أم المهند:
أشاركك الرأي حبيبي أم علاوي بس لأن هالطقم بالذات أشوفه وايد بمواضيع التجهيزات وشكله حلو وثقة ومرغوب .. بشوف وين يبيعونه عندنا وبشيك عليه حبة حبة خخخخخخخخ .. أخاف صاحب المحل يجي وراي بعصا ههههههههه ..
أي والله يا أختي شيكي عالطقم هذا وخبرينا يمكن ناخذ مثله :gum:
هههههههه ضحكتيني بسالفه العصا اااا
والله يعطيج العافيه دوم يارب
رميثية:
صباح الخير لكل حوامل رابطتنا,,,
تصدقون من كثر ما كنت أشتكي من خفت حركة بنتي كسرتني ما شا الله عليها هاليومين
مب راضية تقعد,, أحس بها طول اليوم تتحرك ما شا الله عليها الله يخليها لي
هذا اذا طلعت بنت,, تدرون ليش شاكة لأنه يوم رحت أسوي الألترساوند كان البيبي صغير وايد
كنت أول يومين في الخامس وهو أصلا حجمه صغير ووزنه ناقص شوي و البارحة قريت موضوع انه الأعضاء التناسلية للذكر والأنثى تكون مكتملة النمو في الشهر السادس وقالولي عن وحدة أنهم قالولها بنت في الخامس وطلع ولد والسبب أنه العضو الذكري كان صغير ومش واضح وايد
تصدقون راسي عورني من كثر ما أفكر,,,
جربت بالجدول الصيني وطلعلي ولد,,,
شكلي بروح العيادة الخاصة هاليومين مع انه ماشي باقي عن موعد المستشفى
عندي موعد 18 \ 4 ,,,
والله يستر ,,,,
يسعد صباحك أختي رميثه
ما شاء الله عليها هالبنوته الله يخليها لكم وتشوفوها بخير يارب
خليها تاخذ راحتها الحين عسب بعدين ماكو مكان تتشقلب وتناقز
واللي يجي من الله حياه الله بس لا تعوري راسك الزم ماعليج صحتك
أشوفكم على خير تركت السمك من ساعه ونسيت سالفه الغذا خخخخ
بقوم أجهز غذاي وراجعه لكم
الله يستر
حيا الله أم المهند,,
صحيح كلامها أم علاوي,,, كلج نشاط وحيوية اليوم,,,:clap: :clap:
- هل بتعتمدي الرضاعة الطبيعية فقط ؟ إذا إيه ليش وإذا لأ ليش ؟
أكيد بعتمد على الرضاعة الطبيعية بس بيكون في رضاعة صناعية رضعة وحدة باليوم
2- للرضاعة الصناعية شو تفضلون حليب تعطونه للهيال ؟
أنا استعملت لولدي كيكوز من نستله وبعد هالمرة باستخدم نفس الحليب
3- شو الحاجات الثانية اللي بتجهزيها للبيبي لشربها غير الحليب مثل اليانسون والشمر ووووو ؟
ما لي غنى عنهم اليانسون والبابونج والنعناع
4- وهل تحنيك المولود فيه ناس عنكم يسونه ولا تخافون المجازفة ؟
ما فهمت شو يعني؟؟؟؟؟؟
5- حلاقة البيبي .. تفضلونها أو لأ ؟ إذا إيه ليش وإذا لأ ليش ؟
اذا ولد عندنا شي مهم الحلاقة,,, بس اذا بنت عادي ,,, ومن رايي بحلق بنتي أو ولدي
6- أي المستحضرات الصابونية تفضلين تشترين يعني جونسون أو سيباميد أو أي ماركة أخرى ؟
جونسن بس في يهال يحسسون منه ويناسبهم سيباميد
7- شو ماركة المرضعات البلاسيكية أو الزجاجية اللي بتشترينها للبيبي ؟ وشو رايكم بماركة avent
بيجون أشوفها أحسن ماركة
8- غالبا ما تكون ريحة ملابس البيبيهات ويييعععع من الترجيع وهالسوالف ، وللأسف الريحة ما تروح مع الصابون فإيش راح تستعملي صابون مناسب لهالأمور والسؤال للأمهات المجربات بالأخص ؟في لينور الجديد للأطفال استخدمه حق ولدي وبعد باستخدمه حق بنتي
أحلى شهد:
1_ - هل بتعتمدي الرضاعة الطبيعية فقط ؟ إذا إيه ليش وإذا لأ ليش ؟
بأبني علي أعتمدت الرضاعه الطبيعيه لحد السنه وأربع شهور تقريبا
بس بصراحه كثير أتعبني لاني ما اقدر ابعد عنه ومصدر غذاءه عندي وخصوصا
أن شهيته للطعام قليله جدا (( شبه معدومه ))
فكنت شبه مربوطه معاه ما اقدر أروح مكان ولو لساعات معدوده
فقررت بأذن الواحد الاحد أني بالطفل الثاني راح أعتمد الرضاعه الطبيعيه طوال
اليوم ماعدا رضعه واحده فقط لاغير صناعيه ومن البدايه راح اعود البيبي عالصناعي
لكن رضعه واحده باليوم فقط
عشان أخذت درس كبير بالبكر وماراح أخذه مره ثانيه بالطفل الثاني
كلامك صحيح حبيبتي بالذات إذا فكرتي في طلعة وناسة بره البيت ، إحراج كل ساعة والثانية تطلعين صدرك أمام أمة لا إله إلا الله ، حتى في السيارة وأشوف الرضاعة الصناعية مفيدة بس مثل ما قلتي ما نكثر لأنه يجيب غازات للبيبي .. بس تصدقي هي مفيدة أكثر للعاملات أمثالنا الله يعيننا يعني تخيلي الأم بعيدة عن البيبي 6 أو 8 ساعات وإذا سمحوا لك بساعة رضاعة كان زين وفي الغالب لا ، الله يهون علينا يا رب .
