ازاى عرفتى خطيبك ؟؟؟؟؟؟

السلام عليكم و رحمة الله و بركاته...

ايه يا بنااااات ؟؟؟ اغيب عليكوا كام يوم الاقيكم مكسلييين كدة ...

فين قصص الحب الجامدة ؟؟؟؟

اي والله وين قصص الحب الجامده على قولتها

يمكن ذهبت مع الريح

عاد انا ماتعجبني الا القصص الفكاهيه خخخخخخ

بس لاتنتظرون قصتي

لان لو انخطبت فاكيد بتكون تقليديه حالي حال كل الخليجيات

اولا احب اشكرك يا ولاء علي الموضوع الجميل ده...
انا قصتي غريبه شويه...
اتعرفت علي واحده من علي النت متزوجه ومعندهاش اخوات بنات واتعلقت بيا قوي اكمن ملهاش اخوات بنات وكنا بنتكلم علي المسنجر وكانت بتحكيلي دايما علي اخوها الكبير وهو كان لسه يادوب مسافر السعوديه وهي اد ايه مفتقداه وفي نفس الوقت كانت بتكلمه عليا وفي مره كانت علي النت بتكلم اخوها وقالت لي تحبي تشوفيه وتتعرفي عليه هو نفسه يتعرف عليكي وحصل ضاف اسمي علي المسنجر وبعت لي الكاميرا وشوفته ومن يومها حسيت ان حيكون في بينا شئ... وفضل التعارف والاتصال عبر النت والتليفون
كنا بنبعت لبعض ايميلات يوميا واكثر من مره في اليوم بنحكي لبعض عن حياه بعض وبنتعرف علي بعض... حياته في اولها كانت صعبه جدا لانه كان لسه مسافر واصلا كميائي وراح علي الشغل علي انه كميائي في مصنع واكتشف ان المصنع مش شغال والمدير كان بيشغله سكرتير عنده وكانت حياه صعبه جدا. ويوم بعد يوم بدا يتعلق بالايميلات اللي بنبعتها لبعض واكد عليا اني مش ابطل ابعت له ابدا كنت كل يوم بالليل اسهر احكي معاه في ايميل عشان لما يفتح النت تاني يوم الصبح في الشغل يلاقي ميل مني. وفعلا كنت حساه انه مسؤل مني ولازم اخد بالي منه...
يوم ورايوم بدات احس من اسلوبه ان في حاجه بدات تتحرك جواه من ناحيتي وانا كمان في حاجه جوايا من يوم ما شفته في الكاميرا وبدا قلبي يخفق من ناحيته واهتمامي زايد به قوي وحاسه اني مش قادره استغني عنه ابدا وكل مره يبعت لي ادعي انه يلمح بحاجه من شعوره ناحيتي لكن كلامه كله بيقول ان في حاجه لكنه مقالهاش صراحه. كنت اكلمه دايما بالليل عشان مش بيعرف ينام بسبب احساس الغربه والخنقه من الشغل والمكان. لحد ما في يوم اعترف لي بكل شئ....
يوم 26 فبراير 2005 بعت لي ايميل بيقولي فيه انه بيحبني وحاسس ان الشعور ده متبادل بينا طرت من الفرحه ومكنتش عارفه اعمل ايه لكن للاسف كملت قراءه الميل لقيت الصدمه انه لام نبعد عن بعض لان المشوار لسه ادامه طويل ومش عايز يعلقني معاه ولو حتي كلم اهلي حيقول لهم ايه وانه بيشتغل ايه بالاضافه انه حس ان مستوايا اعلي من مستواه وانه لازم يكون اد الكلام لما يتقدم وانه لسه مش محوش اي حاجه وحيتكلم علي اساس ايه وانه ميعرفش حيقدر ينزل امتي. كل الكلام ده قتلني بعت له كتير اترجاه وادافع عن حبنا ليه يموت لازم يستمر طالما الحب متبادل بينا... وهو فضل ياكد عليا ويكرر نفس الكلام وانه مش لاقي حل تاني غير ده عشان ميظلمنيش معاه. لدرجه اني بعت قلت له طيب خليني جنبك ونكون اخوات احساسي انه مسؤل مني كان فظيع ومش قادره اتصور اني ابعد عنه واسيبه لوحده ، ده كان بيقولي الحياه بقي لها طعم من يوم ما عرفتك حسيت ان في حد بيخاف عليا وبيهتم بيا في الغربه ومحدش من اللي حوليا من نفس الجنسيه. كل يوم كان بيعدي عليا ان بيموتني واحساسي انه بيبعد عني مش قادره استحمله.
لحد في يوم بعت لي ميل وقال لي....
يتبعععععععععع

