رابطه حوامل مصر

لأ طبعا مش هقفل الموضوع ده انا كنت بعتذر عن قفله لأنى اتعلقت بيه و اول ما بدخل دايما بدور عليه و كمان و الله اتعلقت بيكى يا smamedo ربنا يقومنا بالسلامه احنا الاتنين و كل الحوامل و انا و الله مش بعمل مجهود بس شغل البيت العادى و كمان بعمله على مراحل و استريح و ربنا يستر انت يا بنتى ايه موضوع الضغط ده ده احنا لسه بنقول يا هادى امال هتعملى ايه فى الحر و الشهور الجايه اوعى تكونى بتاكلى حوادق و بالنسبه لرجلك الف سلامه انا كمان و الله رجلى وجعانى اوى حاسه فيهم بسخونيه و كان العروق كلها نافره

انتى 100% 100%
عجبتينى
( بصى يانور انا كنت من أكلين.. طبعاً مش البشر لا الشطة والمخليلات والحجات ده بس خلاص ..
الواحد اتعلم الادب ... وحكيت رجلى ده مشكله لوحدها ليه يانور
كنت من كام يوم فى سكندريه قلت اشترى حاجه مريحه فى رجلى أسفه.. المهم انى قلاقى مقاس
مفيش مع العلم ان مقاسى 36 وصلة لدرجة 41 مش مقاسى تخيلى انتى المنظر
جوزى قالى استنى نفصل شفتى يانور ونبى مش حاجه تضحك
مش سمع الكلام احسن
ربنا يومنا بسلامه

يا خبر يا smamedo معقوله موضوع رجلك ده كل ده من الضغط ربنا يزيح عنك يا رب و تنتهى المشكله دى على خير و تكملى باقى اشهر الحمل بسلام صحيح ما فكرتيش فى اسم للبيبى او يعنى ايه الاقتراحات من الناس الى حواليكى

أزيك يا نور النهارده يارب تكونى بخير والمغص يكون خف
طيب ليه ينور مرحتيش أول محسيتى بلتعب
يعنى انا أقول محس ان فى حاجه مش مظبوطه بكلمها ورحلها
انتى مرحتيش ليه على طول وكمان عشان متبيش قلقانه
عموماً ربنا يومنا بسلامه
بكره ان شاء الله قول ما ترجعى من عند الدكتوره حولى طمنينى

[grade="00008B FF6347 008000 4B0082"]أنا يستى نفسى اسمى محمد حلم حياتى
بس الاستاذ أحمد جوزى رافض ليه عشان برضه حلم حياتو يسمى أدم أو أدهم
وأختو نفسها برضه تسمى يس
فخلاص انا سيبها كده هو هيجى ان شاء الله بأسمو
وأنتى أيه اخبار الاسامى عندك وعند اقتراحة الاهل [/grade]

شوفى يا smamedo انا كنت عايزه اسمى يحيى و كنت مقتنعه و بعدين عقدونى من الاسم و بيقولولى تقيل و جوزى كمان عاجبه يحيى اما اخواتى فواحد عايزنى اسمى باسل و التانى عايزنى اسمى ايمن و بابا عايزنى اسمى على او عبدالله و ماما عايزانى اسمى معتز و كل واحد عمال يقول اقتراح اما نشوف هترسى على ايه ... كان نفسى اسمى ادهم او عمر او يوسف بس السنه الى فاتت كان عندنا حوامل كتير فى العيله و سموا كل الاسماء دى

:X_hell1: أزيك يانور :X_hell1:
وأزى كل الحوامل
الصراحه هى حاجه ملهاش حل
بوصى خلى كل واحد ينادى على البيبى ان شاء الله
بلاسم الى يعجبو هههههههههههههه
لا بجد حاجه تحير :think:
اعملى زى انا سبتها على الله
وبعدين اهم حاجه ان شاء الله
نولد اطفال بصحه وعافيه

ازيكم يا حوامل مصر يارب تكونوا كلكم بخير

انا نفسي اسمي اياداو محمد ولوبنت اسمي نغم او كنزي
بس جوزي مش عاوز محمد ولا نغم
اما ماما عاوزاني اسمي محمود

انا سبت لربنا والي عاوزه هيكون:B_wink:

صح يا nado4 انا كمان سبت لربنا والى عاوزه يكون
تخيلى انا كمان نفسى اسمى محمد بس جوزى مش عاوز