رميثية:
صباح الخير لكل حوامل رابطتنا,,,
تصدقون من كثر ما كنت أشتكي من خفت حركة بنتي كسرتني ما شا الله عليها هاليومين
مب راضية تقعد,, أحس بها طول اليوم تتحرك ما شا الله عليها الله يخليها لي
هذا اذا طلعت بنت,, تدرون ليش شاكة لأنه يوم رحت أسوي الألترساوند كان البيبي صغير وايد
كنت أول يومين في الخامس وهو أصلا حجمه صغير ووزنه ناقص شوي و البارحة قريت موضوع انه الأعضاء التناسلية للذكر والأنثى تكون مكتملة النمو في الشهر السادس وقالولي عن وحدة أنهم قالولها بنت في الخامس وطلع ولد والسبب أنه العضو الذكري كان صغير ومش واضح وايد
تصدقون راسي عورني من كثر ما أفكر,,,
جربت بالجدول الصيني وطلعلي ولد,,,
شكلي بروح العيادة الخاصة هاليومين مع انه ماشي باقي عن موعد المستشفى
عندي موعد 18 \ 4 ,,,
والله يستر ,,,,
صباح الورد يا رميثية شخبارك حبوبة
هههههههههه أسميك إنك دعيتي عليها هذي الياهلة وحسدتي روحك ، فديتها سمي بالله عليها ولا تقولين كذا تراه مو زين ذكري الله حبيبتي ..
وبعدين إنتي بكلامك خوفتينا يعني تخلينا نشك خخخخخخخخخخ لااااااا إن شاء الله الأشعة تضبط ويطلع الكلام صح ، يكفي إن شعورنا صار للبنات أكثر شي ..
ما أشجعك تروحي العيادة بالذات إن موعدك قريب تقريبا ، تدرين يقولون الأشعة أكثر من مرة خلال الشهر مو زين فنطري شوي وإن شاء الله يتحقق إللي ببالك وبالنا
أحلى شهد:
أي والله يا أختي شيكي عالطقم هذا وخبرينا يمكن ناخذ مثله :gum:
هههههههه ضحكتيني بسالفه العصا اااا
والله يعطيج العافيه دوم يارب
هههههههههههههههه فديتك إنتي تامرين أمر إن شاء الله بروح ماذر كير نهاية هالأسبوع وعسى أشوف هالطقم هناك
يعافيك ربي يالغالية
رجعت لكم بعد ما ملحت غذاي وجهزت الحشو خخخخخخ
- للرضاعة الصناعية شو تفضلون حليب تعطونه للهيال ؟
ماجربت الرضاعه الصناعيه من قبل ولكن راح أسئل واستفيد من خبرات غيري
3- شو الحاجات الثانية اللي بتجهزيها للبيبي لشربها غير الحليب مثل اليانسون والشمر ووووو ؟
مع تجهيز الملابس بجهز كل أدوات التنظيف مثل الشامبو والكريم واللوشن والباودر والصابون
وكريم التهاب الحفاظ وادوات النظافه مثل الفرشاه للشعر والمقص للأضافر و فوط صغيره وكبيره
وبعض المريلات عشان لو فرغ الطفل وكلينكس المعطر وزجاجات الحليب وملحقاتها مثل الملعقه
النظيفه للحليب و اللي يشيل الحليب مثل الطبقات وغيرها وغيرها وغيرات التنظيف حفاظ
وحقيبه خفيفه عشان اجهز فيها للطلعات وسهايه ( مصاصه ) بالرغم اني ما انصح فيها وما رغب
فيها ولدي البكر وزيت الزيتون عشان أمسج جسم الطفل و علبه شاي للأطفال هذي تخفف
من الغازات وسكر نبات و (حلوه ) مدري شتسمونها بس أغليها للطفل عن الابو صفار
وشغلات كثيره لين تذكرت بضيفها
رميثية فديتك تسلمين ع التجاوب ..
