السلام عليكم ورحمة الله وبركاته
والله والله ولهت عليكم
وايد وايد
شلونكم
جميعا
ام المهند
ام عبدالرحمن
سونيا ام فجر :)
كربلاء
مسلمة وافتخر
احلى شهد
ام سلمان
كبرياء انثى
رميثيه
والكل شلونكم وشلون الحمل معاكم
شسالفة الدم
خل اقولكم قصتي
بنات يوم الخميس يوم عيدي ميلادي يوم اقولكم بروح البر والمزرعه
قمت الصبح اخذت لي شاور وتريقت (فطرت) رحت الجمعية (السوبرماركت) بشتري كيكة على علم الكويت بمناسبة عيد ميلادي والعيد الوطني وعيد التحرير
قلت لكم من قبل معاي رقعه وسألتوني شنو الرقعه وهي ضربات القلب عندي احس فيها بازدياد عند كل مجهود حتى لو بسيط ولكن شي يعني بالمعقول
المهم انا عقب ما فطرت حسبت ببداية ضربات القلب بزيادتها
لبست ملابسي وطلعت دخلت الجمعية وقفت عند جهاز السحب الالي لسحب فلوس لا زادت ضربات القلب لدرجة شعوري بها سوف يخرج قلبي من فمي
وحسيت ان سوف يغمى علي وانقطع النفس رجعت خطواتي ولا ارى جيدا وعيوني بدأت بالزغللة
رجعت الى سيارتي وطيران على المستوصف وقفت عند شباك الارقام واسقط لا يوجد نفس وقلبي سوف يقف من كثرة ضرباته
وتزداد الحركة من حولي السسترات (الممرضات) والدكاتره وتخطيط للقلب وقياس ضغط الدم وقياس السكر كل شي طبيعي ولكن تخطيط القلب غير طبيعي ويتم تحويلي بسيارة الاسعاف الى اقرب مستشفى
بدأت بالبكاء لالالالالالالالالالالالالالالالالالالالالا اريد سيارة الاسعاف اخاف منها احس انها الموت بعينه
بدأت ابكي كأني طفل صغير يقول لي الدكتور لا تبكين لديك نقص اوكسجين وتحتاجين الى هواء ويضعوني بالملاحظة والاجهزة من حولي وعلى قلي والاوكسجين علي
اتصلت بزوجي وماقدرت اتكلم بس ابكي :cry: :cry: :cry: بدأ بالصراخ شفيج كلميني عسى ماشر وينج قلت بس كلمة وحده بالمستوصف اهي اهي اهي وابكي :cry: :cry:
جاءني طيران ووقع بانه المسؤول عن نقلي الى المستشفى بدل سيارة الاسعاف وذهبنا الى المستشفى وابر وتحاليل وتخطيط قلب وحرارة وسكر وضغط ومغذي :pain: نوموني تحت الملاحظة
كلشي طبيعي وبعد نتيجه الدم تبين ان الدم نازل نسبة 11 مو كثير نسبة نزوله والحديد نازل نسيت كم نسبته واشياء بعد ثانيه نازله
وتم تحويلي الى المستشفى المتخصص في الولادة
قلت لالالاماله داعي بدأت ضربات قلبي بالهدوء بعد الاوكسجين والمغذي ذهبت الى العيادة الخاصة التي اراجع عندها واتصلت على دكتورتي قبلها وقالت تعالي عندي انا بانتظارك
طمنتني على البيبي الحمدلله
وزادت لي حبوب الحديد بدل الواحدة اثنتين وقالت اول ما تشعرين بدقات القلب تتسارع اكلي قطعة كاكاو
لان الجسم بحاجة الى دم فيضخ القلب كميات اكبر من الدم ولذلك تزداد ضرباته ليعمل ويمد الدم بالكمية المطلوبه من الدم والاكسجين
وفعلا بنات انا ما اكل كاكاو ولاشي فيه سكر لانه ماحب السكر طبع والناس اطباع
وقالت لي اكثري من البرتقال وعصير البرتقال
وانا من ذاك اليوم
وانا اكل شمندر جرجير وهكذا
بس بيني وبينكم لم اقم باكل حبتين حديد مازلت على حبه واحده نفسيا ماني متقبله مادري ليش وماكو الا العافيه ان شاء الله وسامحوني
ويوم عيد ميلادي كان بالمستشفى من الساعة 10 صباحا الى الساعة 6 مساءا مع زوجي وابني لان جميع الاهل في المزرعه وفي البر وابني بس يبكي خايف من الوضع :cry:
والحمدلله على كل حال
وكل عام وانا بخير
واليومين اللي طافوا بس كنت مريحه نفسي عن التعب وعن اي مجهود
سامحوني على الاطالة
احلى شهد
كل عام وانتي بالف خير وصحة وعافيه وعقبال الــ100 سنة ان شاء الله
وماتشوفين شر يالغاليه
وهذي هدية بسيطه مني
هذي بطاقة كل عام وانتي بخير
هذي هدية بسيطة لا تقولين حق البنات شنو داخلها
هذا بوكيه ورد على ذوقي لج
هذي كيكة عيد ميلادج قطعي منها ووزعي على بنات الرابطه
دمتم سالمين
اختكم شريفة