منتظرين باقى الحدوتة بفاااااااااااااااااااااااااارغ الصبر

انـين المشــاعر:
اولا احب اشكرك يا ولاء علي الموضوع الجميل ده...
انا قصتي غريبه شويه...
اتعرفت علي واحده من علي النت متزوجه ومعندهاش اخوات بنات واتعلقت بيا قوي اكمن ملهاش اخوات بنات وكنا بنتكلم علي المسنجر وكانت بتحكيلي دايما علي اخوها الكبير وهو كان لسه يادوب مسافر السعوديه وهي اد ايه مفتقداه وفي نفس الوقت كانت بتكلمه عليا وفي مره كانت علي النت بتكلم اخوها وقالت لي تحبي تشوفيه وتتعرفي عليه هو نفسه يتعرف عليكي وحصل ضاف اسمي علي المسنجر وبعت لي الكاميرا وشوفته ومن يومها حسيت ان حيكون في بينا شئ... وفضل التعارف والاتصال عبر النت والتليفون
كنا بنبعت لبعض ايميلات يوميا واكثر من مره في اليوم بنحكي لبعض عن حياه بعض وبنتعرف علي بعض... حياته في اولها كانت صعبه جدا لانه كان لسه مسافر واصلا كميائي وراح علي الشغل علي انه كميائي في مصنع واكتشف ان المصنع مش شغال والمدير كان بيشغله سكرتير عنده وكانت حياه صعبه جدا. ويوم بعد يوم بدا يتعلق بالايميلات اللي بنبعتها لبعض واكد عليا اني مش ابطل ابعت له ابدا كنت كل يوم بالليل اسهر احكي معاه في ايميل عشان لما يفتح النت تاني يوم الصبح في الشغل يلاقي ميل مني. وفعلا كنت حساه انه مسؤل مني ولازم اخد بالي منه...
يوم ورايوم بدات احس من اسلوبه ان في حاجه بدات تتحرك جواه من ناحيتي وانا كمان في حاجه جوايا من يوم ما شفته في الكاميرا وبدا قلبي يخفق من ناحيته واهتمامي زايد به قوي وحاسه اني مش قادره استغني عنه ابدا وكل مره يبعت لي ادعي انه يلمح بحاجه من شعوره ناحيتي لكن كلامه كله بيقول ان في حاجه لكنه مقالهاش صراحه. كنت اكلمه دايما بالليل عشان مش بيعرف ينام بسبب احساس الغربه والخنقه من الشغل والمكان. لحد ما في يوم اعترف لي بكل شئ....
يوم 26 فبراير 2005 بعت لي ايميل بيقولي فيه انه بيحبني وحاسس ان الشعور ده متبادل بينا طرت من الفرحه ومكنتش عارفه اعمل ايه لكن للاسف كملت قراءه الميل لقيت الصدمه انه لام نبعد عن بعض لان المشوار لسه ادامه طويل ومش عايز يعلقني معاه ولو حتي كلم اهلي حيقول لهم ايه وانه بيشتغل ايه بالاضافه انه حس ان مستوايا اعلي من مستواه وانه لازم يكون اد الكلام لما يتقدم وانه لسه مش محوش اي حاجه وحيتكلم علي اساس ايه وانه ميعرفش حيقدر ينزل امتي. كل الكلام ده قتلني بعت له كتير اترجاه وادافع عن حبنا ليه يموت لازم يستمر طالما الحب متبادل بينا... وهو فضل ياكد عليا ويكرر نفس الكلام وانه مش لاقي حل تاني غير ده عشان ميظلمنيش معاه. لدرجه اني بعت قلت له طيب خليني جنبك ونكون اخوات احساسي انه مسؤل مني كان فظيع ومش قادره اتصور اني ابعد عنه واسيبه لوحده ، ده كان بيقولي الحياه بقي لها طعم من يوم ما عرفتك حسيت ان في حد بيخاف عليا وبيهتم بيا في الغربه ومحدش من اللي حوليا من نفس الجنسيه. كل يوم كان بيعدي عليا ان بيموتني واحساسي انه بيبعد عني مش قادره استحمله.
لحد في يوم بعت لي ميل وقال لي....
يتبعععععععععع

