تجمع حوامل الثلاث الشهور الأولى1-2-3

[GRADE="00008B FF6347 008000 4B0082"]أختي Romanove قلت أنك دخلت بالشهر الرابع ونقصلك الوحام شوي، أرجوك أخبريني كيف حسبت؟ حسبت من أول يوم لآخر دورة ولا حسبت من يوم تلقيح البويضة (تقريبا من اليوم الرابع عشر للدورة).
أنا تعبانة كثير و ما قدرت على الوحام.
أنا أول يوم لآخر دورة كان 11جويليا2007
فيه من يقول أني عندي 10 أسابيع ومن يقول 8 أسابيع
بالله عليك أنت كيف حسبت
إدعولي عند الإفطار أرجوكم أنا تعبانة جدا وما شفت أهلي منذ شهر ما قدرت أسافر والحين أنا أبكي من التعب أنا ما فطرت ولا يوم.

الله يعينكم كلكم أخواني فيدباك و قمقومة وحبي الغالي وسوسو والنفس البريئة وأريج خاشقجي و لبى قلب وليدي وأنت كمان رمانــــوف.
صح فطوركم[/GRADE]

حبي الغالي الحمدلله بخير وسهاله انتي اشحالج شخبارج شو مسويه وطمنينا عليج هي والله الغاليه مب بس الموضوع المنتدى كله

الغاليه Romanove

ختيه بن حارب

أسأل رب العالمين

أنه ايثبت لج حملج

ويتمم لج إياه على خير

واتقومين انتي والبيبي بالسلامة

ويكون بصحة وعافية كامل الخلقة بلا زيادة ولا نقصان

آاااامين يا رب



امييين ياااارب الله يسمع منج الغاليه وربي يثبتلي و يثبتلج حملج ويخفف وحامج امين يارب

هلا خواااااااااااتي شخباركم؟؟

انا الحمد الله زينه وعال العاااااااااااال ومن أبتدى شهر رمضان والحمد الله مافطرت ولا يوم والله يقدرني وأصومه كااااااامل انشاءالله

حبي الغالي الحمدلله وان شاء الله ربي يقدرج انج اتصومين الشهر كامل وزين يوم انج طمنتينا عليج

السلام عليكم بنات .. الجميع ان شاء الله بخير ..حبي الغالي ان شاء الله ويعطيج الله الصحة و تصومسن رمضان كلة ..لبى ووليدي .. لا يكلف الله لا وسعها ان شاء الله بتصومين رمضان السنة الياية وانتي بخير و يعين الله على قضاءة .. بن حارب الله يعينج على الوحام و يقوج الله على صيام رمضان و للجميع الخوات الموجودات ان شاء الله يتقبل الله طعتكم و يعطكم الاجر و يتقبل عذر كل وحده ما قرت تصوم ...
عني انا والحمد الله صامد و صاملة بحول الله وقدرتة ..واليوم دشيت اخر اسبوع من الشهر الخامس ..وبس صدق حاسة اني ثقيلة و قلبي احسة مقطوعه من افطر كلة اتنهت ... من اصلي الفجر انا اقوم على الساعه 1 ونص و اصلي الظهر اقعد اقر بالقران لين الساعه 3 ونص و اتيني الغفوة الساعه 5 اقوم و اصلي العصر و اتم قاعده للفطور و الحمد الله ينقضي يومي .. وانا راقده احس بالبيبي يوم تتحرك و اقوم اقعد اقولها فطوم طمنيني كل شوي انج بخير يارب يرييح قلوبكم و يطمنكم .. اليوم حلمت ان ثنتين من الاهل اسمهم فاطمة يحضنوني و يقولن انهم مشتاقات لي ووحده عطتني سلة بيض .. قال رريلي خلاص يعني هذا يقولج ان اللي بتبضينها اسمها فطووم :) قلت يا خوفي عقب طووم احمل على قد البيض اللي حلمتة :) الحمد الله رب العالمين على كل ما يعطيني الله ,,
بنات شخباركم
قمقومة .. حاولي لا تكثرين موالح حتى ما تعطشين وريحيي نفسج وعقبال ما تقولينا انج دشيي التاسع وحنا ورااج نتبعج و الله يععطيج العافية ..

