تجمع حوامل الثلاث الشهور الأولى1-2-3

هلا أختي دلوعة 88 أنا بعد عطوني أول الاشهر بس ماخذيتهم وعادي ماصار ليي شي بس هالحبوب زيين يعني خذيه لاتتركينه

هلا أختي دلوعة 88 أنا بعد عطوني أول الاشهر بس ماخذيتهم وعادي ماصار ليي شي بس هالحبوب زيين يعني خذيه لاتتركينه

هلا والله بنات اخباركم انشالله بخير


حبيت اطمن عليكم

مرحبا يالغاليات

أول شي حبيت أبارك لكل وحدة حامل انضمت لنا في الملف

وأقول لها ألف ألف ألف مبروك

وعسى ربي ايتمم لكن الحمل على خير


ولباقي الخوات

ابصراحة اتولهت عليكن وعلى يمعتنا الحلوة


بالنسبة لي

فهالأيام مشغولة أتشرى بعض الملابس للحمل

رغم أنها الكرشة ما تنشاف ولا حد ايقول حامل ما شاء الله

كل ما سرت محل أقول لهم أبا قمصان وتنانير وبناطلين للحوامل

ايقولون لأي شهر

أقول الرابع

ايظهرون ملابس كبيرة

فأقول لهم لا .. أبا على مقاسي

يستغربون وايقولون انتي بغيتي لج؟؟؟ انتي حااامل؟؟

وأتم أقول فخاطريه ما شاء الله



وأنا حبيت آخذ لي بناطلين حمل بتناسبنيه طول فترة الحمل

عشان ألبس عليهن القمصان الطويلة .. وحركات الدلع .. من غير لا أحس بضيقة

وسرت mothercare ولا لقيت البناطلين اللي بغيتهن .. قالت لي الحرمة في المحل .. يمكن اتلاقين في الفروع الثانية لنا

لكن الصراحة

شريت بناطلين حمل من محل Jenny Rose فمركز برجمان

بناطلين روعة .. ومريحات لدرجة أنها الوحدة ما اتحس بهن

يعني أريح عن بناطلين البجايم حتى

ويتمططن من فوق على حجم الكرشة طول فترة الحمل من غير لا تتضايقين

ولقيت عندهم واااايد أشياء حلوة للحمل من قمصان وبديات و و و

وأساسا المحل متخصص لملابس الحمل .. وشعارهم “Nine Months of Style”

حبيت أخبركن وأفيد الخوات اللي ايدورن ملابس للحمل حلوة ومريحة فنفس الوقت



بخصوص آخر أخبار حملي

ففي آخر رد كتبت لكن أني أعاني من آلام في الظهر والبطن

ويوم سرت المستشفى .. سووا لي السونار وقالت لي الدكتورة عندج تقلصات بسبب الجفاف


ابصراحة تعبت من هالجفاف .. وغديت أشرب ماي وسوايل

لكن ما أروم أضغط على عمريه وايد وأشرب كثر ما نصحتني الدكتورة

اتقول لي لازم 3 لتر ماي في اليوم .. غير عن العصاير


والدكتورة نصحتني بمجرد أدخل الشهر الرابع

آخذ فيتامين بدال الفوليك أسيد

اسم الفيتامين Prenatal

قالت لي أنه يتوفر في الصيدليات

وهو يحتل المرتبة الأولى في أمريكا والدول الأوروبية بالنسبة للحوامل

والحمدلله بديت آخذه من كم من يوم


أما الشي الثاني

فللأسف .. سويت فحص شامل للدم

وطلع عندي أنيميا كالعادة ونقص في الحديد .. لكن هالمرة في عنصر في الدم ناقص على الأخير

