حوامل شهر يوليو 2007

صباح الخير حبيبات قلبي

شريفة
شهودة
أم عبدالرحمن
مسلمة وأفتخر
كربلاء
سونيا
ام سلمان
كبرياء انثى
رميثيه

وعذروني إذا نسيت وحدة فيكم شحااالكم الطيبات والله إن لكم وحشة فووووق ما تتصورون

أولا أسفة على غيابي بدون ما أخبركم وسببها يا طويلات العمر إن بنت عمتي توفت يوم الإثنين الماضي وأخذت إجازة عزاء عشان اقوم بالواجب واليوم مداومة فقط ..

هذا غير أخباري عن الحمل اللي بخبركم إياها بعدين الحين داشة أطمنكم بس وأسجل حضور على قولتهم ..

هههههههههههههه حبيبتي أم عبدالرحمن يو الحبة عليش سوالف ما عليش راجعتلش خخخخخخخ ..

يالله بنات أشوفكم بعد شوي عندي شغل الحين فديتكم أنا

[grade="00BFFF 4169E1 0000FF"]اقول ام المهند
تكلمي ماية بالعماني الخطرة
ترا في ناس " ام سعود" حابة تسولف كمانا
وحياها الله [/grade]

[grade="00BFFF 4169E1 0000FF"]سونيا بالخصوص

مشتاقين نسمع سوالفك

وهل زرتي اهلك

وعسى دراستك ميسرة

وحملك بعد،،،،[/grade]

مرحبا بكم حواملنا كيف الحااااال


أهلا بأم المهند نحن أتطمنا عليج وغيابك عنا خلانا نتوله عليج أكثر


وعالعموم أختي الله يرحم بنت عمك ويغفر لها ويجعل قبرها روضة من رياض الجنة ويصبر اهلها ويلطف فيهم



أم عبد الرحمن ماشاء الله وعلى سوالفك الحلوه وحلو أنش تكلمي جنينك وحركته أروع شي
حسيته بالحمل



وأشوفكم يابنات على خيييير


بس لاتقاطعونا

ياهلا بام المهند
هلا والله الحمدلله على سلامتج
وعظم الله اجركم واحسن الله عزاكم
وادخل الله فقيدتكم فسيح جناته واغسلها الله بالماء والثلج والبرد وينقيها من الخطايا كما ينقى الثوب الابيض من الدنس
الله يرحمها

اهم شي انج بخير وبصحة وعافيه طمنينا عليج
ناطرينج وناطرين نسمع اخبارج
حبيبتي
يا ام المهند

ام عبدالرحمن
ياحليل الكتكووته فجووووره
واحلى دلع جوووري
الله يتمم عليج ويخليها لج وتشيلينها مابين ايديج ان شاء الله
كلميها ولمسي بطنج وانتي تكلمينها تحس فيج والله
وتسمعج

بس لا تتكلمووون عماني الا لما تعلمووووني ترى ضعت معاكم :)
بانتظار الدروس الخصوصية للهجة العمانيه


دمتم سالمين
اختكم شريفة

السلام عليكم ورحمه الله وبركاته

اخر دوره لي 25\9

وانا الحين باول الشهر السادس.. وهذا اول حمل لي بعد 5 سنوات زواج ولله الحمد البيبي يتحرك وكل شئ تمام الحمدلله مدام خلصنا من فتره الوحام..


وبالنسبه للجنس بنوته انشاء الله.. بس احس بطني مازال صغير يعني مايبين كثير وودي اعرف اذا هالشئ طبيعي والا لا ..

واشوفكم مره ثانيه

UMABDULRAHMAN:

[grade="00BFFF 4169E1 0000FF"]هو هو هو

هلا بالطش والرش والماء ورد في الغرش
اشرقت وانورت
ابوي انتي ام المهند
رديتي الروح فيني نعم يوم شفتك هنا
لا وبعد سابقتني في الرد
********

ع العموم
" الله يحسن عزاكم في فقيدتكم والله يثبتها ويغفرلها ويرحمها ويدخلها فسيح جناته "
ما اعرف حس فوادي انه عذرك بيكون كذا
الله يلهمكم الصبر والسلوان

***
نبغى علومش يو الحـــــــــــــبة
ترانا نحرصك
على احر من الجمر
*****[/grade]

الله بالخير أم فجوورة

الدايم الباقي الله ..