بالنسبة للرضاعة الصناعية .. تقصدين رضعة وحدة في اليوم لين متى ؟ يعني لين يوصل بأي شهر ؟ أنا بصراحة في ولدي المهند نفس الشي كنت أعطيه رضعة وحدة صناعية فقط عشان تساعد في زيادة وزنه وسد جوعه ، تدرين حليب الصدر مو دايما كثييير وكنت أعطيه إياها في أول أسبوعين فقط بعدين زودت الكمية من 2-3 رضعات بجانب حليب الصدر وهكذا .
بالنسبة لحليب كيكوز أول مرة أسمع عنه وكيف شفتي الرضاعة معاه ما تجيب غازات وايد .. في تجربتي للمهند إستعملت نان رقم 1 ومشى معاه مضبوط ومفكرة أستخدمه للبيبي الثاني بس الله يعلم يناسبها أو لأ ..
فديتك خبرينا عن تجربتك كيف تسوين اليانسون والنعناع وهالأمور للبيبي بالضبط ، بصراحة ما سبق وسويتها لولدي وأحس إن لها فاعلية في تخفيف الغازات ..
بالنسبة لتحنيك المولود هذي يا طويلة العمر سنة متبعة عند البعض إقتداء بالرسول (ص) وهو إنك تمضغين تمرة زين ما زين وتجيبي منها لحسة وبإصبعك وتحطينها في حنك البيبي ( فوق الفم من داخل ) وفيه ناس تسوي عسل هالأيام فشو رايك بصراحة أحس أخاف أسوي هالشغلات .
بالنسبة لمستحضرات الأطفال .. شفت بنات وايدت في منتديات مختلفة يركزون على سيباميد بدال الجونسون لأنه آمن طبيا ، ومفكرة أستخدم المرة هذي مستحضرات ماركة سيباميد .. عندنا بمستشفياتنا الحرمة لما تربي يعطوها هدية مستحضرات صابونية بس من الحجم الصغير نوع جونسون فبوفر على نفسي وأشتري سيباميد ( حلو يكون عندي النوعين ) أشوف أيهما أحسن وما يجيب حساسية .
ماركة بيجون جربتها أنا بعد في ولدي .. بس ما أحب تشكيلات المرضعات مالهم وتجي زجاجتها خفيفة مرة فناوية أغير هالمرة بس أشوف من راح يشجعني على avent هاي تجي طقم منها شفاطة ومراضع بأحجام مختلفة وأشكالهم حلوة والأهم إنه يجي معاها جهاز لتعقيم المراضع وهاي صورتهم شوفي شحلاتهم .. هذي بعد شفتها في أحد المواقع وجننتني أتمنى أشوفها عندنا بمسقط ..
تتوفر بعدة احجام تتناسب مع سن طفلك و احتياجاته
الجم الاول: 125مل
الحجم الثاني: 260مل
الحجم الثالث:330مل
جهاز تعقيم زجاجات الرضاعة بالبخار (اللي حطيت صورته في بداية الموضوع)
جهاز شفط الحليب من ثدي الام (يدوي، او يعمل بالبطارية)
جهاز تسخين الحليب او الطعام
و هناك ميزة اخيرة في منتجاتها...........
انك تقدين تستخدمين نفس زجاجات الرضاعة ككأس للتدريب على الشرب و ذلك بإزالة الحلمة و وضع غطاء الشرب الموضح في الصورة لان لهم نفس مقاس الفوهة
هاه شو رايك فيها ..
بالنسبة للصابون نوع لينور فعلا حلو وناوية عليه هالمرة بعد .. تسلمين يا رميثية على ردك وما قصرتي يالغلا ..
