شو أكلتي ولدج اليوم؟؟

انا عطيت شهد ارز مع سمك

وبعدين بعطيها روب

هلا
القيوانية عمر ولدي 4 اشهر ونصف يعني يمشي في الخامس ...
البارحة عطيته بطاطس بعد ما سلقته هرسته في الخلاط بس احس كانه مو حلو بروحه قلت يمكن الليلة اضيف اليبه نصف تفاحة ويش قولكم

ام شهد...ياهلا فيج...وكم عمر شهووده فديتها...

تراتيل...هلا وغلا ...احس البطاطس روحه مووحلو ..يا انج اتحطين له اشوي حليب اطفال او اتحطين وياه كوسا وقرع او جزر...بالنسبه للتفاح ...ما جربت اخلطه مع البطاطس..

شحالكم ولدي توه داش السابع الصبح عطيته بسكويت فارليز ذوبته بالماي والظهر شوربه بطاط وقرع وكوسه ودجاج وشوي رز وشوي شوفان وشوي شوربه كنور الجاهزه بس ما كل!!الحين بعطيه سيريلاك يوم ينش

[grade="00008B FF6347 008000 4B0082"]انا عندي طفلي عمره يكمل 9اشهر مادري كيف جدول الاكل ماله
ابغى اصحاب الخبرة يخبروني ضروري[/grade]

القيوانيه

شهودتي عمرها سنه وشهرين

السلام عليكم

بنات بغيت اسألكم شنو هذي منتجات صحه ؟؟

السلام عليكم

بنات بغيت اسألكم شنو هذي منتجات صحه ؟؟

امي كل دنيتي...يا هلا فيج الغاليه ...

الامل الاتي...هلا وغلا فيج ...الغاليه انتي قولي شو تعاطين ولدج وكيف مقسمه وجباته واحنا بنساعدج ان شاء الله...

ام شهد...الله يخلها لج يارب...والعمر كله ان شاء الله...

درب المحبة..وعليكم السلام...الغاليه منتجات صحة هيه مثل السيرلاك فيه منه انواع ارز بالحليب وقمح بالفواكه وغيرها وهي صناعة الاردن...بس احسها خفيفة على معدة الياهل مب مثل السيريلاك...

انا اليوم المغرب عطيت مهاري....موووز وخلطته مع عصير برتقال ووايد حبته مهاري فديتها...

جمااااااااااااااااااااااااااانه:shy: :shy: وينج يا الدبة؟؟؟

اليوم اشتريت يح وان شاء الله باجر بسوي حق مهاري عصير يح وبعطيها...وبعد شفت البابايا وكنت بشتريه قالي ريلي اصبري اول جربي اليح وبعدين اخذي لها البابايا:angry: :gum:

بنات حبيت اعطيكم معلوماتي البسيطه في طبخ الاكل للاطفال
انا اذا حبيت اطبخ حق بنتي اكل فيه بروكلي او عدس لازم احط ينسون داخل اكلها واحسها ترتاح بس شلون نحطه ومايطلع فالاكل بعلمكم طريقه حلوه وسهله
حطي هذا اللي نحط فيه الشاي الستيل وعلقيه فالجدر وانتي تطبخين وهو يقط مايه فالاكل منه يصير اكلج خفيف حق البيبي ومنه ريحته تصير حلوه
بس لاتحطون كمون _السنوت_لان مره خبيرة اعشاب انصحتني ماشرب بنتي فايام النفاس سنوت تقول الخطأ الشائع ان مانعرف انه يسبب مغص وغازات اما الينسون سهل للبيبي وومريح وشكرا لكم

انجي قطر...ما شاء الله عليج فكرتج وااااااااايد حلوة...بس ليش العدس والبروكلي بالذات؟؟؟:gum:

وان شاء الله راح اجربها اكيييد...

