ملفي الثاني المصور للحلويات...متجدد بإذن الله..

كيكة القرفة..

هذي الكيكة لأختي أم رورو..سويتها من كم يوم .. لكن شو طعمها لذيييييييييييييييييييييذ..وخاصة اللي يحب القرفة يمي يمي..

ماشاء الله ولا قوة الا بالله
*المقادير:
كوب ونصف دقيق
ملعقة شاي مليانه باكنج بودر
ذرة ملح
ملعقة شاي قرفه او سينامون (للي يحب طعم القرفه باين يحط ملعقة طعام)
6 ملاعق طعام سمن او زيت انا استخدمت زيت
كوب سكر
ملعقة شاي صغيره فانيليا
4 بيضات
ثلث كوب حليب سائل
3 ملاعق طعام كبيره تمر مقطع صغار ( اختياري ) انا ما حطيت

*الطريقة:
- تخلطون كل المقادير أولا في خلاط العصير ... ماعدا الطحين والباكنج باودر والملح والقرفة..
- ننخل الطحين مع الباكنج باودر والملح والقرفة..
- نضيف الخليط على خليط الطحين ونخلط بالخفاق.. حتى تندمج المقادير..
- نصب الخليط في صينية الكيك بعد دهنها وندخلها الفرن على حرارة 180 س حتى تنضح..
هذا شكلها بعد ما طلعتها من الفرن وقبل ما اصب الصوص..


بعد ماصبيت الصوص..ورشيت القرفة..


بعد التقطيع..يمي يمي..ماشاء الله ولا قوة الا بالله..






*الصوص:
2/1علبة حليب مركز ومحلى نخلطة مع 6 حبات كيري..ثم يصب على الكيكة..ونرش قرفة..حسب الرغبة..

وهذي صورة الحليب المركز اللي استعملتة..أول مرة استعمل هذا النوع..كنت كلة استعمل نستلة..وهذا بعد حلو ونفس نستلة..


وبالعافيه عليكم:)

ماشاااء الله ماشاااء الله اختى همسة ااالشووووووق

صج انج فنانه كل حلووياتج رووووووووووووعه بمعنى الكلمه والله يعطيج

الله وعساج على القوووه:9_33:

تسلمين ياغلى هموسه بالعالم :9_33:


ماشاء الله تبارك الله


الله يحفظك من كل شر ويحميك يارب صراحه قليله عليك كلمة ابداع تستاهلين اكثر من هالكلمه


انتي تستاهلين كل خير ماقول غير

ما شاء الله تبارك الله احسنتي وابدعتي اخيتي :)

تسلمين الغاليه همسة شوق ..

اليوم جربت كيكة القرفه ..وطلعت روووووووووووعه..

يعني اللي بيجربها ما بيخسر ...

والله اتسوين فينا خير فهالاكلات ..بصراحه اتشجعي الواحد ع الطبخ ..

^_____^

تسلم اناملك الذهبية ......
ضوكينا عاد عيونا طلعت شنو حالحالة ,لكن خلاص إذا عندي عزومة طلبي عندج

تسلميـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن

يسلمووووووووووو هاليدين يارب

عجبتني كيكه قدره قادر بسويها ان شاء الله

وشجعتيني على كيكه القرفه:) بس مو كانها الصوص سائل شوي؟ولا يمسك بعد ماتصبيها على الكيكه؟

وكمان بغيت منك لو سمحتي طبعا بلح الشام نفسي اسويه بس ماعرف ولا اعرف كيف اشكله عادي بانبوب تزين الكيك ولا لها اله خاصه


ومشكوووووووووووووره مره ثانيه ياعسسسسسسسسسسسسل

امممممممممم تجنن يا همووووووووسة ما شا الله عليكي الله يحفظك يا رب : :woot:clap:
:clap:
:9_28:تقبلي تحياتي:9_28:

طيف قطر;3803284:
ماشاااء الله ماشاااء الله اختى همسة ااالشووووووق

صج انج فنانه كل حلووياتج رووووووووووووعه بمعنى الكلمه والله يعطيج

الله وعساج على القوووه:9_33:

تسلمييييييين حبوبة على المشاركة..:)
والله يعافيج يارب:)

نجمةالصباح;3805264:
تسلمين ياغلى هموسه بالعالم :9_33:


ماشاء الله تبارك الله


الله يحفظك من كل شر ويحميك يارب صراحه قليله عليك كلمة ابداع تستاهلين اكثر من هالكلمه


انتي تستاهلين كل خير ماقول غير

نجوووووووومة أحرجتيني بكلامج الحلو والطيب:B_wink:
والله يخلييييييييج ان شاء الله وتسلمين على ذوقج:)

weldi_7beebi;3805507:
ما شاء الله تبارك الله احسنتي وابدعتي اخيتي :)

حــياج الله عزيزتي:)

بنت الظبي;3809168:
تسلمين الغاليه همسة شوق ..

اليوم جربت كيكة القرفه ..وطلعت روووووووووووعه..

يعني اللي بيجربها ما بيخسر ...