أحلى شهد:
رجعت لكم بعد ما ملحت غذاي وجهزت الحشو خخخخخخ
- للرضاعة الصناعية شو تفضلون حليب تعطونه للهيال ؟
ماجربت الرضاعه الصناعيه من قبل ولكن راح أسئل واستفيد من خبرات غيري
3- شو الحاجات الثانية اللي بتجهزيها للبيبي لشربها غير الحليب مثل اليانسون والشمر ووووو ؟
مع تجهيز الملابس بجهز كل أدوات التنظيف مثل الشامبو والكريم واللوشن والباودر والصابون
وكريم التهاب الحفاظ وادوات النظافه مثل الفرشاه للشعر والمقص للأضافر و فوط صغيره وكبيره
وبعض المريلات عشان لو فرغ الطفل وكلينكس المعطر وزجاجات الحليب وملحقاتها مثل الملعقه
النظيفه للحليب و اللي يشيل الحليب مثل الطبقات وغيرها وغيرها وغيرات التنظيف حفاظ
وحقيبه خفيفه عشان اجهز فيها للطلعات وسهايه ( مصاصه ) بالرغم اني ما انصح فيها وما رغب
فيها ولدي البكر وزيت الزيتون عشان أمسج جسم الطفل و علبه شاي للأطفال هذي تخفف
من الغازات وسكر نبات و (حلوه ) مدري شتسمونها بس أغليها للطفل عن الابو صفار
وشغلات كثيره لين تذكرت بضيفها
حبيبتي شهودة نحن موجودين عشان نفيد بعض وهاي فايدة الرابطة فديتك ..
بالنسبة لتجهيزاتك حلوة والمصاصة أنا بعد مأشجعها يقولون إنها تعمل لاحقا مشاكل باللثة والله أعلم ، بصراحة ما جربتها في ولدي بس والله تنفع حزة الصريخ خخخخخخخخ ..
بالنسبة لشاي الأطفال ليش ما تسوين أعشاب طبيعية مثل اللي ذكرتهم ، أحس مفعولها أسرع من الجاهز .. الحلوة اللي تقصدينها نحن نسميها ( الشمر ) أو ( الحبة الحلوة ) هههههههه يعني متفقين تقريبا في التسمية وفعلا هاي حتى المصريات ما يستغنون عنها أبد وحبيت أضيف بعد الكراوية لها نفس المفعول ..
بالنسبة للحبة الحلوة ( الشمر ) والكراوية شريت زيوت هالأعشاب ، تقول أختي إنها جربت زيوتها بوضع بعض النقاط البسيطة في جلاس ماي وتشربهم وبالتالي البيبي يستفيد من هالزيوت عن طريق حليب الصدر وبالتالي يخفف من الغازات ويريح بطونهم بعد ..
يعطيك ألف عافية ناطرين إضافاتك الباقية
أختي رميثية شوفي شو حصلت لك عن تحنيك المولود ولفائدة الأخوات بعد في الرابطة ..
السؤال :
السلام عليكم ورحمة الله وبركاته
فضيلة الشيخ عبد الرحمن السحيم
أود أن استفسر عن تحنيك المولود هل ورد عن النبي صلى الله عليه وسلم ؟
وهذا سؤال أحد الإخوان في نفس الموضوع
ما الأدلة الواردة في التحنيك على المولود ؟
مع ذكر بعض المراجع والمصنفات الذي اسهبت في الحديث عن هذا الموضوع...
وبارك الله فيك وفي علمك يا شيخنا الفاضل
ولا حرمك الله الأجر
الجواب :
وعليكم السلام ورحمة الله وبركاته
وبارك الله فيك
نعم ، ورَد عنه عليه الصلاة والسلام تحنيك المولود .
ففي حديث عائشة رضي الله عنها أن رسول الله صلى الله عليه وسلم كان يُؤتَى بالصبيان فَيُبَرِّك عليهم ويحنكهم . رواه البخاري ومسلم .
وقالت رضي الله عنها : جئنا بعبد الله بن الزبير إلى النبي صلى الله عليه وسلم يحنكه فطلبنا تمرة فَعَزّ علينا طلبها . رواه مسلم .
وقصة تحنيك ابن الزبير مُخرّجة في الصحيحين .
عن أبي موسى رضي الله عنه قال : وُلِدَ لي غلام فأتيت به النبي صلى الله عليه وسلم فسماه إبراهيم ، فحنكه بتمرة ، ودعا له بالبركة . رواه البخاري ومسلم .
قال أنس رضي الله عنه : لما وَلَدَتْ أم سليم قالت لي : يا أنس انظر هذا الغلام فلا يُصِيبَنّ شيئا حتى تغدوا به إلى النبي صلى الله عليه وسلم يُحَنِّكَـه . رواه البخاري ومسلم .
