حوامل شهر يوليو 2007

اختي بنت الشيخ انتي بعدي بيومين
اتوقع موعد ولادتك 27/7/2007

بنت الشيخ وبعدي انا بيوم ..الله يثبت حملنا

وينكم ياامهات يوليو؟؟؟؟؟؟؟؟؟؟؟؟؟؟؟؟؟؟؟؟؟؟؟؟



بسألكم تنزل عليكم افرازات؟؟وشنهي لونها؟؟؟؟؟؟؟؟؟وحد سأل الدكتورة عنها؟؟


ويلا عاد بلا دلع نبي تفاعل

انا بعد وياكم انا ان شاء الله ولادتي في 2-7-2007
والله يتمم على خير ان شاءالله
انا اخذ حبوب الفوليك اسيد واخذ حبوب المثبت الدافستون واخذ حبوب بيبي سبرين عن التجلط في المشيمه والله يتمم على خير يااااارب
الوحام الله يسلمكم اكره غرفتي كره كره مو طبيعي واحس دائما ريحتها خايسه طيرت نص البخور اللي عندي بس تروح الريحه احس خايسه مره ثانيه
ماظل ريحه مارشيتها
بس يالله الحمدلله على كل حال وبعد زووووووجي مسكين ماحب اقرب منه
يالله الحمدلله


دمتم سالمين
اختكم شريفة

هلا بحواملنا أشوف الكل يتكلم عن هالوحاااااام الله يساعدنا ويصبرنا عليييييه



عن نفسي التعب كل ماله يزيد واللوعه مازالت عندي وما أحب الروايح بالمره


والتفرييييغ صااااار عندي شي اساسي


وبالنسبه للحبوب اللي عطوني اياها بس الفوليك أسيد لا غييير


ها بنات شخباركم بعد

السلام عليكم ورحمته وبركاته

انا عضوه جديده بالمنتدى اشتركت خصوصي لاني تصفحته من قبل وعجبني قسم الحوامل بما اني حامل المهم يابنات انا عطوني موعد ولاده 24\7بس لحد الان ماتابعت مع دكتوره ولارحت للمستشفى الا حق التحليل مال الحمل وخايفه لاني مااخذ الفوليك اسد وحابه اعرف المفروض متى ناخذها الحبوب يعني وبعدين ابي اعرف انا اللحين باي اسبوع اخر دوره كانت 17\10 والله يسهل علينا جميعا ويرزقنا باللي نتمناه ويكونون بصحه وعافيه

السلام عليكم ورحمه الله وبركاته


أختي موتي ولا حزن زوجي مبرووووك عليش الحمل والله يثبته يارب وحمل ميسر بأذن الله


شوفي أختي هالرابط تقدري تعرفي فيه بعض المعلومات المهمه اللي راح


تعطيش اياها أختنا الغاليه مرموم وراح تعرفي انتي بأي أسبوع فلا يفوتش هالرابط


http://www.3roos.com/forums/showthread.php?t=107515



واما عن الفولك أسيد فالناس تاخذه من بدايه الحمل على طول واللي يخطط للحمل بعد ياخذه




فنصيحه مني أتلاحقي على عمرش وروحي للدكتوره تكتب لش اياه

مراحب حبايبي

رحت للدكتوره وقالت النبض كويس
بس احس اني خايفه مدري ليش
وعطتني موعد بعد اسبوعين

اللي اعرفه ان المواعيد تكون بعد شهر ؟

عشان كذى خفت

وسالتها عن الافرازات وقالت الحامل لازم تقول كل شيئ للدكتوره

خذت مني مسحه وسوت تحليل
وقالت فيه التهاااااااب ووصفت لي مضاد

الله يثبت هذا الحمل
واياكم حبايبي

وطمنوني عنكم

وانصح كل وحده انها تراجع مبكر

خااااااااصه البكر

صباااااح الخير بنات عساكم طيبين



مسلمه وافتخر صدقتي لازم الوحده تراجع مبكر عشان تتطمن ولو في افرازات يكون علاجها مبكر



@@@@@@@@@@@@@@@@@2



ها بنات شخباركم ويه تعب الحمل ؟؟؟؟؟

كيفكم بنات

أولا مبروكيين الحمل والله يسهل عليكم أيامه وأسابيعه وشهوره بسلااام آمييين يا رب

الحمد لله إني حصلت رابطة الشهر اللي بإذن الله راح أولد فيه

أنا موعد ولادتي بإذنه تعالى يوم 30/7/2007 <<<<<< شكلها آخر وحدة في الرابطة

والحين تبارك الرحمن دشيت 6 أيام من الأسبوع السابع يعني لسه ما كملت الشهر الثاني والله يتمم علي هالحمل ويثبته قولوا آمييين لأنه جا بعد معاناة تأخر فوق ولدي المهند بـ 6 سنوات ..

