ازاى عرفتى خطيبك ؟؟؟؟؟؟

الرائعة جدا:
لالاللاااااااااااااااااااااااااااااااااااااااااااااااااااااااااااااا مش حرام
تعذبينا

انتي مجرمة كملي خلاص انا مش هاصبر اكتر من كدا .......................
تعرفي انا بحب المصريات لان عندهم شوية حرية مش زيينا احنا يالخليج
انا سعودية لو تعرفي ازاي تمت خطوبتي حتوقلي واوووووووووووووووووو على التخلف
وحتبكي عليا اوووي بس ربنا يكتب اللي فية الخير دائما يارب ................
انا كنت طالعة للبر مع عمي واهلة وطبعا انتي تعرفين اهل السعودية في شتاء لازم بر
المهم في الليلة الثانية من عيد الاضحى والجو مووووووت من البرد وانا ارتعد وانا رايحة اجيب اغراض من السيارة لحقتني مرت عمي وهات ياتبويس ومباركة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والف مبروك ......لوووووووووووووووووووووووووووووووووووششششش
وانا فاتحة فمي وعلامة تعجب كبيرة كبر الصحراء اللي حنا فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قالت ان ابوي الله يخلية لي اعطاهم الموافقة قبل شوي على خطبتي لولدهم ولما قلت لها متى تكلمتوبالموضوع قالت لنا شهرين خاطبين اوووووووووووووووووووووووووووووه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

العروس سوسو:
جميل موضوعك



لما تخرجت من الجامعة كانت نفسيتي محطمه وتعبانه جدا لان صديقاتي تفرقوا ، وما قعدت بالبيت دغري نزلت ادور على شغل واثناء وانا بدور على شغل قررت آخذ دورة في الترجمه ( بما ان تخصصي ادب انجليزي) وفعلا رحت اسأل عن مراكز تعطي هالدورة واذا بوالدي الله يحفظه يقترح علي اروح على شركة لتكنولوجيا المعلومات تعطي دورات ICDL للموظفين عنده في البنك ..

وفعلا رحت اسأل وأدفع للشركة وكنت قد تعرفت على موظفه العلاقات العامة في الشركة وكنت اظنها في الاول انها هي المعلمة ايلي رح تعطيني الدورة ولكن لما دخلت عندها على المكتب علشان ادفع كان المهندس ايلي رح يعطيني الدورة جالس يقرأ جريدة على مقعد خلفي وانا ما كنت منتبهة ان في احد غيرها في الغرفة ...

سألتها متى بتبدأ الدورة ؟قالتلي ما عندي علم اسألي الاستاذ ايلي رح يعطيكم اياها !! انا طبعا استغربت لاني كنت اظن انها هي استاذه واذا بها تأشرلي على الاستاذ ايلي جالس خلفي وتقولي أعرفكم على بعض ، هذا المهندس فلان مهندس كمبيوتر وهو استاذك ان شاء الله ..

نزل الجريدة من على وجهه واول ما شفته حسيت نفسي مصدومة ومثل كأنه لطشتني كهربا !! كأني بعرف هالشخص ولاشعوري قولتله تشرفت و زحت وجهي بسرعة عنه حتى ما اعطيته مجال يرد ولا يتكلم ..

كان هذا اول لقاء:)

الدورة استمرت 3 شهور وفي آخر الدورة كنت حابه اتدرب طباعة على الكمبيوتر ورحت على موظفة العلاقات العامة وقولتلها قالتلي ما في مانع ممكن ندربك وكان استاذي نفسه هو ايلي رح يدربني وفعلا قعدت شهر اتدرب عنده وكانت علاقتنا استاذ وطالبه ولكنه كان شهم جدا معي وكان اهتمامه واضح لجميع الموظفين ايلي ما كنت اسلم من حركات الهمز واللمز بينهم كل ما تكلم معي او سألهم عني ..وكنت كل يوم اتعلق فيه واحس نفسي مو حابه اترك الشركه ولا اروح على البيت ..ولما اصعد الاصانسيل واقترب من باب الشركة احس قلبي بيطلع من صدري وانا مستغربة من نفسي واحاول اهدي نفسي واقول يا بنت مالك هذا استاذك ... استاااااااااااااااذك وبس ( مع العلم انه اكبر مني بسنتين فقط 25سنة ووسيم ) :)

آخر التدريب طلب مني اسلم له واجب وهو اني اقوم بطباعه كتاب او صفحة او قصة او اي شيء واسجل الوقت ايلي استغرقته واسلم له الواجب ثاني يوم..

