شو أكلتي ولدج اليوم؟؟

هلا والله قيوانية شو هالموضوع الحلو والمفيد ....
بالنسبة لي ولدي عمره 7شهور ونص ... الصبح عطيته سيريلاك .. وحليب طبعاً
وبعدين الضحى عطيته موز مهروس ... ورقد ويوم نش من الرقاد عطيته عالغدا عيش مهروس مع دجاج مطبوخ عدل .. أطبخ الدجاج قبل وأخليه ليما أحس انه يتفتفت عقب أضيف شوية زيت وشوية ملح وبعدين العيش وأخلي ليما يستوي عدل عدل .. وبس أعطيه وايد يحب هالأكلة ماشاالله عليه ..
وبعدين حليب .. وممكن أسويله مرات شوفان مع دجاج مسلوق ..
وبعد ممكن أسلق له خضرةات وعقب أخلطهم بالخلاط .. ونفس الشي فواكه .. ..
وهني وعافية على قلوب الكتاكيت الصغار

جمانه..ما شاء الله عليج بالهني على قلب زنوبه... كل يوم صوري لنا اكلاتها...((يعجبني الموضوع اللي فيه صور) :ok: :ok:

أم خويلد..يا هلا فيج الغاليه...وحياج الله ويانا..

عالعشاء عطيت مهاري....بابايا وموز وشوي مانجا مع حليب... وطلع لذيييييذ:clap:

اهليييييييييييييييين رجعت لكم واخييييييرا

طبعا عارفتو قصتي المحزنه خخخخ حمودي من طعمته مااايبي ياكل مووول حاولت معاه بكل الطرق بعدين الدكتور قال لي عادي لاتغصبينه اهمشي هو ساكت ومرتاح خلاص عطيه كل حليب واليوووووووووووووم بدات معاه بس ماطبخت له قلت بجرب اول سيريلاك اذا اكل يعني صار اوكي وسويت له سيريلاك ارز بلحليب واشوفه اكل نصه والحمدالله فرحت وايد وعلى العشاء سويت له سيريلاك بلتمر وبعد اكله كله تقريبا :) الحمدالله احسه رجع مثل قبل ومن بكره ان شاءالله برجع اطبخ له ادعول ان شاءالله ياكل:)


خخخ وايد سولفت صح

اليوم كان غدانا مرق دياي وبطاط

حطيتله عيش ابيض ومرق ودياي وبطاط بالخلاطه وخلطتهم وعطيته ووبين وجبات الحليب اعطيه روب بوفواكه على فراوله او دانيت ككاو

ولدي عمره سنه

بالنسبة لرشودي الصبح عطيته كورن فليكس مع الحليب
والظهر عيش مع سمك
والعشا اكلته سيريلاك
وطبعا العصر زبادي بالفواكه

انا بنتي عمرها ست شهور بالضبط بس محتاره معااها مب رااضيه تاكل شي ارز ميلوبا نادر ما تاكله كمن لقمه بس اتحب الفارليز يا ريت اتفيدوني وبالنسبه للخضره المسلوقه يا ترى اتضيفون لها الماء وله بس فواكه اتمنى اتفيدوني

ام احلى حمود الحمد الله انه حمودي رجع ياكل ان شاء الله دووووم...

kuwaitbutterfly ما شاء الله عليج..حلو انج اتاكلينه من اكل البيت..هني وعافيه على قلبه...


هياوووووووي..هني وعافيه على قلب رشوودي...


تــوته...الغاليه بما انها كملت الست شهور تقدرين اتعاطينها روب وجبن مع توست واتغمسينهم بالحليب..شوربات وارز مع خضروات مسلوقه...


ام حبيبي وسام...ما شاء الله حلوه اكلاتج...

انا اليوم الصبح عطيت مهاري... موز مع بسكويت اطفال وشوي حليب وخلطتهم..

الظهر..خضروات مسلوقه مع المعكرونه..

