شو أكلتي ولدج اليوم؟؟

هلا والله بنااات حبيت ارد على سؤال الاخت القيوانيه عن وجبه العشااء

هي عباااره عن بر وتحطين شويه ملح وماااي وتعجنينه لين يصير قريب للسائل موووو سائل مره

لااااااااااااايعني يكووون شويه ثقيل بعدين تحطينه في المقلاه حق الخبز وطبعااا المقلاه اول شي لازم تكووون حاااره وتحطين شويه زيت وتحطين العجينه الرطبه وتقصرين على النااار ةتغطين المقلاه واذا استوااااء من تحت تقلبين الخبز وتخلينه يستوي ومن الجانب الاخر وبعدين اذا استواااء تاخذين قطعه الي تكفي البيبي وتحطينهااا في الخلاط حق الطماط وتحطين حليب وشويه سمن او زيت سمسم وشويه عسل وتخلطينه واذا شفتيه ثقيل زودي كميه الحليب وخلطيه وخلاص اعطيهااا بنتج وعليهااا بالعافيه والله اذا كنت اعرف اشلووون انزل الصور كان سويتهااا علشان تشوووفينهاااو تعرفين بالضبط اشلووون اسويهاااا

بغيت اسال عن الشوووفااان بالتمر اشلوون اسوووووووووويه

لاتنسوووووون تردوووووون علي

انت وانا...مشكووره الغاليه على ردج..بس متى اقدر اعطي بنتي هالاكله؟؟اتوقع بعد السنه صح؟؟

فطور ابني اليوم:
عيش مع جبنة و بندورة - طبعا مهروس كله

lany
اهلين الغاليه...كيف تخلطين الارز مع الجبن اول مره اسمع فيها:qaq: وشو الطعم حلو ايحبونه اليهال والا لاء؟؟ وكم عمر ولدج؟؟

انا اليوم الصبح ماعطيت مهاري شي غير الحليب ...
الظهر خضروات مسلوقه..

لا شكر على واجب اختي القيوانيه انا صرااحه اعطيته بنتي من ثماااان شهوور ولا صااار لهااا شي الحمد لله

بس مارديتي على سوالي اشلون اسوي الشووفااان بالتمرر

يم يمييييييييييي


هذا غداء ولدي اليوم وهوعباره عن

ارز+جزر+ بطاطا حلوه+قرع+ذره+كوسا+حبتين من التمر



وهذا العصييييير الي قالت عنه جموووونه اليوم سويته لولدي وماشاءالله حبااه والحمدالله شربه ويوم خلص قام يصيح حبيبي بعد يبي هههه

وهو عصير الجح ((البطيخ الاحمر مادري شو يسمونه))

انت وانا...هلا اختي هذي الوصفه كانت حاطتنها اختنا الفجر البعيدوهي سميد بالتمر...نشاا بالتمر....او شوفاان بالتمر....طريقتهم نفس الشي تفورين التمر وتشخلينه وتاخذي الماي ماله وتضيفين عليه السميد او النشاا او الكويكر... الى ان يغلظ قواامه وتخليبنه يبرد وتعطينه البيبي بالهني والعافيه..

بس بعدني ما جربيتها...


ام احلى حموود...يمي يمي بغيت اسألج بالنسبه للتمر اتحطينه كله والا بس الماي ماله...وعصير اليح امس عطيته مهااري ووايد حبته...:ok:

القيوانيه

لا انا احط الحبتين مع الاكل تفوح وبرحها تذوب بعدين وتختفي مع الاكل ويصير طعم الاكل عجييييييييييب صراحه انا حمود ماياكله الا مع التمر لانه يحلي الطعم جربت من دون التمر ما حباه وايد وكل بس قلليييل

هلا القيوانيه...

البارحة مثل ما قلت لكم سويت الشوفان بالتمر وما عرف شنو السالفة بس مووووووووول موول ما حبته
وتمت تصيح من بطنها طول المغرب ( الظاهر ما يناسبها بعده ) يمكن اعيد التجربة بعد الستة شهوور....

