حوامل شهر يوليو 2007

صباح الخير حواملنا

فديت تفاعلكم الغالي .. وفي إنتظار تفاعل باقي الأخوات ..

بخبركم يا بنات لا تفتقدوني الأيام الجاية ما راح أدش نت نهائيا ودي أستمتع بإجازة نهاية الأسبوع بالإضافة إلى إجازة يوم المولد النبوي اللي راح توافق السبت بإذن الله .. يعني ما مجموعه 3 أيام .. وشكلنا بنقضيها في الإمارات بس لين الحين الفكرة تحوم في بالنا وما صار قرار نهائي .

والحين راح أرد على كل وحدة فيكم

أختي مسلمة يسعد صباحك ..

حبيبتي بإذن الله راح نفتح مواضيع لاحقا عشان إستفادة الحوامل لأول مرة الله يسهل عليكم أموركم يا رب ويعدي فترة الحمل علينا جميعا بأمان ويسر ..

ضحكتيني لما قلتي يمكن يجي ولدي قرعة هههههههههههه ، تصدقي أنا في المهند ما شاء الله تبارك الرحمن كان شعره كثييييف مرررررة يوصل لين تحت رقبته هههههه لدرجة إني أنا شخصيا كان يضايقني لأنه إنولد نفس الشي بالصيف ولك أن تتخيلي المعاناة والريحة المقرفة .. ألحيت على زوجي يلحقه بس الكل وقف بوجهي وقال نخاف يتخرب ومن هالكلام .. المهم إنتظرته لين وصل 4 أشهر وطوالي على الحلاق بس خليته يرتبها مو يحلقها ع الزيرو ، وما شاء الله لين الحين شعره كثيف ولا بعد أبوه مسوي له التسريحة الإماراتية ( أعتقد فهمتي شو أقصد ) ..

من كذا جبت هالسؤال وأشوف نظرة البنات في الموضوع .. وشكل البنوتة اللي بالطريق بتكون نفس الحالة .

بالنسبة لتحنيك المولود .. عندكم في العادة يعملون هالشيء ؟؟ هي صحيح سنة متبعة بس أشوف الناس وأولهم نحن ما يسووها بس والله قريت وايد عن فوايدها وبودي أسويها الحين فباغية خبراتكم ..

أختي كربلاء يا حي الله ومسهلة منورة يا قلبي ..

أتمنى إنك تستفيدي ولو الشي القليل من هالمواضيع اللي يالسين نناقشها ..

بالنسبة لسكر النبات زين لأبو صفار .. تقصدين بروحه ؟؟ يعني ما ينضاف لشي معين مثلا ؟ وضحي فديتك ودنا نستفيد ، لأنه جرت العادة عندنا للي عندهم بوصفار أحد الخيارين .. يا تذلين روحك مع المستشفى وينومون الياهل عندهم لين ما يخف الصفار ويعالجونه بالأشعة تحت البنفسجية وسمعت إنها مضرة لأنها ممكن مع أي غلطة طبية تعمي البيبي لا سمح الله وهذا معاناة بحد ذاتها وتعب نفسي للأم أو إن الأهل ما يوافقون على علاجات المستشفى وياخذون البيت طوالي ويعالجونه بزيت الزيتون مساج ويعرضونه لشمس الصبح وسمعت إن هذا نتيجته أسرع من غيره .

فيا فديتك أفيدينا بخبرات الأهل ..


بالنسبة للتحنيك إرجعي صفحة ورا وبتشوفي شو هو التحنيك سبق وسألت عنه الأخت رميثية وجاوبتها مستدلة على أحاديث من السنة ..


تسلمين يا قلبي ع التفاعل واترقب ردك على سؤالي

سونيا منورة يا بعد قلبي وحماسي بس تراه ذيلا اليومين وبعدين مأجزة عنكم خخخخخخخ أشوف إذا بتفتقدوني ..

ويا مشا شاء الله عليش .. شكل الوالدة بتفيدش أكثر منا ، بس نوب زين تصبي لنا بعض المعلومات في الرابطة عشان نستفيد ..