هلا بنات

شو الاخبار

اليوم عطيته عالغدا كفته بالمرق مع رز ابيض...كل شويه...بس اليوم ما خلص شوربه الخضار اللي سويتله

موضوعكم جدا مفيد واسمحولي اليوم اقراه ...... كنت إف بيت أهلي شردت عشان بشكارة أهل ريلي ياها جديري وخفت ع ولدي وتميت 3 أسابيع وأمس رجعت واليوم ولدي رجع .. والصبح أختي عطته سيريلاك ع الساعة 7:30 والساعة 11 عطيته دانيت بالكاكاو والغدى عيش مع خضرة بس كنت ناويه أسويه بروحي بس الخدامة سوت قبلي وتوه عطيته فواكه ( تفاح+ مشمش+ عنب + تمر + شويت مكسرات) وعيبه وناويه المغرب أعطيه شوربة حب هريس وبليل بعطيه عيش بالحليب. وبصراحة أكلاتكم وايد حلوة وفي منها الغريبة يعني في منكم يخلطون أشياء عجيبة مع بعض ... المهم في بعض الخوات سئلو عن الطماطم كيف ينحط بالاكل ( قشري الطماط وطلعي البذور منه وحطي فالأكل إلي تطبخينه وعقب فالخلاط)

عمر ولدي سنة و5 شهور ...... واقتراح حلو كل وحدة تذكر عمر بيبيها لو سمحتوا.........

انجل...هني وعافيه على قلب حمودي..


um_mohmed...حياج الله ويانا وان شاء الله تستفيدين .... بالنسبه لاقتراحج لو تردين للصفحات الاولى بتلقين البنات كاتبات اعمار عيالهم....

مهاري بنتي عقب 4 ايام بدش السابع:ok: (f)

بنات معلش سؤال ازاي اعمل كويكر بالحليب والتمر لان بنتي عمرها 4 شهور ونص وخلاص حبدا ااكلها فهل السن ده مناسب للتمر ولا لسه شويه؟؟؟؟؟؟؟؟؟؟؟؟

القيوانيه حبيبتي بس سؤال الكزبره بتكون خضره يعني طازه وقد ايه,,,,وبعدين من اربع شهور ونص عادي البروكلي
والكرفس والكسبره مع الاكل.........................وبعدين بنات انا اعرف ان الجزر مش محبب اوي للرضع لنه في نترات فهل في حد عنده معلومات عن الموضوع ده؟؟؟؟؟؟؟؟؟؟؟؟؟؟؟
وشكرا

بنات متى اقدر ادخل الجبن ؟؟والمعكرونه؟؟؟

بنسبه للفطور الحين مسويه له قرع وتفاح وخووخ احمر مع روب وهاذي اول مره ادخل الروب له..ان شاء الله يعجبه

وخاطري اسويله اليوم معكرونه بس مادري عادي ادخله له او لا ؟؟
علمن ان عمره ست اشهر

جاوجاو

حليب البقر لازم ماتعطونه عيالكم اذا هم اقل من 9شهور
وفي بعضهم يقولون لين السنه

انا من امس قررت اني اخفف الاكل عن مريومه لانها ما قامت ترضع .. اشوفها قامت تعتمد على الاكل ...

المهم ريوقها حليب وما طاعت ترضع خليتها بيوعها الين الساعه 12 ونص ياعت وشربت حليب ..

توني رحت اسويلها غدا ... شوفوا شو سويت ... ؟؟

((جزر ..... لوبيا ...... بطاطس..... اندومي)) وسويتلها عصير خوخ (ان شاء الله تحبه )

هلا بجعه

طبيعي في هالسن انه تقل كميه الحليب اللي تشربها لانها بدت تحتاج للاكل اكثر..

هلااا

medowawa هلا الغاليه بالنسبه للكويكر والحليب...هذي طريقته من موضوع وحده من العضوات
مهلبية الشوفان


وجبة للاطفال من بعد الشهر الرابع

المقادير:

كوب ماء

ملعقتان كبيره من حليب الطفل

ثلاث ملاعق كبيره من الشوفان

الطريقه :

ينقع الشوفان في الماء لمده ساعه ونصف

ثم تخلط جميع المحتويات في اناء

وتوضع على النار مع التحريك المستمر حتى يتماسك الخليط

ثم يرفع من على النار ويتم هرسه ويترك حتى يبرد ثم يقدم للطفل

......................
والكزبره اتكون طازجه..وبكميه قليله ..والبروكلي عادي انا عطيته بنتي يوم كملت 4 شهور..


عروسUAE هلا الغاليه..بالنسبه للمعكرونه والجبن عادي من يكمل الياهل 6 شهور ..انا من كم يوم بديت اعطي مهاري منهم ...

اليوم الصبح عطيت مهاري..بسكويت فارليز

الظهر فواكه مهروسه( موز وتفاح وبابايا وشوي مانجا)