زبادي بالمشمشمشكوره يا الغلا على هالفكره الحلوه وأشكر كل خواتي اللي شاركن
موضوعج حلو لأني أنا بالمره ما عرف شو أعطي بنتي
وخاصة اني أنا قمت ما آكل شي والمسكينه تقعد تصيح فالليل لأنه مافيني حليب وبنوتي الحلوه عمرها سنه إلا ثلاث أيام ههههههههههههه
بس ععطيتها اليوم الصبح بيض وزبادي بالمشمش
والظهر عيش مع خضار
والعصر عصير برتقال
والمغرب بيضه مسلوقه
والعشا شوربة دجاج
بس مب كل مره تاكل بعض الأيام تقعد يوم كامل على وجبه وحده

اما انا طبعااا الفطور خضار مسلوووقه وهي الجزر وبطاطس وكوسا مع شويه رز هذااا فطووور هههههههههه والضحى اعطيهااااا عصير تمررر

والغداء اعطيهاااا رز مع دجاااج وزباااادي ومعاااه عصيرررر اي عصير برتقاااال تفاااح اي شي موجود في البيت

والعصر كريم كراميل اسوووويه لهاااا في البيت تمووووت عليه بنتي

والعشااااااء وهو دائمااا يكون بدري الساعه سته ونص لانهااا سبع ثماااانيه تكووون خلاص ناااايمه وتنش الفجر الساعه سته ولاسبعه نسيت اقوووول العشااء هههههههههههههه

وهو بر مع الحليب وشويته سمن او زيت سمسم مع عسل علشاان يحليه وهالوجبه طبعاااا معروفه عندنااا من زمااان اهلنا اول كانوا عليهااا وماشاء الله تعطي الطفل قوه وصحه لانهااا كلهااا مفيده وبعدين مشبعه يعني بنتي من تاااكلهااا خلاص تنااام ولاتقوم تصيح بالليل ابداااا لان بطنهااا تكون مليااانه مشبعه هالوجبه اتمنى اني اكووون كفيت ووفيت

[grade="00008B FF6347 008000 4B0082"]انا اوكل ولدي اكل بس ماحددت نوع الوجبة في نفس الوقت
يعني اذا كان وقت الغداء صاحي اعطية خضار لكن ماهي مسلوقة من طبخي العادي لان المسلوق اذا اكله رجعه على طول وسالت الدكتورة في الاكل هذا هل هو ضار قال لا عادي والعصر زيادي بالفواكة والمغرب سيريلاك وعصير برتقال تقريبا هذا نوع اكله.[/grade]

ام ثلاث وردات...هلا فيج الغاليه...ما شاء الله على بنتج بتكمل سنه لازم تأكلينها من اكل البيت واتعودينها على الاكل...يعني لازم 3 وجبات في اليوم...جربي اعطيها توست مع جبن واتغمسينه بالحليب والمعكرونه والسمك وغيره...يمكن لانه طوول اليوم تشرب حليب عشان جذا ما تاكل غير وجبه وحده...


انت وانا...ما شاء الله عليج...اكلات البيبي حلوة ومفيدة...بس ممكن تشرحين لي اكثر وصفة العشاء ومن متى اقدر اعطيها بنتي؟؟

الامل الاتي...هلا فيج اختي...وحياج الله ويانا...

اليوم الصبح عطيت مهاري ارز بالحليب...
والظهر خضروات مسلوقه....
والعصر عصير يح....:ok:

خخخخخخخخخخ
مبروك القيوانيه على عصير اليح؟ عسى بس حبته؟؟؟

انا اليوم الصبح عطيتها فواكه مهروسة ( خوخ، موز، برتقال )
والحين بعطيها ارز مع الحليب...
واخر وجبة بالليل بسويلها شوفان مع تمر اللي قالت لنا عنه الفجر البعيد...


القيوانيه.. انا من هالاسبوع صرت اعطيها 3 وجبات في اليوم.. وانتي؟

عطيتها اليوم خضرة مشكله .... عالغدا

وبابايا وتفاح على العصر وان شاء الله عالعشا بعطيها كويكر مع الحليب

بصراحه المسواق مخلص هههههههههههه
حطيت بس كوسا و رز و قطعه صغيره لحمه و كنت مجهزه جزر بس نسيت خخخخخخخ

جمانه...:ok: :ok: يييييييييييييييس حبت العصير فديتها...
وانا هالاسبوع بعد صرت اعطيها 3 وجبات في اليوم... يا الله جربي الشوفان بالتمر واذا طلع حلو قولي لي عشان اسويه حق مهاري....(f)

بجعه..يا هلا والله..الغاليه ممكن اعرف كيف اتسوين الكويكر بالحليب...

lugana يا هلا فيج الغاليه...