شو أكلتي ولدج اليوم؟؟

اووه نسيت عندي استفسار


بنات ولدي عمره 9 شهور

عادي اعطيه كريم كراميل المراعي او غيره من هالاشيا مثل الكاستر؟؟

مع العلم اني بديت اعطيه من اكل البيت شوي شوي

يعطيك الف عافيه اخواتي انا ابني زيد عمره سنه وما بعطيه اكل كتير لاني ما عندي جدوال امشي عليه ولانه بروح حضانه

مرحباا يا امهات...

شخباركم؟؟

عيون سعيد...هلا الغاليه...اتوقع من اللي قلتيه انه ولدج ما يشبع ...انتي اكليه عدل لين يشبع وبعدين اعطيه ماي..واعطيه عصاير مثل عصير البرتقال والتفاح واليح وغيره....بس مب كل ما يطلب الحليب اتعاطينه لا هالشي غلط وجذا بيكره الاكل وبيحب الحليب((( عانيت من هالشي بولدي سعيد الله يحفظه))

جمانه..يا هلا وغلا فيج الغاليه.. وزين ما سويتي...انا ما اعطي مهاري المعلب الا اذا كنا بنطلع اما في البيت كل خضروات وفواكه وشوفان...بس هي من يومين مب راضيه تاكل غداها شكلها ملت منه..

يا اللله عطونا وصفات يديده...:ok: :ok:


انا حره...الغاليه لا تغصبين ولدج عالاكل لانه ما بيرضى ياكل وبعدين بيكره الاكل...يمكن لانه بيسنن ...

انجل...هلا الغلا...بالنسبه للكريم كراميل والكاسترد والروب بالفواكه انا عطيتهم سعيد ولدي من كمل السابع والحمد الله كان واايد ايحبهم... ان شاء الله باقي البنات ايفيدونج..

ام زيد.. الغاليه اقري الصفحات من البداية وان شاء الله تلقين اطباق ووصفات متنوعه...لانه ولدج ما شاء الله عليه لازم ياكل 3 وجبات ومن اكل البيت بعد...وحتى لو يروح الحضانه تقدرين تطبخين له وياخذه معاه...

اهلييييييييييييين:)


ولدي صاير مايبي اكله حاولت معاه بكلل الطرق لكن من احنا نجي نحط السفره ونجيب اكلنا يقعد يصييييييييح ويطالع في الاكل شي شي ويصارخ كانه يبي ومن اقربه يمه يهبش ويحطه في فمه انا استغربت والله واذا ما اعطيه الريري يسيل فقلت من يوم ورايح خلاص بحطه وياي بلسفره وبعوده على اكلنا لاني تعبت معاه

اليوم الصبح سويت له مثل اكلي هههه روتي مع جبن وشاي والحمدالله استانس واكل شوي

ومنساعه قلت بسوي له خضار بس مابهرسها بخليها تنضج عدل وانا بعدين بقعد معاه وبهرسها بيدي على خفيف وبعطيه بس تصدقوون مارضى؟؟ يمكن اتملل من الخضار المسلوقه؟

اهلين ام حموودي...

انا طنت اعطي سعوودي من كمل السادس جبن وسليس واغمسهم بالحليب عادي دام انه ايحبه اعطيه...

وبالنسبه للخضروات المهرووسه مهاري بعد من يومين مب راضيه تاكلهم شكلها صدق ملت منه...

اليوم سويت لمريومه بابايا (فيفاي) مع الموز .. وايد حبته

وامس سويتلها تفاح وخوخ وبابايا ويح ضربتهم فالخلاط طلع لذيذ انا كلته وياها ..

بسالكم يوم تسوين فواكهه لبيبيهاتكم تحطولهم حليب فيه ... ؟؟

ام احلى حمود

ولدي من يشوفنا ناكل يصارخ...هو بعد يبغي...فشو اسوي احيانا ما اقدر اعطيه من اكلنا اقص عليه بقطعه خبز :) يمسكها في ايده وياكلها فديته ..طبعا لازم عقبها المكنسه الكهربائيه لانه ينثر كل مكان فرفوري :)
عطيه جبن سلايس بيعيبه..و خبزه في ايده بيعيبه و بياكلهم..و يلسوه وياكم عالسفره وحسسوه انكم تاكلونه من اكلكم..

بعطيج وصفه خضار ولدي يموت عيها...وهاي ضروريه يوميا اعطيه

بطاط ..جزر..بروكلي..كوسا..فاصوليا خضرا...كرفس..عيش او حب هريس ...قطعه دجاج صدور...و اهم الشي عشان النكهه كزبره..تحطينها هي والبروكلي اخر شي عشان ما تفقد قيمتها الغذائيه..و تسلقينهم عقب ضرب في الخلاط
وان شالله يعجبه...ترا البروكلي و الكرفس وايد يسوون طعم لذيذ...و الكزبره تعطي نكهه للاكل

هييه صح احيانااحط شويه معكرونه

توني عطيت مريومه كويكر بالحليب والتمر .. ما شاء الله عليها خلصته واااايد عيبها ..