رحت على المكتبة وبحثت بين الكتب ووجدت رواية لنجيب محفوظ الله يرحمه كان اسمها ( قلب الليل )

واثناء وانا بطبع خطرت في بالي فكرة وكنت والله العظيم مثل المنومه مغناطيسيا .. وكأني لحظتها اعترفت لنفسي بالشيء ايلي كنت احاول طول فترة 4 شهور انكره وهو اني بحبه وما رح اقدر ابتعد عنه وكنت حاسه بانفجار في صدري اذا ما اخرجت ايلي في قلبي

رحت أحط خط تحت كلمات متتاليه ومتفرقة في الرواية بحيث اذا قرأها احد يطلع معاه جمله مفيدة وجملة ورا جملة تكونت رسالة وهي كالتالي مع العلم انه كان دايما يشرب قهوة ويدخن سيجارة :

(( أتفحصه بإهتمام ومودة ثمة أشياء لا تنسى القهوة والتبغ صوته الخشن هدوءا باسما المسألة واضحة جدا اني في مسيس الحاجة الى أكثر من صديق أمل لا يمكن أن يتحقق هذا جنون
توثقت العلاقة ثمة أشياء ظاهرة وباطنة جذبتني اليه أود ان أعرف سبيلك اني اعني ما اقول فاني أكره القيود ،والاحلام لا تمتد لها يدي ولا أدري ماذا أقول فعندما يشتعل في قلبي الكلام والعواطف سرعان ما تختفي أريد أن أحدثك عن الحب لا تسخر مني ما وجدت الى ذلك سبيلا لم تكن في الحسبان وتماديت في اصراري وانقبض قلبي لأول مرة كنت في حيرة شاملة انه يجلس ذو نظرة هادئة مستقرة تبادلنا نظرة فلم أقرأ في عينيه ما أريد ان أكتشف
لقد شرحت لك بلهفة المحبين وانا في غاية من الارتباك والحيــاء تجلس على كرسي لترعاني من بعيد لذلك سرورا لا مزيد عليه ... ))

وخلاص .. ثاني يوم سلمته الواجب وكان يوم خميس وقلتله اني يوم السبت القادم رح يكون آخر يوم لي في التدريب .. وانا ما كنت متوقعه انه يخطر في باله يقرأ الكلمات ايلي تحتها خط ولا حتى يلتفتلها .. ولكني لما رجعت البيت ما عرفت انام وقلت انا اكيد مجنونة ليش ما مسحت الخطوط ، واذا قرأها شو رح ياخذ عني فكرة !!وكنت بصراحة خايفة جدا..

والمفاجأة انه يوم السبت لما رحت علشان اخلص فترة تدريبي قعد معي في القاعة وقالي انه ما قرأ الواجب لانه ما كان عنده وقت وانا فرحت ولاشعوري اخذت ال Floppy منه بسرعة وقلتله احسن خلاص..
طبعا هو قالي ليه ما بدك اياني اقرأ واجبك ؟؟ خلاص هاتيه مرة ثانية رح اقرأه .. ولكني ما رضيت وصممت ما ياخذه .. ولكنه قالي ما رح اخليكي تنهي فترة التدريب اذا ما عطيتيني الفلوبي واعطيته اياه وجلست ارجف في محلي ... بعدين اعترف وقالي بصراحة انا قرأت الفلوبي ولكن كنت حابب اشوف ردة فعلك .. مافي داعي للخوف !ومرة وحده سألني : انت بتحبيني ؟؟
ما جاوبت وعيوني دمعت غصب عني لاني كنت خايفة جدا وأعصابي بتخرب ..

ولكن هو صارحني بمشاعره وقالي انه حبني من اول يوم دخلت فيه الشركة وانه كان متردد وكان يكبت مشاعره لانه غير مستعد للارتباط ولا بحب يعلقني فيه ويتركني ، بالاضافة لانه عيلتنا حالتها الحمدلله فوق الريح وحالته عادية وكان يخاف من التقدم والمجازفة .. وبعد هالكلام قالي انا رح اشوف والدك بكرا اعطيه خبر اني باجي عليه عالبنك واقابله ..

وطبعا لما رحت عالبيت وقولت لأمي مبسطت :) وقالتلي كلمي والدك ولما تكلمت مع والدي طبعا انجن وصار يصرخ ويقول شو سبب انك موافقه على هالشاب؟؟ لا وكمان امك موافقه ؟؟!!! رفضتي كل ايلي سبقوه ووافقتي عليه حتى قبل لاشوفه !!

ورفض مقابلته وحلف ما بزوجني ابدا ( مع العلم انه كان في موضوع خطبه قبل لتقدملي باسبوع ووالدي كان رافض العريس الثاني بشده بسبب انه من عيلة معينة مع انهم عيلة لها مركز يعني موضوع خاص ) وطلع كل غضبه على استاذي ( زوجي ) وطبعا هذاك اليوم غضب والدي لدرجة اول مرة اشوفها وكان مستعد يقتل اي احد في طريقه وتقاتل هو وامي..
وانا طبعا ما تحملت وصار عندي انهيار عصبي .. واستمرت الحالة علي لآخر الليل وفي هالاثناء هدأ الجميع وقالي والدي خلاص قولي للشاب يجي انا موافق اقابله ...طبعا بعد هالمقاتل كلها قولتله لا لا خلاص ما بدي اتزوج وهو صمم يشوفه ويقابله..

قابله ثاني يوم والله العظيم ابوي حبه اكثر مني :) ورجع يمدح فيه ويقول الشاب عاقل ومحترم وشخصية وسأل عنه واعطى الموافقة .. بعد باسبوع كتبنا الكتاب وطبعا كان شرطه اني ألبس الحجاب وانا وافقت ولبسته ...

وهلأ احنا مالكين من سنة ونص وعرسنا كمان 12 يوم ...


ادعولي يا بنات الله يوفقكم

روح الوفا:
الله يوفقكم ومبروك الكم
مشا ءالله كلكم مخطوبين عن حب
عقبالي يارب
ادعولي ان ربنا ينولني اللي ببالي