تجمع حوامل الثلاث الشهور الأولى1-2-3

السلام عليكم

كيف الحال ياحوامل ؟؟

أنا مشتركة من زمان بس أول مره أشارك ’’يمكن لأني توني حملت والحمد لله

أنا بكره أكمل شهري الأول ,,طبعا لي 4 شهور من زواجي والحمد الله تمم علي ربي فرحتي بحملي

الوحم مو مره لحد الحين بس الضاهر الجاي أكثر ومعاي مشكله بالرحم تقول الدكتوره أنه مايل لورا كثير

وهالشي يضغط على الضهر وبتعب منه ,,وفعلا هذا الي صاير معاي من أول الحمل

الله يتمم لنا حملنا بخير ويعدي الأيام يارب

ان شاء الله أتواصل معاكم وأكون أخت لكم

مبروك للحوامل الجدد مريماا وكتكات وكلكم ...عروسه هلا حبيبتي وربي يثبت حملج يارب ...ام شوق ما تشوفين شرحبيبتي .....فييد بااااااااااك هلا حبيبتي حنا بخير الحمدلله وشلون البيبي؟؟,,,,,,,,لونلس حبيبتي شلون القمامير ؟؟ الله يعينك على الدوام والله تعب وبالذات وانتي رجلك تعورك الله يعين ......صوفي حبيبتي لا تزعلين كلنا خوات لبعض وماكو تفريق بين شخص وااخر ولكن ماشاء الله ولا قوة الا بالله التجمع صار مليان ويااارب بزياده وزياده وتغزر المسلمين وصرنا لا كتبنا او ردينا نخاف ننسا كروشه العفو واسم لجين جميل جدا يعني ماء الفضه وبعض الناس يقولون بريق الفضه لكن انا متاكده انه ماء الفضه وربي يجيب لجين بالسلامه ................بنات انا بخير الحمدلله شوية وحم وتعب وضيقة صدر احس كانه ماكو اكسجين وكله يهون لعيون لولو

هلا بناااااااااات اخبااااركم
انشالله بخير انا تمام والنوته بعد بخير

مبروووووووووك الحمل مريمار

هلا خوااااااااااااااتي شخبااااااااااااركم وشخبار حملكم ؟؟

والف مبروووووووووووك للحوااااااااامل الجدد والله يثبت حملكم ويتمم لكم على خير

أختي 3yoOon_AD أنا بعد مثلج بس هذا اول حمل ليي وفي نص الشهر الثالث حسيت بحركه خفيفه وسريعه في جهة اليسار وقالوا أحتمال ولد لان الولد يتحرك من وقت .. وصج سويت سونار وقالوا ولد

وش اخباااااااااااااااركم باقي الكروشات ؟؟

هلا زهور شخبااااااااااااااااارج ؟؟ أنا قالوا ليي بسبب ركوب الدرج لان شقتي فوق بيت عمي :( ولازم كليوم أنزل تحت وأرد أركب من جذي نزلت المشيمه

هلا عزيزتي حبي الغالي ..

تصدقين امي بعد قالت لي جي عيل ولد لأنه يتحرك قبل واسرع ..

بس انا يوم كنت حامل في ولدي الاول ما حسيت بحركته اللا بداية الرابع ..

الحمدلله على كل حال بس اتمنى انه يكون بنت .. حلو التغيير ..

الله يسهل عليكم و علينا يارب ..

وبنات الامارات بسألكم شو الاسم الثاني عندنا للسفرجل ؟؟ الصراحة ادوره ولا محصلتنه .. اعرف انه شكله نفس الكمثرى شوي لكن ابد ما عرف احصله وين ولا حتى لو كان له اسم ثاني . .

ياريت اتدلوني لو تعرفون

كت كات : اهلا وسهلا فيج بالتجمع ..

وانا مثلج هالقعده تريحني واايد خاصه ظهري وانا قريت مره في النت انها تسهل الولاده والله اعلم....


قمقمومه : الله يعينج اني بالسابع والى الحين ترجعين ...

بس انا كنت عكسج اكره شي عندي السمك كرهته موووووت والدياي كنت عادي اتقبله....


عروسه : الله يتمم لج على خير ويثبت حملج...

انا من الشهر الثاني الى الرابع تميت في بيت ابوي ولا جيت الشقه ابدااااا بس بعدين خفيت شوي من اللوعه وكسر بخاطري زوجي فرجعت لاني كنت مو طايقه الشقه ولا ريحتها ولاريحة عطر زوجي...


ام نمير: انشاء الله ماتحسي ابدا بالوحام لانه حمل عن حمل يفرق....


سوفي : اسمحي لنا بس انا مااعرف شنو معناه الاسم بس نطقه مرره حلووووو....



عواشي : وكلي امرج الى الله وانشاء الله يثبت لج حملج ياااااارب...