مش عارفه زر التعديل اختفي ليه فاضطريت اكمل في رد تاني...
قال لي في الميل انتي مش بتبعتي لي ليه؟ وانه حيكلم اهله علي النت وعايز يكلمني معاهم...
ظهرت علي النت في الميعاد وسالته انت مش اصريت اننا ننهي كل حاجه؟ قال لي بصراحه مش قادر وعلي فكره انا حكيت لماما علي كل حاجه ومقدم في اكتر من مكان وعندي مقابله في واحده منهم قريب واول ما امسك في واحده فيهم حكلم باباكي علي طول ولو اني عايز اكمه من دلوقتي بس مش عايز اكلمه الا وانا ماسك في شغل كويس... اهله مكنوش يعرفوا كل التطورات دي. ويوم ما قال لي الكلام ده انا فاتحت بابايا في الموضوع وتجنبت اني اكلم ماما لانها عصبيه قوي وممكن تتنرفز لما تعرف طريه تعارفنا.
ومقدرش يستني لما ينقل علي شغل تاني لان كان بدا يتقدم لي عرسان (ما انا كنت قاعده ومحدش عبرني حبكت دلوقتي يهلوا) قام مكلم بابا وقاله انه حيتنقل في وظيفه كويسه وانه عايز يتجوزني والكلام ده. بابا صده بكلامه وانه لسه ادامه مشوار طويل وانه ميقدرش يوعده بشئ وانه يبقي يتقدم تاني لما يقف علي رجليه وفي نفس الوقت بابا مش حيعتبر اني متكلم عليا ولو جه حد افضل حيديلوا فرصته. طبعا احمد اتجنن من الكلام ده وكلمني وحكالي وهو منهار وانا فضلت اقول له محدش حيغصب عليا جوازه انا مش عيزاها متقلقش يا احمد احنا لبعض ان شاء الله مهما طالت الايام والسنين حستناك حتي لو 10 سنين قدام برضو حستناك.
وفي يوم كنت في قرايه فاتحه واحده صاحبتي خالتها شافتني ولقيت تحركات من تحت لتحت كده وبتكلم ابنها يجي يشوفني طبعا انا بقيت مش علي بعضي ودخلت الحمام استخبيت جوه علي اني بتوضأ عشان اضيع الوقت علي م يجي عريس صاحبتي يكون مفيش وقت تتكلم خالتها معايا في حاجه. المهم فعلا ضيعت الوقت ونزلت من عندها وتاني يوم صحبتي قالت لي ان خالتها عايزه تكلم اهلي عشان عيزاني لابنها وان ابنها لما جه وشافني ارتاح لي... طبعا انا رافضه الارتباط بالطريقه دي وان لازم اللي ارتبط به لازم الاقيه ويلاقيني وطريقه الصالونات دي انا مش بحبها ابدا فكانت دي حجتي اني مش عايزه اتجوز بالطريقه دي وقلبت العريس علي اختي وقلت هي اكبر مني هي اولي وفعلا حصل نصيب واختي تزوجته بالفعل. لكن الحجه دي مدخلتش دماغ ماما وشكت ان يكون في حاجه....
في يوم ندتني وقالت لي انتي في حد في حياتك؟ انا شاكه في موضوع صاحبتك اللي بتكلمنا في التليفون دي اللي انتي صاحبتيها من علي النت. وبالفعل عرفت الحكايه كلها وكانت هادئه جدا معايا. بس كانت متضايقه جدا من الطريقه مع انها طريقه عاديه زي ما اي واحده ممكن تتعرف علي واحد من الكليه مثلا. وغير كده كانت متضايقه لانها كانت رافضه زواج اي واحده فينا من محافظه اخري لاننا كده حنتفرق واحنا اختين بس وملناش غير بعض والكلام ده. وفي نفس الوقت كانت متضايقه اكتر من انها شايفه انه لسه في اول الطريق وصعب انه يقدم علي خطوه الارتباط.
وبالفعل ماما وبابا سالوا عليه من خلال المباحث (زوج صحبتي اللي حضرت قراءه فتحتها) والتحريات قالت انهم ناس اخلاق وعلي دين وانهم مستورين الحال ومن منطقه شعبيه. ودي كانت العقبه اللي ماما مسكت فيها وكل شويه تحاول تقنعني اني اشيل الموضوع من دماغي وان اللي خلقه اكيد خلق غيره ... وتخلي بابا يكلمني شويه وانا استحاله حد منهم يفهمني ولا يفهم تفكيري انا عايزه انسان معين بدور عليه من زمان اخلاق وتدين وحب من الطرفين انسان كان بيدور عليا وانا بدور عليه وكانت المفاجأه يوم ما اتلقي القلبين يوم ما عرفته. انا عايزه انســــــــان كيان ولا بدور علي ماده ولا مظاهر ولا اي شئ. لان كل الحاجات دي فانيه وفي لااخر مش بيفضل غير الانسان بقيمه واخلاقه ودينه وسمعته الطيبه بين الناس. فضل الصراع طويل. وفي يوم ماما كلمت احمد وقالت له اوعدني انك تبعد عنها ومتكلمهاش تاني وربنا يوفقك انتم غير متوافقين ومينفعش تكونوا لبعض.. وفعلا وعدها.....
وفضلت مبلمه من يومها وعلي طول دمعتي علي خدي ومش قادره اتصور اللي حصل وانه وعد ماما بانه يبعد عني وينساني. وانا مكنش معايا رصيد فمكنتش برن له وهو قطع الرنات ومبقاش يرن لي فضل الحل كما هو عليه باقي اليوم وتاني يوم الصبح لقيته بيرن لي رنات صغيره كل 10 دقايق رنات قصيره جدا تكاد لا تسمع وبعدها بعت لي رساله قال لي بعت لك ميل بعنوان المـــــــــوت اســـــــهل بكتيــــــر وقال.....
اول مرة اطلع صغير ومقدرش التزم بكلمتى اصلى قلت لماما انى مش حكلمك تانى بس بيتهيالى لو كانت طلبت منى انى ارمى نفسى فى البحر او انى اموت نفسى اكيد كان حيبقى اسهل بكتير من اللى انا فيه دلوقتى انا مش متخيل انى اقدر استغنى عنك معقول بالبساطة دى كل حاجة تخلص فى ثوانى علشان ايه انى مش فى المستوى المناسب معقول بالبساطة دى الحب خلاص اصبح يحكمه الفلوس والمستوى من امبارح وانا مش عارف اعمل ايه ولا اتصرف ازاى انا ممكن اضحى بحياتى بس مفقدكش انا مش متخيل انى ممكن اعيش من غيرلاك انت حاسه بالا انا فيه تعرفى انا منمتش من امبارح ولا اكلت وطول الوقت قاعد بفكر فى احلامنا اللى فجاة لقيته اتبخرت كل حاجة انتهت ومش عارف ليه ماما كانت قاسية اوى فى طلبه ده منى انا ممكن اعمل اى حاجة بس مش مستعد افتقدك كنت عايز اقوله احنا بنحس ببعض واحنا بنا كل المسافة كنت عايز اقوله حرام تحكمى على الحب دى بالفشل علشان شوية مظاهر بس مقدرتش اقول حاجة خالص ولقته بتطلب منى انى ابعد عنك طب ليه انا فعلا بحبك وانى افقدك ده معنه موتى لانك كل حياتى انا فى كلام كتير اوى كنت عايز اقوله بس مش فاكر حاجة منه بس صعب على اوى ان الحب ينتهى بالسهولة دى سبحان الله زى مايكون حبنا ده مش مكتوب له انه نفرح ابدا لازم نلاقى حاجة تقف فى الطريق انا مش عارف انا بكتب ايه بس انا تعبت كتير كتير اوى اوى اوى اوى اوى اوى اوى ماما صعبت على الامر اوى وكمان اختك بعتلها رسالة علشان اطمن عليك كان ردها غريب اوى بردو طلبت منىانى ابعد عنك واسيبك فى حالك وانك مسيرك حتنسى والتزم بكلمتى مع ماما بس والله ما قادر بجد مش قادر بلاش تقولى لاختك انى بعتلك وعلى موضوع الرسالة لانها ممكن تقول لماما وشكلى حيكون وحش جدا قدمها ....
لو مش عايزنا نكمل ومقتنع براى ماما واللى حوليك مترديش على الميل ده انما لو لسه خايفة على حبنا انا حستنا ردك
على فكرة لو مردتيش مش حزعل بس انا عايز اقولك ان عمرى ماحقدر انساكى ولا انسى الايام والحظات الجميلة اللى كنا فيه مع بعض عمرى عمرى ما حنساك.........
يتبععععععععععععععععععععع

