رابطه حوامل مصر

انا صوفى مش عارفه فاكرنى ولا لأ
على العموم اخر اخبارى ...............زياره للطبيبه اخبرتنى فيها ان كيس الجنين نازل لتحت
ولله انا مش فاهمه يعنى ايه؟
المهم كتبت لى اجازه اسبوع من الشغل وطلبت منى الراحه
طبعا انا مش بسمع الكلام ولا راحه ولا بتاع
نظفت شقتى وبعدها شعرت بالام فظيعه فى اسفل ظهرى
على العموم ربنا يستر وامبارح كانت نهايه الاجازه ذهبت مره اخرى للطبيبه وقالت لى الوضع كما هو .............يعنى لسه البيبى نازل
انا ولله نفسى اسيب الشغل واشتغل اى حاجه من البيت بس معندش فكره معينه اقدر انفذها
الحياه فى مصر غاليه اوى كلكم عرفين
المهم فى واحده صحبتى قالت لى بلاش تخلى الطبيبه تعملك سونار كتير لانه بيأثر على البيبى ياترى الكلام ده مظبوط ؟؟؟؟؟ارجو الافاده لانى عملت سونار اول الاسبوع واخره

يابنات فى دلوقتى رابطتين لحوامل مصر ارسوا لكم على واحدة

حبيباتي الحوامل كيفكم؟:shy:
ارجو زيارة الموضوع التالي و ابداء رأيكن!

السلام عليكم و رحمه الله و بركاته ايه الاخبار ..... مبروك يا jassylovely و حمدا لله على سلامتك ... ازيك يا smamedo فينك و اخبارك ايه يا ريت تطمنينى عليكى ..... انا كمان يا sofy_eg عندى نفس مشكلتك البيبى نازل لتحت اصلى برضه نضفت الشقه كلها و تعبت نفسى و الدكتوره قالتلى لازم تستريحى بس كمان قالتلى اشوفك كمان 3 اسابيع مش بعد اسبوع زيك بس انا مش عارفه انت فى الشهر الكام انا فى اول السادس و بعدين مش عارفه معنى كده انها هتعملى سونار تانى المره الجايه يا ريت تردى عليه و تطمنينى عملتى ايه

السلام عليكم ورحمة الله وبركاته
والله وحشتينى جداً يا نور الصباح وشكراً على سؤالك
أنا بخير والحمد لله
.. معلش الفترة اللى فاتت كانت وصلة النت عندنا بعافية حبتين والحمد لله خفت وبقت كويسة
ادعيلها وادعيلى ..

انا حالياً بدأت أحس بحركة الجنين وانا على فكرة بدأت فى الشهر السادس وعرفت نوع البيبى
((إنشاء الله )) ولد .. دعواتك .. وطمنينى عليكى

انا كمان بدأت يا smamedo فى الشهر السادس يوم 10/5 و برضه عرفت نوع الجنين ان شاء الله ولد و ربنا معايا و معاكى و بكده احنا الاتنين تقريبا ماشيين مع بعض فى الحمل او الفرق ايام بسيطه خليكى بقى معايا و اوعى تسبينى علشان نتابع كل التطورات الى جايه مع بعض و ربنا يسهل

:shy: صباح الخير :shy:
أزيكو ياحوامل عملين
أزيك يا نور الصباح
وفين jassylovely
إيه أخبرها يا نور الصباح
يعنى مش معانا
((( أنا مبسوطه عشان لقيت حد معيه فى الحمل وماشى معيه قوى كده )))
ده قول حمل ليكى يا نور الصباح
أنا أول مره

يا ستى jassylovely ولدت اول امبارح و جابت يحي عقبالنا و فى موضوع فى الصفحه التانيه عنها ممكن تباركيلها .......بصى يا ستى انا اتجوزت شهر 8 و حملت على طول و فى اخر الشهر التالت البيبى نزل لانه كان غير مكتمل النمو و الحمد لله على كل شئ و بعدين استنيت شهر و حصل حمل تانى و ربنا يتمه على خير بقى و ان شاء الله معاد ولادتى 9/9 و انت معادك امتى

والله الف مبروك أنا فرحت والله
بصى أنا كنت المفرود معاد الولادة يوم 3/9
بس الدكتورة غيرت الميعاد ودلوقتى إن شاء الله
10/9 بس المفروض أن الميعاد كدة اتسبت
ماشى ياستى كده انتى ليسه عروسه
ربنا يوفقك يارب
بقولك أيه مختيش بالك من حاجه
لو نتى فى مصر متشوفيش الحوامل كترت قوى
انا كل منزل الشارع بحس ان احنا ملينا البلد:dd: :dd:
وله مختيش فى بالك
مش مشكله ادينا بنحول نيحل مشكلة السكان:yes: :dd:

فينك يانور الصباح يارب تكونى بخير

:salam: :salam: :salam: السلام عليكم
:sad: فيــن حوامـــل مصـــر راحو فيـــن:sad:

أزيك يانور الصباح واخبار البيبى ايه
طمنينى عليكى

انا اهو يا smamedo معلش اصلى معنديش فى بيتى نت لكن لما بكون عند ماما بدخل و على العموم انا هنا اغلب الوقت و انا الحمد لله بخير و البيبى كمان و معادى عند الدكتوره الاسبوع الجاى ان شاء الله فيمكن امشى بكره من عند ماما و اجى على معاد الدكتوره و الله اعلم ... المهم و انت عامله و البيبى ايه اخباره يظهر ان الومضوع صفصف عليه انا و انت و محدش بيدخل تانى ما علينا ... قوليلى انت دكتورتك فين . انا دكتورتى فى الهرم هى كويسه بس مش عارفه لسه هولد معاها و لا لسه