صابون سن لايت .. معلومة حلوة وجديدة مشكورة عليها ، ما كنت أعرف إنه ما يسبب حساسية


بالنسبة للرضاعة الطبيعية والصناعية ما أنصحك تعتمدين فقط الطبيعية دام إنك ناوية على الشغل . صدقيني بهدلة ما بعدها بهدلة وإسألي المجربات .. بس ما ننصحك بالتكثير منها بالذات في الأيام الأولى عشان ما يتعود عليها البيبي وينسى حليب الصدر إللي هو بالفعل أفضل بمليون مرررة من الحليب الصناعي يعني تكفي بالكثير رضعة وحدة في اليوم وحاولي تشفطي للبيبي حليب الصدر أكثر وحطيه بالمرضعة عشان نوب يتعود على المرضعة وحلمة المرضعة .. لأنه في أطفال بعد ما على طول يتعودوا على حلمة المرضعة وهذي مشكلة أكبر عاد .. فواسطي ولا تبالغي حبوبة ..

أشكرك يا روحي على تجاوبك الله لا يحرمنا منك

أم المهند:
الله بالخير يو ماة مو أخبارش ..

بالفعل وانا حاسة فيش الوحدة لما تخلي تركيزها في شي معين خلاص تعتمد عليه يعني شعورك بأنها بنت خلاص تحسي صعب الوحدة تقولك بأنه ولد بالذات إنش عايشتي حملك من بدايته على أساس إنها بنت .. يالله ربي يرزقش اللي تتمنيه ويا عمري نوب تراه بو يجي من الله حياه الله .. بالذات إن إنتي البكر .

وإذا ما تبغي تشوفي الجنس في عيادة خاصة عجب أحسلش يوم تشتري الأغراض نوعي في الألوان وبالذات الألوان اللي يلبسها الإثنين يعني عندش اللون البيج والأخضر والاصفر والأبيض .. وما يمنع تسوي لبستين وخليهم يكونوا فنايل بأكمام لون وردي ولون أزرق مو رايش ؟

ولا يهمش ان شاء الله الاجازة جايتنا.. بروح اشتري..بروحي يوم اتذكر سالفة التسوق يصيدني شوية خووووف اول مرة اشتري حال حد في علم الغيب،،،:shy:

وحتى القماطات نوعي في الألوان ، وبالنسبة لشرشف المستشفى إشتري لون أبيض يجمع الإثنين ع الأقل .. وخلي عنش كلام ذيلا المنكريات وإن شاء الله فجورة جاية في الطريق الله يحفظها لكم يا رب.

تسلمي حبيبتي ام المهند والله ان هالرابطة تحسس الوحدة انها ما بروحها لا في تعبها ولا في مشترياتها بعد واتمنى نتلاقى ما بعد الولادة في رابطة تكميلية نتكلم عن صغيرينا فديتهم..
واللي متعب امه بنضربه،،،

وبالنسبة للحبوب أنا فهمت قصدش بس هم ما يسموها فوليك أسيد في كل مرة خخخخخخخخخخ ، اللي في الأشهر الأولى هي اللي إسمها الفوليك أسيد ، واللي في المرحلة الثانية هذيك إسمها حبوب الحديد ( فولي فول ) بس نوب مفعولها صح مثل الفوليك أسيد ، وفيه حبوب ثانية ما أعرف إذا عطوش إياها أو رحتي تجيبيهم من المستشفى تجي كبسولات حجمها كبير لونها بني بصراحة يوم أشربها تكبدلي خخخخخخخخخ .. وفعلا كلام أختش صح هي عبارة عن فيتامينات مع كالسيوم لونها بني وواجد مفيدة .

qbqooobh:
مرحبا حوامل يوليو الرشيقات (r)
انا عضوه يديده من دار زايد واتمنى انكم تضموني معاكم في الرابطه
ويوم ولادتي المتوقع بأذن الله بالمولود الثاني
22/7/2007
مع خالص حبي
قبقوبه
:shy:

مراااحب ملاااين أختي قبقوبة ..

وهلا فيك ومسهلة ويانا في الرابطة ، ومرحبا بك عضوة جديدة في المنتدى ..

ونحن نرحب بأخواتنا من كل صوب وحدب ويانا ما يردهم إلا ترددهم ههههههههههه

نورينا ببعض المعلومات عنك يالغلا ، نتمنى إنك تستفيدي معانا

أم المهند:
بنات حبيت أضيف هالمعلومة الحلوة سبحان الله ..

