حوامل شهر يوليو 2007

شخباركم يا بنات وحشتوني وشخبار النساة وياكم مدوختكم اكيد :sad:
الله يساعدنا عليها يارب

بس حبيت اسألكم ولا تطنشوني
اخر دورة لي كانت تاريخ 12/10 ، وتزوجت تاريخ 26/10 وحملت على طول
سؤالي حملي ينحسب من اخر دورة (يعني قبل زواجي؟؟؟) او من تاريخ زواجي
وسؤال ثاني لاختي احلى شهد تراجعين عند اي دكتورة لأني بصراحة محتارة ؟ وسوري على الفضول
ومشكورات

مراحب شلونكم؟؟

انا النساه لوووووعه ذابحتني

السلام عليكم ورحمه الله وبركاته


هلا بأختنا كربلا


أختي بتلقى ناس خايبين بس مو مثلي خخخخخ اتصدقين اني للحين ما رحت أراجع دكتوره معينه


بس كل اللي سويته رحت المركز عندنا وسولي أشويه تحاليل وعطوني موعد متاخر نوعا ما

بس لو حسيت بشي مو طبيعي أكيد أول شي براجع الدكتوره ولكن لحد الأن كل شي ماشي تمام

مشكورة شهد
بس مو بس انتي كسولة آنة اكسل منش للحين مارحت مكان ولا حتى خذت موعد في المركز بس سويت تحليل
شفتي اني فزت عليش وطلعت اخيب منش:cool2:

ههههههههههههه صدق غلبتيني


الموهييييم


بخبركم عن حالي والحمد لله ((( آخر تطوراتي )))


أعتبر حاليا انا بالأسبوع الحادي عشر



1_اللوعه قلت بشكل لا بأس به

2_ الروائح اللي كنت أكرهها صار الموضوع عادي

3_ أحس نفسيتي افضل عن قبل بشكل حلوووو

4_ ألالام الظهر خفت بشكل بسيييط

5_ صرت آكل أكثر عن قبل

6_ الشي الحلو اني زادت نسبه شربي للماي

7_ أعتني بشكلي ومظهري ومدلله نفسي خلال هالشتويه





وحاليا أنتظر بفارغ الصبر حركه البيبي مع اني ادري ان هالشي مو الحين وباقيلى عالأقل

شهر عشان اقدر اتحسس البيبي بأحشائي

اللهم صلي على محمد وآل محمد





كيفكم ياحوامل وش هي آخر تطوراتكم

اللهم صلي على محمد وآل محمد





بما أن محد يدش الرابطه بقعد أسولف لحالي خخ



اليوم اللوعه ردت على أكثر عن قبل مدري أشفيها ما بغت تخف إلا وترد وزووود


الله يكووون بعوني

الله يكون في عونج اختي ام شهد كلنا نعاني من اللوعة

مشكووووره أحلى أم عالدعوه الحلوه والله يكون بعون كل حواملنا





وينكم يابنات ياحوامل وين سوالفكم



حبيت أسأل الحوامل عادي اشرب بندول أكسترا

هلا بحواملنا الحلوين شخباركم
انة اللوعة ذابحتني بس الحمد لله ان شهيتي مفتوحة مو مثل قبل اكيد بس آكل ... وكلة ادور الحوامض وطايحة طيحة في اللوز والصبار والتفاح الاخضر..

شهد بالنسبة للبندول مافي منة مضرة بس لا تكثرين ولا تشربين الا وقت الضرورة القصوى انة الدكتورة قالت لي جذي لما سويت تحليل

ويالله نشوفكم مع اخر التطورات على خير

مرااااااااحب باحلى رابطه

انا الحين في الاسبوع العاشر

مستانسه حيل لما دخلت الثالث

احس الاسبوع هذا خفت اللوعه شوي


وبديت اهتم بنفسي شوي

بس اللي استغربته انه توني بادي فيني الم الظهر
اللي اسمعه ان الظهر يكون في اول الحمل