انا كنت بره لما بعت لي الميل فدخلت سبير قريت الميل ولسه بفتح المسنجر لقيته اون لاين اتكلمنا سوا وقلت له اني مقدرش استغني عنه واني مش عارفه اعمل ايه واني متمسكه بيه بس محدش بيسمع لي مش عارفه ليه واني مش مقتنعه ان المستوي الاجتماعي ممن يفرق بين قلبين لما صدقوا لقوا بعض. رجعنا نكلم بعض تاني بس بابا وماما كانوا فاكرين ان الموضوع انتهي لكنه عمره ما ينتهي ابدا. وطول الوقت الحزن كان في عنيا وماما ملاحظه باللي فيا.
وفي يوم كنا بنتمشي علي البحر انا وماما واختي وخطيبها (زوجها حاليا) فماما قالت لي فيكي ايه؟ قلت لها مفيش قالت لي لا فيه قلت لها هو فيه غيره؟ قالت لي تاني؟ انتوا رجعتوا تكلموا بعض تاني؟ قلت لها اه هو احنا نقدر نبعد عن بعض اصلا قالت لي انا كنت متأكده انه مش حينساكي لكن كان عشمي فيه يوفي بالوعد ولما يجهز يكلمنا تاني قلت لها كان لازم يعرف موقفي ايه مكنش ممكن يعمل اللي بتقولي عليه واطلع في الاخر مقتنعه بكلامك. قلت لها هو مستعد يعمل اي حاجه عشان نكون سوا وربنا يقدره ويعملها.
بابا وماما كانوا مصرين انه يجيب شقه في محافظتنا علي الرغم انه مقيم حاليا بالسعوديه واصله من محافظه القاهره وعنده شقه بالقاهره وجاب شقه بالسعوديه ونقل في شغل كويس. هل معقول انه يحوش عشان يجيب شقه ثالثه والا يحوش عشان الارتباط والزواج وفرش شقه السعوديه. وطبعا الشقق غاليه موت وماما رافضه اني اسكن في شقه القاهره لانها في بيت عيله واهله لهم شقق في العماره وزي ما قلت المنطقه شعبيه... واستمر الصراع علي وجوب الشقه ولما كلم بابا تاني اكد عليه انه مش حيتخذ اي خطوه الا لما تتواجد الشقه وتتفرش علي الرغم اننا مش حنعيش فيها وحننزل اجازه اسبوعين كل سنه مره طب يرضي مين الكلام ده بس؟؟؟
طبعا احمد كان مخنوق جدا من الوضع والفلوس دي كلها حيجيبها منين عايز يجيب شبكه ويدفع مهر ويفرش شقه السعوديه وكمان يجيب شقه عندنا ويفرشها طب كل ده يجيبه منين؟ انسان متغرب وهو كبير اسرته ووالده متوفي يعني حتي مفيش حد يقدر يساعده طب يعمل ايه؟ كل مره يكلمني والحزن في عنيه وصوته بيتعش خايف يفقدني بس عايز يعمل اي حاجه بس نكون سوا عايز يرضيهم باي شكل وعلي الرغم من كل اللي عملوه معاه لكن احمد كان ومازال بيحبهم جدا خصوصا ماما. وفضل الصراع اكلم ماما مفيش فايده اكلم بابا مفيش فايده. وكل مره كان يكلم ماما كانت تلمح باختاف المستوايات والكلام ده طبعا كن بيجرحه وبيضايقه. قالي والله انا عايز اجيب شقه بس مش وانا مذنوق بس يصبروا عليا وانا حعمل كل اللي هما عايزينه واكتر كمان.
في يوم كتبت لهم جواب طلعت كل اللي جوايا ونزلت رحت الشغل ....
الصبح اختي شافت الجواب قالت لماما اختي سايبه جواب مكتوب عليه بابا /ماما. ماما قالت جواب؟ يا فتاح يا عليم يا رزاق يا كريم ربنا يستر علي الصبح.....
يتبععععععععععععععععععععععععععع

انين المشاعر كسرتي خاطري...<<<يعني صعبتي عليا....

كملي الحكاية بلييييييييييييز...

عندي امتحانات بس ابي اكمل اقرا قصتج..

انا للحين مو مخطوبة<<<عيل اش دخلج؟؟؟...
بس اكيد خطوبتي بتكون تقليدية مافيها اكشن حلو مثلكم خسااارة...