مو حالش ماه .. يو الحبة إنتيه والله أنا بو مشتاقتنكم واااجد وصرت ما أقدر أودركم ولو لحظة لكن مو نسوي الظروف بنت الحلال أجبرتنا .. جزاش الله خير على سؤالش عني ..

وعلومي جايتنكم أستا أستا علي خليني أرد على البنيات بو معانا في الرابطة فديتهن أنا ..

وهذا عماني وكلمناش والله يستر لا ننطرد من هنا خخخخخخخخخ

UMABDULRAHMAN:
[grade="00BFFF 4169E1 0000FF"]اقول ام المهند
تكلمي ماية بالعماني الخطرة
ترا في ناس " ام سعود" حابة تسولف كمانا
وحياها الله [/grade]

هههههههههه بحول الله بنتكلم لهجتنا ولا يهمش وبننسى شكلنا سوالف الحمل وبنخلي رابطتنا مدرسة لتعليم اللهجات

بس كله ولا أم سعود وما يصير خاطرها إلا طيب

وحياها الله

UMABDULRAHMAN:
[grade="00BFFF 4169E1 0000FF"]سونيا بالخصوص

مشتاقين نسمع سوالفك

وهل زرتي اهلك

وعسى دراستك ميسرة

وحملك بعد،،،،[/grade]

هيه والله أشوف ما لها حس .. يالله يا سونيا طمنينا عليك يالغلا

أحلى شهد:
مرحبا بكم حواملنا كيف الحااااال


أهلا بأم المهند نحن أتطمنا عليج وغيابك عنا خلانا نتوله عليج أكثر


وعالعموم أختي الله يرحم بنت عمك ويغفر لها ويجعل قبرها روضة من رياض الجنة ويصبر اهلها ويلطف فيهم



وأشوفكم يابنات على خيييير


بس لاتقاطعونا

هلا هلا بأحلي أم شهد .. شخبارك حبوبة .. تولهت عليكم وعلى طلتكم بجد بجج صرنا ما نستغنى عنكم .. والله يرحم جميع المسلمين الأحياء من هم والأموات ، مشكورة يا قلبي على مواساتك لي وإن شاء الله آخر الأحزان يا رب .


ما نقاطعكم إن شاء الله ومع بعض إلى نهاية المشوار

SHREEFA:
ياهلا بام المهند
هلا والله الحمدلله على سلامتج
وعظم الله اجركم واحسن الله عزاكم
وادخل الله فقيدتكم فسيح جناته واغسلها الله بالماء والثلج والبرد وينقيها من الخطايا كما ينقى الثوب الابيض من الدنس
الله يرحمها

اهم شي انج بخير وبصحة وعافيه طمنينا عليج
ناطرينج وناطرين نسمع اخبارج
حبيبتي
يا ام المهند

بس لا تتكلمووون عماني الا لما تعلمووووني ترى ضعت معاكم :)
بانتظار الدروس الخصوصية للهجة العمانيه


دمتم سالمين
اختكم شريفة

صباح الخير يا أم سعود كيف أحوالكم إن شاء الله عال العال ..

الدوام والبقاء لله حبيبتي وهذا حال الدنيا تشوفين أحبابك في الدنيا بس ( الله يرحمها ) تسلمين يا قلبي على كلامك الحلو ما قصرتي أبد .

وبطمنكم علي بعد شوي ولا يهمك وإن شاء الله أخبار طيبة نوعا ما والإنسان ما يقول إلا الحمد لله على كل حال ..