فوائد الصلاة للمرأة الحامل سألت إمرأة حامل طبيبها: أي أنواع من التمارين تنصحني خلال فترة الحمل؟

فأجاب عليها : عليك بالصلاة فإندهشت وقالت: كيف؟ فأجابها والبسمة ترسم على شفتيه:
1_ عندما تركعين فأنت تقومين بتمرين ميل الجذع للأمام.
2_ وعندما تسجدين فأنت تقومين بأشهر تمرين للحامل وهو وضع الصدر – الركبة. 3_ وأثناء قيامك ونزولك فأنت تقومين بتمرين القرفصاء والقيام.
4_ وأخيرآ عند جلوسك للتشهد فإنك تقومين بتمرين الجلوس والاسترخاء. فإزدادت المرأة حيرة
فسألت مرة أخرى: وما هي فوائد هذه التمارين؟

فأجاب: 1_تكسب مرونة لمعظم أعضاء وعضلات الجسم، وتسهل حركة العمود الفقري مع الحوض مفصليًا للمحافظة على ثبات الجسم واعتدال قوامه.
2_تنشيط الدورة الدموية في القلب والدماغ والشرايين والأوردة مما يساعد : أ_ في توصيل الغذاء إلى الجنين بانتظام عبر الدم ب_ويساعد أيضًا في نمو الجنين نموًا طبيعيًا. ت_عدم التعرض لدوالي القدمين.
3_المحافظة على مرونة مفاصل الحوض وتقوية عضلات جدار البطن مما يساعد : أ_يساعد المعدة على تقلصها وأداء عملها على أكمل وجه. ب_التغلب على عسر الهضم
4_رفع المعنويات وإكساب الثقة بالنفس، والسيطرة على الجسم، والقدرة على التركيز. الخلاصة: الصلاة هي خير رياضة للبدن وخير تعويض عن الحركة المفقودة يمكن أن تمارسها المرأة الحامل دون أي خطورة أو خوف

صباح الخيرات رميثية مو الأخبار حبيبتي <<<<< أقول دام إنك جارتنا بالبلد أعتقد لو كلمتش شوية عماني ما يضر بتفهمي صح خخخخخخخخخ

فديتك حبيبتي .. قسم بالله إنك تسولفين وأتذكر نفسي ههههههه سبحان الله نفس الشي ولدي مسك الرضاعة الطبيعية فقط 6 شهور وتعود كثير ع الصناعي وما حد يشتهي حليب ماماته .. وطبعا هذا لأني كنت أعمل بنظام الدوامين هالكلام قبل 7 سنوات ..

بس الحمد لله ربي وفقني بوظيفة حكومية الحين بدوام واحد وإن شاء الله أنا بعد ما راح أكرر المأساة .. بس هم بعد ما راح فقط أعوده ع الصدر لأنه فعلا عذااااب .. يكسررررالظهر ( الله يعينا جميعا يا رب ) ..

بالنسبة للحليب الصناعي أشوفج محتارة خخخخخخخ .. مدري ليش أحس إن نان 1 افضل حليب يمكن لأنه شعبي بين الحريم ويفضلنه لأنه أوين قريب أو شبيه من حليب الأم .. في المهند إستخدمته وما شفت منه شي وشكلي ما بغير عنه .. بروجروس ما سمعت وايد حريم يستعملنه بس بالفعل دعاياته تارسة المكان خخخخخخخخخ ، عندك بعد حليب نان شعبي هو إس 26 سمعت إنه زين بعد .. خلنا نشوف !!


بالنسبة للأعشاب .. كنتي تعطين ولدك تمر ؟؟؟!!!! من أي شهر ؟؟ لا تقولين من الأيام الأولى !!!

سمعت عن الشمر واليانسون والنعناع لأنهم خفاف على البيبي بس التمر أشوفه ثقيل من الأسابيع الأولى ولا شو رايك ؟

ويا بعد قلبي تسلمين على طريقة الوصفة وكتبتها لأني راح أجرب هالشي لأول مرة وما عند خبرة بهالأمور ، وكله تفاديا لغازات البطن اللي تزعج الأم بالأخص ..