ماما / بابا
مكنتش احب ابدا ان العلاقه اللي بينا تبقي بالجوابات وشويه كلام علي ورق. لكني توصلت للحل ده عشان مش حقدر استحمل كل مره مشادات بيننا. انا توصلت اني اكتب لكم اللي جوايا في بعض الكلمات لعلها توصل ذره من اللي جوايا.
أنا عارفه انكم زي أي اب وام خايفين علي مصلحه بنتكم وعايزين تهيؤا لها احسن مستقبل وأسعد حياه. وعارفه كويس انكم تتمنوا لي السعاده وأكيد بتبحثولي عليها. طب لو ريحتكم وقلتلكم ان السعاده فعلا انا فيها ولقيتها وانا عايزاها وهي عيزاني ...يبقي رايكم ايه؟ لو قلت لكم اني من سنه ونصف ويمكن اكتر شويه بدات اعرف للحياه طعم ومعني... يبقي رايكم ايه؟ لو قلت لكم اني لقيت الحياه اللي بتمناها... يبقي رايكم ايه؟

لقيت الانسان اللي كنت بحلم به، لا مش بالظبط اللي كنت بحلم به لا انا كنت بحلم بأقل من كده وكنت مش متوقعه الاقيه لكني لقيت حلمي وزياده حبتين. لقيت الانسان اللي عرفني معني الحياه اللي حسسني باهميه الايام اللي علمني حاجات كتير كانت تايهه عني سنين اللي عرفني معني الحنان والطيبه والامان اللي نساني كلمتين الماضي و المستحيل. اللي بيحاول يقربني من ربنا كتير. وده اللي كنت بحلم به انسان متدين يخاف ربنا واخلاقه تكون كويسه ويكون مكافح ويصنع حياته بنفسه مش حد اللي بيعمله ويكبره لان الانسان ده حيخاف عليا وحيحسن معاملتي وحيتحمل مسؤلتي ومسؤليه اسره بالكامل. كان نفسي دايما في انسان نبدا حياتنا سوا ونكبرها سوا وكل اللي ما بنا حب وحنان وطيبه وامان. ده كل اللي كنت بحلم به. لا فكرت في فلوس كتر ولا نسب كبير كل همي البني ادم يطلع مين باخلاقه وقيمه ومبادئه وخوفه من ربنا. لان أي شئ تاني فاني ربنا بيختار عباده اللي يديه واللي ياخد منه واللي يعيشه مستور المهم ان العبد يشكر فضله. لا الفلوس دايمه ولا النسب دايم كله فاني حتي الانسان فاني ومحدش عارف بعد لحظه من دلوقتي حيكون فين واللي بيفضل الاعمال الصالحه والفلوس بتتنطور هنا وهناك وتتبعتر بين اهل الانسان ومين عالم تروح زي ما راح الانسان.

وغير كده الرسول وصى باننا منرفضش انسان اخلاق وتدين عشان شويه مديات لا حتقدم ولا حتأخر. وعمر ما في انسان بدا كبير كل شاب دلوقتي بيبني حياته بنفسه وانا يشرفني انه بيبني حياته بنفسه وده اكتر شئ عاجبني فيه لان الانسان اللي بيتعب في شئ بيحافظ عليه ويحاول يكبره اكتر واكتر. أما لو الحياه بدات من حيث ما انتهي الاباء فعمر ما الواحد حيحس بلذه الحياه. سبونا نبدا حياتنا زي ما انتم او الاجداد بداوها سيبونا نحس بطعمها عشان نحس بنجاحنا فيها. سيبونا نبنيها خطوه خطوه عشان نسعد فيها. وايه اللي الانسان يريده غير انه يبقي مع حبيبه؟ انا مش عارفه وصل لكم احساسنا بجد والا لا لكن احنا بنحب بعض جدا جدا فوق ما تتخيلوا عشان كده عايزين نبقي سوا ونبني حياتنا بنفسنا. ولا يمكن حنفرط في بعض ابدا ابدا لاننا كنا بندور علي بعض ولما صدقنا لقينا بعض مش حنستحمل حد يبعدنا عن بعض عشان شويه ماديات لا راحت ولا جت.

