تجمع حوامل الثلاث الشهور الأولى1-2-3

السلاااااااااااااااام عليكم ياحلوات والله يابنت ابغاكم تساعدوني احس نفسيتي سيئة ومره تعبانه عندي خوف مو بطبيعي والله لاني قد اسقطت كثير قبل بس الحين الحمدلله اخد ابر السيوله وانا بالاسبوع الثامن وبالرغم من هذا خايفه اسقط لو كحيت اخاف لو رجعت وانتم بكرامه اخاف وبس راقدة من فراش لفراش لاني لو جلست شوي او ركبت سيارتي يندر دم ميــــــــــــن كانت مثلي وتمت حملها بالله تطمني انا خايفه اسقط وزوجي صار ما يسالني عن الحمل كثير لانه تعقد بالله عليكم ادعوووووووووولي بثبات حملي دعوة المسلم للمسلم في ظهر الغيب مستجابه

اختى اريج الله يثبت حملك بحق الشهر الفضيل يا رب اللهم امين

اهلين كروشات

بخير الله يسلمك اختي امل وش اخبارك مع رمضان

هلا والله وغلاااا بسوسو وقمومة ولبى وحبي الغالي واريج وحبيبة وسوسوميدو والماسية وفيد باك ولولو وباقي

الكروشات وش اخباركم مع رمضان الله يتقبل ولا يضيع الاجر

بالنسبة لي الحمد لله من دخلت الرابع وانا مرتاحة بس الدوخة شوي زايدة هالايام

الماسية 2004 هلا وغلا حبيبتي وانتي والله وحشتيني مووووووووت .......والله يا قلبي من دخلت الرابع وزاد علي الزواع اكثر عن قبل خلاص تعبانه وااايد ما عرف شو اسوي بعمري ما اقول غير الله يعين ويسهل ان شاءالله ......انتي بشريني كيف الصيام؟؟؟؟ :9_33:


حبي الغالي هلا والله وانتي واحشتنا اكثر بشري كيف الصيام وياج وشو الوحم يارب انج مرتاحه؟؟؟؟:flower:

لبى قلب وليدي اخبارج يا حلوه ............ليش افطرتي؟؟؟ وكيف الربط وياج ؟؟؟؟؟؟؟:9_28:

amel01 الف سلامه والله يعينج فديتج الحال واحد تعب *تعب لكن الحمدلله على كل حال:9_33:

حبـيـبـه ما تشوفين شر يالغاليه والله يتقبل ان شاء الله :flower:

lolu الله يعينج فديتج واللله يتقبل صيامج ياااااااااااااااارب (f)


السيدة سوسو اخبارج يا عسل ؟؟ما شاءالله حسيتي في فطومه يارب ايخلها لج وتقر عيونج بشوفتها يااااااااااااارب اما عن الحارج حاولي تبتعدين عن الفلفل والاكل اللي فيه بهارات زايده ؟انا في بداية الرابع حسيت بالحارج اول ما اكل شي فيه بهارات وفلفل وعقب ابتعد عنهم والحمدلله اختفى :balloons:


مرمرستان حياج الله اختي ويانا والله يثبت حملج ياااااااااااااااااارب:flower:


قمقومة ... قم قم وانتي وحشتينا اكثر وابتعدي عن الموالح والله يتقبل صيامج ان شاءالله :9_33:

sosomedo الله يعافيج ياربي وكله بأجره ان شاءالله:flower:




اما عن نفسي لا جديد تعباااااااانه وايد وزاد الوحم لكن ما اقول غير الحمدلله

مرحبا بنات

شخباركم

بنات انا داخله على الشهر الثالث الحمدالله
بس بلييييييييز قولوا لي
الدكتوره عطتني تحاميل مادري هل اهي مثبتات حمل او شنو

وهل بهذا الشهر ياخذون حبوب الحديد

الله يتمم علينا جميعا يارب

[GRADE="00008B FF6347 008000 4B0082"]السلام عليكم شخباركم’

