تجمع حوامل الثلاث الشهور الأولى1-2-3

مرسى ليكم حبايبى و الحمد لله على كل حال

مرحبا حوامل 0000

اشكر كل من سئل عني

والله حاسه في كل وحده تشتكي من تصرفااات زوجها ، انا اشوف زوجي من اول ماتزوجنل والى الحين وكانه الحاله زاده عنده من بعد ماحملت صاير كانه طفل من اوامره وطلباته الى ماتنتهي ودائما اقوله ترى انا حامل شوي شوي علي بس مافي فائده

ومبروك الحمل للحوامل الجدد والله يثبت حملي وحملكم جميعا يارب


قمت اخذ حبوب عن الترجيع والحمدلله انفعت معاي وصرت اقدر اكل احسن من اول

اسوبع الجائ عندي موعد وبسمع نبض الجنين لاول مره :poster_dev:

هاوية الليالي ...................مبروك الحمل الله يثبته لج يارب وتفرحين بشوفته ان شاءالله

انسة ملعقة......................مبروك الحمل الله يثبته لج يارب وتفرحين بشوفته ان شاءالله

صدق الرياييل تعبونا مع ان زوجي والحمدلله متفاهم ولا يخليني اشيل ولااحط ولا اسوي اي شي بس متعبني في شي واحد

بصراحه من اسبوعين وانا مش طايقته ابد ما ودي يحظني او يقرب مني او يبوسني منقرفه منه وايد بس ما قدرت اقوله خفت اني اجرحه .............


وكل يوم اتزيد المشاكل وتتعب نفسيتي اكثر اخرها امس يقولي انتي شكلج خلاص ما تبيني :cry: وانا ساكته ما ارد عليه ما غير دموعي تنزل وابكي بحرقه ؟؟؟؟؟؟؟؟؟


قلتله روح اقرأ عن الحمل يمكن تعرف شو السبب.............................ولا اكلت شي من امس وقمت عالفجر زعت ورجعت نمت ولارحت للدوام تعبانه بطني تمغصني ولوعه



الله يعني يااااااااااااااااااااااااااااااااااااارب:21_131:

مبروووووووووووك الحمل للحوامل الجدد الله يثبته وسيهل حمله وولادته

ما عليه اختي فيدباك طولي بالك وحاولي تريحين بالك وزين انك ماقلتي لزوجك وان شاء الله تعدي الايام على خير

باقي الحوامل وش اخبارهم

واخيرا طليتي علينا زهور بنفسجية وش اخبارك ان شاء الله بخير

[SIZE="3"]مرررررررررررررحبا حوامل اشلوووووووووونكم

صج صج صج اشتقت لكم وايد

بنات ترى عادي نفسياتكم تعبانه شوي هذا تأثير الحمال لان الحامل تكون واااااااايد حساسه على اقل كلمه تتضايق

اذكر لمن كنت حامل بولدي كل يوم لمن زوجي يطلع بيروح الدوام ابجي كللللللللل يوم لان دوامه كان ليل

تخيلوا لمدة 9 شهور بعدين عقب ما ولدت حسيت اني كنت هبله

الله يسهل عليكم و يشرح صدوركم آمين

السيدة سوسو ، قمقومه ، النفس البريئة ، حبيبة رائد ، سوسو ميدو ، زهور بنفسجية ، وردة البنفسج ، فيد باك ،حزينة الايام و باقي البنات سامحوني اذا ما ذكرت اساميكم بس تراكم على البال


نداء خاص الى حلا و ام احلى حمووووود وينكم من طول الغيبات ياب الغنايم

هلا والله با الكروشات
محد سأل عني
المهم بنات صديقتي ربت من يومين فيها الويع طلقها بارد وحضرت معاها من اول شي لين اخر شي
حتى غرفة الولادة دخلت وياها
واذا عندكم اي سؤال برد عليكم عادي لاني فهمت السالفة كلها
وسويت تست على عمري عشان اما انصدم اروح وانا فاهمة شو بيستوي لي وشو بيسون فيني
الحمد لله ربت يا بت ولد وسموه بطي

قمقومه
الحمدلله على سلامة رفيجتج و يتربى بعزهم يارب

انا سألت عنج شوفي ردي الي فوق ردج :21_207:

هي لولو
فديتج شفت الرد تسلمين يا قلبي على السؤال فيج الخير
والله يسلمج ويسلم غاليج

السلام عليكم ,,,

اخيرآ لقيت حوامل الشهووور الاولى ,,,

شخباركم؟

والله طفشاااانه ودي اسولف مع احد ,,

عزيزتي ,, feedback

والله انا مثلك بالضبط مااااني طايقه ريحته ولا ريحة عطوراته
وهو بس يتزعل يقول انتي متغيره وانتي نفسك عند خشمك

وانا والله من التعب والوحااام هلكني ,,

بس مافيه الا اكلم الدكتوره واخليها تشرح له الوضع ,,

قمقومه ....