بالنسبة لتعب الحمل ما فيه شي إلا النوم .. صرت أحبه بجنوون حتى إني في الدوام ساعات تمر علي لحظات أنعس فيها بدون ما أحس هههههههههه الله يستر وما أنكشف لأنه لحد الحين محد داري بموضوع حملي ..

بالنسبة للوعان الحمد لله وبفضل إطلاعي على مواضيع الحمل وتثقفي فيها ( نوعا ما ) صرت أتجنبه بالنصائح اللي أقراها وبالفعل أتبعها أول بأول يعني مثلا موضوع تقسيم الوجبات ل6 وجبات في اليوم بدال 3 وجبات كبيرة ريحني كثير بصراحة ، وثانيا أتجنب المقالي والدسم بأنواعه ، حتى الحليب بعد ما كان يلوعني في أوقات غير الحمل صرت أشربه وأنا متقبلتنه في فترة الحمل وكله عسب الفايدة وربي لي وللي ببطني وأشرب منه قليل الدسم وهذا بحد ذاته يخفف اللوعة لأن الأطعمة والمشروبات الدسمة هي اللي تسبب غثيان ..

وإسمحوا لي هاي بدايتي وطولت عليكم ..

ياهلا وغلا في كل اللي انضموا لنا

الله ييسر لنا وتمر الشهور على خير


اختي مسلمة وافتخر انا مثلج امس فاحصين لي النبض وميته خوف وسواس غييير طبيعي مع انه هذي الحمله الثانية .


يلا حوامل نبي تفاعل كل يوم تمرون على موضوعنا وتطمنونا عليكم

أم المهند مبروووووك عليش الحمل والله يسهل عليش يااااارب


وشي حلو انش اتفيدينا والله ماكنت اعرف ان المقالي اتزيد اللوعه بس من اليوم ورايح لا للمقالي


الله يخلي لش مهند واتشوفينه معرس وما شاء الله عمره ست سنوات يعني ان شاء ألله لما تولدي


بالسلامه بيكون المهند كبير والغيره ماراح اتكون من جهته



بالتوفيق أختي وحياش الله بأي وقت بهالرابطه خلنا نعرف أخباركم أول بأول ونفيد ونستفيد

مبروك الحمل لكم جميعا
ومباركة خاصة لاختي ام المهند الله يتمم عليج بالخير ان شاءالله ويرزقج ويرزقني ويرزق كل البنات بالذرية الصالحة ويتمم علينا كلنا يارب
والله يمرر الايام على خير ويخف الوحااااااااااام واللوعه
وصح كلامج يا ام المهند لاحظت ان تخفيف الاكل واكثار الوجبات الى خمس على باليوم وايد تخفف اللوعه
الله كريم ان شاءالله


دمتم سالمين
اختكم شريفة

شكرا حبيباتي أحلى شهد ومشرفتنا شريفة

ومبارك عليكم الحمل .. ربي يسهل للجميع يا رب

بكلمكم عن فطوري في الصباح واللي بفضله ترتاح معدتي وأرتاح أنا نفسياً طوااال اليوم خصوصاً إني إمرأة عاملة ..

أول الصباح كوب حليب قليل الدسم مع بيضة وخبز أسمر عدد (2) مع جبنة خالية الدسم

أوصل الدوام أشرب كوب واحد فقط شاي أخضر بدون سكر ولا حليب

وأكون جايبة وياي من البيت أصناف عديدة من الفواكة كيوي + موز + برتقالة + مشمش + خوخ + دراق والخضروات خيار فقط .. هذي الأصناف آكلها طوال تواجدي بالعمل يعني كل ساعة آكل شي والله يا بنات غير إنه مفيد ما تتصوروا ولله الحمد النشاط اللي يعطيني إياه والطاقة للعمل ولا أحس بأي تعب والأهم لا غثيان ولا لوعان ..

وطبعا ما أنسى أشرب ماي كثييير للصحة العامة بعد ، لا تفكرون هاي ريجيم للحامل أو ما شابه لا أبد بالعكس أنا ما أفكر بالريجيم أبدا لأنه مضر للحامل بس والله الأكل الصحي هو ببالي في الدرجة الأولى وهذا بحد ذاته ما راح يكسبني وزن كثييير بدون فايدة وقت حملي ..