اتصلت لي الدكتورة اللي سرت لها .. وهي من مستشفى خاص في دبي

ويوم كانت اتخبرني .. من الصدمة ما رديت ولا قلت شي

ووصفوليه حبوب حديد إضافية



بالنسبة للكالسيوم .. وصفته لي الدكتورة بما أني ما أشرب حليب ولا أتغذى عدل

لكن بعدنيه ما سرت آخذ الوصفة



والحمدلله .. ما أعاني من الوحام شرات قبل

يعني غديت أشتهي بعض الأكلات وأشياء معينة

لكن بعدنيه ما أداني اللحوم ولا الدياي ولا الأسماك ولا الكاكاو



غالياتي

حبيت أعرف منكن .. شو تنصحنيه بخصوص نظامي الغذائي عشان ما يتأثر البيبي لا سمح الله؟؟

وهل في ضرر لو ما خذت حبوب الكالسيوم هالأيام؟؟

يعني هل هالحبوب واااايد ضرورية؟؟


بالنسبة لدخولي الشهر الرابع .. وقفت الفوليك أسيد عقب ما غديت آخذ الـ Prenatal و الـ Easy Iron

وأساساً الـ Prenatal مكتوب عليه ضمن محتوياته أنه يحتوي على الفوليك أسيد بنسبة 200% .. والـ Easy Iron من اسمه .. هو عبارة عن حبوب حديد

فهل ايضرني أني وقفت الفولك أسيد؟؟؟


السموحة منكن .. طولت عليكن

بنات حالتي النفسية حدها سيئة
أمس كنت عند الدكتورة جيكت البيبي لتقولي
الله يعوضج عنه خير!!!!!!!!!!!!!!!!!!!!!!!!!!!!!!!!!!!!!!!!!!!!!!

إتقول المفروض أنا في إسبوعي التاسع بس نمو الطفل كأن في الأسبوع السادس
و مافي نبضات

طلعت من عندها و أنا ما أشوف دربي

عندي موعد معاها الأربعاء و الخميس علشان تحدد شنو القرار النهائي
تقول بيفحصون الهرمون لو نزل خلاص بينزلون الياهل

والله إني أعيش وضع جدا صعب و الحزن طاغي علي
رغم إني مؤمنه بأن هذا كله من رب العالمين هو وحده العالم وين الخير لي و شنو الصلاح

ما أقول غير الله يصبر قلبي و يعوضني بالي أحسن منه
لا حول و لا قوة إلا بالله العلي العظيم

سبحانك اللهم إني فوضت أمري إليك فلا تكلني إلى نفسي طرفة عين
اللهم آجرني في مصيبتي و اخلف لي خيرا منها

توكلت على الله ولا إله إلا الله


دعواتكم يا أخواتي

Om Isa;4464563:
بنات حالتي النفسية حدها سيئة
أمس كنت عند الدكتورة جيكت البيبي لتقولي
الله يعوضج عنه خير!!!!!!!!!!!!!!!!!!!!!!!!!!!!!!!!!!!!!!!!!!!!!!

إتقول المفروض أنا في إسبوعي التاسع بس نمو الطفل كأن في الأسبوع السادس
و مافي نبضات

طلعت من عندها و أنا ما أشوف دربي

عندي موعد معاها الأربعاء و الخميس علشان تحدد شنو القرار النهائي
تقول بيفحصون الهرمون لو نزل خلاص بينزلون الياهل

والله إني أعيش وضع جدا صعب و الحزن طاغي علي
رغم إني مؤمنه بأن هذا كله من رب العالمين هو وحده العالم وين الخير لي و شنو الصلاح

ما أقول غير الله يصبر قلبي و يعوضني بالي أحسن منه
لا حول و لا قوة إلا بالله العلي العظيم

سبحانك اللهم إني فوضت أمري إليك فلا تكلني إلى نفسي طرفة عين
اللهم آجرني في مصيبتي و اخلف لي خيرا منها

