++ ختيه الغالية السيدة سوسو ++
أنا بخير يعلنيه افداج والبيبي الحمدلله
انتي أخبارج وأخبار البنوتة الحلوة فديتها؟؟؟
بخصوص الشعر اللي يظهر على البطن
أنا لاحظت نفس الشي
زاد وااايد واتخبرت عن هالموضوع .. قالن لي الحريم أنه هالشعر إن شاء الله بيطيح عقب الولادة
+++++++++++++++++++
++ ختيه الغالية feedback ++
إن شاء الله يا رب المرة اليايه ايأكدون لي جنس البيبي
وأكيد كل هدية من رب العالمين نعمة .. أهم شي أسأل رب العالمين أنه ايكون صحيح وسالم
طمنينيه عنج حبوبة وطمنينيه عن فصولي فديته
إن شاء الله اتكونين انتي وياه بخير .. وتقر عينج بشوفته وتفرحين به
+++++++++++++++++++
++ ختيه الغالية loneliness ++
مرحبا حبوبة
فديتج يمكن ايكون ردي متأخر شوي
لأني ما رديت على الخوات في التجمع من فترة
لكن بخصوص سؤالج عن وين اتحطين البيبيات عقب ما تولدين بالسلامة
فأنا أنصحج بالتالي
دام أنج اتقولين أنج تثقين في أم ريلج
فاقتراحي كالتالي
اتخلين البيبيات عند أم ريلج أسبوع .. والأسبوع اللي عقبه عند الوالدة الله يحفظها
بهالطريقة .. ما بتكونين زعلتي ريلج وأمه .. ولا بتكونين زعلتي أمج .. بإذن الله تعالى
لأنج لو بغيتي اتحطين البيبيات عند أمج بس
بتسوين حساسية .. وبيتم ريلج ايقولج شرات ما أمج يدتهم .. حتى أنا أمي يدتهم
فحاولي فديتج اتنظمين لج جدول .. وإن شاء الله خير
بالنسبة لي
إن شاء الله إذا قدمت على وظيفة
ما بيكون عندي حل غير أني أحط البيبي عند أم ريلي فديتها
لأنها أمي في العين .. وأنا ساكنة في دبي .. وأهل ريلي من دبي .. وأكيد مستحيل أسير العين كل يوم
بس الحمدلله يا رب
أنها أم ريلي إنسانة رائعة .. عسى ربي يحفظها لي
وأنا ما أناديها غير "أمايه" .. لأنها فعلاً أمي وأحبها شرات أمي
غير جيه .. أنا حرمة ولدها الكبير والكنة الأولى لها
والبيبي اللي فبطني أول حفيد أو حفيدة لها
وهي مش مصدقة متى بولد بالسلامة بإذن الله تعالى عشان اتضم ثمرة زواج ولدها
عسى ربي ايديمها لي وايخليها على راسنا
وإن شاء الله انتي بعد يالغالية .. اتلاقين الحل المناسب لج ولريلج وللبيبي من بين اقتراحاتنا
+++++++++++++++++++
++ ختيه الغالية زهور بنفسجيه ++
الله ايبارك فيج حبوبة
وإن شاء الله الموعد الياي أعرف بالضبط وبشكل مؤكد جنس البيبي
آااامين يا رب
طمنيني عنج وعن حسوني فديته؟؟
+++++++++++++++++++
++ ختيه الغالية &** امل**& ++
مرحبا ملايييين حبوبة
وعسى ربي يرزقج الحمل قريب وتنضمين ويانا لهالتجمع
+++++++++++++++++++
++ ختيه الغالية قمقومة ... قم قم ++
انتي شراتي
أنا هالأيام غديت كله أطبخ
البارحة سويت صينية كبيرة لزانيا .. واتغديت ويا أهل ريلي
الكل اتخبل عليها ومدحها الحمدلله
واليوم سويت محشي ورق عنب بالزيت
ونفس الشي
ما تم منها شي
وخاطريه كل يوم أطبخ <<< تعويض عن اللي فات .. لأني صدق أموووت على الطبخ
+++++++++++++++++++
++ ختيه الغالية النفس البريئة ++
أنا بخير فديتج .. انتي اشحالج يعلنيه افداج؟؟
+++++++++++++++++++
++ ختيه الغالية wadeema ++
الله ايتمم لج على خير
وبخصوص الأسامي .. ابصراحة كل الأسامي اللي ذكرتيهن حلوة ومميزة
لكن أنا أرشح اسم "حمدان"
+++++++++++++++++++
++ ختيه الغالية اريج_خاشقجي ++
ألف ألف ألف مبرووووك على البنوتة
وإن شاء الله اتقر عينج بشوفتها ويجعلها رب العالمين من الذرية الصالحة
تدرين؟؟ صدق من أغيب عن هالتجمع .. أحس بشوق للكل
بس أشوفج دوم تسألين عني .. وصدق أستانس وأفرح أنه لي أخت شراتج
عسى ربي ايديم المحبة يا رب
+++++++++++++++++++
++ ختيه الغالية *ضي القمر* ++
إن شاء الله كلنا متفاعلين وياج
نترياج اتبشريننا بجنس البيبي الحلو اللي فبطنج
وإن شاء الله ايكون أو اتكون قرة عين لج ولأبو الشباب
+++++++++++++++++++
++ ختيه الغالية *^*&مناير&*^* ++
مبروك الحمل يالغالية
وحياج ويانا في التجمع
+++++++++++++++++++
++ ختيه الغالية ام جومانه ++
مرحبا بج حبيبتي
وعسى الله ايتمم لج على خير
حبوبة .. الوحام شي عادي مع الحمل
هو البداية في الغالب ايكون أعراضه دوخة ولوعة وصداع ومغص .. من غير قيء
لكن ممكن يبتدي القيء مع بداية الشهر الثاني أو الثالث .. شرات ما صار لي
وعقب فترة بيبدأ يخف إن شاء الله .. مع بداية الشهر الرابع أو الخامس
+++++++++++++++++++
++ ختيه الغالية رحيق الإبداع ++
حياج الله ويانا
وألف ألف ألف مبروك الحمل حبوبة
+++++++++++++++++++
++ ختيه الغالية om hussain_21 ++
أنا قريت موضوعج اللي تستفسرين فيه إذا ما كنتي حامل أو لا
وفرحت واااايد يوم نزلتي موضوع وبشرتينا فيه أنج حامل
ألف ألف ألف مبروك حبوبة
وحياج الله ويانا
+++++++++++++++++++
++ ختيه الغالية لبى قلب وليدي ++
نورتي التجمع حبوبة
وين هالغيبة؟؟؟
+++++++++++++++++++
++ ختيه الغالية نجمة فجر ++
ألف مبروك الحمل حبوبة
وعسى الله ايتمم لج على خير
+++++++++++++++++++
++ ختيه الغالية *ام سعد* ++
ألف مبروك الحمل
وحياج الله ويانا
+++++++++++++++++++
++ ختيه الغالية حبي الغالي ++
سلامتج يالغالية
ويااااا رب ترتفع المشيمة عندج وتتطمنين على حمودي
آاااامين يا رب
+++++++++++++++++++
++ ختيه الغالية سحر2005 ++
ألف مبروك الحمل
وعسى ربي ايتمم لج على خير حبوبة