رابطه حوامل مصر

يا رب يكونوا عجبوكم احنا مش لازم يعنى نعمل زيهم بالظبط لكن ممكن ناخد افكار تنفع و احنا بنعمل غرفه البيبى
... شكرا ليكى يا jassylovely و يا رب كلنا نقوم بالسلامه ...... انا عايزه اعرف هو الناس كسلانين كده ليه انا لولا انى ما عنديش نت فى البيت كنت هشارك كل يوم يا ريت يا حوامل مصر تكونوا انشط من كده شويه

الله انا مش عارقة ليه الكسل ده يا نور بس اهه نعمل ايه بقة















[

يعنى و لا حد عبرنى و لا اى حاجه ايه الموضوع ...... الناس راحوا فين اتمنى ان يكون الجميع بخير

والله انا موجوده يا نور بس انا عديت المراحل اللي انتى بتحطيها يعني اللبس والسراير كل ده انا خلصته بس بجد انتى مشكورة جدا جدا جدا على مجهودك ولكي الف شكر
صحيح انتى في الشهر الكام؟

نجلاء جابر:
ازيكم يا بنات عاملين ايه؟:salam:
اخباركم ايه انتوا فين بتغيبوا ليه كتير كده؟؟؟؟؟؟؟؟؟؟
ماشاء الله يا jassy هانت خلاص ان شاء الله تولدى بالسلامة انت والبيبى
انا الحمد لله بخير انا والبيبى مع ان حركته مخوفانى وحروح للدكتورة انهاردة باذن الله
على فكرة انا مضطرة ان ارجع بلدى يعنى ان شاء الله حولد فى مصر مع ان كان نفسى اولد هنا لان مستوى الاهتمام و التميرض اعلى بكتير بس نصيب---- الحمد لله على كل حال

لو حد يعرف دكتورة كويسة و متابع معاها يذكر لى اسمها و مكانها بالضبط لانى حكون فى شهرى الثامن باذن الله وياريت طبعا مستشفى كويسة وكذلك اسمها و مكانها

ويا ريت مطنشوش سؤالى وتردوا على بسرعة لان خلاص هى ايام

انا نسيت انا من اسكندرية

حبيبتي انا اعرف اسم دكتوره كويسه اسمها نيفين في مستشفي حسبو الدولي
بمدينه نصر موعيدها من الاثنين الي الخميس من الساعه 10ص الي 4 عصرا

[QUOTE=jassylovly]نادو4 ونجلاء ونور عاملين ايه اخباركم ايه
نجلاء انا كمان من اسكندرية متابعة مع دكتورة كويسة اسمها (سحر سعيد الزفتاوي وعيادنها في الهدايا على الترام ولو عاوزة رقم تليفونها قوليلي ولوعاوزة رقم تليفوني كمان فوليلي هههههههههههههههههههههه

نور يا حبيبتى انا كمان قلوقة جدا بس المغص والحاجات دي شئ عادي خصوصا انه اول حمل زيي بس ان الحمل بيكون حاجة جديدة علينا وعلى جسمنا فحاولي تطمنى نفسك وربينا يدكي اللي نفسك فيه يا رب انتي وجوزك



حبيبتي انا الحمد لله و انت عامله ايه واخبارك ايه

ازيكم يا حوامل مصر الحمد لله اني لقيتكم عاملين تجمع هرجعلكم تاني احكيلكم قصه حياتي

(w) الحمدلله لقيت حد يساعدنى أنا بدور على حوامل أخد منهم أفكارخصوصاً فى مصر ((( أنا حامل فى الشهر الخامس وهولد أنشاء الله فى سبتمبر ودي أول مرة ))))) مش عارفة ألبس إيه ؟؟؟؟؟؟؟؟ عاوزة ألبس على الموضة مش التقليدى للحامل أنا آسفة كلامى كتير .. طولت عليكم .. ساعدونى:sad:

الف مبروك وعقبال المرة الجاية بصي لو عاوزة تلبسي ع الموضة في محلات مخصصة للبس الحوامل فيها سالوبت وبنطلونات وتي شيرتات حاجات كده ومش تقليدي في كمان حاجة حلوة قوي بتبقى بدلة الجاكيت كت ومقفول ومن عند الصدر ماسك ومن تحت طبعا واسع واكيد البنطلون حمل بس في اللبس شاكله بيبقى جنان وغالبا حيكون موجود في لافلي وربنا يقومنا كلنا على خيير يا رب