وإذا عندك ألة التعقيم قبل كذا فما له داعي يا حبيبتي تشتري وحدة ثانية بالذات إنك ما إستهلكتيها ذاك الزود .. وسعرها صح غالي بس كله يهون مقابل كسل الأمهات خخخخخخخخخ .. والله وأنا وحدة مثلش في الكسل .. الحرمة يالله يالله ويا طفلها وصريخه بعد فيها شدة ع العمل والمهاسة في المطبخ وحتي لو سلمتي المهمة للشغالة تخافين لا تبدع خخخخخخخخ

أختي أم سعود ( شوشو ) شخبارك يا عمري

يا ربيييييي والله إنك قطعتي قلبي عليك .. فديتك صح إنها ضيقة صدر ويا فديتك فضفضي ونحن وياك .. 4 شهووور ؟؟ بصراحة وايد ومرارة الموضوع إنه ما راح يكون وياك في أيامك الأخيرة ولا بيشوف الياهل لما ينولد .. شييييييت يالسة أتخيل مكاني مكانك !!!!

سبحان الله الظروف شاءت يا شوشو ما باليد حيلة وهاي متطلبات العمل فديت أزواجنا دومهم تعبانين الله يحفظهم لنا يار ب..

من يندري يا أم سعود يغير الله من حال إلى حال ، نطري يمكن راح تستجد أمور وتتأجل سفرته أو تقل مدتها ع الأقل .. وفي النهاية مثل ما قلتي ( وعسى أن تكرهوا شيئا وهو خيرا لكم ) .. ربي يعينك على هالخبر بجد حاسة فيك ..

أم المهند:
بنات مفكرة آخذ هذا شو رايكم فيه ، ما سبق وجربته بصراحة وما مدى إستفادتك منه

[grade="00BFFF 4169E1 0000FF"]ام المهند:
شو فيها هالشنط
شكله مال حرارة ومشوط
من وين نلاقاها هاذي في البيبي شوب
افيدنــــــــــــا[/grade]

أم سعود ( شوشو ) إن شاء الله البنوتة ما يصيدها بو صفار واليهال جميعا يا رب ..

في رأيك شو يعني ما نستخدم السكر نبات ؟ وهل له نفس الضرر إذا ضفتيه كتحلية لليانسون والنعناع وغيره ؟؟ نحن نسعى لتخفيف الغازات فديتك مو زيادتها ..

بايجون حلو بس المشكلة الزجاجات خفيفة حقتها .. مدري والله بشوف إذا عاد ما حصلت Avent بمحلاتنا في مسقط شكلي أنا بعد بروح لبايجون

وما شاء الله عليكم عندكم يعني تحنيك المولود .. طيب شو طريقتكم يا أم سعود أفيدينا بارك الله فيك .. وتهجين العسل يحل محل التمر ؟

بالنسبة للصابون المبشور اللي ذكرتيه شو إسمه تأكدي فديتك لا يكون صابون الغار أو طاووس ؟

إيه صح أم سعود لسه باقيين السلطنة والكويت ما مشوا ع النظام هذا .. والله صعب شكلها نتكيف على الدوامات الجديدة .. وضحكت ع الصف الغريبة في تشابه مواعيدنا فعلا سبحان الله .. يالله ربك يعلم يمكن تصير فرصة ونتلاقى في مكان ما وفي زمن ما ..

هلا بالغالية أم فجورة مو أصبحتي ..

وتعالي هنيه .. أمس هيييين كنتي ؟؟؟ كذاك تسويها وما تدخلي ؟؟ تبغي الحق ما نروم على غيابكم الشيمة لا تعوديها ..

حبيبتي إنتيه يا أم عبدالرحمن .. والله إني أرتز من أول ما أفتح النت على هذي الرابطة مع سوالفكم الحلوة .. عسى ربي يكتب لنا شوفة عما قريب .. ولا توصي حريص بالتأكيد بعد الولادة راح نفتح رابطة حالنا نحن نشوف أمور أولادنا وجات هذي الفكرة ببالي وبنفذها بإذن الله بس إدعي ربي يطلعنا بالسلامة وتعدي الأشهر الباقية على خير يا رب .

بالنسبة للطقم اللي تقصديه هذا عجبني مووووت .. شكله موجود في البيبي شوب أو سنتر بوينت بعدني ما متأكدة .. وكما تشوفي بالإضافة إلى بو ذكرتيه من معدات فيه بعد شفاطة الوسخ مال الأنف بطريقة ما يحس فيها البيبي .. ومقص أظافر خاص بالبيبيهات .. وهذي بتفيدك في كل المراحل العمرية للبيبي يعني ما بتخسريها .. ع الأقل تكون له عداته الخاصة حماية له من إنتقال عدوى الكبار .. تعرفي مناعتهم تكون ما قوية في البداية ..