والله اتسوين فينا خير فهالاكلات ..بصراحه اتشجعي الواحد ع الطبخ ..

^_____^

الله يسلمج ان شاء الله:)
ودام أنج جربتيها ليش ما صورتيها عشان نشوفها ؟؟:sad:
ويالله ان شاء بالعافيه عليكم :)

malake;3809200:
تسلم اناملك الذهبية ......
ضوكينا عاد عيونا طلعت شنو حالحالة ,لكن خلاص إذا عندي عزومة طلبي عندج

تسلميـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن

الله يسلمج يارب:)
وهلا فيج أختي..

عذ به;3809427:
يسلمووووووووووو هاليدين يارب

عجبتني كيكه قدره قادر بسويها ان شاء الله

وشجعتيني على كيكه القرفه:) بس مو كانها الصوص سائل شوي؟ولا يمسك بعد ماتصبيها على الكيكه؟

وكمان بغيت منك لو سمحتي طبعا بلح الشام نفسي اسويه بس ماعرف ولا اعرف كيف اشكله عادي بانبوب تزين الكيك ولا لها اله خاصه


ومشكوووووووووووووره مره ثانيه ياعسسسسسسسسسسسسل

يالله جربي قدرة قادر وان شاء الله تعجبج:)
وبخصوص صوص كيكة القرفة لاااااااااا أختى أول شي بيكون سائل وبعدين بيججججججمد كثير:)

وسمحيلي لأني الصراحه ماعندي خبرة كثيرة عن بلح الشام جربتة مرة
مممممم..... والله نسيت بطريقة منو بس ما ضبط 100%
واللي أعرفة انه ما يستخدمون قمع خاص فيه عادي استعملي كيس الكريمة ..

nme;3812721:
امممممممممم تجنن يا همووووووووسة ما شا الله عليكي الله يحفظك يا رب : :woot:clap:
:clap:
:9_28:تقبلي تحياتي:9_28:

الله يخلييييج عزيزتي:)
وتسلمين على المرور..

ماشاء الله تعالى تبارك الرحمن .....

يعطيك ألف ألف ألف عافية ......................

بصراحة ......... الوصفات تطلع من يديك تجنن .... ما شاء الله تبارك الله ... وتحمسنا للتجربة ...

بس خسارة ... ما أحب القرفة ... في الحلى ... بس بحفظ الوصفة لأختي إذا ما عندك مانع ...

هههههههههههههههههه ما عندك مانع صح ... ؟؟

عندك وإلا ما عندك أصلاً خلاص حفظتها .... ما يمديك ترفضين هههههههههههههه

امبراطورة الشرق;3814914:
ماشاء الله تعالى تبارك الرحمن .....

تسلمين أختي على المرور..

om gala;3814939:
يعطيك ألف ألف ألف عافية ......................

بصراحة ......... الوصفات تطلع من يديك تجنن .... ما شاء الله تبارك الله ... وتحمسنا للتجربة ...

بس خسارة ... ما أحب القرفة ... في الحلى ... بس بحفظ الوصفة لأختي إذا ما عندك مانع ...

هههههههههههههههههه ما عندك مانع صح ... ؟؟

عندك وإلا ما عندك أصلاً خلاص حفظتها .... ما يمديك ترفضين هههههههههههههه

الله يعـــــــــــــــــــــــــــــافيح يا أم أحلى غلا :)
غريبة كيف ما تحبين القرفة؟؟ تعرفين انها غرامي ههههههههههههههههه << حشا صارت سالفة حب وغرام هههههه
خلاص اذا ما تحبينها مش ضروري سوي الكيكة بدونها أو حطي اي نكهه تحبينها..هيل أو بشر برتقال أو بالكاكاو . أو أو .. الخ..

وخلاص مااااااعندي مانع بعد موافقتج السريعه لنفسج ههههههههههههه
وحلال عليج وعلى أختج..وطبعا كل الشكر لصاحبة الوصفة أم رورو الله يعطيه العافيه:)

حلو الطبقات البارد..

هذا الحلو للأخت ايمان الله يجزاها كل خير يارب.

وطعمة لذييييييييييييييييييذ ماشاء الله وخصوصا بعد ما يبردددددددددد..

وهذي المقادير والطريقة مثل ما كتبتها..الأخت..


*المقادير مع الطريقة:
::الطبقة الاولى::
اول شي نجيب صينية بايركس وسط ونصف فيها طبقتين بسكويت شاهي مغمس في الحليب


::الطبقة الثانية::
نحط بالخلاط (قشطة وحدة +1كيس كريم كراميل+1كيس دريم ويب+2 جالكسي بالكراميل+1مارس كبير)
ونخلطها زين ونصبه فوق البسكويت وندخله الثلاجة لحد مايتماسك يعني نص ساعة

وهذي صورة بعض المقادير::


وهنا بعد ما صبيت الخلطة على البسكويت..