اتصدقين اني للحين ما رحت أراجع دكتوره معينه


بس كل اللي سويته رحت المركز عندنا وسولي أشويه تحاليل وعطوني موعد متاخر نوعا ما

بس لو حسيت بشي مو طبيعي أكيد أول شي براجع الدكتوره

اختي احلى شهد والله غلطانه ومقصره يعني اذا جاك شيء موطبيعي فكرتي في البيبي

حبيبتي لازم تروحي انتي والاخت كربلاء

حبيت أسأل الحوامل عادي اشرب بندول أكسترا

اختي ابتعدي عن بنادول اكسترا
واستعملي البنادول العادي الابيض



طمنوني عليكم واتمنى الاستمرار

هلا بمسلمه كيف الحال



الله يزيد الوناسه يارب شكلنا كل مابندخل شهر بنشق الحلج من الونااااسه



أكيد شي طبيعي بكل الحوامل



إنشالله أختي راح أشوف لي دكتوره زينه وراح اتابع عندها عن قريب



بالنسبه للبندول كنت مصدعه ومو قادره وعلبه البندول بيدي بس قاومت عشان البيبي


وفى أمان الله

السلام عليكم ورحمه الله وبركاته



كيف الحال لكل حواملنااااا



شخباركم ويه الحمل طمنونا شو أخر التطورات




الحمد لله نفسيتي مستقره



ولكن عندي الم يجيني تحت بطني يصير مثل الشد العظلى



وهذا غير عن الأمساك وانتو بكرامه بالرغم انه للحين ما بديت اشرب حبوب الحديد



وصايره هاليوم من مدمنى الكوفي والكابتشينو والكاكاو بالذات ناتولا

حواملنا شخباركم وشخبار وحامكم عسى يمر على ألف خيييير





كيف حالكم أشوفكم ساااااكتين ومحد يدش هالرابطه












ونلقاكم على خير

مراحب بالجميع


أمس رحت المستشفى وعملت كارت الحمل ، الدكتورة قدمت موعد ولادتي بواقع أسبوعين عن الحسبة اللي حسبتها لي أختي مرموم واللي أنا شخصيا متأكدة منها .. ناقشتها وخبرتني إنهم إحتياط تخيلوا !!!!!

المهم أنا اليوم دشيت شهري الثالث ولله الحمد ، وإلى الآن لا مشاكل تذكر ( قولوا بسم الله ) .. بس صايرة أنام وايد في حملي السابق ما كان كذا بس يالله من حمل لحمل يختلف ...

هاه وش أخباركم إنتوا ؟؟

السلام عليكم ورحمه الله وبركاته



أم المهند كيف حسبوا لك اسبوعين قبل معقوله


أظن اختي اذا كان جذي موعدش المفروض دشيتي الثالث من كام يوم



المهم مو بس انتي اللي اتنامي واااجد خخخخخ عندش اختش أحلى شهد دوووم في الفراش


ساعه نايمه وساعه قايمه والبررررد يحبب لي النوووووم ههههههه

هلا باخواتي
شخباركم؟
اختي ام شهد انا مثلك ذابحني الامساك <<<الله يعزكم وصاير ينزل احيانا دم؟؟
الله يستر بصراحه اول مره يصير معي كذا (حملي الثالث)
ان استمر معي راح اقول للطبيبه في الموعد الجاي عشان تعطيني علاج
الله يعين

هلا حبابيبي
شو اخباركم واخبار الحمل معاكم .......
متى نعرف جنس البيبي في اي شهر ........

صباح الخير للجميع

شهودة حبيبتي الظاهر إن الدكتورة مخرفة وأنا عموما ما أخذت بكلامها ع الرغم من إني حاولت أفهمها وأحسب وياها بس هي أصرت إن ذولي الأسبوعين ينحسبوا ..

أنا تاريخ ولادتي المتوقع حسب التبويض آخر شهر يوليو وهي حضرتها تقول منتصف يوليو ..

ما أدري والله العالم ربي .. الأحلى إني راح أولد في إجازات المدارس يعني ما راح أشيل بال طويل للمهند ومذاكرته وراح أتفرغ بحول الله للبيبي الجديد .

ووناسه:
هلا باخواتي
شخباركم؟
اختي ام شهد انا مثلك ذابحني الامساك <<<الله يعزكم وصاير ينزل احيانا دم؟؟
الله يستر بصراحه اول مره يصير معي كذا (حملي الثالث)
ان استمر معي راح اقول للطبيبه في الموعد الجاي عشان تعطيني علاج
الله يعين

هلا بوناسة حبيبتي إنتي بأي أسبوع ؟؟

الله يعينك ع الإمساك إكلي خضروات وشربي وايد ماي عسى يجيب نتيجة

الله يشافيك