شو أكلتي ولدج اليوم؟؟

هلا وغلا انا ولدي ابراهيم فديته الين الحين مابديت معاه شي


تاريخ 13-1-2007

يعني بيدخل خمس اشهور بس مابديت معاه شي الين الحين شوه تنصحوني اعطيه

ولا انتظر الين الشهر الجاي


ردوي علي
من نفس عمر ولدي تقولي

ولكم مني جزيل الشكر

دموع الدوحة:
مرحبا حبيبتي

فديتج وين احصل منتجات صحه فالدوحة لاني دورت وماحصلت

والله يخلي لج بنتج انشاء الله

هلا والله حبيبتي انتي امري بس

بتلاقينه في صيدليه السلامه هو الوحيد الي يبيع منتجااات الصحه تعرفين مركز القمه النساااائي على طوووول قدااامه بتلاقين محلاااات عطووورااات نفس محلااات باريس غاليري نسيت اسمهااا المهم بتلاقينه في نفس المكااان عنده اسئلي هنااك وبيدلونك اتمنى اني افتدتج حبيبتي

&*&ام الغالي&*&:
هلا وغلا انا ولدي ابراهيم فديته الين الحين مابديت معاه شي


تاريخ 13-1-2007

يعني بيدخل خمس اشهور بس مابديت معاه شي الين الحين شوه تنصحوني اعطيه

ولا انتظر الين الشهر الجاي


ردوي علي
من نفس عمر ولدي تقولي

ولكم مني جزيل الشكر

هلا والله حبيبتي عااادي انا بنتي من اربع اشهووور اكلتهااا بس على خفيف علشااان تتعود على الاكل بس وفيه اكل يناااسب الاطفااال من اربع اشهووور اعطيهااا بس على خفيف لانج اول مره بتكوونين تاكلينه

ايي نسيت اقول لكم

امس سويت لودلي عصير جيكو بس ماحباه وااايد مثل اليح!! حسافه يعني شرب يمكن رقم واحد بس

واليووم سويت له عصير خوخ والحمدالله شربه بس بعد مو مثل اليح

قوه بنااااااااااات اقصد امهات :)
بقولكم .. انا بنتي خلصت ال6 شهور من كم يوم.. وبديت اعطيها فارليز وسيريلاك... وفواكه معلبه...
ابي اسويلها خضار بس مب عارفه شلون؟؟
شلون الطريقه يعني اسلقها واضربها شلون؟؟؟
شريت خلاطه مولينكس مالت البيبيات وللحين ماستعملتها...
بليز عطوني وجبات ااكل بنتي ماعرف شنو اعطيها واخاف ماتحب الخضار!!!

اهلييين ميييرا والله يخلي لج البنوته

المهم اولشي انصحححج تبدأين لها بلخضاااار اتحملي تبداين بلفواكه والاشايء الحلوه لانها بعدين مابتحب الخضار انا الحمدالله سويت جي لحمود ولحمدالله ياكل الخضره بس انا اذا اسوي له خضار مسلوقه احط معاهم تمرتين يعني شويييي يعطي حلاوه خفيييفه انتي سوي جذي وبلنسبه للوصفات روحي الصفحات الي وره وبتشوفين الخير ماشاءالله

ويينك القيوانيه وين رحتي

.................

انا بصرااحه ماانصح فيتامين الحديد للاطفال
عطوهم مجموعه فيتامينات مع بعض وخلاص ماراح تضرهم

.....................

انا رحت ابي اسوي طبخه جديده

حطيت الخضروات بجميع الانواع مع المكرونه سلقتهم كلهم والمشكله اني نسيتهم عالنار واحترقوو
ههههههههههه انقهرررت لاني تعبت وبالاخير ولدي جووويع ميت والطيخه راحت خخخخ

انا جربت اليوم عالعشا شوربه الشوفان بالتمر مثل مالقلتووو
بصرااحه حاااليه ومفيييده

يسلمو اللي اخترعها

والحين اترككم بروح اعشي تمووم تاخر الوقت

مرحبا..

شخباركم يا امهات.؟؟ ما شاء الله غبت عنكم يوم ولما رجعت وشفت الردود استانست وااايد...البارحه رحت بيت اهلي وبت عندهم وتوني راجعه...

توتة البحرين..يا هلا وغلا والله..وحياج الله ويانا...بس ما قلتي لنا كم عمر عبودي الله يخليه لج؟

مها العروس...يا هلا فيج اختي...بالنسبه للشوفان انا جربت اسوي حق بنتي الشوفان مع الحليب وهاي الطريقه ما خذتنها من موضوع وحده من الخوات يزاها الله الف خير وهي مهلبية الشوفان


وجبة للاطفال من بعد الشهر الرابع

المقادير:

كوب ماء

ملعقتان كبيره من حليب الطفل

ثلاث ملاعق كبيره من الشوفان
ينقع الشوفان في الماء لمده ساعه ونصف

ثم تخلط جميع المحتويات في اناء

وتوضع على النار مع التحريك المستمر حتى يتماسك الخليط

ثم يرفع من على النار ويتم هرسه ويترك حتى يبرد ثم يقدم للطفل

......................
قطر غيرل..يا هلا فيج الغاليه وحياج الله ويانا ةان شاء الله تستفيدين..

night lover يا مرحبا بج اختي...وحياج الله ويانا..

ام احلى حمود..يا هلا والله بغيت اسألج عن صحه بلاس انا شفته بس ما شتريته شو رايج فيه؟؟

زهره...حياج الله ويانا اختي...

زغردات...هلا فيج اختي بالنسبه لمنتجات صحه انا اشتريها من الجمعيه (جمعيه الشارجه) اتوقع بتلقينه في الجمعيات والصيدليات...