::الطبقة الثالثة::
نأخذ كيك سويسرول بالفانيليا ونقطعه حلقات ونصفه فوق الطبقة الثانية


::الطبقة الرابعة::
نحط بقدر على النار ( علبة قشطة+ملعقتين كبار تشوكليت او كاكاو بودرة+2 فنجان سكر) بس شوي لحد مايتجانسوا
ثم نصبه على طبقة الكيك ونوزعه زين على كل الطبقة وندخله الثلاجة مرة ثانية شوي بعد


::الطبقة الخامسة والاخيرة::
نأخذ (1علبة حليب ابوقوس العادي+2كيس دريم ويب)وبالخلاط شوي ثم نصبه على الطبقة الرابعة وتزينينه باللي تحبين فليك أو جالكسي ريبل أو أي شي..ودخليه الثلاجة وكلما طول صار أحسن..


بعد التزيين..ماشاء الله ولا قوة إلا بالله..


وهذي قطعة منها..ماشاء الله ولا قوة إلا بالله..


وبالعافية يارب:)

ما شاء الله تبارك الرحمن

:clap: :clap:

جااااااااااااااااااري الحفظ ... على طول ما عاد فيها إستأذان >>>> تمون خلاص هههههههههه

om gala;3820538:


ما شاء الله تبارك الرحمن

:clap: :clap:

جااااااااااااااااااري الحفظ ... على طول ما عاد فيها إستأذان >>>> تمون خلاص هههههههههه

هلا ..هلا والله:)
ههههههه خلاص مافي استأذان..بس بشرط.لين أحين ماشفنا ولا تطبيق منج يا حلوة..ترا اذا السالفة طولت على هذا الحال بيصير حضر عليج على حفظج للوصفات ههههههه

وتسلمين على متابعتج يا قمر:)

//كيكة السميد بالبسكويت والشعيرية//

هذي الكيكة لأم عزيزان..صدقوني طعما لذيييييييييييييييييذ بشكل ما تتخيلونة..رووعه روعه..ولو انه الشكل ما يوحي ههههههه بس طعمها رووووووعه

*المقادير:
1 كاس سميد
1 كاس زيت
نص كاس سكر
4 بيضات + شوية فانيليا
1 ملعقه كبيره بيكن باودر
1 علبة حليب مركز ومحلى الكبيرة وممكن ما تحطينها كلها..
1 كيس شعيريه باكستانيه وهذي صورتها..

1 بسكوت شاي 200 غ

*الطريقة:
أول شي نكسر البسكوت قطع صغيره ونخليه على جنب


نخلط البيض والفانيليا والسكر والزيت بالخلاط ... وبعدها نضيف السميد والبيكن باودر لما يتجانس الخليط مع بعض ونضيفه على البسكوت..وراح يطلع معاج خليط ثقيل اشوي هذا شكله


افرشه في صينية فرن مدهونه ...


وحطي عليه الشعريه المفتته واغطيه فيها زين يعني كثري منها ... وضغطي عليها اشوي على الخليط


ودخليها الفرن على درجة 160 أو 180 لمدة ربع ساعه ( أو حتى تنضج ) ... وبعدها افتحي الفرن من فوق حتى تتحمر الشعريه )) للأسف غفلت عنها وشوي انحرقت بس الحمدالله انه ما أثر في الطعم!!


طلعيها من الفرن واسقيها على طول حليب نستله المركز..وخليها تتشربة وبعدين قطعيها وقدميها..وبالعافيه..

وعذروني الشكل مش مرتب كنت مسسسسسستعجلة ومشغولة..بس أهم شي الطعم هههههه


ماشاء الله ولاقوة إلا بالله..


وبالعافيه:)

jتجنن ما شا الله
وان شا الله أطبقها مشكوووووووورة هموسة وجزاكي ربي خير يا رب

تسلم إيديك .........يالغالية هموووووووووووووووووووووووووووسه

حبيبة قلبي .. جربت كثير من وصفاتك .. وبعضها مصور بس كسلانه أنزلها ..لأني طفشت أحمل صور وأصغرها وأضيفها للموضوع وبعد يومين تختفي ... بس إن شاء الله الحين بعد ماصار عندنا موقع تحميل خاص ..ههههههههههه>> أبوك يالفرحة

بإذن الله بنزل تطبيقي للبيتزا المفتوحة من النص ووردات الجوري .. ونفسي أجرب بيتزا العجينة السائلة .. وكل ما أجرب شيء بعد كذا أبشري راح أصوره وأنزله .. بس أهم شيء .. لا تسوين لي حظر >>>>>>>>>> إهي إهي إهي

ما شاء الله عليكى ربنا ما يحرمنا من وصفاتك
بس حبيت أسألك سؤال

::الطبقة الاولى::
اول شي نجيب صينية بايركس وسط ونصف فيها طبقتين بسكويت شاهي مغمس في الحليب

البسكوت لما يتغمس فى الحليب بيطرى ولا غمسه واحده بس قبل ما يطرى
وتسلميلنا وربنا يريح بالك حبيبتى

هلا اختي همووسه ..

انا دايما اجرب وصفاتج واصورها بس ما اروم انزل الصور ...

ان شاء الله بنزلهن يوم اتفيج ...

وتسلمين الغلا