قال الإمام النووي : اتفق العلماء على استحباب تحنيك المولود عند ولادته بتمر ، فان تعذر فما في معناه وقريب منه من الحلو ، فَيَمْضَغ الْمُحَنِّك التمر حتى تصير مائعة بحيث تُبْتَلَع ثم يَفْتَح فَمَ المولود ويضعها فيه ليدخل شيء منها جوفه . اهـ .
وأما طلب بركة الصالحين بذلك فهذا خلاف ما عليه السلف ، فإن الذي تُتحقق بركته هو النبي صلى الله عليه وسلم ، أما غيره فهي مظنونة .
لذا لا يُشرَع أن يؤخذ الصبي إلى من يُحنِّكه طلبا لِبَرَكتِه ، بل يفعل ذلك به والده أو أمه أو من حضره .
مراحب خواتي
ويا هلا با هل الرابطه كلهم
وما شاء الله اليوم النشاط في الرابطه
ام المهند
امس ما لك شوفه
قلت اكيد المدير رجع
وقلت لاوم اكلمه ((واسطه سعوديه ..........!!!!!!!
عشان يعطيك اجازه للردود ولدخول الرابطه
والحمد لله اليوم عندنا اجازه وبكره +الويكند
لكن الشركات والمؤسسات الاهليه ماعندهم اجازه
عشان القمه العربيه
وزوجي خذاها فرصه
ورايح لمكه عشان العمره وما اقدر اروح معاه عشان الحمل
الله ييسر امره ويتقبل منه
ام علاوي
هلابك حبيبتي
وطلتك دوم تفرحنا
هل بتعتمدي الرضاعة الطبيعية فقط ؟ إذا إيه ليش وإذا لأ ليش ؟
طبعا انا بكر
وما جربت سابقا
بس صراحه ومن تجربه الاقارب
الطفل مو لازم يتعود على الطبيعي دائما
اختي بنتها ما تشرب الا طبيعي ومره تاعبتها
2- للرضاعة الصناعية شو تفضلون حليب تعطونه للهيال ؟
راح اسال الدكتور لما اولد
ايش انسب شيء للطفل
3- شو الحاجات الثانية اللي بتجهزيها للبيبي لشربها غير الحليب مثل اليانسون والشمر ووووو ؟
اليانسون والنعناع وشاي الاطفال وسكر نبات
4- وهل تحنيك المولود فيه ناس عنكم يسونه ولا تخافون المجازفة ؟
ان شاء الله اصير قويه واحنك البيبي
5- حلاقة البيبي .. تفضلونها أو لأ ؟ إذا إيه ليش وإذا لأ ليش ؟
والله ما ادري
يمكن يجي ولد قرعه .....ههههههههه
6- أي المستحضرات الصابونية تفضلين تشترين يعني جونسون أو سيباميد أو أي ماركة أخرى ؟
حاطه في بالي جونسن لكن دخلتوا في بالي سيباميد
7- شو ماركة المرضعات البلاسيكية أو الزجاجية اللي بتشترينها للبيبي ؟ وشو رايكم بماركة avent
بيجون وراح اسال عن افنت لاني دائما اشوفها في البيبي شوب
8- غالبا ما تكون ريحة ملابس البيبيهات ويييعععع من الترجيع وهالسوالف ، وللأسف الريحة ما تروح مع الصابون فإيش راح تستعملي صابون مناسب لهالأمور والسؤال للأمهات المجربات بالأخص ؟
والله ما عندي خبره لكن باخذ من تجاربكم واجرب لينور
ا
ام فطومة الحلوة
عروس فضية
27-03-2007 | 01:52 PM
شلونكم يا الغاليات
ماء شاء الله ..... الله يودم هالمة
هل بتعتمدي الرضاعة الطبيعية فقط ؟ إذا إيه ليش وإذا لأ ليش ؟
انة بعد مثلكم بعطي الياهل رضعة وحدة في اليوم لاني يمكن الكورس الجاي اتوظف ( دعواتكم ) واخلي البيبي ويا امي
- للرضاعة الصناعية شو تفضلون حليب تعطونه للهيال ؟
ماعندي خبرة ان شاء اذا ولدت بسأل الدكتورة
شو الحاجات الثانية اللي بتجهزيها للبيبي لشربها غير الحليب مثل اليانسون والشمر ووووو ؟
سكر نبات ( زين لأبو صفار ) الله يبعدة وشاي الاطفال واليانسون
وهل تحنيك المولود فيه ناس عنكم يسونه ولا تخافون المجازفة
ما فهمت شنو التحنيك
حلاقة البيبي .. تفضلونها أو لأ ؟ إذا إيه ليش وإذا لأ ليش ؟