توكلت على الله ولا إله إلا الله


دعواتكم يا أخواتي

اختي الله يكون بعونج ..و اتكلي على الله و اذا ماصار نصيب قولي اللهم اجرني بمصيبتي وعوضني باحسن منها ..
ماتدرين شو الله كاتب لج .. يمكن يصير الوضع طبيعي وتطمنين ويمكن توقف واتنمنى من الله يكتب لج الخييرة والاحسن بكل امر لج ..وان شاء الله بتطمنين و الله يريح بالج

السلام عليكم حبيباتي...........شلونكم فردا فردا لكم وحشه وجمعتكم لا تبدل...........حبي الغالي وزهور بنفسجيه والنفس وفيدباك وضي اقمرو لونليس ولونسيت كروشه ماسالت سامحوني........السيده سوسو نورتي حبيبتي وربي يسهل عليج.........رومانوف هلا وغلا منووره طولتي الغيبه عساكي بخير بالنسبه للحبوب الكالسيوم ضروريه بالذات لج لان عندج انيميا ولازم تعوضين بالاكل الصحي والحبوب حبيبتي لازم تواصلين على كل الفيتامينات اللي اعطوج لصحة الجنين وانا ما احب الحليب صرت اشرب لبن رايب اكتيفيا والله مريح للجهاز الهضمي وطعمه حلو وكله كالسيوم مفيد............الاخت vectoriaوالله مادري وش اقولج بس اتمنى من الله ان يطمئن قلبج وتفرحي على حملك والجنين حاولي تتغذي زين وروحي للطبيبه ويارب خير.......الاخت ام عيسى لا تستعجلين وغيري الطبيب واذا قال لج نفس الكلام فربي يعوضك الابرك يارب..........لبي قلب وليدي شلووونج حبيبتي .......بن حارب وامل عسى المانع خيررر.............دلوعه وتيد مبروك الحمل وربي يتمم لكم على خير ياب

هلا تيد،، شلونج حبيبتي.. انا بخير الحمدلله... ماعدا الزكام اللي ذابحني.. والله ماني قادرره يوم دم ينزل ويوم زكام،، الله يكون في العون

اريج: هلا حبيبتي انا بخير،،، شلونج وشلون اهل جده والبيبي.. عساكم بخير يارب...


ام عيسى: سيري دكتوره ثانيه وبآذن الله تطمنك ع البيبي وتآكدي ان اراده ربي فوق كل شي وانه احنا الكروشان ندعي لك من اعماق قلوبنا..


رومانوف: هلا حبيبتي شلونج وشلون الحمل؟ انا قبل فتره رحت مذركير وحسيت ان ثيابهم حق عجايز بس لقيت لي بنطلون مره يجنن ومريح في اللبس.. لونه ابيض واسود (مخطط) مره مريحني..
بالنسبه للحبوب حبيبتي استمري عليها واذا ماتقدرين تشربين حليب اشربي لبن او زبادي،،
انا احب الحليب بس في رمضان كرهته وصرت اشرب لبن(مع اني كنت اكره اللبن وطعمه) بس صحة البيبي اهم..


الكالسيوم حبيبتي مره مهم لانه يساعد في تكوين العظام للجنين واذا ماخذتيه بيصير الضرر عليج لان الجنين بيسحب كالسيوم جسمج وبيصير عندج ترقق عطام (لاسمح الله)

بالنسبه للفوليك اسيد والحمض الموجود في حبوب الفيتامينات بصراحه ماعندي خبر بس لا تخافين الفوليك اسيد الزايد في الجسم ينطرح مع البول..
بس الحديد النسبه الزايده مو كويسه

حبيبتي حاولي تجبرين حالج ولو لمرتين في الاسبوع: كلي كبده،، فيها حديد
او اذا ماتحبيها الفليفله فيها حديد والتبوله نفس الشي


اذا ماتحبين تشربين لبن،، حطيه في كاس ورق وحطي فيه ملعقه خشب وحطيه في الفريز. وكليه مثلج بالعكس بيريحك البراد اللي فيه :)

وطمنينا عليج..


