++ ختيه الغالية Om Isa ++
بإذن الله تعالى خير
انتي لا تجهدين عمرج
واتغذي عدل
وإن شاء الله ترجعين واتبشريننا
وإذا رب العالمين كاتب عليج هالشي
فقولي حسبي الله ونعم الوكيل .. واسأليه أنه ايعوضج كل خير
لكن بعد .. رجعي وطمنينا عليج يالغالية
+++++++++++++++++++
++ ختيه الغالية اريج_خاشقجي ++
النور نورج يعلنيه افداج
وبالنسبة للبن الرايب
هيه أنا أحب اللبن
لكن الحليب ما أحبه من قبل من وأنا صغيرة .. يعني أحس أنه شي مستحيل أشربه
بس ممكن أشربه في حالة وحدة
حليب الفراولة الرايب اللي اييج من المراعي (مش حليب الفراولة الوردي الملون .. هذا ما أحبه)
وأحب الروب والروب بالفراولة
بس ما أعرف
رغم جيه قالوا لي لازم تعويض كالسيوم
وإن شاء الله خير
وبالنسبة لج بخصوص الحوامض والمخللات
تعالى شوفينيه
حتى أيام التعب واللوعة
يمر اليوم كامل وأنا ما كنت آكل ولا شي طول اليوم
أطلب المخلل بس
وأبو الشباب ايقولي كلي شي وعقب كلي مخلل
أقول له مابا
والحالة مستمرة لين يومج
على الفطور .. أول ما ايأذن المغرب
أجهز اللومي
ورق العنب أزيد عليه اللومي .. والتبولة أطلبها حامضة
وآخر شي .. أتلذذ باللومي نفسه
أقطعه وأتم آكل منه لين أقول بس
والحمدلله .. ما حسيت أنه هالشي يأثر علي أو على البيبي
وإن شاء الله يا رب ما يأثر
+++++++++++++++++++
++ ختيه الغالية loneliness ++
والله أنا ما سرت غير فرع واحد من mothercare ولا عيبني شي
لكن محل Jenny Rose شريت من عنده بناطلين .. مريحات وحلوات في اللبس
وكله أتشرى قمصان حوامل دلع وفرفوشية
لقيت عند دبنهامز وسبلاش وجيني روز
وأتشرى توبات من زارا وأطقم ويا لبسي
لأني يوميا أفطر عند هل ريلي .. فلازم أتلبس وأتدلع :smile:
بخصوص الكالسيوم
فأنا أشرب اللبن الرايب والروب والروب بالفواكه
وأحب التبولة وآكلها بشكل يومي على الفطور
وإن شاء الله رب العالمين ايتمم لنا الحمل على خير ويرزقنا أطفال سليمين كاملين الخلقة من غير زيادة ولا نقصان
آااامين يا رب
+++++++++++++++++++
++ ختيه الغالية حبي الغالي ++
ما أروم على الحليب
لكن إن شاء الله أحاول أعوض بالألبان والروب
+++++++++++++++++++
++ ختيه الغالية feedback ++
عاشت أيامج يعلنيه افداج
أنا بخير الحمدلله
حالتيه واااايد أحسن عن قبل
ما أرجع غير مرة أو مرتين في الأسبوع .. يعني إنجاز .. قبل 3 إلى 5 مرات في اليوم
والحمدلله غديت آكل .. مع أني قبل كنت مستحيل آكل إلا غصب
ونزلت 10 كيلو جرام
لكن الحمدلله .. من دخلت الرابع .. حالتيه اتحسنت وقمت أعوض
ويا رب ايتمم لنا على خير
انتي طمنينه عنج
شو آخر أخبارج وأخبار البيبي؟؟
+++++++++++++++++++
++ Big smile ++
عادي حبوبة
حتى أنا في الشهر الأول ولا حسيت بشي
اللهم آلام بسيطة ودوخة ولوعة بس على الخفيف
اتحريت أنها هالأعراض أعراض الزواج والحياة اليديدة
وحتى فحصت في المستشفى وطلعت النتيجة سالبة
وقالت لي الدكتورة لأنج توج امعرسة وحياة يديدة فاتحسين بهالشي
لكن عقب يوم اتأخرت الـ ..... .. سرت وفحصت .. لقيت عمريه حامل ولله الحمد
ومن الشهر الثاني
بديت أحس بالتعب والوهن واللوعة واترقدت في الدختر لفترة
لكن إن شاء الله ايكون وحامج من النوع السهل ولا ايتعبج
وعسى ربي ايتمم لج وايتمم لنا على خير