مستحيل احلق ولدي او بنتي ما ادري ليش بس ما اتخيل بنتي قرعى هذا اذا جاني ياهل في شعر اصلا :shy:
أي المستحضرات الصابونية تفضلين تشترين يعني جونسون أو سيباميد أو أي ماركة أخرى ؟
تدرون ان زوجي اول زواجنا كان مشتري شامبو جونسون ( يعيد طفولتة ) ههههه
عاد انة يوم تنسيت ما اشتهي هالشامبو فيمكن اغير الماركة والله اعلم
شو ماركة المرضعات البلاسيكية أو الزجاجية اللي بتشترينها للبيبي ؟ وشو رايكم بماركة avent[
اعتقد اني راح اخذ بيجون
غالبا ما تكون ريحة ملابس البيبيهات ويييعععع من الترجيع وهالسوالف ، وللأسف الريحة ما تروح مع الصابون فإيش راح تستعملي صابون مناسب لهالأمور والسؤال للأمهات المجربات بالأخص ؟
ماعندي خبرة
ومنكم نستفيد
شهد لا يكون طلعتي تعرفيني وانة ما ادري
اي حاليا اوزن في الدير لأني كنسلت زينب الجفيري مع انها دكتورة قمة في الاحترام
انتي توزنين اهناك بعد ؟؟؟؟ ردي علي يمكن اعرفش ونصير ربع برى المنتدى :salam:
مع السلامة
ياهلا بأخواتي العزيزات
كيف حالكم خواتي رميثه ومسلمه وأفتخر وكربلا وأم المهند
والباقين وينكم شوشو وأم فجر مالكم حس اليوم
***********
مسلمه وأفتخر جيتي على بالي لأني بعد ساعه بأذن الله بكون في السعوديه بس
الثقبه والخبر والدمام عشان عندي مناسبات ولازم التسوق يكون من هنا وهناك
وأشوفكم على خير
أنطلاااااااااق
هلا بناااااااات شخباركم..نازل حماس عليش يا ام مهند ..عشى دوم :clap:
والحين بجاوب على اسئلتج
هل بتعتمدي الرضاعة الطبيعية فقط ؟
بصراحة ماعندي خبرة ..بس اكيد مابعتمد لاني يمكن بشتغل بس بحاول اكثر من الرضاعة الطبيعية
]للرضاعة الصناعية شو تفضلون حليب تعطونه للهيال ]؟
ما ادري بس شفت اختي تستعمل سميلاك وواحد ثاني اعتقد اسمه اس26
شو الحاجات الثانية اللي بتجهزيها للبيبي لشربها غير الحليب مثل اليانسون والشمر ووووو ؟
ما ادري..بستفيد منكم:shy:
وهل تحنيك المولود فيه ناس عنكم يسونه ولا تخافون المجازفة ؟
والله ماادري ..بس محد سوى قبل في العايلة
حلاقة البيبي .. تفضلونها أو لأ ؟ إذا إيه ليش وإذا لأ ليش ؟
ما اعتقد لان محد من اهل حلق البيبي ..فانا ماراح احلق بيبي مالي
أي المستحضرات الصابونية تفضلين تشترين يعني جونسون أو سيباميد أو أي ماركة أخرى ؟
بصراحة ناوية على جونسون
شو ماركة المرضعات البلاسيكية أو الزجاجية اللي بتشترينها للبيبي ؟ وشو رايكم بماركة ave]t
ماادري بس سمعت عن ايفنت انها تمنع الغازات..بس امي استخدمت مرضعات عادية فشكلي راح بسمع الي هي تقول :gum:
- غالبا ما تكون ريحة ملابس البيبيهات ويييعععع من الترجيع وهالسوالف ، وللأسف الريحة ما تروح مع الصابون فإيش راح تستعملي صابون مناسب لهالأمور والسؤال للأمهات المجربات بالأخص ؟
الوالدة من زمان تستخدم صابون سن لايت ..وحتى اخواتي استخدموا نفس الشي حق يهالهم فعشان كذا انا بعد بستخدم..امي تقول مايسبب حساسية
بصراحة تسلمي على هاي التفاعل لاننا عن جد نستفيد منها
مرحبا حوامل يوليو الرشيقات (r)
انا عضوه يديده من دار زايد واتمنى انكم تضموني معاكم في الرابطه
ويوم ولادتي المتوقع بأذن الله بالمولود الثاني
22/7/2007
مع خالص حبي
قبقوبه
:shy:
هلا بأختي أم المهند,,,