دلوعه : نفس اللي قلته لاختي قبل عن الكالسيوم:
الكالسيوم حبيبتي مره مهم لانه يساعد في تكوين العظام للجنين واذا ماخذتيه بيصير الضرر عليج لان الجنين بيسحب كالسيوم جسمج وبيصير عندج ترقق عطام (لاسمح الله)

بنات المنطقه الشرقيه والبحرين:

وين فيه محلات تبيع ملابس حمل غير مذر كير؟

انا في الظهران مول شريت من محل يبيع تجهيرات اطفال وكان في الواجهه حاط كم بنطلون حمل بس المشكله ماعندهم تشيكله كبيره!!

هلا ted انتي شخبارج عساج مرتاحه ؟؟

هلا Romanove أشربي حليب واايد لانه واايد زييين

هلا أم عيسى الله يصبرج حبيبتي ويعوضج باليي أحسن منه انشاءالله

هلا أريج أنتي شخبارج انشاءالله بخير ؟؟

هلا loneliness روحي ماكس يمكن تحصلين عندهم

vectoria20_1 وكلي امرج لله وان شاءالله خير ......


السيده سوسو سلامتج ما تشوفين شر والله يسهل عليج ان شاء الله.


ted سألت عليج العافيه ياربي .انتي بشري شو اخبارج ؟؟؟


Romanove عاش من شافج شو اخبارج ان شاء الله بخير ؟؟؟ لبس العافيه يارب والله يسهل عليج........

Om Isa ان شاء الله خير .........الحمدلله على كل حال

باقي الحلوات شو اخباركم ان شاء الله بخير...........


بنااااااااااااات انا ما خذ اي نوع من الحبوب ..................لان كانت تزوعني وتخلي ريحتي خايسه ؟؟؟؟؟؟ انا خايفه والا عادي ما يضر؟؟؟؟؟؟

بنات انا حامل بالشهر الاول بس ماأحس بأي شي مادري ليش ا احس جني مو حامل :S

هلالا كروشااااااااات فردا فردا حبي الغالي وزهور ونفس ولونلس والسيده سوسو ولبى قلب وليدي وييييينك في بن حااارب وهلا بالكروشات الجدد دلوعه وتيد وبج سمايل ربي يتمم للجميع.......بنات افيدونيانا وحامي كله احب الحوامض والمخللات واتمنى ااكل الاكل الحار مثل الهندي لكن قرات بالمنتدى ان الشطه مو بزينه للحامل وتسبب اجهاض هللل صحيح؟؟والله حارمه نفسي ووحامي ماالح وحاار وسمعت ان الزعفران مو يزين يسبب اجهاض وامي تقول ياما اكلناه وحننا حوامل !!! لاني حرمت نفسي اكل المطاعم والرز بالزعفران وفي اكله يا بنات انصحكن بها بعد الولاده بمطعم اثيوبي اسمها زغني حااره و بها زعفراناعتقد ..ايش السواااااااة؟؟ افيدوني بالله .......تحياتي حبيباتي

هلا حبيبتي انا مثلك

تعالي شووووفيني امسك غرشة الزيتون واقعد ازلط ليها لين ما احس اني طفحت!!!

والشطه والاكل السبايسي لازم

وبعد الفطور شاي بحريني (مع زعفران وماي ورد)

ومثل ماقالت لك امك شوفي ايام اول ياما وياما اكلوا كل شي والحمدلله ماصار فيهم شي،،


بس تدرين ان كثره الملح مو كويس لا سمح الله يسبب ارتفاع ضغط الدم وانحباس الماي وتورم الاطراف

وانا حامل بتوم الله يخليهم والفرصه بضغط الدم والتورم تزيد في حالتي عشان كدا قررت اني اعتدل وما احرم حالي بالمررره بس اخفف شوي