مساء الخير عالحوامل الحلوين
انا رور من حوامل مصر بس مغتربة عايشة مع جوزى فى السعودية و دة اول حمل لية وخايفة موووووووووت كان نفسى يكون اهلى جمبى فحملى وولادتى انا دلوقتى فى اول السابع و ان شاء الله معاد ولادتى 3-7-2007 ادعولى الله يقوينى و اقدر ادبر حالى لوحدى :(

:clap:

انا بئه اسمى صفا انا جديده فى كل حاجه
يعنى عضوه جديده فى المنتدى وكمان اليوم اكملت الشهر الاول فى الحمل حسب حسابات الطبيه تقول لى انتى تكملى شهر فى يوم خمس من كل شهر وموعد الولاده5/12/2007
يعنى ان شاء الله المولود حيكون شتوى ههههههههه
انا بئه مش عارفه امتى ابدأاشترى حاجات للبيبى
انا عارفه ان لسه بدرى
بس انا حاسه ان ربنا هيكرمنى المره دى
انتوا عارفين ان عندنا فى مصر بيقولوا ان فال وحش اللى تشترى تجهيزات المولود قبل الشهر السادس
المهم اعطونى رأيكم اشترى امتى انا مستعجله اوى اوى

رورو ا
هلا بيكي اولا الف مبروك الحمل وماتخافيش انتي مش لوحدك ربنا معاكي طبعا يقويكي ويقومك بالسلامة
smamedo
لاشكر على واجب يا قمر واي سوال انا ربنا يقدرني واجاوبك
صفا
اهلا بيكي ويا رب يثبت لك حملك ويفرحك بيه انتي بس المهم تاخدي بالك على نفسك
بالنسبة لحاجات البيبي انا بدأت اشتريها من الشهر الخامس ( اول بيبي بئة والفرحة ) ماتحطيش حكاية الفال دي في بالك تصدقي بالله وانا مخطوبة كنت باجيب حاجات للبيبي والحمد لله اول ما اتجوزت حملت على طول وكمان اديني اهه في اخر الشهر التامن اسألي ربنا انه يخليه ليكي ويثبته لك على خيير وحاولي ماتعمليش مجهود كتيير الثلاث شهور الاوئل
ادعولي بئة ربنا يقومني بالسلامة

ازيكم كلكم ....أزيك ياصفا
متخفيش أنا برضة كنت خايفة قوى لان محديش جنبى بس بدأت أتعودت .... على فكرة !!!! أنا فى الخامس ... صحيح كل مايقرب التاسع بقلق بس جوزى جنبى وكمان فى رابطة حوامل مصر هتحسى أنك بين أصدقائك
ونقوم بسلامة يارب

ازيكم كلكلم عاملين ايه يا رب يكون كله تمام ان شاء الله .........ازيك يا jassylovely انا بجد بدعيلك و ارجوكى طمنينا باستمرار عليكى خلال الشهر التاسع و طبعا اول لما البيبى يشرف طمنينا عليكى ....انا دلوقتى فى اول الخامس و لسه ما عرفتش نوع البيبى و علشان كده مش عايزه اشترى اى حاجه غير لما اعرف و كل الى ربنا يجيبه كويس ....... يا ترى يا jassylovely هتعملى سبوع و لا عقيقه و بس انتوا عندكوا فى اسكندريه حاجات السبوع بتتباع و لا مضطره تنزلى مصر..........................................يا ترى يا الى فى الخامس حسيتوا بحركه البيبى و النبض يا ريت تقولولى علشان انا بحس بحاجات مش عارفه اذا كانت دى حركه البيبى و لا لأ..........و ربنا معانا كلنا

ازيكم جميعا ربنا يقومنا بالسلامة ويفرحنا بالبيبهات يارب

كنت حابه اسئل عن هرمون الحمل اذا انخفض ده معناه اجهاض لاقد الله لاني عملمت تحليل حمل رقمي والنسبه كانت 360 وبعد كدا كررته وطلعت 220 فياتري حد عنده خبره بالموضوع وادعولي ربنا يثبتلي حملي يارب ثبت لي حملي انا وكل الحوامل يارب وارزقنا اطفال سالمين يارب