بسير أشوفه في الإجازة وعسى أحصله ..

[grade="00BFFF 4169E1 0000FF"]يب يب يب يا ام المهند وشهودة ورميثية وغيرهم ...

ويش ذيه السوالف

مو هناك

تعبتوني
اول مرة اتعب وانا اقرأ

ما صدقت متى اجي على الصفحة الاخيرة
بس كنت فرحانة

دست بريك بعدين عند شريفة
كسرت بخاطري ام سعود بخبريتها اللي يا رب يا رب تتأجل شوي عن زوجها
لحد ما تولد ويكون البيبي عمره كبير شوي[/grade]

خخخخخخخخخخخ محد قالش أم فجورة ما تدخلي أمس تراه بو يتأخر عنا وما يدش الرابطة بإستمرار بتفوته واجد سوالف وبيعاني في القراءة والمتابعة .. قولي توبة ههههههههههه


اقول أم فجورة بما إنش أم لأول مرة أنصحك تقرأيهم لا تعدي على مشاركة أي وحدة فينا بتفيدك المعلومات اللي أبدعن فيها البنات ..

هلا بأختي أم المهند,,,

تصدقين والله زين منك رضعتيه 6 شهور وانتي تشتغلين,,, أحس صعب الوحدة ترضع وتشتغل
الله يعينك صراحة,,,

بالنسبة للحليب شكلي باستخدم نان بديتي تقنعيني,,, بس ترى كيكوز ونان من نفس الماركة
ماركة نستله,,,

بالنسة للتمر كنت أعطيه تقريبا بعد الشهر,,, أحسها وجبة مفيدة

سمعت انك جاية الامارات,,, حياج في بلدك الثاني

[grade="00BFFF 4169E1 0000FF"] ام المهند


ما تصدقي والله كل ما تطرحي شئ من الاسئلة
واشوف اجوبة البنات ..ابقق عيوني
تو ايش هذا

احس نفسي ما مستعدة...مع اني اختي اعتمدت علي يوم بنتها البكر لانها كانت تداوم
وكنت احيانا اروح البيت معاهم او هي تجيبها عندي،،

اسميكم بنات ما قصرتوا في ردودكـــــــــــــــم ع أسئلة ام المهند

جبت ورقة وقلم وجلست اكتب نوع الرضاعات
وانواع الاعشاب
وانواع الحليب المستخدم لاني ما مقررة في شئ بعد،،
بس اكيد انتوا بتفيدونا



ام المهند يجزاك الف خير
والله منكم نستفيد،،

الين ما توصل فجورررررة اكون انا صاحبة خبرة شوي عن المسكينة تقول
ويش هالام البغام اللي جاتني
مخليتني حقل تجارب
واحلليها فجوررررررررة في يدي،،،
الله بس يعيني[/grade]

رميثية:
هلا بأختي أم المهند,,,

تصدقين والله زين منك رضعتيه 6 شهور وانتي تشتغلين,,, أحس صعب الوحدة ترضع وتشتغل
الله يعينك صراحة,,,

بالنسبة للحليب شكلي باستخدم نان بديتي تقنعيني,,, بس ترى كيكوز ونان من نفس الماركة
ماركة نستله,,,

بالنسة للتمر كنت أعطيه تقريبا بعد الشهر,,, أحسها وجبة مفيدة

سمعت انك جاية الامارات,,, حياج في بلدك الثاني

حي الله رميثية ..

إسكتي بس لا تذكريني بالأيام ذيك إن شاء الله ما تنعاد .. على فكرة تراه ما من زود الحليب اللي فيني يا حليله كان يرضع ع الفاضي والله ههههههههههه ..

بالنسبة لحليب نان أو غيره تقدرين غنتي تلاحظين تقبل طفلك له هل يحبه أو يسبب له غازات ومن هالأمور وتاليها تدركي إن الحليب ما ناسبه وممكن ساعتها تغيرينه .. بس كمحاولة أولى أنصح أنا بعد بنان رقم 1 وبشرررررط يا رميثية لازم تقرين في العلية إنه يكون معزز بالــ ( الحديد ) ، ومو شرط حليب نان أي نوع ثاني لأن الحديد هو أهم عنصر غذائي للبيبي في أيامه الأولى ..