أنا معاكم في طلبكم في شقه وهو كمان بس الفكره في انه اساسا من القاهره ولما قلتوا شقه في اسكندريه ما اعترضش وقال حاضر شقه في اسكندريه علي الرغم ان محدش بيعمل كده المفروض البنت بتروح مع الراجل مكان سكنه. لكن هو عايز يرضيكم لابعد حد وعايز يعمل أي حاجه بس نبقي مع بعض. بعدها بقي فيه شروط للشقه ما تقلش عن 120 متر ولو لها اقساط من غير تسليم يبقي تخلصها وتفرشها وبعدها تبقي تفكر تتزوج. تفتكروا ده حياخد اد ايه عشان يقدر يعمله بالاضاقه انه بيفرش شقه هناك وحيجيب نفس اللي حيجي هنا وحيفرشها كلها لوحده ده غير انه بيحرم نفسه من حاجات كتير عشان يوفر القرش علي القرش عشان يقدر يجي بسرعه ونتزوج بسرعه. وكمان مش حنعيش فيها ويادوب حنجيها اسبوع او اقل كل سنه مره وعقبال ما ننزل خالص يكون كل حاجه باظت فيها من الركنه او متعجبهوش يجيب غيرها طب مش دي كلها فلوس علي الارض؟ وغير كل ده الكلام ده عايز له كام سنه عشان يعمله؟ وكل ده ليه العمر فيه اد ايه عشان يفضل كل واحد فينا في مكان وفي حرمان عشان شقه بيدفع فيها الالاف عشان ايه في الاخر ولا حاجه اسبوع كل سنه مره دا اذا رحناها. احمد مستعد يجيب فيلا مش شقه بس منغير ما يذنق نفسه يحوش براحته وبعد السنتين او الثلاثه واحنا سوا بمساعده بعض يجيب الشقه واكبر شقه وفي احسن مكان. لكن الصبر واحنا مع بعض ممكن نعمل كتير قوي. وبعدين الزواج ربنا امر به وزي ما بيقولوا تكمله نصف الدين ولما الانسان بيعمل شئ ربنا امر به ربنا بيكرمه ويفتح عليه. مثال اخته لما جت تتزوج زوجها كان جايب شقه صغيره غرفتين وصاله صغيره ودلوقتي ما شاء الله جت له شقه 4 غرف وريسبشن كبير و 2 حمام وحيستلمها كمان سنتين يعني محدش يبدا كبير. وحتي الاولاد لما بيجوا ربنا بيجيب رزقهم معاهم. وغير كده واحنا سوا حنساعد بعض واكيد حنحوش اسرع وحنحسن من كل شئ. مش بدل ما يتغرب سنين عشان يجيب شقه يدفع فيها كل اللي حلته وياعالم محدش بيضمن بكره مش يمكن بعد كل ده يحصل لا قدر الله شئ يضيع كل ده العماره تقع علي سبيل المثال او أي شئ ما اصل محدش ضامن لحظه من الان ولا حد ضامن عمره حيخلص امتي مش يمكن دلوقتي؟ مش يمكن بعد سنه؟ الله اعلم فحرام تحرمونا من بعض عشان شويه ماديات بجد حرام.
احمد انسان مكافح عايز كل حاجه تبقي من تعبه وعمله. وانا بحترم ده فيه، مستعد يعمل أي شئ بس نكون سوا. انا بقول الكلام ده عشان تحسوا انكم كده بتظلمونا احنا الاثنين بالضغط اللي فرضينه عليا وعليه.

مش انتم يرضيكم سعادتي انا سعادتي عارفه هي فين وانا مبقتش صغيره وفاهمه كويس اختياري ايه ومقتنعه تماما به. خلاص مدام يهمكم سعادتي واكيد انا اللي حرتيبط وانا اللي حتحمل اختياري يبقي خلاص سبونا نكمل طريقنا سوا نبدأه سوا ونكبره سوا انا راضيه اكون معاه لو حتي فين معنديش أي شروط بس اكون مع الانسان اللي قلبي وعقلي اختاره وقلبه وعقله اختارني.
الشقه وضعها يعتبر مؤقت في حين اننا مش حنعيش هنا وهو عنده شقه 3 غرف وصاله وبما انها مؤقته يبقي ممكن يفرشها مؤقتا وبعد سنتين او ثلاثه واحنا سوا نحوش ونجيب شقه اسكندريه ونفرشها وننقل فيها عشان لما ننزل نهائي نقعد فيها ان شاء الله. وده انسب حل لموضوع الشقه مادام لازم يكون في شقه عشان لما ننزل نقعد فيها يبقي خلاص شقته موجوده مؤقتا لحد ما ربنا يفتحها علينا ونجيب شقه اسكندريه لكن كون انه يفضل متغرب سنتين او 3 عشان يجيب شقه بيحوش فيها لوحده وهو اصلا عنده شقه وحيفرش مرتين هنا وهناك ده يبقي حرام وربنا ما قالش كده وهو في الاخر شاب وبيبدا حياته وكويس انه عنده شقه واهي حل مؤقت لحد ما ربنا يسهلها. احمد مش كسول بالعكس ده مكافح وحلوم جدا ومفيش حلم بيحلمه الا لما بيسعى وراه ويحققه ولما يقول انه حيعمل شئ بيحاول يعمله وباذن الله بيوصل له. بدليل اول ما راح السعوديه كان ايه ودلوقتي بقي ايه عاني كتير وتعب كتير واصر انه يحلم ويحلم وفعلا وصل لاحلام كتير جاب شقه له بدل ما كان قاعد في غرفه جاب عربيه وشغله اتحسن كتير يعني الانسان بيكبر وحده وحده محدش بيبدأ كبير. واحنا الاثنين زي بعض واحلامنا كتير زي أي شباب طموحه انها توصل لأحلامها. واحنا اكبر حلم لنا دلوقتي اننا نكون سوا باسرع وقت لان مفيش معني للانتظار سنوات احنا نعمل حياتنا بنفسنا ارجوكم ساعدونا نكمل دينا ونبقي سوا ارجوكم.

يا ريت تفكروا في كلامي وتحسوا بنا اتمني الجواب ده يكون وصل ذره من اللي جوانا. ومتتسرعوش في رايكم ارجوكم حسوا بنا.

ابنتكم....