أريج خاشقجي الله يثبت حملك آميييييين
شكرا إلك أختي فيدباك الله يعينك
أختي al-daaa أنا أعطتني الدكتورة دواء الحديد وأنا الآن بالأسبوع العاشر و بشربو، وكمان بىخذ تحاميل الألم SPASFON
الله يسهل عليك وعلى الجميع

صح فطوركم[/GRADE]

هلا أختي أريج الله يثبت حملج انشاءالله بحق هذا الشهر الفضيل يااااااااااااااااارب


هلا أختي sosomedo احسن شي الا قلتيه تشوفي الطبيب اول


هلا أختي النفس البريئة شخبارج والله يخفف عنج الدوخه ياااارب


هلا أختي فيدباك ماعليي أستحملي عشان النونو والله يعطيج العافيه


هلا أختي al-danaa والله أختي ماادري انشاءالله البنات يفيدونج والله يسهل عليج انشااءلله


هلا أختي أمل شخبارج عساج طيبه طمنينا عليج


اما بالنسبة ليي الحين انا في نص الرابع وواااااااااايد مرتاحه والحمد الله وعقباااااااال الكروشات البااااااقي يااااااااارب

مرحبا بنات .. شحالكم .؟ عساكم بخير و الله يتقبل منا صيامنا و صلاتنا و يستجاب لدعائنا امين ..
اللي يتوحمون ربي يخفف عليهم وحمهم و يسهل عليهم صيامهم و يثبت حملكم و يطمنكم على بيبياتكم ..
اليوم كان موعدي الصبح رحت للدكتور و شيكت على الربااط والحمد الله بخير و ووضع البيبي سليم وخذوا مني فحص دم فحص الحمل سكر ضغط و الفحوصات الروتنية .. و عرفت اخير..و تاكدت انها بنت يارب يحفظها و اشوفها بخير...
وها الايام صايدنني زجام و معاطس ..الله يعين..دشيت الحين الاسبوع الثالث من الخامس والكرشة مابينت بس احس انة صارمتساوي والمشية تغيرت يمين و يسار اتمرجح الله يسهل الامور ..
الجميع بدون تحديد طمنونا عليكم ان شاء الله بخير..

السلام عليكم يا الغاليات
شلونك مع الحمل
والله ان حالي من حال اريج ، توني حامل وبعد بكره اول موعد لي وادعولي ان يكون في الجنين نبض
وهاللحظه اخوف لحظه عندي لاني لي إسقاطات قديمة والله يسهل هالمره

هلا والله بكل الكروشات الجدام واليداد
سوسو
خلاص بنوتة شراتي خخخخخخخخخخخخخخ
انشوفهم انشا الله با الصحة والعافية

السيدة سوسو الحمدلله يارب انج بخير وعافيه والله يقر عيونج بشوفت البنوته يارب


تحفة الأبرار الف مبروك الحمل وان شاء الله تتطمنين عالبيبي والله يثبت حملج ياااااااااارب



الله يتقبل صيامنا يارب ويسهل عالجمييييييييييييييييييييييييع

:21_207: مرحبا بالحوامل انا حامل بالشهر الثاني وعم بصوم كيفكم انتم ورمضان انا عم بصوم بس راح اموت من الوحام وخاصة اللعاب الذائد كانت اخر دوره لي في 25/7/2007 وحكت لي الدكتوره انه موعد الولادة في 2/5/2008 ادعو لي الله يكملي على خير لانه تعبت كثير لما صار الحمل:21_207:

هلا أختي سوسو الله يخليها البنوته لج وتطلع وتفرحج انشاءالله

هلا أختي قمقومه وحشتيني واااااااااااااااايد شخبارج وشخبار صحت البنوته الحلوة ؟؟

هلا أختي تحفة الأبرار الله يطنج انشاءالله ويثبت حملج يااااارب

هلا أختي فيدباك شلونج وشلون صحتج خبرينا عرفتني شنو فيج ؟؟ بنت أو ولد ؟؟ أو للحين ما عرفتي ؟؟