وبعدين تحملينا شوي أنا وأم فجورة الله يعينك على لهجتنا هي عموما سهلة بس عاد يبغى لها تركيز وراح تفهمي الدرس إن شاء الله خخخخخخ .. أقول أم سعود إشمعنى نحن العمانيين نفهم جميع اللهجات الخليجية إلا إنتوا ما تفهمونا هههههههههه بصراحة إعذروني على هالسؤال بس هذا اللي ألاحظه ولا شو رايك يا أم فجورة ؟ وعلى فكرة بالذات اللهجة الكويتية نفهمها وااايد أعتقد هذا من زود المسلسلات اللي كانت الكويت لها الصدارة فيها ودومنا نتابعها ( الله يرحم أيام زمان والله ) ..

في النهاية خليجنا واحد وشعبنا واحد

نبض المعاني:

السلام عليكم ورحمه الله وبركاته

اخر دوره لي 25\9

وانا الحين باول الشهر السادس.. وهذا اول حمل لي بعد 5 سنوات زواج ولله الحمد البيبي يتحرك وكل شئ تمام الحمدلله مدام خلصنا من فتره الوحام..


وبالنسبه للجنس بنوته انشاء الله.. بس احس بطني مازال صغير يعني مايبين كثير وودي اعرف اذا هالشئ طبيعي والا لا ..

واشوفكم مره ثانيه

هلا والله بنبض المعاني منورة رابطتنا يا عسل بس مو كنك متأخرة علينا ..

عموما مبارك لك الحمل والحمد لله الله عوض صبرك بخير ، وما شاء الله عرفتي جنس المولود ، الله يبارك فيها يا رب ويجعلها البارة الصالحة بأهلها آمييين

يالله ناطرينك ويانا دوووم

أم المهند:

وبعدين تحملينا شوي أنا وأم فجورة الله يعينك على لهجتنا هي عموما سهلة بس عاد يبغى لها تركيز وراح تفهمي الدرس إن شاء الله خخخخخخ .. أقول أم سعود إشمعنى نحن العمانيين نفهم جميع اللهجات الخليجية إلا إنتوا ما تفهمونا هههههههههه بصراحة إعذروني على هالسؤال بس هذا اللي ألاحظه ولا شو رايك يا أم فجورة ؟ وعلى فكرة بالذات اللهجة الكويتية نفهمها وااايد أعتقد هذا من زود المسلسلات اللي كانت الكويت لها الصدارة فيها ودومنا نتابعها ( الله يرحم أيام زمان والله ) ..

في النهاية خليجنا واحد وشعبنا واحد

ايش رايك ام المهند نعمل موضوع جديد ونعلم اللي يبى يتعلم اللهجة المحلية العمانية
وبعدين ليش ننطرد من الرابطة عسب اننا نتكلم لهجتنا
ليش اللغة الرسمية للمنتدى هي اللغة الفصحى:gum:

ما عليه ... :sad:

نبض المعاني:

السلام عليكم ورحمه الله وبركاته

اخر دوره لي 25\9

وانا الحين باول الشهر السادس.. وهذا اول حمل لي بعد 5 سنوات زواج ولله الحمد البيبي يتحرك وكل شئ تمام الحمدلله مدام خلصنا من فتره الوحام..


وبالنسبه للجنس بنوته انشاء الله.. بس احس بطني مازال صغير يعني مايبين كثير وودي اعرف اذا هالشئ طبيعي والا لا ..

واشوفكم مره ثانيه

[grade="00BFFF 4169E1 0000FF"] ام المهند وين هاربة

ما عطيتنا علومك ويا الحمل

زعلتينا بصراحة [/grade]

صوبنا صوبنا الزعلانيين أم فجورة خخخخخخ أفا عليش يو الغالية إنتي تامرين أمر

شوفوا سالفتي يا حلوات .. طبعاً أنا مؤخرا بسبب إرتفاع الضغط وعدم نزوله صرت في أحيان متلاحقة أحس بشوية صداع بس غير مزعج ، والضغط للأسف ما طاع ينزل عن المعدل الأولاني والدكتورة تمت تعطيني مواعيد كل أسبوع مرة بهدلة والله وكله هاي عشان قياسات الضغط خبرتها بيقيسني أخوي لأنه ( دكتور ) وحضرتها ما وافقت تقول تريد تتابع معاي أونه ..