انا بولدي سويت نفس الشي فتعود على المرضعة وترك صدري,,, رضعته بس 6 شهور
بحاول هالمرة ما أعيد نفس الشي بقلل الرضاعة الصناعية وبعتمد على الطبيعية أكثر
مع اني أدري بعمري ما أتحمل صياح اليهال وبسكته بمرضعة,,,
انا بديت مع ولدي بحليب سميلاك ادفانس وكان يرجع كثيييييييييير في اليوم ونصحوني اني أغير الحليب فاخترت كيكوز لأنه كان خفيف,, سميلاك كان شوي ثقيل على معدته,,, نان بعد زين معظم زميلاتي يستخدمونه,,, بس تدرين بديت أفكر في بروجرس ألاحظ وايد دعاية في المستشفيات عندنا يمكن يكون زين ما أدري بنشوف آراء باقي البنات
بالنسبة للأعشاب كنت أحب أعطي ولدي كل يوم نوع مرة يانسون ومرة نعناع ومرة تمر ومرة بابونج,,, بالنسبة للطريقة هي نفسها لكل نوع تخلي الماي يغلي وتحطين نصف ملعقة صغيرة من اليانسون أو البابونج أو 3 أوراق من النعناع أو حبتين تمر وترفعينها على طول من الغاز لا تخلينها تغلي كثير وبعدين تصفينها وتخلينها تدفى شويه وبالهنا والشفا,,, صحيح نسيت أقولك تضيفين 4-5 حبات سكر نبات عشان الطعم المر للأعشاب,,, كان اذا يرفض ولدي يشربهن أشربه أنا وأكيد بيوصله مع الرضاعة الطبيعية,,,
تصدقين أول مرة أسمع عن التحنيك وبما أنها سنه عن الرسول أكيد بسويها وبعدين التمر ما أعتقد يضر اليهال
صحيح كلامج بالنسبة لمستحضرات الأطفال بس ما أدري أحس ما ركة جونسن ريحتها حلوة,,, ما أعرف اذا سيباميد نفس الشي؟؟؟؟
بالنسبة لأداة التعقيم عندي وحدة مثلها استخدمتها حق لودي لين 7 شهور وبعدين احتفظت فيها خفت تتخترب وهي مش رخيصة غالية قيمتها 400 درهم يعني 40 ريال عماني بس ما تغلى على عيالي,,, موجودة في بيبي شوب أو مذركير أنا اشتريتها من مذركير,,, مريحة وااااااااايد ما يحاج تغلين المراضع ,,, اغسليهم وحطيهم في الجهاز وشغليه وهوبروحه يقوم بالمهمة لمدة 10 دقائق ويبند الجهاز اوتوماتيكيا,,, انا كنت أشغلها بالليل وأخليها والصبح أشيل المراضع,,, أدري كنت أم كسولة
وأخيرا مشكورة على الصور عجبني جهاز نسخين الطعام أو الحليب شكلي بشتريه
هلا باختي قبقوبة ,,,
حياج عضوة معانا,,,
بس ما قلتيلنا معلومات عنج,,,
شو كان عندج بنت ولا ولد؟؟؟
وشو أخبار البيبي ألحين ؟؟؟
عرفتي جنس الجنين ولا بعدج؟؟؟
وبما أني من بلادج انتي من وين؟؟؟ انا من دبي من جميرا بالتحديد
السلام عليكم اخواتي الغاليات
ماشاء الله ماشاء الله شنو هالنشاط الزايد لا اله الا الله عيني عليكم بارده
طافتني صفحات كثيره من امس لي اليوم وكله تتعبوني وتخلوووني اقعد اقرأ الردود
بنات بخصوص الكسل ترى مو بس انتوا ياكربلاء ويا شهوده
انا ام الكسل اذا انتوا كسالى :)
كله مالي خلق اسوي شي
ويمكن السبب لاني سمعت خبر تعيس
كدر علي صفو حياتي ورب الكعبة نفسيتي وايد وايد وايد وايد تعبانه
:sad: :sad: :sad: :sad: :sad:
زوجي .....
الله يحفظه
راح يسافر دوره مدتها 4 شهور والله العظيم اكتب لكم وعيوني تغورق من الدموع
نفسيتي حدها تعبانه
والله العظيم والله ماقلت حق احد عن مشاعري وضيقة صدري الا لكم
ماني قادره اكلم احد كلمته وايد قلت له كنسلها الغيها
قال مااقدر
شغلي يتطلب مني حضور هالدوره
والمشكله اهيا ان راح يسافر بعز التعب والثقل ولما وقت ولادتي ماراح يكون موجود يمي
بنات والله ببجي انا الحين قاعده اكلمكم وعيوني تدمع ....