يتبععععععععععععععععع

ايه الحكايه محدش بيدخل علي الموضوع والا ايه؟ مش لاقيه تشجيع يعني كبير طيب عقاب مش حكمل لمده يومين لما نشوف الناس راحت فين بقي

انتى بتعاقبينى انا بئة
اصل انا الوحيدة تقريبا اللى بدخل الموضوع

e_walaa:
انتى بتعاقبينى انا بئة
اصل انا الوحيدة تقريبا اللى بدخل الموضوع

ليه كده مع انك عامله دعايه والناس كتير كانت بدخل في الاول ايه اللي حصل؟

مليش دعوه بقي

انين المشاعر.....ليه وقفتي انتي كمان؟؟؟؟؟انا متابعاكي وعندي حالة ذهول شديدة لان كل كلمة وكل حرف وكل موقف حصل معاكي حصل معايا.....وجوزي حبيبي اسمه احمد برضه
واهلي غلبونااااااااااااااااا عشان بس يتفبلوا الموضوع لنفس السبب ولما يعني قبلوا النقاش طلبوا الشقة برضو بس احنا عملنا حل وسط لان منين هيجيب هو شقة وهو كان لسة مسافر وبرضو بيفرش شقة برة وفنفس الوقت بيحوش مصاريف الفرح....ربنا هدانا نحجز شقة بالتقسيط

والله العظيم ان الدعاء نعمة كبيرة من الله انا عاوزة اقولك ان ابويا وامي مكنوش بيطيقوا يسمعوا سيرة الموضوع دة كنت دايما ادعي "اللهم سخر لنا قلب ابي وامي كما سخرت البحر لموسي والف مابين قلوبهم وقلبه"
حسيت فعلا ان الدعاء دة ربنا استجابه مني يوم ماجيه هو واهله وساعتها لقيت بابا قمة في التساهل قاله بلاش مهر...والشبكة الي زوجي قال عليها محدش زود عليها مليم سبحان الله

بس بجد انتي حكايتك نسخة طبق الاصل من حكايتي....فكرتيني بالايميلات والمسجات اللي كان قلبي بيقف فيها مع كل حرف بقراه
ربنا كريم.....يارب يتمم لكوا بخير
يالا كملي ياقمر

قلب العصفورة:
انين المشاعر.....ليه وقفتي انتي كمان؟؟؟؟؟انا متابعاكي وعندي حالة ذهول شديدة لان كل كلمة وكل حرف وكل موقف حصل معاكي حصل معايا.....وجوزي حبيبي اسمه احمد برضه
واهلي غلبونااااااااااااااااا عشان بس يتفبلوا الموضوع لنفس السبب ولما يعني قبلوا النقاش طلبوا الشقة برضو بس احنا عملنا حل وسط لان منين هيجيب هو شقة وهو كان لسة مسافر وبرضو بيفرش شقة برة وفنفس الوقت بيحوش مصاريف الفرح....ربنا هدانا نحجز شقة بالتقسيط

والله العظيم ان الدعاء نعمة كبيرة من الله انا عاوزة اقولك ان ابويا وامي مكنوش بيطيقوا يسمعوا سيرة الموضوع دة كنت دايما ادعي "اللهم سخر لنا قلب ابي وامي كما سخرت البحر لموسي والف مابين قلوبهم وقلبه"
حسيت فعلا ان الدعاء دة ربنا استجابه مني يوم ماجيه هو واهله وساعتها لقيت بابا قمة في التساهل قاله بلاش مهر...والشبكة الي زوجي قال عليها محدش زود عليها مليم سبحان الله

بس بجد انتي حكايتك نسخة طبق الاصل من حكايتي....فكرتيني بالايميلات والمسجات اللي كان قلبي بيقف فيها مع كل حرف بقراه
ربنا كريم.....يارب يتمم لكوا بخير
يالا كملي ياقمر

والله فرحتيني يا قلب عصفوره بجد لاني لقيت حد حس باللي انا مريت به وعشان خاطرك حكمل القصه

علي فكرو برضو كتبت جواب لماما

قلب العصفورة:
علي فكرو برضو كتبت جواب لماما

بجد؟؟؟؟ ده احنا كده لازم نبقي صحاب بقي

نسيت اقول لكم ان ماما اول ما عرفت بموضوع احمد وصت زوج واحده صاحبتها بيشتغل هناك في نفس المجال انه يتابع احمد ويشوف تصرفاته واخلاقه وهكذا... الراجل الصراحه كان مطلع عينه كل شويه يكلمه يقول له انت فين وبتعمل ايه وليه ويعمل له تحقيق علي كل حركه وكل مكان يروحه وفضل الموضوع ده مستمر مده طويله وكل ما احمد يطلب منه انه يقابله لان دي مش طريقه الواحد يعرف بيها شخصيه انسان وهو كان بيتهرب منه بعد مده طويله قوي لما رضا يقابله واللي حصل انهم بقوا صحاب جدا يتغدوا مع بعض ويتعشوا مع بعض ويخرجوا مع بعض والراجل حبه جدا وقال له ان شاء الله انزل معاك اجازه وابقي ولي امرك وانا حتكلم واقول كل حاجه وانت ملكش دعوه والله والله لو والدها كان اخويا كنت قلت لك اعتبرها بقت مراتك. ووصاه بدعاء ندعيه احنا الاثنين في كل وقت وخصوصا مع الافطار في رمضان (اللهم جمعنا علي خير وارزقنا تقواك في السر والعلن)...