هلا أختي ntsh الله يكمل لج وللجميع على خير يااااارب ويقدرنا ونصوم رمضان كامل



أما عن نفسي انا الحمد الله تمام .. وتاريخ 30/9 عندي موعد وقاعده أحارس هاليوم بفارغ الصبر لان بصراحه وحشني ولدي واااااااااااااااااايد خاطري أشوفه وأطمن عليه

وش أخبار باقي الكروشات وزهور بنفسجية ويييييييينج كلش مالج حس

السلام عليكم يا حبيباتي وسوسوو ميدوووووووووو وحبي الغالي وامل ربي يجزيكم كل خيررررررررر على دعائكم لي ويفرحكم بما حملتم ....خواتي النفس البريئه والدانه وقمقومه قم قم وفيد باك كيفكم وربي يتمم حمل الجميع على خير يارب .........زal-danaaالفوليك اسيد مهم جدا للحامل باول ثلاث شهور لانه يدخل في تكوين المخ ويمنع تشوهات الجنين واستمري عليه وانا مثلك باول الثالت وربي يتمم للجميع والاخت الغاليه تحفة الابرار يارب بحق الشهر الفضيل يثبت حملك يارب وتفرحي بماحملتي انتبهي على نفسك ولا تتحركي كثير وكلي حمض الفوليك يومي حبه و ايضا الحبوب المثبته دافستون ثلاث مرات يوميا انا ااخدها واسالي طبيبتك للتاكيد مع انها لو مانفعت ما تضر حبيبتي واساليها حتى ترتاحي وسوي تحليل تجلط دم يمكن انتي مثلي تحتاجين ابر سيوله راجعي الطبيبه وربي معااااااااااااااكي وسلاااااااااااااااااااااااام يا حبيباتي

حبي الغالي حامل بولد؟؟؟؟؟؟؟؟؟ والله يا حبيباتي اتمنى يكون ولد مع ان البنات عسسسل بس نفسي الاول يكون ولد ههههه

هلا أختي أريج اكيييد الكل يتمنى أول مولود ولد خصوصآ الرجال بس انا كنت أتمنى بنت وعلى طول أقول فيني بنت انشااءلله بس الكل كان يقول ليي فيني ولد حتى زوجي يقول انا احس انه ولد وطلع ظنهم صح وانا خاب ظني

بس يلا الا يجي من الله حيااه الله واهم الشي الصحه والخلقه السليمه

ربي يكون بعون الجميع
الله يثبت الحمل و يعديها على خير

توني في بداية الحمل و باجر أول موعد لي مع الدكتورة. والله يستر.
والله حيل خايفة و خصوصا إني واجهت مشاكل من البداية و كان ينزل علي دم وترقدت في المستشفى. و عندي إلتهاب في البول و ألم أسفل البطن.
عطتني حبوب تثبيت و مضادات.


بس أكو أحد كان عنده نفس أعراضي و عدت له على خير؟؟؟؟؟؟؟؟

لا تنسوني من دعاءكم

ntsh الف مبرووك الحمل والله يسهل عليج الوحم يااااااااااااارب

حبي الغالي لا والله فديتج بعدني ما عرفت اول ماا عرف اكيد راح اخبركم


Om Isa الف مبروك الحمل والله يثبته لج باااااااااااارب وادعي فهالشهر الكريم والله يتقبل ان شاءالله

اهلين كروشات مبرووووووووك الحمل للحوامل الجدد الله يثبته ويهون وحامه

وش اخبار الكروشات القدام طمنونا عليكم

بالنسبة لي لا جديد الامور ماشيو وبديت اتأقلم على الصوم والله يتقبل منا ومنكم

هلا بنات اشحالكم بغيت اسالكم شو شربتو وشو كلتو ف اول حملكم يعني شو الاشياء المفيده وشو سويتو وشولي لازم ناكله واللي ماناكله والاشياء المضرة والمفيده

ومشكووورين ربي يثبتلكم حملكم ويتمملكم اياه على خير واتقومون انتو وبيبيهاتكم بالسلامه امين يارب العالمين وادعووولي