بس ما اقدر اكمل هالموضوع اللي مسبب لي هم كبير
وعسى ان تكرهوا شيئا وهو خير لكم
يعني تصوروا لما يرجع يكون عمر البيبي شهرين :sad:
.؟؟؟؟؟؟؟؟
آه الله كريم الله كريم
بغير الموضوع وبجاوب على اسئلة ام المهند يمكن توقف دموعي لاني ما اشوف الشاشة من كثر الدموع
هل بتعتمدي الرضاعة الطبيعية فقط ؟ إذا إيه ليش وإذا لأ ليش ؟
اتمنى هالشي والله بولدي تمنيت ارضعه طبيعي بس وقت ولادته حاشه بوصفار قوي ودخلوه المستشفى وتعلم على الصناعي وما حب الرضاعة الطبيعية وان شاء الله هالمره يتغير الحال
- للرضاعة الصناعية شو تفضلون حليب تعطونه للهيال ؟
في سعود جربت نان1 وبعد ستة شهور نان2
شو الحاجات الثانية اللي بتجهزيها للبيبي لشربها غير الحليب مثل اليانسون والشمر ووووو ؟
اي مهمه لعوار البطن للطفل واجهزها ان شاء الله بس بخصوص سكر النبات اهو ممتاز للبوصفار بس اهو اللي يسبب الغازات من واقع تجربه شخصية ولدي مات من الغازات وولد اختي اول فتره جذي بعد قال لنا دكتور متخصص بالاطفال اقطعوا سكر النبات وراح تشوفون وفعلا يوم انقطع تقولين هالطفل يجذب مافيه اي غازات مثل ماكانت بالسابق
وطيران لزوجة اخوي بنتها كله تبجي من الغازات واقطعت السكر النبات والله العظيم خف عليها وايد وايد وايد
وهل تحنيك المولود فيه ناس عنكم يسونه ولا تخافون المجازفة
والله ابوي الله يحفظه حنك سعود وعمره يوم مافي الا العافيه وسنة الرسول صلى الله عليه وسلم
حلاقة البيبي .. تفضلونها أو لأ ؟ إذا إيه ليش وإذا لأ ليش ؟
انا مارضيت الكل قالي خل نحلقه سنة الرسول عليه الصلاة والسلام بس مارضيت كان شعره يجنن كثير ونازل لي كتوفه هاهاهاهاهاي
بالاول بس
والحين يالله الله يزيده الحمدلله انه ولد خفيف خفيف خفيف جدا جدا جدا
أي المستحضرات الصابونية تفضلين تشترين يعني جونسون أو سيباميد أو أي ماركة أخرى ؟
احب جونسون لحد اليوم استعملها لولدي
شو ماركة المرضعات البلاسيكية أو الزجاجية اللي بتشترينها للبيبي ؟ وشو رايكم بماركة avent[
ماعرفها هالماركة بس راح اشتري بيجون ان شاء الله ممتازه
غالبا ما تكون ريحة ملابس البيبيهات ويييعععع من الترجيع وهالسوالف ، وللأسف الريحة ما تروح مع الصابون فإيش راح تستعملي صابون مناسب لهالأمور والسؤال للأمهات المجربات بالأخص ؟
استخدم الصابون علمتني عليه الوالده الله يخليها تقول من يوم احنا صغار تستخدمها لنا وهي صابون مبشور اعتقد ان صناعته سوريه ريحته صج صج بيبي اتينن
نرحب بالعضوه قبقووووبه والله يتمم عليج بالخير ويرزقج بالذرية الصالحة وان شاء الله شنو جنس الجنين والا لحد الحين ماعرفتي على فكره الرابطة كلها رابطة البنات الا ولد واحد الله يكون في عونه راح يتهاوشون عليه البنات هواش مو طبيعي وهو ولد مسلمة وافتخر :)
ام المهند مبروك عليج اجازة المدير :)
على فكره ترى احنا نفسكم عندنا اجازة يوم السبت المولد النبوي
واحنا لحد الحين دوامنا من السبت الى الاربعاء ماتغير والخميس والجمعة عطله
وعلى فكره ترى مواعيدي دائما مع مواعيدج لو بالكويت جان شفتج :) انا موعدي 5-4-2007
احلى شهودة
شخبارج ريحي نفسج يالغاليه وماتشوفين شر ومثل ماقلت لج كثري من الشمندر والجرجير والكبده
مسلمة وافتخر
كيف الحال بخير ان شاء الله ومبروك عليكم الاجازة الحلوه وتقبل الله طاعة زوجج ان شاء الله وخل يدعي لج ويدعي لبنات الرابطة كلهم بالولادة السهلة الله يسهل عليج وعلينا انشاءالله
دمتم سالمين
اختكم شريفة