يالله وينكم هاتوا أخباركم وطريقة أكلكم إنتوا بعد

ماشالله عليش أم المهند وعيني عليش بارده


بس بقوليش عن نفسي أكل خضروات وفواكه هاليومين أكثر عن قبل بس اللوعه لاحقتني لاحقتني



زوجي ماشالله عليه قام يفكر عني فحط لي صحن الفواكه جدامي وقالي كل ماحبيتي تاكل


عندش الفواكه نظيفه وجاهزه


لانه عارف انه طول ماهو بالشغل ماراح أكل ولاشي صااااايمه وهذه الطريقه زينه بس الله يسلمكم


سالفه اللوعه مو راضيه ترووووح انشالله الله يتمم لي هالشهر الثالث على خير واكون بحال أفضل




راح أعتني بأكلي بشكل أفضل




وعلى فكره أني مقصررررره في الماي وااااااااااااااااجد بس نص كوب باليوم والله أحس بالعطش


لكن من أشرب ماي على طووووول تفريغ واستبدل الماي بعصائر طبيعيه أو معلبه

حبيبتي شهد حي الله فيك ومسهلة

ربي يعينك على لوعان وغثيان الحمل

بصراحة لما قلتي إنك مقصرة في الماي إنصدمت نصف كوب طوال اليوم ؟؟؟ حرام عليج ما لك حق حبوبة أصلا حتى لو مو إنتي حامل الماي ضروري للجسم .. ولا قصدك عشان معدتك مرة ما تستحمل على طول تفرغه ؟؟ إذا كذا ما أقول إلا ربي يسهل عليك ويقويك ، إنزين الفاكهة والخضر اللي تاكلينها تراهه بها نسبة ماي كبيرة كثري منها عالأقل تعوضي الفاقد اللي يحتاجه جسمك ..

تصدقي يا شهودة .. <<<<< إسمحيلي بناديش شهودة إختصار لإسمك ههههههه

تصدقي إن الحالة النفسية والتفكير وااايد بوحام الحمل ولوعانه وما شابه هو اللي يزيد من الحالة ، أنصحك ما تفكرين فيه أبد وطنشيه وحاولي دايما تعرضي نفسك لأجواء صافية وهواء نقي وإبدي إخذي شهيق وزفير عشان موضوع الغثيان كثير مفيدة هالريقة ، وعندك بعد الزنجبيل ليش ما تفكرين تشربينه مع حاجة مثل الحليب أو غيره ويا ليت لو يكون بروحه صدقيني وعن تجربة بينفع في حالتك ..

يالله أدعي لك بالسهالة آميين يا رب وتراه كثر الإستفراغ مو زين لك ضروري كذا تشوفين الطبيبة تعوض جسمك ، وتراه هذا كله بسبب تغيرات الجسم وهرموناته الله يعين كل حامل ويقويها على ظروف الحمل ..

أم المهند مشكوووووره عالنصائح وماقصرتي


بس صدقيني الماي يلوع جبدي وعلى طول أستفراااااغ

بس الحمد لله العصائر اتم بمعدتي

ومن ناحيه التفكير في الوحام صدقتي أختي فهو يزيد من حالتي


الحين قمت اشغل وقتي أشوي وأحس أني أفضل من قبل


المشكله هنا لو رحت للطبيبه اقولها عندي استفراغ كثير تقولي عااادي


كل الحوامل يستفرغوا بس انتي عليش اتعوضي بالفوكه والخضروات ووووألخ

وما اقول الا الله يصبرني على هالوحام المرررر والمتعب نفسيا

والله يساعد كل حامل ويردها بالسلامه

هلا ......
بنضم معاكم
موعد ولا دتي امممم
على حساب الاخت مرموم 15\7
وعلى حساب الدكتورة 19\7 قالتلي لانه حجم البيبي وايد صغير ........
وحالتي زفته تعبانه ........
حبيت أسألكم كيف تنامون يعني اذا نمت على بطني يضر انا ماارتاح الااذا نمت علىبطني
...........

هلا بأختي m84

مبرووك عليك الحمل والله يسهل على جميع الحوامل ..

بالنسبة لنوم الحامل في الشهور الثلاثة الأولى يفضل عالظهر وحتى أريح للحامل ، وبالنسبة للبطن ما أ عتقد فيها ذيك المشكلة العودة بس حاولي مو 100% ع البطن يعني خلي جسمك يتركز ثقله على وحدة من الجهتين اليمين أو اليسار ويفضل تحطين وسادة تحت فخذك مع رفعا قليلا لأعلى يعني ما تحطينها مستوية ( أتمنى تكوني فهمتي شو أقصد ) ..

مراحب باختنا m84


مبرووووك عليش الحمل ويارب يسهل على كل حواملنا


أختي ترا حساب مواعيد الولاده تختلف من دكتور لدكتور أو عن طريق الحساب نفسه


وكل هذا بيد رب العالمين




ثانيا أختي مثل ماقالت لش العزيزه أم المهند عن طريقه النوم الحوامل بالبدايه ما راح يآثر على
الجنين لأنه حجمه صغييير جدا بس هذي فتره لازم اتعودي فيها نفسك النوم عالظهر والجوانب لأنها اريح للحوامل