ام الغالي...الله يخليلج ابراهيم...جربي له من منتجات صحه بتلقين مكتوب عليه من اربع شهور و خضروات وفواكه بكميات بسيطه..

ميييره..هلا فيج اختي..جربي اعطيها الخضروات نوع واحد وبعدين نوعي لها.. تسلقينهم في ماي وبعدين تخلطينهم بالخلاط ..


ana__sa3udiah هلا الغاليه انا موجوده بس كنت في بيت اهلي...
ههههههههههههههه الله يقطع بليسج زين جذا نسيتي الاكل على النار ويوعتي ولدج يا حليله... يا الله المهم عوضتيه العشاء بألكه حلوة ومفيدة..

انا اليوم الصبح عطيت مهاري فواكه مهروسه..

الظهر خضروات مسلوقه...

العشاء ارز يالحليب..

عاد تدرين ولدي هالايام ماياكل نفس قبل لانه تعباان مادري شفيه
الكحه ذبحته من غير البلغم مايرووح منه خير شر

الله يعين بس احس الولد مايبي ياكل نفس قبل

انا اول مره اشارك معاكم

وجزاها انا سعودية كل خير هي اللي قالت لي عن التجمع


اليوم بديت مع بنتي مرضاعة حليب الساعه 6

والساعه 8 روب فروله

والساعه 9 كورن فليكس مع حليب

وبسسس الغدا

خضار مع لحم وعيش مستوي ولين

سلاااام عليكم:)


القيوانيه بلنسبه للصحه بلاس عادي انا ماحب وايد اعطي ولدي جاهز اكثرشي اسوي له فلبيت بس اشتريت الصحه بلاس عشان لي ماعندي سالفه عطيه وطعمه زين وبعد سريلاك على تمر وايد حلو

البارحة سويت لحسين شوربة خضار مع المكرونة وقلت ليش ما اضربهم ف الخلاط واعطيها زينب وفعلا سويته وحببببته موت..

لكن بعدين تذكرت ان الشوربة فيها قطع دجاج!! :(

بس الحمدلله ما تمغصت منها ..

احلى ام...يا هلا وغلا فيج الغاليه وان شاء الله تستفيدين من الموضوع. بس ما قلتي لنا كم عمر بنتج؟؟

ام احلى حمود..مشكووره الغاليه على ردج انا بعد احاول اني ما اعطي مهاري غير اكل البيت اللي انا اسويه..

اليوم الصبح عطيت مهاري فواكه مهروسه...
الظهر خضروات مسلوقه..

والحين بعطيها شوفان بالحليب...

اليوم مهاري وايد اتصيح ما ادري شو فيها فديتها...:sad: :sad: .

هلا الغاليات اشحالكم

عفاري عمرها 9 شهور ما تاكل شي بس تاكل الشوفان مع الجزر والكوسا وسريلاك الصبح ومرات الليل


واليوم الظهر سويتلها ارز مع كوسا وجزر مسلوق وما كلت منه من عطيتها بغت اترجع




ياريت اتقولولي شو اعطيها او اسوليلها عشان تتقبله عفاري

المنسية ...يا هلا فيج الغاليه ...والله يخلي لج عفاري...يمكن لانج ما عودتيها على الاكل من وقت يعني لما كان عمرها 5 او6 شهور...عشان جذا مب متقبله الاكل... ارجعي للصفحات الاولى بتلقين ان شاء الله وصفات حلوة...
يعني تقدرين تعاطينها صفار بيض ..جبن مع توست..روب...واعطيها فواكه مثل الموز والتفاح والكمثرى ..وسوي لها عصاير خاصه ان الصيف قرب واليهال بحاجه لسوائل كثيرة...

السلام عليكم شكلي وايد ببربر احين رقدت عيالي!!
اول شي اخت زغردات منتجات صحه فكارفور تحصلينها
حكايتي مع الفيتامينات طويله!!باقولها باختصار
اول شي تسود اسنان البيبي وتكسرها انا اعطي بنتي واحين عمرها سنه وسبع شهور وضروسها شكلها مش ولابد!!!:bigsmile:
من شهر وقفت الميكسافيت عنها ويالسه اعطيها مسترتمي اوكي عالاقل تتقبله لان شكله وطعمه حلاوه




شو اكلت عيالي
بنتي هاي ما اكتب شو كلت احسن لانها ماتاكل!!!!خرابيط شوي دونتس على روب وحليب بسسسسسسسسسسسسسس من الصبح لين احين

ولديعمره سبع شهور الصبح عطيته نص صفار بيض الظهر عطيته شوربة خضار بطاط جزر بروكلي كوسه سكواش وخاشوقه شوربه كنور الجاهزه ورز
العصر فواكه بالخلاط نص موزه وبرتقاله وتفاحه وكمثرى بس مب كله عطيتهيا ساعدته فيه:gum:
فالليل سيريلاك وعقب سوه لولوووووووووووووووووو:shy:

اما انا واخيرااا جربت عصير اليح واول مره بنتي تخلص عصيرهااا عجبهااا موووت

وشنو سويتلهااا امس لحم مفروووم مع خضااار وشوربه وخلطته بالخلاط وكلته وعااادي احسهااا كلته مثل الخضااار الي اسويه لهااا

القيوانيه

بنتي عمرها سنه واربع شهور

ام كل دنيتي..الله يخلي لج عيالج ان شاء الله...واكلاتج حلوة ومنوعه...

انت وانا...ما شاء الله العيال كلهم يحبوون عصير اليح...يزاها الله خير اللي علمتنا عليه (جموووونه الحلوه)

احلى ام...الله يخلي لج بنتج ان شاء الله...

اليوم الصبح عطيت مهاري....ارز بالحليب...

الظهر خضروات مسلوقه..

العصر مووز

وبعد شوي بعطيها رز بالحليب...