الحمد الله يارب

ولدي أكل سيريلاك توني مخلصه وفرحانه صحيح كميه قليله بس الحمد الله

وأن شاء الله يرجع ياكل مثل قبل

انا ولدي اليوم اول مره أأكله اكلته ميلوبا بالفواكه المشكله

مشكووورة القيوانية الظاهر اي واحد اسمه سعيد جذا

انا اسوي له الاكل واحاول وياه بس هو ما يرضى الا يبغي المرضاعه يعني اكتشفت ان العله في المرضاعه مب في الحليب ولو حطيت له اي شي فيها يباها

كيف اخليه يودر المرضاعه ويحب ياكل بدونها ؟؟؟؟؟؟؟؟؟؟؟؟؟

هلاا بنات...

بجعه...حلوه وصفاتج ان شاء الله اجرب حق مهاري البابايا..وانا ما احط حليب مع الفواكه اكثر شي احط عصير برتقال...

انجل...حلوه وصفة الخضار اللي حاطتنها بجربها حق مهاري لانها من كم يوم مب راضيه تاكل الخضروات اللي اسويها....


انا حره... الحمد الله انه ولدج ياكل عدل وان شاء الله دوم...

قمر قطر..هلا الغاليه ..ان شاء الله يعيبه الاكل....لانه بنتي ما حبت منتجات ميلوبا...

عيون سعيد...العفو الغاليه..وحاولي اتعاطينه العصاير والماي بالكوب والحليب بس بالمرضعه...

انا اليوم الصبح عطيت مهاري فواكه مهروسه..
الظهر.. خضروات بس ما رضت تاكله..


اليوم فيها حراره فديتها ...ان شاء الله اتخف...

هلا القيوانيه
ما تشوف شر حبيبتي
الله يشفليج مهاري يا رب

انا احط ماي عادي مع الفواكه اذا بهرسها.. وقليل ساعات احط عصير برتقال مخفف

انجل...الشر ما اييج الغلا...الحمد الله عطيتها ادول وخفت عنها...

شو بروكلي ؟؟؟

أنا بنتي عمرها 10 شهور أكلتها عدس مع جزر وكوسا

أنا اليوم زلدي فطرته معنا سويت بيض مسلوق

وأكلته الصفار مع حليب وحبه حيل

والساعه زحده سويتله تفاحه سلقتها وطحنتها

مع موز واكل أشوي الحمد الله

والمغرب أكلته سيريلاك

الغاليه هذا هو البروكلي

بالليل أكلته شورية خضار

مع لبن .......................

قبل ما كان ياكل بس لما بديت احط الآكل معنا أنا و زوجي بدا ياكل يشوفنا وياكل

الحمد الله ............... أنا بطير من الفرحه لآنه صارله فتره ما ياكل والحين بدا يأكل

هلا بنااااااااااااات سوري امهاااااااااااااااات
عندي كم اقتراااح بلييييز كل وحده تذكر عمر البيبي

انا ولدي عمره ست شهووووور الا اسبووع

والفطوررر معتمد سيريلاك ارز من نخلص العلبه اعطيه مال القمح والحين بديت اعطيه سيريلاك القمح بلبابونج بس مادري ها هووو منه صاير عنده مغص او من الحمى!!!!!!!!!!!!!؟؟
والضحي :
يوم عصير برتقال مخفف ويووم منقوووع التمر اللي هوو تمرتين في كوووب ماي مغلي وبشوكه واشخله وبعدين اخليه شوي يركد وبعدين شوي شوي اصبه في رضاعته ويشربه...

الغداء:
رز مصري مع جزر او مع كوسه وجزر وبطاطا والحين افكر اضييف البروكلي بس مادري خايفه

والعصر اللين الحين ما شي افكر اضيف فاكهه بسفي هالوقت

والعشاء :
رز مصري بحليب الاطفال
او رز مع تفاح
او رز مع جزر وبطاطا وكوسه مثل الغداء يعني
او رز مع قرع بس اول مره عطيته حبه وايد بس رجعت عطيتهمره ثانيه تم يتفل ما يبااه
الخدامه تقول يمكن بسبب ان هاذي المره القرع اللي اشتريته مب ناضجه مره

وبخبركن بوجبه ممتازه هاذي حرمه خبرتني عنهاا وعيالها ما شالله عليهم تووووب

اللي هي
المقادير :
بطاطا
جزر
كوسه
شوفان
صفار بيضه
الطريقه:
تغلين كل اللي سبق في ماي بعد ما تقطعينهم قطع صغيره
وبعد ما تحسين انه الجزر والبطاطا والكوسه استوو حطي الشوفان
وتمي قلبيه وبعدين حطي صفار البيض وخلطيه خلطيه اللين يستوي وبعدين اضربيهم في الخلاط وبلهناااااااااا على قليييب البيبي

والحين افكر اعطيه عصير اليح شكلي بعطيه العصر ان شاء الله

وبنسبه للفيتامينات اعطيه فيتامين بيديافيت للعضام والاسنان وهذا لازم استمر عليه ست اشهر
وبلاول كنت اعطيه مكسافيت والصراحه مثل ماقالت جموون طعمه وريحته تلوووع بلجبد

جااو جاااو