ليتج ماخذتني وياج ,,

بموووووت من الخوووف من كثر ما اسمع من البنات ,,


ودي اخذ بنج كاااامل مال العمليات ومابي اصحى الا وانا خاااالصه وحاطيني بالغرفه

أشكر كل أخت سألت عني

خواتي

أنا اترقدت في المستشفى 3 أيام

بسبب الجفاف الحاد والوحام الصعب

الله ايعيننا ويحفظ لنا ما في أرحامنا ياااا رب

ويرزق كل محرومة

آااامين يا رب العالمين


----------------------------------------

ختيه الغالية feedback

أنا شراتج بالضبط

لكن الحمدلله اللي عندي امقدر هالشي

ما رمت أتحمل وخبرته

خصوصا أنه وحامي جدا صعب

يعني كارهة الطبخ وريحة الطباخ والأكل

وكارهة ريحة العطورات الرجالية


المشكلة أني اترقدت في المستشفى لأني لا آكل ولا أشرب وياني جفاف جدا حاد

حطوني تحت الملاحظة والمغذي طول الوقت

فانتي فديتج لا تنحرجين ولا شي

المفروض اتصارحينه

والمفروض منه ايقدر هالشي

وإن شاء الله يا رب ايعدي وحامنا على خير

حبيبتي ... Romanove ,,,


ألف الحمدلله على سلامتج ,,
وماتشوفين شر ان شاءالله ,,

النفس البريئة الله يسلمج يالغاليه خليها على الله بس والله يسهل

بعثره محبره الله يسهل يالغاليه ازمه وتعدي ان شاء الله

Romanove الف سلامه فديتج ما تشوفين شر ان شاء الله مأجوره

لا شي جديد اليوم ما غير الزواع كالعاده سرت الدوام واول ما اكلت التفاحه على طول .........................


الله يعين يارب ويصبرني ويسهل ان شاءالله

السلام عليكم حبيت انضم لكم انا الحين حامل بالاسبوع الثامن
رحت سويت تحاليل في المستشفى قالوا لي ان فيني فقر دم اعطتني الدكتورة حديد
لكن الحمد لله عملت سونار وقالت لي الدكتورة البيبي بخير والحمل سليم كل شىء طبيعي
الله يثبت حملي ويتمم لي على خير وعلى الجميع ياااااااااااااارب

ام رغد2 الف مبروك عالحمل الله يثبته لج وان شاءالله انه من الذريه الصالحه يارب

وحياج الله ويانا

صباح الخير0000

النفس البرئيه تشكرات على سؤالك عني انا بخير والحمدلله بس لو شوي زوجي يخفف علي من ضغوطه زوجي دائما وبشكل مستمر يبغيني اجل جنبه وادلك في جسمه في كل مكان وانا اقوله الحين بقدر اسويلك بس بعد ماتكبر دبتي خلاص ماقدر ، وانت شخبارك 000

قمقومه والله انك شجاعه وقدرتي تدخلين مع صديقتك يعني ماخفتي من الولاده وصج مبروك ماجابت

Romanove حمدلله على سلامتك وماتشوفين شر

ومبروك الحمل للحوامل الجدد


شخبار حلا وسيدة سوسو ولولو وام حمودي وحبيبة وحبيبة رائد ولب قلب وليدي وحبي الغالي والحوامل الجدد


والله يعينكم فترة وتعدي

اهلين كروشات وش اخباركم

سلامتك اختي رومانوف ماتشوفين شر طهور وتكفير ان شاء الله الله يعينك ويهون عليك

مبروووووووووووووك الحمل للحوامل الجدد الله يثبته ويسهل حمله وولادته

اهلين اختي قمومة صدق انك قوية بس حلو شفتي على الطبيعة

اهلين زهور بنفسجية اخاف زوجك بدا يغار من النونو من الحين ماعليه تحملي .

باقي الحوامل وينهم سوسو طمنينا عليك ان شاء الله بخير

حلا ولبى قلب وليدي وحبيبة وحبيبة رائد وباقي الحلوين وينهم

بنات بغيت اسالكم متى يزول خطر الاجهاض في اي شهر