بعد ما ماما قرت الجواب كلمت اختي من الشغل علي المسنجر (اختي كانت عارفه الموضوع كله وكنت قريتها الجواب قبل ما اسيبه) قالت لي ماما تنرفزت جدا بعد ما قرات الجواب ووقتها كانت بتكلم عمتها تحكيلها علي اللي حصل وعمتها كانت بتقنعها انها تمشي الموضوع وملوش لازمه الضغط علينا اكتر من كده. الجوب كان له عامل كبير ووصل لها فعلا اللي جوانا وخصوصا اللي جوايا وحست اد ايه احنا متعلقين ببعض ولا يمكن نسمح بحد يبعدنا عن بعض ابدا.
بالليل نادتني وقالت لي انا مش ضدك عيزاكي تفهمي اني عايزه مصلحتك وبدور علي مستقبلك ولاز يبقي لك شقه عشان لما تنزلوا اجازه تلاقي حته ترحوها وبعدين افرضي حصل حاجه ونزل غصب عنه متلاقوش حته تروحوها؟ لازم يكون لكم بيت ويتفرش وتحطي شوارك فيه. يمكن كلامها منطقي بالنسبه لتفكيرها المهم اخر الموضوع قالت لي انا مستعده اني اجيب لكم الشقه عشان ميكونش في ضغط عليه او اساعده فيها ويبقي النصف بالنصف طبعا قلت لها احمد استحاله يوافق علي حاجه زي دي ابدا قالت لي ده اللي عندي كده يا اما تنتظروا بقي لما يحلها ربنا.
طبعا لما فاتحت احمد بالموضوع ده اضايق جدا ورفض حتي اني اكمل كلامي وقال لي استحاله حد يساعدني في حاجه ده انا طول عمري حلمي اني اعمل كل حاجه بنفسي الشقه وفرشها وكل حاجه والعروسه متعملش اي حاجه ودلوقتي انتي مش مجرد عروسه انا عايزك انتي حتي منغير شنطه هدومك. وفي يوك كلمني وهو متضايق جدا وصوته بيموت وقال لي قولي لماما انا مش حتجوز غير بامكانياتي هو ده اللي عندي......
ووصلت الكلام ده لماما وهي قالت لي وايه امكانياته شقه غرفه وصاله ؟ الكلام ده انا لا يمكن اوافق عليه وانا حموت واقول لها ان شالله غرفه واحده بس انا موافقه بس اكون معاه حسواااا بيياااااااا...
وفي يوم ماما كلمته وحاولت تقنعه برايها وهو ابدا مش موافق خالص ان يتجوز في شقه مراته. وحاولت اكتر من مره اتكلم معاه مش موافق ابدا.... جالي شبه انهيار ورحت الشغل وانا مش قادره مقدرتش اشتغل وطول الوقت دمعتي علي خدي وكل ما حد يكلمني اعيط اعمل ايه يا ربي بس اعمل اييييييه............

يتبععععععععععععععععع

انا عرفت زوجى عن طريق احدى الافراح كنت فى الفرح دة ومامته كانت هناك فشافتنى وتانى يوم لقيت اخو زوجى بيتصل باخويا وبيعرض عليه الموضوع المهم جه وشفنه بعض وحصل نصيب بعد الخطوبه اخويا شاف اخته وعجبته قام خطبها هيا كمان يعنى انا واخويا متزوجين اثنين اخوات

وفاء حبيشى:
انا عرفت زوجى عن طريق احدى الافراح كنت فى الفرح دة ومامته كانت هناك فشافتنى وتانى يوم لقيت اخو زوجى بيتصل باخويا وبيعرض عليه الموضوع المهم جه وشفنه بعض وحصل نصيب بعد الخطوبه اخويا شاف اخته وعجبته قام خطبها هيا كمان يعنى انا واخويا متزوجين اثنين اخوات

ماشاء الله ربنا يكمل لكم علي خير

يلا يا انين كملى متعمليشفينا زى هدى
رانيا مستنين حكايتك يمكن نقدر نفيدك

والمره دي حكمل عشان خاطر نانا....

بعت له رساله وقلت له تعالي عايزه اتكلم معاك علي النت شويه... فعلا جه وقعدنا نتكلم حوالي 4 ساعات قسمت المبلغ اللي معاه واللي حيبقي معاه علي ميعاد نزوله عشان اشوف الوضع ايه وامكانياته ايه بالظبط. جينا نشوف لقينا انه لو دفع المبغ اللي معاه في مقدمه الشقه يبقي كده لا حيجيب شبكه ولا دبل حتي وغير كده المبلغ مش حيكفي مقدمه لشقه فلازم يعمل سلفه من الشغل ولو ده حصل يبقي لازم يسددها من خلال الشهور اللي بعد كده ده غير دفعات اقساط الشقه اللي حيبقي عايز يدفعها غير كمان انه عليه الاجهزه الكهربائيه والمطبخ هنا ده غير الفرش الكامل لشقه السعوديه طبعا الموضوع طلع دماااااااااااار فرجعت اكلمه في الحل التاني بتاع ان ماما تجيب الشقه الاول رجع يقول لي لا متتكلميش في الموضوع ده تاني لو سمحتي ده موضوع مرفوض نهائيا.
قلت له طب اسمعني للاخر وبعد كده رد الله يخليك : دلوقتي الشقه بقت العقبه دلوقتي وماما حلتها وانت المره دي اللي بتعقدها طيب هو احنا حنلحق نقعد فيها اصلا؟ طبعا لا هي في الاخر حتصفصف علي اسبوعين والا اسبوع بالكتير كل سنه مره ويا سيدي نبقي نحوش واقرب فرصه انقل علي شقه تانيه. اعتبرها كبري عشان نوصل لبعض يعني عجبك الشحططه اللي احنا فيها دي حرام عليك بجد حرام عليك انا مبقتش قادره خلاص انا لما صدقت ان الوضع اتصلح شويه من ناحيتهم ربنا يخليك عشان خاطري لو بتحبني وافق ارجوك ارجوك...
يتبععععععععععععععععع