تجمع حوامل الثلاث الشهور الأولى1-2-3

سلامات قمقومه والله يسامحج ليش تشتغلين وترهقين نفسج ناسيه انج حامل ؟؟ راعي نفسج الين الولاده قلبي

سوسو بشرينا عن موعدج شنو تقولج الدكتوره ان شاء الله خير يارب

حبيبه اكلي سلطات وشربي عصاير طازجه وبعدين لاتشربين نعناع سمعت انه موب زين

حبي الغالي اشلونج الغلا سالفه النوم مرت على الشهر اللي طاف كله نايمه والحمدلله تغير ت الشهر هذا وصار نومي طبيعي انام بالليل والظهاري ساعتين احسن من قبل كل وقت نايمه

بسما زاك جذيه اسمج ؟؟ والله خاطري بالاثنين بالولد والبنت اناعندي ولد بس حامل بتوأم وباتدلع ابي الجنسين يارب
واسم سارا عاجبني بس مو عاجب هلي باشوف عاد شنو نستقر عليه

فيد باك سلامتج مادام مرجعه مرجعه كلي علشان يتغدى البيبي واذا تعبتي روحي المستشفى يعطونج دريب هذي حالتي اول شهر كله مغدي
وبعدين قلبي كلي بسكوت الزنجبيل او شربيه شراب وايد زين وسلامتج وكله باجره






باقي الحوامل اشلونكم كلكم
لولو وينها ماعاد شفناها
وزهور بنفسجيه والباجي طمنونا عنكم

النفس البريئه
حزينه الايام بشرونا عنكم ان شاء الله احسن ؟

حبيبة فعلا لاتشربى نعناع و لكن ممكن لبن ساقع

كنت عايزة اسألكم انا مش بشرب اى حاجة سخنة خالص مع انى بحب الشاى و النسكافية حد يعرف السخن غلط و لا عادى اللى جرب يقولى

هلا خواااتي شخباركم
بغيت أسألكم في اي شهر يتحرك البيبي ؟
لان اليوم انا قاعده على الكرسي حسيت بحركه سريعه وخفيفه في بطني فوق السر بشوي
انا ستانست بس أستغربت قلت يمكن توه الناس على حركته
انا باجر اكمل الشهر الثالث وأدخل الشهر الراابع

والله مدري حبي الغالي بس الحركه جد تبدأ بنص الرابع
لكن شوفي قبل هذا تحسين مثل النبض ببطنج يمكن مدري ماعندي خبره علشان احكم ؟

ايي خيووو أحس بنبض في بطني وعلى طول اقول حق زوجي ويحط ايده على بطني ويحس هوو بعد

و انا يا حبى الغالى بس الدكتور قاللى دى غازات مش البيبى

يمكن لان مستحيل البيبي بيتحرك وانا توني مخصله الشهر الثالث وبدش الشهر الرابع

حبى الغالى انا اسمع ان اللى البيبى يتحرك بدرى يكون ولد يمكن صح ان شاء الله لو نفسك فى ولد

هههههههههههههههههه
انا بعد سمعت ان اذا ولد يتحرك من وقت بس انا خاطري الله يرزقني بـ بنوته
بس الا يجي من الله حياه الله

الله يرزق كل حامل باللي تتمناه بنت كانت او ولد

وصراحه البجر حلاته ولد علشان يرتاح الزوج مهما كان بنظل شرقيين والزوج يتحرق لولد يشيل اسمه

ايي الزوج دائمآ يبي اول مولود ولد وانا أختي تقول ليي بعد احلى يكون ولد
بس انا خاطري في بنوته

أهو كلامج صح خصوصآ الزوج الشرقي يحب اول مولود يكون ولد

أهلين حبوبات وش أخباركم

طمنينا عليك اختي سوسو ان شاء الله البيبي بخير

أهلين بسما مغتربة في اي دولة الله يهون عليك

حبي الغالي وسوسوميدو ولبى قلب وليدي وش اخباركم وش اخبار اجنتكم ان شاء الله تمام

أختي لبى قلب وليدي اعذريني على تطفلي انتي حامل بتوأم في كيسين والا كيس حمل واحد وكيف عرفتي انك حامل بتوأم في اي اسبوع ؟(حشا تحقيق هذا مو فضول):B_wink:

سلامتك قمومة ماتشوفين شر

ندااااااااااء عاجل لزهور بنفسجية ولولو وحبيبة رائد طلوا علينا بشرونا عنكم عسى المانع خير

احتي حبيبة أسالي قبل انا اخبر الشاهي الاخضر زين للامساك بس ما ادري هو ينفع للحامل او لا استفسري عنه قبل ومثل ما قالت سوسو عليك بالسلطة وكثري زيت الزيتون مرة مفيد واكلي عنب والله يعينك.

وباقي الحوامل وش اخبارهم.

بالنسبة لي مافي جديد بس تجيني ايام ماودي اشيل راسي من المخدة وايام يجيني ارق الله يعين .

مرحبا بنات
اشلونكم اشتقت لكم وايد
هالجم يوم ما ادخل وايد قاعده اجهز حق عيد ميلاد ولدي باجر

شكرا لكل من سأل عني تسأل عنكم العافيه ان شاء الله

يارب كلكم تكونون بخير
السيدة سوسو
عن البندول انا سألت الدكتورة قالت لي عادي بس تاخذين نوع واحد الي هو الازرق اخف نوع

قمقومه
ليش تجهدين نفسج بشغل البيت متى ما حسيتي نفسج مرتاحه اشتغلي بس شوي شوي مو كله مره وحده ما عليج شر ان شاء الله

ام احلى حمووووووووود وينج من زمان ما شفناج

و باقي البنات طمنونا عنكم يارب تكونون بخير

السلام عليكم ...ومشكورات خواتي على السؤال ..
الحمد الله الامور كلها تطمن المشيمة بحالة الرفاع كل ما كبر حجم الجنين .. نص سانتي نازلة الحين بعد اسبوعين موعد اذا تمت مككانها بيقرر ربط رحم .. انا المهم عندي البيبي يكون بخير انا بتحمل كل شي ..حاول الدكتور يشوف الجنس البيبي على جنبة وكل شوي يدور يعطينا ظهرة و اخر شي ضحكنا عليه ارتفع و سكر ريولة و ظمهم و حط صيعه بحلجة يقول عنااااااااااااد ما بتعرفوني انا .. المرة الياية بنصيده ..حبيبي والله اقول للدكتور حاسة ببنت يقولي لا بيكون ولد رديت علية انا احمد الله انه ارزقني ..
اللي يتوحمون ربي يعينكم ..سالت الدكتور ماحسيت بالحركة قال يختلف من وحده لاوحده وعلى حسب حجم البيبي لا تخافووون دام الامور تمشي بخير التفكير ياثر تراة ..كانة حاس فيني ..

هلا لولو الصغيرة ... عقبال 100 سنة بصحة وسلامة ..
سالت الدكور عن الصداع طلع ضغطي نازل شوي قالي كلي تعشي بس مو تثقلين ...
قالي اذا ياج صداع حاولي تنسدحين و ترتاحين واخر شي فكري بالبندول اذا ماقدري تتحملين .. انا وضعي بالحمل صعب لازم اداري ..يارب يفرحكم ويثبت حمالكم و تفرحون

لولو حياج الله ويحفظ لج وليدج والعمر كله يارب

النفس البريئه التوأم كل واحد بجيس بروحه واناكنت ماخذه ابر منشطه قبل الحمل وبين معاي بالسونار انهم توام

سوسو سلامات وجنينج حياوي مايب حد يشوفه يختي عليه ربي يحفظه

باقي البنات اخباركم ان شاء الله تمام
اناهم مصدعه شويات

مرحبا خواتي شلونكم انا مشتركة جديدة معاكم وحبيت اشاركم لاني حامل لي ستة اسابيع واربعة ايام والحمدلله لحين ما ابتدت اعراض الحمل من وحام عندي بس حبيت اتاكد متى احس بنبض او رفة الجنين وهل تكون طول الوقت ....مع الشكر ولنا لقاء اخر