فيه ملاحظة.. انا ما فورت التمر في المي.. لأن يصير حاااااامض جذي... لكن فورت الماي اول وبعدين حطيت التمر وهرسته بالشوكة في الماي الحار وظليت احركه لما ذاب وبعدين شخلته... وخليت معاه ملعقة شوفان وخليته يطبخ لما غلظ قوامه..
احس فيه شيء ناقص... يمكن لو انضاف الحليب؟؟؟؟؟؟؟ يصير احسن؟



اليوم عطيت سنفورتي وجبتي الخاصة وهي:

موز مقطع ( وليس مهروس ) الى قطع صغيرة جداً + رقم 1 حليب الطفل + ملعقة سيريلاك واحدة
ونخلط الجمميع
ولدي كان يحبببه موت وهم بنتي بعد تحبه ...

هلا هلا جمانه

تصدقين جربت لولدي بس كان شوي اصغر ما اكلها عدل وشكلي برجع اجربها اللحين لانه قام يفهم ويعرف سف ياكل عدل

ام احلى حمود...مشكووره الغاليه وان شاء الله اجربها بس هالاكله ما اتسوي امساك؟؟

جمانه...يا هلا والله اتعرفين يمكن عورها بطنها من التمر..انا بنتي موول ما اتحمله بس امي اتقولي لازم اتأكلينها لانه وايد زين....ووايد سمعت عن الشوفان بالحليب وان شاء الله اجربه حق مهاري...

تسلمين اختي القيوانيه ان شاااء الله بجربه بكره حق يزوي

باااقي انا ماجربت عصير اليح ان شاء بجربه وان شاااء الله يعجبهاااا

القيوانيه لا والله حمود لحد الان اشوفه ماشي الحال بس انا توني اليوم مدخله له الجزر في الطبخه وان شاءالله يناسبه

انت وانا...الله يسلمج الغاليه وجربي لها عصير اليح واايد ايحبونه اليهال....

ام احلى حمود...الله يناسبه الجرز انا من فتره اعطي مهاري جزر...

اليوم عالعشاء سويت لها شوفان بالحليب... والحمد الله حبته :ok:

السلام عليكم ورحمة الله وبركاته..

تقريبا اكل بنتي كل يوم نفس الشيء بس نغير شوي عشان لا تمل..

في الصباح تشرب حليب و تاكل بسكويب او خبز..

و على الغدا مره خضار مهروسة، و مره خضار مهروسة ويا شوفان ، ومره خضار مع رز ... ولسا ما عطيتها لحوم اهيه توها مكمله 9 شهور..

وبعد الغدا احلي لها بفواكه مهروسة او عصير فواكه..


احاول كل شي اخليه طبيعي افضل لصحتها واخاف عليها تتحسس اهيه بدون شي معاها اسهال وترجيع من بدت اسنانها تطلع وهيه على هالحال .. هالفترة خف الترجيع شوي..


وانطر لما يخف الاسهال

درر..يا هلا وغلا فيج اختي...الحين عادي اعطيها صفار البيض ودخلي لها اللحوم باتدريج...وعطيها روب عشان الاسهال...

موضوووع حلووو
تدرين انا اليوم افكر كل ماسوي اكل لولدي اقول بروح اشوف بنات عرووس
شيسوون لاولادهم من طبخات عشان استفيييييد
ولقيت هالموضوع ماشالله فادني كثييير

انا يطولي عمرك
الصبح الساعه 6 اعطيه رضعه حليب مع بسكوت فارليز
وارد انام واقوم الساعه 8اسويله خضار مسلووقه فاصوليا+بطاطس+جزر+ذره+ارز
واذا استووت احطها بالخلاط واعطيه

وعقب بكم ساعه اعطيه سيريلاك بقطع الفواكه او بقطع التمر
وعقب اغديه معانا كبسه بس احط له روب زبادي مع الرز

والعصر اسويله شوربه عدس
وعالعشا اسويله خبز البر مع شوووويه عسل وحليب اخلطهم بالخلاط
واعطيه واسويله رضعه وانومه

على فكره انا طووول هالوجبات اعطيه معاها عصير فواكه او برتقال او مانجو

وشكر حبووبه هاااه عجبتكم الوجباات حقتي ولا لا

انا احيانا اسويله عالعشا

بطاطس مسلوق مع بيض مسلوق
واحطهم مع الروب بالخلاط
واعطيه

بصرااحه هالوجبه حدهااا مفيييييده