بس حبيبي عشان تقطعي الحق باليقين اسآلي دكتورتك!! وهي تفيد

بالتوفيق ياقلبوو

اريج_خاشقجي;4468560:
هلالا كروشااااااااات فردا فردا حبي الغالي وزهور ونفس ولونلس والسيده سوسو ولبى قلب وليدي وييييينك في بن حااارب وهلا بالكروشات الجدد دلوعه وتيد وبج سمايل ربي يتمم للجميع.......بنات افيدونيانا وحامي كله احب الحوامض والمخللات واتمنى ااكل الاكل الحار مثل الهندي لكن قرات بالمنتدى ان الشطه مو بزينه للحامل وتسبب اجهاض هللل صحيح؟؟والله حارمه نفسي ووحامي ماالح وحاار وسمعت ان الزعفران مو يزين يسبب اجهاض وامي تقول ياما اكلناه وحننا حوامل !!! لاني حرمت نفسي اكل المطاعم والرز بالزعفران وفي اكله يا بنات انصحكن بها بعد الولاده بمطعم اثيوبي اسمها زغني حااره و بها زعفراناعتقد ..ايش السواااااااة؟؟ افيدوني بالله .......تحياتي حبيباتي

big smile
هلا ياقمر


الف مبرروك ع الحمل :)
انا مثلك بعد ماعرفت اني حامل اول شهر،، استغفر الله شكيت!!! بس بعدين الالم اللي يجيني مثل الم الدوره هو اللي خلاني اقطع الشك باليقين!

ترا شعور طبيعي حبيبتي :) والله يخلي لك البيبي ان شاء الله

Big smile;4468513:
بنات انا حامل بالشهر الاول بس ماأحس بأي شي مادري ليش ا احس جني مو حامل :S

مرررررررررحبا بنااااات



شحالكم


دوم دوم اشتهي الاكل الحار واحب اكل تشبس مع شطة



وزبادي مع فلفل اسود وشطة حارة



بس هاليومين نفسي هافة على شي غريب




مب عارفة يصير ولا لا



بس واااااااااايد نفسي فيه ومو قادرة إلا ابيه


تدرون شنو؟




لا تضحكون علي





ا









السائل المنوي



شسوي يا بنات؟؟

هلا ياقمر

احنا بخير الحمدلله انتي كيفك وكيف الحمل؟

والله ياحبيبتي اهم شي لو كنتي ماتاخذي الحبوب (حديد او كالسيوم) تكوني متآكده انك تاكلين وتشربين بدالهم اشيائ فيها الفيتامينات والمعادن اللي يحتاجهم جسمك..

feedback;4468180:
باقي الحلوات شو اخباركم ان شاء الله بخير...........


بنااااااااااااات انا ما خذ اي نوع من الحبوب ..................لان كانت تزوعني وتخلي ريحتي خايسه ؟؟؟؟؟؟ انا خايفه والا عادي ما يضر؟؟؟؟؟؟

هلا حبيبتي


بصراحه اعذريني ما اقدر افيدج،،،، احس حالتج صعبه!! :16:

ومالج الا تتفاهمين في هالموضوع الا مع زوجك ..

innocent angel;4468730:
مرررررررررحبا بنااااات



شحالكم


دوم دوم اشتهي الاكل الحار واحب اكل تشبس مع شطة



وزبادي مع فلفل اسود وشطة حارة



بس هاليومين نفسي هافة على شي غريب




مب عارفة يصير ولا لا



بس واااااااااايد نفسي فيه ومو قادرة إلا ابيه


تدرون شنو؟




لا تضحكون علي





ا









السائل المنوي



شسوي يا بنات؟؟

طمنتيني لونلس والله حملي كللللله حرماااان من الاكل وبدون بهارات ولا شئ ........حبيبتي ربي يخليلج البيبيات القمر يارب اعتقد انا وانتي متقاربين بالحمل بيننا اسبوع اعتقد...........ربي يتمم للجميع انسنت جيرل شلونج عسى الدم وقف؟؟ ربي يتتمم للجميع يارب