بالنسبة للتمر إييييييييييه إفتكرتك تعطينه يا حرام من الأيام الأولى !! إيه بعد شهر ممكن وفعلا هو مفيد جدا ، وممكن تخلطين منقوع حبتين التمر ويا الحليب عشان يرضعه ويستفيد من الإثنين ..

عموما بإذن الله راح نفتح رابطة لمواليدنا بعد ولادتهم وبنفيد بعض ع الهواء مباشرة خخخخخخخخ

إيه حبوبة فيه مشروع إننا نزور الإمارات بس بعدها الفكرة موجودة ما قررنا شي لين الحين .. بنشوف ربك يغير من حال إلى حال .. ومشكورة يا قلبي ع الترحيب ما تقصرون والله دومكم أهل النشامة

UMABDULRAHMAN:
[grade="00BFFF 4169E1 0000FF"] ام المهند


ما تصدقي والله كل ما تطرحي شئ من الاسئلة
واشوف اجوبة البنات ..ابقق عيوني
تو ايش هذا

احس نفسي ما مستعدة...مع اني اختي اعتمدت علي يوم بنتها البكر لانها كانت تداوم
وكنت احيانا اروح البيت معاهم او هي تجيبها عندي،،

اسميكم بنات ما قصرتوا في ردودكـــــــــــــــم ع أسئلة ام المهند

جبت ورقة وقلم وجلست اكتب نوع الرضاعات
وانواع الاعشاب
وانواع الحليب المستخدم لاني ما مقررة في شئ بعد،،
بس اكيد انتوا بتفيدونا



ام المهند يجزاك الف خير
والله منكم نستفيد،،

الين ما توصل فجورررررة اكون انا صاحبة خبرة شوي عن المسكينة تقول
ويش هالام البغام اللي جاتني
مخليتني حقل تجارب
واحلليها فجوررررررررة في يدي،،،
الله بس يعيني[/grade]

ههههههههههه ضحكتيني يا أم فجورة .. أقووول الحبة تراه راسش داير لاه خخخخخخخخخخ .. إنزين المهم أيوه دوني كل شي لا تفوتي حاجة صدقيني لمصلحتش ما نعرف بندش الأسابيع الأولى بعد الولادة أولا .. يعتمد على ظروفنا الجديدة مع بيبياتنا ربي يحفظهم قولي آميين ..

والشيمة لا تخلي فجورة حقل تجارب خخخخخخخ إستفيدي بتركيز تراه والله برغم من إني سبق وولدت وصارت عندي خبرة نوعا ما بالبيبيهات لكن مع خبرات ونصائح غيري أحسني ولا شي .. وبنظل نتعلم ونتعلم دايما .. والأهم ما نرتكب أخطاء في حق ولادنا فديتهم ..

الله يعينا جميعا يا رب

UMABDULRAHMAN:

[grade="00BFFF 4169E1 0000FF"]صح ام المهند ترا امس غصبا عني ما كنت موجودة في معرض كومكس
وهيئة تقنية المعلومات التابعة لوزارة الاقتصاد الوطني
مسوية محاضرات مع الحدث هــــــــــذا
فامس كنت انا رايحة بعد ما خلصت شغل
المحاضرة الساعة 8:30 تبدأ وانا رايحة الساعة10:30 من كثر الشغل
واحيدني قارية لحد امس ردود شهودة وغيرهم

بس ما شاء الله عليج انتي
شعللتيها...بسوالفك
الله يعطيك العافية
ولا تخافي كل الردود قريتهم ما عديت حد ابدا[/grade]

هيييييييييييه صحححح نسيناش راعية الـ IT خخخخخخخخ ، باية أروح بس ما أعرف متى بتفيق ، ودي أشتري كاميرا ديجيتال جديدة وبميزات أحدث .. بنشوف الله أعلم إذا أروح أو لأ .

وتراه لمعلوماتش أنا اليوم نوب بتلقيني مشعللة بسوالفي لكن الأيام الجاية بيقل دخولي هذا إذا ما إإنعدم ..

الأسبوع الجاي مديري جااااااي ، وأكيد زحمة الشغل بتبدأ الله يعينا يا رب . فخليني أسولف وأهذر اعتبره هذا آخر يوم لي في الثرثرة خخخخخخخخ ..