المهم والله ما تكلت على دوا الضغط اللي هي عطتني إياه إسمه ( إلدوميت ) ونصحني أخوي الثاني أمشي عيادته الخاصة ( هميوباثي ) وقالي ما أنصحك تشربين دواهم الكيماوي وما تعرفي شو أضراره ومن هالكلام عموما عملت بنصيحته ورحت لعيادته ( بس تراه مو هو الطبيب ) هو فقط صاحب العيادة بس هناك دكتورة هندية شافت حالتي وعطتني أدويتهم الخاصة والله بنات وأقسم بالله أسبوع واحد ونزل الضغط بشكل ما تتصورونه ولله الحمد والشكر ولا زلت مواصلة ع الأدوية ..

طبعا الدكتورة في كل مرة تكشف بالسونار تشوف صحة البيبي أسألها عن جنسه تقول لسه ما مبين ( نحاسة وربي ) .. عندي موعد يوم 11/3 للسونار وهالمرة ناوية لها نية وشكلها بتفتح فمها مندهشة إن كيف ضغطي نزل ولله الحمد وساعتها تشوف شو أقولها خخخخخخ ..

والكروشة عندي بعدها مو مبينة ذاك الزود مدري ليش بس الحركة تتزايد يوم عن يوم ولله الحمد ، على فكرة زوجي حلمني أجيب ولد وأسميه ( محمد ) وقلت له أبشر هذا إذا جا ولد بالذات إنه متناسق مع المهند علما بأني كنت ناوية أسميه المؤيد بس محمد هزني بصراحة بالذات لما حلم زوجي هالإسم ..

دعواتكم بنات في الفحصوات القادمة تمر بسلام وهاي أخباري وأسفة إني طولت عليكم

أشوفكم على خير بعد شويات

نبض المعاني:

السلام عليكم ورحمه الله وبركاته

اخر دوره لي 25\9

وانا الحين باول الشهر السادس.. وهذا اول حمل لي بعد 5 سنوات زواج ولله الحمد البيبي يتحرك وكل شئ تمام الحمدلله مدام خلصنا من فتره الوحام..


وبالنسبه للجنس بنوته انشاء الله.. بس احس بطني مازال صغير يعني مايبين كثير وودي اعرف اذا هالشئ طبيعي والا لا ..

واشوفكم مره ثانيه

وعليكم السلام أختي نبض المعاني

وياهلا ومرحبا بك ويانا بالرابطه

أنتي موعدك أظن معايا لأني أخر دوره مثل تاريخك وولادتي بأذن الله بتكون

بتاريخ 2\7\2007

ومبروك عليك الحمل وحركه البيبي وأنتهاء فتره الوحام ودخولك الشهر السادس وعالبنوته :shy:

جيتي يا أختي متأخره شوي عن هالرابطه وإن شاء الله أنشوف طلتك معانا على طول


وسالفه البطن عادي أختي لما كان لي أول حمل بطني ماكان يبين وحتى وأني بالسادس


وماشاء الله جبت الولد ووزنه كيلوين ونص وكان حجمه زين لا صغير ولا كبير وبعد فتره شهرين


تقريبا صار غييير عن ولادته تماما أستوى ولدي مربرب وحلو والكل ماتوقع أنه يستوي بهالحلاوه

أم المهند:
الله بالخير أم فجوورة

الدايم الباقي الله ..

مو حالش ماه .. يو الحبة إنتيه والله أنا بو مشتاقتنكم واااجد وصرت ما أقدر أودركم ولو لحظة لكن مو نسوي الظروف بنت الحلال أجبرتنا .. جزاش الله خير على سؤالش عني ..

وعلومي جايتنكم أستا أستا علي خليني أرد على البنيات بو معانا في الرابطة فديتهن أنا ..

وهذا عماني وكلمناش والله يستر لا ننطرد من هنا خخخخخخخخخ

مرحبا بأم المهند


:think: :think: :think: شسالفه مافهمت شي :think: :think: :think:



:mad2: :mad2: :mad2: ماتدرون عندكم أحلى شهد فضوليه تبي تعرف كل كلمه لكن :eek2: :eek2: :eek2:


ترجمولناااااااااااااااااااااااااااااااااااااا :pain: :pain: