

وإنا لله وأنا إليه راجعون

+++++++++++++++++++

++ ختيه الغالية feedback ++

مبروووووك الولد يالغالية

وعسى ربي ايحفظه لج واتقر عينج بشوفته

مادري .. حسيت فيج ولد :con1:

وعاده وحامي شرات وحامج

بنشوف شو رب العالمين يكتب لي .. وأكيد حياه الله شو ما كان جنسه


المهم .. ابتدي اتشري للبيبي على خفيف

يعني القماطات والملابس الداخلية الخفيفة وشوي شوي

عشان على نهاية السادس أو فنص السابع اتكونين خلصتي كل شي إن شاء الله

قبل لا اتحسين بالثقل أكثر :21_186:


وشدي الهمة اختاري له اسم فديته

أنا وريلي متفقين من زماااان .. حتى قبل العرس

أول بيبي .. إذا ولد .. بيكون على اسم أبو ريلي إن شاء الله .. محمد :up:

وإذا بنوتة .. فبعدنا .. كل يوم نقترح اسم ونتشاور .. وخير إن شاء الله


+++++++++++++++++++

++ ختيه الغالية اريج_خاشقجي ++

طمنينيه عنج حبوبة

+++++++++++++++++++

++ ختيه الغالية ted ++

عادي حبوبة

حتى أنا من دخلت الرابع الوحام ما خف عني وااااايد

وكنت فشهر رمضان وأنا صايمة أرجع طول الوقت وانتي بكرامة

بس بنصحج يالغالية

إذا كنتي ما اترومين تاكلين .. أو أنج تستفرغين الأكل

فالأحسن اتسيرين المستشفى

لأني أنا يوم كنت شراتج .. صار ويايه جفاف حاد جدا

واضطروا ايرقدوني في المستشفى ويعطوني مغذي بشكل مكثف

فاتوكلي على الله حبوبة وسيري المستشفى وشرحي للدكتورة حالتج وطلبي منهم يعطونج مغذي

وما تشوفين شر حبوبة

+++++++++++++++++++

++ ختيه الغالية قمقومة ... قم قم++

ما شاء الله تبارك الرحمن

مبروك العرس حبوبة .. وعساها الأفراح عامرة في دياركم

مرحبا خواتي
الحمدلله انا حامل الحين بس ماادري بالأول ولا بالثاني بس من يوم مادريت اخذت حمض الفوليك
وصحيح ان عندي ولد وبنت بس نسيت مع ان ماصار لي زمان عن الحمل بس كنت حابة أسألكم متى المفروض اعمل الترا ساوند ودي اتطمن انا اخر دورة جتني في 13-9-2007 يعني انا دخلت الثاني ولا لأ
وشكرا حبيباتي ومبروك لكل الحوامل وعقبال الي ماحملو يارب.

صباح الخير اخواتي
كيف حالكم جميعا
عساكم تقبلوني وياكم لآني انا توني في بداية الشهور الآولى
يعني هالحين باقي كم يوم وبخلص الشهور الاولى خخخخخخ

بس الي يخليني مستغربه انه هالتجمع حق 1-2-3
وانا أشوف بعض الحوامل مو بها الشهور
يعني عادي تدخلون بأي تجمع
مو شرط تتقيدون بالشهور ؟؟؟

monamoon;4528055:
مرحبا خواتي
الحمدلله انا حامل الحين بس ماادري بالأول ولا بالثاني بس من يوم مادريت اخذت حمض الفوليك
وصحيح ان عندي ولد وبنت بس نسيت مع ان ماصار لي زمان عن الحمل بس كنت حابة أسألكم متى المفروض اعمل الترا ساوند ودي اتطمن انا اخر دورة جتني في 13-9-2007 يعني انا دخلت الثاني ولا لأ
وشكرا حبيباتي ومبروك لكل الحوامل وعقبال الي ماحملو يارب.

هلا بك اختي
انتي هالحين بالآسبوع 6 ويومين
يعني أنتي هالحين قربتي بنهاية الشهر الثاني
وبالنسبة للفوليك لازم تاخذينه على طوول
والله يتمم لك على خير

هلا بنات اخباركم

انا اليوم خف على الترجيع الحمد لله احسن من امس بس المشكله اني لمن اشرب حليب مااتحمل على طول ارجعه تكرمون مادري ايش اسوي ولمن رحت للدكتوره مارضت تعطيني حبوب كالسيم وفالتلي لازم تشربين مادري ايش اسوي واحس اني ماخذ شي كاقي من الكالسيوم ايش تنصجوني اخذ؟او ايش اسوي