وحشتينى يا نور
كنت قلقانه عليكى عشان البيبى النزل تحت
أنتى اكيد عملتى مجهود
سلاميلى على ماما
انا هروح أخرالشهر ما انا كنت عنده الاسبوع الى فات
عشان الضغط عالى وبسببه رجلى ورمت بس الحمد لله دلوقتى احسن
مشيه على دواء تركبتو من الكركديه
وحكايت الدكتوره فين ده حكايه
انا اصلان من المنيا يعتى صعيديه هههههههههههه مش قوى نص نص
وبعد كده اتجوزت فى طنطا ابن خالتى
المهم ماما قالتلى تبعى فى المنيا
وجوزى قال لا عشان ميقدرش يستغنا عنى ههههههههه ودلوقتى
انا بتابع عند دكتورة شطرة قوى البلد كله عرفاها
والولاده لسه مش عرفه فين عند ماما وله عند جوزى
المهم ربنا يومنا بسلامه

صحيح يانور هو الموضوع مبقاش فيه غير انا وانتى
فين حوامل مصر يا نور والله jassylovely كانت رفعه الموضوع

بنات احنا كدة فاتحين مو ضوعين عن حوامل مصر

ماتيجوا نستقر على واحد عشان نعرف نتجمع احنا كده كده قليلين

ممكن نقفل ده و نستقر على (حوامل وامهات مصر تعالوا نتجمع ) عشان ده مشاركاته اكتر ؟؟؟

ازيكم يا حوامل

انا مصرية زيكم و حامل فى الشهر السابع فى الاسبوع الثلاثون و ميعاد ولاتى 26/7

بتابع عند دكتور فى شبرا اسمة رفيق حلمى مع انى ساكنة فى فيصل ......

واضح ان مافيش هنا غير 2 منورين الموضوع هما نور الصباح و سماميدو ياريت تقبلونى معاكم

بس المهم يكون فى تواصل مستمر

انا عندى مشكلة ان السوائل اللى حول البيبى قليلة شوية و الدكتور طلب منى اعمل اشعة رباعية ميعادها يوم

و دى ميعادها يوم الاحد اللى جاى عند دكتور اسمة سعيد اتهامى فى مدينة نصر

حد سمع عنة دة لان د.رفيق مصر انى اعملها عند دة بالذات و الا بلاش و بيقول انة احسن واحد بيعمل الاشعة دى

بيعمل الاشعة دى ادعولى ربنا يستر و يكون البيبى كويس

طمنونى عليكم و قولو لى اخباركم انتو فى الشهر الكام و بتتابعو عد مين و هتولدو امتى و جهزتو اية للبيبى
جهزتو اية للبيبى و كل حاجة ...

اراكم لاحقا

أزيك يا رينا
ربنا يومك بسلامه
هو ايه سبب السوائل قليله حول البيبى
انا فى أخر السادس والولاده ان شاء الله فى10/9

ازيك يا smamedoوحشتينى بجد انا الحمد لله كويسه بس عندى شويه مغص كده بيتهيالى بسبب نزول البيبى و انا رايحه يوم الاربعاء للدكتوره باذن الله
ربنا يطمنك يا smamedo مكنتش اعرف انك بعيد اوى كده و المنيا احسن ناس طبعا انا جوز خالتى من المنيا و طبعا ولاد خالتى و مرات خالى كمان من المنيا يعنى لينا اقارب هناك و بيقولولى انها تجنن و ربنا يقومك بالسلامه و تولدى سواء فى المنيا او طنطا على خير باذن الله ... و انت يا رينا اهلا بيكى معانا و ربنا يطمنك على البيبى يا رب و يا ريت تطمنينا انا بيتهيالى انى سمعت عن دكتور رفيق هو على شارع شبرا و اشمعنى بتابعى معاه و بعيد كده
انا يا ستى فى نص السادس و معاد ولادتى 9/9 و ساكنه فى الهرم و بتابع مع دكتوره جيهان يس فى الهرم هى كويسه اوى بالنسبه لحاجات البيبى انا جبت الهدوم الداخليه بس ناقص فيها شويه حاجات و جبت كوفرته حلوه اوى و الشنطه و الكروكيت و 3 سلوبيتات للخروج بس مش لاقيه غير سلوبتات بنص كم بس و ان هولد فى 9 و بيقولوا البيبى بيبقى حساس و لازم البسه بكم مش عارفه اعمل ايه قولولى اعمل ايه ... و باقى الحاجات ربنا يسهل كل اما انزل هجيبهم شويه شويه

انت عندك حق طبعا يا مناليزا اننا مشتتين فى موضوعين بس انا عن نفسى مش قادره اخد قرار انى اقفل الموضوع لان انا الى عملاه و صعبان عليه و خصوصا ان موضوعى اتعمل الاول و بعدين عملوا موضوع جديد مع ان كان فى واحد مفتوح فعلا .... يا ريت مكنش زعلت اى حد منى

ازيك نور انتى عندك مغص ليه
هو انتى بتعملى مجهود
انا بجد اتعلقت بيكى وحسه انك زى اختى طمنينى عليكى
انتى هتقفلى الموضوع