هاى يا جماعه انا شدنى جدا الحوار بتعكم
انا فى بدايه الشهر الرابع انا واخده بالى انكم سبقتونى بكتير
ربنا يسهل ولادتكم جميعا بس كنت عاوزة اسأل اصحاب الخبره عن شىء
انا بتجينى تشنجات فى يدى وقدمى ووجهى
على فترات
سألت الطبيب اعطانى حقن وعرف من الصيدليه انها عباره عن حقن فيتامينات ومهدئه فى نفس الوقت ......بس اول مره اخذت الحقنه حسيت انى مرتاحه جدا ولكن من تانى مره للحقنه وجدتها
ما جابت اى نتيجه الموضوع ده تاعبنى جدا جدا وانا كمان مضطره اسيب الشغل بتاعى بسببه
الحمد لله على كل شىء بس لو تعرفوا شىء يحسن من حالتى بأذن الله قولوا
وكمان مره ربنا يقومكم بالسلامه جميعا

smamedo:
صح يا nado4 انا كمان سبت لربنا والى عاوزه يكون
تخيلى انا كمان نفسى اسمى محمد بس جوزى مش عاوز

تجي نسمي محمد من وراهم:ok:

ازيك يا smamedo ايه اخبارك و رجلك عامله ايه دلوقتى يا رب تكون احسن ..... انا رحت للدكتوره قالتلى على المغص ده بسبب نزول البيبى لتحت و كمان قالت لازم تريحى نفسك و كمان ابتدى يطلعلى فى رجلى شعيرات دمويه كده الظاهر من التقل و لما بقف رجلى بتوجعنى اوى و كانت زياره عاديه للدكتوره ...
يا sofy_eg الف سلامه عليكى بس و الله انا مش عارفه ايه الى بيحصلك ده معنديش فكره و ان شاء اللله ينتهى على خير
.... ازيك يا nado4 عامله ايه و انت فى الشهر الكام دلوقتى ... انا كان نفسى اسمى محمد بس الاسم مكرر كتير جدا فى العيله و كمان اخو زوجى اسمه محمد و زوجى محمود و والده احمد فاصبح لازم ادور على اسم جديد و ربنا يسهل

السلام عليكم
أيه الاخبار ياحوامل مصر
أزيك يا صوفى على فكره انا سمعت على التشنجات معليش استحملى
انا سمعت ان ده من قلت فيتامين
أزيك يانور يعنى لسه البيبى تحت .. ؟ طيب ايه الحل ؟؟
أزيك يانادو 4
احنا نسمى محمد ونعملها مفاجأة
المهم ربنا يومنا بسلامه ونجيب اطفال بصحة وعافية يارب

ولله شكرا ليكم جدا جدا على ردكم واكيد انا مضطره اتحمل علشان حبيب امه
بس ان شاء الله انا لى زياره الاسبوع اللى جاى عند الطبيب وهسأله مره كمان ويارب يكون فى شىء يضيع هذه التشنجات

انا الحمد لله ايه اخباركم كلكم
انا في الشهر الرابع
الدكتورة قالتلي ان كا يوم 8 في الشهر بكون شهر بش رحت لدكتور ثاني قالي ان كل يوم 15 بكون شهر انا مش عارفه ايه الصح وعلي العموم سواء 8 او15 فانافي الرابع:D_smil1:

نادو متقلاقيش الايام هتعدى انا كنت فى الرابع ودلوقتى انا فى اخرالسادس
المهم تعدى على خير ان شاء الله
معليش يا صوفى معرفتش افيدك

ايه اخبارك يا نور الصباح وحشتينى
يارب تكونى بخير

يارب كلكم تقوموا بالسلامه وكل واحده ولدت ترجع تكتب جابت ايه واسمه,,,,انا عندي يحيى ووئام ربنا معاكم

شكر جداً على اهتمامك وربنا يخليلك يحي ووئام
أنتى حامل
وله لسه ولده

smamedo;3794006:
نادو متقلاقيش الايام هتعدى انا كنت فى الرابع ودلوقتى انا فى اخرالسادس
المهم تعدى على خير ان شاء الله
معليش يا صوفى معرفتش افيدك

ايه اخبارك يا نور الصباح وحشتينى
يارب تكونى بخير

ازيك حبيبتي يارب تكوني بخير انت وكل حوامل المنتدي

نفسي الايام تجري بسرعه

السلام عليكم
أزيكو ياحوامل
مــــــــصـــــر
يارب تكون بخير