ماريمار : الله يثبت لج حملج ويعينج على الم الظهر...


اريج , تيد , حبي الغالي , عيون , لونلنس , والسموح اذا نسيت احد: كيفكم و كيف البيبيات؟؟؟

مريمار2;4662407:
السلام عليكم

كيف الحال ياحوامل ؟؟

أنا مشتركة من زمان بس أول مره أشارك ’’يمكن لأني توني حملت والحمد لله

أنا بكره أكمل شهري الأول ,,طبعا لي 4 شهور من زواجي والحمد الله تمم علي ربي فرحتي بحملي

الوحم مو مره لحد الحين بس الضاهر الجاي أكثر ومعاي مشكله بالرحم تقول الدكتوره أنه مايل لورا كثير

وهالشي يضغط على الضهر وبتعب منه ,,وفعلا هذا الي صاير معاي من أول الحمل

الله يتمم لنا حملنا بخير ويعدي الأيام يارب

ان شاء الله أتواصل معاكم وأكون أخت لكم

الف مبروك اختي على الحمل والله يتمملك على خير ان شاء الله..

انا حالتي مثل حالتج والدكتوره قالتلي انه الرحم مايل لي وراء ... بس قالت ما في خطوره.. لانه بعد الولاده بيرجع لوضعه الطبيعي..

حبي الغالي;4663289:
هلا خوااااااااااااااتي شخبااااااااااااركم وشخبار حملكم ؟؟

أختي 3yoOon_AD أنا بعد مثلج بس هذا اول حمل ليي وفي نص الشهر الثالث حسيت بحركه خفيفه وسريعه في جهة اليسار وقالوا أحتمال ولد لان الولد يتحرك من وقت .. وصج سويت سونار وقالوا ولد

وش اخباااااااااااااااركم باقي الكروشات ؟؟

هل اختي حبي الغالي..
اخبارنا طيبه وانتي اشحالج عساج بخير..

وانا بعد البيبي متحرك نص الثالث بس لين الحين ما عرفت شو فيه...

صباح الخير كروشات ..........الف مبروك للحمل اليداد والله يسهل عليكم يارب

امس رحت اشتريت اغراض فصولي حبيبي وايد مستانسه تقريبا خلصت كل شي باقي اشياء بسيطه ابجيبها عقب عالراحه .........المحل مسوي تنزيلات 70% قلت فرصه اللحق ما تلحق وان شاءالله ابنزل الصور لكم عن قريب

فيد باك يا ام فيصل منوره ولبس العاااااااااااااااافيه يلبسهم فصولي ويتهنى يارب

feedback;4664182:
صباح الخير كروشات ..........الف مبروك للحمل اليداد والله يسهل عليكم يارب

امس رحت اشتريت اغراض فصولي حبيبي وايد مستانسه تقريبا خلصت كل شي باقي اشياء بسيطه ابجيبها عقب عالراحه .........المحل مسوي تنزيلات 70% قلت فرصه اللحق ما تلحق وان شاءالله ابنزل الصور لكم عن قريب

صباح النور اختي

الله يتمملك على خير... وتفرحين بشوفت فصولي..


اي محل اللي مسوي تنزيلات...؟؟

اريج_خاشقجي منوره بوجودج فديتج .........والله يعافيج ياربي

ام شـوق اللهم امييييييييييييين..........محلات(بيبي شوب) في ابوظبي

بنات زهور مختفيه يارب المانع خيييييير

مبروك حبيبتى فيد باك على المشتروات يتهنى بيها ان شاء الله فيصل عقبال ما يلبسهم عن قريب ان شاء الله

انا لسة الى الان لم اشترى اى شئ للمولودة حاسة انى اتأخرت و لا اية

صباح الخير كرووووووووشات كيفكم وكيف الحمل معاكم؟


كل اللي سآل عني انا بخير الحمدلله.. والقمامير الحمدلله بخير..

اليوم عيد زواجي... :) 22 نوفمبر.. كنت حاجزه فندق في البحرين بس كنسلت الحجز.. وخليت احتفالي في الشقه وعشان افاجآ زوجي سويت حفله صغيره لي وله البارح.. طبعا انصدم ولا كان متوقع لانه حاط في باله انه اليوم!
واليوم على حسبه مرموم اخر يوم لي في الرابع!


طمنوني عنكم..

فيدباك : ملبوووس العافيه انشاء الله...

لونلنس : ماشاء الله عليج انا وانتي نتشابه في اشياء وايد (سميتي)..

امس كان عيد عقدنا 11/11

واليوم دخلت الخامس...

صبااااااااااااح الخير للكل اناااا امس جتني حراره والم بحلقي صرااحه خفت على البيبي بس الحمد لله اليوم احسن شوووي << والمشكله ماااقدر اخذ لا ادويه ولا مسكنات بس يالله على اجر ان شاء الله والله يخليكم ياااارب ويسهل عليكم