السيده سوسو مشكوورة الغاليه وربي يسهل عليج ان شاء الله

وانا ان شاء الله ناويه اذا يتني بنت اسميها فطوووم واذا ولد سيف ان شاء الله اميين ياارب العالمين

بس محتارة قصايد الغلا هند اليازيه شوق شما العنود واذا عندج اسامس حلووة وغريبه دخيلج قوليلي واذا ولد بعد محتاره بين سيف وحمد وحارب

بنات ريحوني طمنوني حاسه بشوية ضغط ف الرحم وشوية الام تحت الظهر وف الخصر وف الحوض والله المهم الام ف كل مكان البطن وجي شو تنصحوني وهل هالشي عادي ولا لا اترياااكم

اهلين بنات انا هذا اول حمل لي حامل لي شهر ونص مااحس بشي هل هذا طبيعي ومتى يبدا يكبر البطن ومتى يبداء النبض بصراحة مااتهنيت في النوم مااعرف انا انام الاعلى بطني واحاول انام على ظهري وعلى جنب

السلام عليكم شلونكم حبيباتيييي حبي الغالي اشلونج عساكي طيبه والنفس البريئه هلا ياقلبو ربي يتمملك ويتمملنا على خير والسيده سوسوووووو انشاء الله بتجيبيلنا عقب فطوووووووم على قد البيض ههههههه وامل كيفك يا قلبوووو والله حاسه فيكي وانا نفس الشئ كل طبيبه تقول تاريخ شئ حتى بالمنتدى احسبولي ووطلع عكس مدري مين اصدق بس انا صرت احسبها لحالي بما ن دورتي منتظمه حسبتها بالايام بالظبط وحصلت اني كل يوم ثلاثاء ادخل اسبوع جديد ,,,,,,,,,,,,,بن حارب هلا حبيبتي اشلونج ترى عادي الالم اللي تحسين فيه انا مثلك لكن لاحظت مع تقدم الحمل يخف شوي,,,,,,,,,,,,,,بنات شريت شابوره ساده قلت للبائع عطني ساده وعطاني بالحبه السوداء والشمر وقلت له ماكو بدون دي الاشياء يقولل لالالالالالا ,,,يالله اتكلت على الله بس الغريبه اني يوم بالاسبوع يجيني وحم مو طبيعي واحس اني بموووووووووووت وباقي الايام عادي سبحان الله لاوطبعا يابنات دي الايام عندي موضة خوف جديده كل ماتحركت حركه اكوووون خايييييييييييييييييييييييييييييييييييييييييييفه نبض الجنين وقف قلولي كيف اعرف انه ماصار شئ؟؟؟؟؟

اريج دربالج تاخذين بالحبه السودا مو زينه للحامل

مرحبا بنات

شلونكم..

مبارك عليكم الشهر (ولو انه متأخر)

وشلونكم مع الحمل والوحام؟


انا الحمدلله توني داشه الشهر الثالث..

والحمدلله ماعندي وحام بزياده

وحامي كله لوعه وبس..

وطالعة لي موضه الحين تجيني اللوعه بعد الفطور.. لو حتى شربت بس ماي.. تجيني اللوعه.. وتقلب لي مزاجي..

بنات احس ان بطني كبر.. صاير منفوخ .. (انا فيني كرش صغير) بس قبل اسبوعين لاحظت ان كله منفوخ ويفشل شكلي .. هل هذا عادي.. ؟

هلا اختي مبروك دخولج الثالث وعقبال دخولج التاسع وانتي بخير

والوحام من تدخلين الرابع بيرووووووح لاتحاتين

هلا أختي loneliness اكييييييييد شي طبيعي انتفاخ بطنج بس انتي لاتحاتين ولاتحطين في بالج

:X_hell1:هاي مع إني متأخره بس يا الله إقبلوني معاكم أنا أتوقع في الثاني سألت مرموم لين ألحين ماردت علي


شخباركم بنات شووووووووووووووو الوحام معاكم؟؟؟؟؟؟؟

السلام عليكم

شخباركم

انا حامل جديده بقي 8 ايام وادخل الربع بس مدري ليه احس بالم الدوره ورسي يومين يالم


انا تر اعرف احسب حق الحمل بس لزم اسال يعني اسوي تحقيق خخخخخخخخخ امزح

حيا الله الحوامل الجدد مبروك الحوامل والله يثبته يارب

الحوااامل اليداااد اللي شرااتي الف الف الف مبروووك وربي يثبتلكم حمالكم وحملي امييين يااارب

الغاليه اريج_خاشقجي مشكوورة حبيبتي طمنتيني