SHREEFA:
السلام عليكم
شلونكم بنات بخير ان شاء الله
شلون بيبياتكم كتاكيييييتكم
:)
اخواتي والله تعبتوووني معاكم وايد وصدمتوووني انكم ماتعرفون شي اسمه
الدرابيل
وقلت بخليكم تسألون امهاتكم اكلة كويتيه خليجية حلوه تغمس بالحليب مثل البقصم
بس قلت لالالالا ضروري احط صورة الدرابيل للبنات
واقعد ادورلكم صوره بالنت
الله يسامحكم ساعة بالضبط يالله يالله بالغصب لقيت لكم صوره
هذا هو الدرابيل
مع الحليب ينوكل على الريوق والا العشاء شي خفيف
وسمعت ان بالسعودية يسمونه النشاب
ومادري شنو يسمونه عندكم عندنا مصانع بالكويت وبالبحرين للدرابيل
:)
الحين انا ارتحت يوم لقيت الصوره
المهم انتوا شخباركم وشلون الحمل معاكم
انا بخير الله يسلمكم بس معاي بنات رقعه بالقلب يعني اي جهد اسوي حتى لو اصلي استغفر الله احس نفسي متعبه ومنهكة للعلم اني اخذ فيتامينات وكالسيوم وحديد بس احب ساعات بالتعب
من اي مجهود بسيط
اتوقع طبيعي مع الحمل مع ان لحد الحين مافي بطن ولا يبيين اني حامل
ام فجر عاشت الاسامي والله فرحت يوم شفتج كاتبه بتوقيعج ونهاية كلامج ام فجر
عاشت الاسامي يا فجووووووووره
والله راح نوله عليكم بالويك اند اشوفكم دائما بالويك اند المشاركات تقل
وشكلي راح اصير معاكم لان الله يسلمكم
عندنا اجازة بالكويت لليوم الوطني ويوم التحرير يعني من اليوم احتفالات وحوووسه ولويه
والكل الاهل والناس اللي بيروح البر
انا اهلي بيروحون المزرعة امي وابوي واخواني بينامون هناك
واهل زوجي بيروحون البر بينامون هناك
فانا مره بروح عند اهلي ومره عند اهل زوجي وهلما جرى لما تخلص العطلة ليوم الاثنين بس ان شاء الله وباذن الله اللاب توب معاي ما استغنى عنكم ولا اسمع عنكم اخر الاخبار ستة ايام لالا راح اتواصل معاكم
وعلى فكرة باجر 22-2-2007 عيد ميلادي ويصير عمري 28 سنة لي العمر كله ان شاء الله
ويسألني زوجي جم راح يصير عمرج قلت له 24 سنة قال من تزوجتج وانتي 24 ولحد الحين 24 قلت له حتى السنة الياية 24 سنة راح يكون عمري
هاهاهاهاهاهاي
والبيبي يسلم عليكم الكسوووووووول مادري الكسوووووووله وان شاء الله تطلع كسوووله
والله فرق معاي بحملي الاول فرق بحركة البيبي هذا لحد الحين حركة خفيفة جدا
ويومين وادخل السادس بس يالله الحمدلله على كل حال اهم شي الصحة والعافيه
وان شاء الله اذا في مجال هاليومين اسوي لي سونار ثلاثي الابعاد واقولكم اخر اخباري
وخلوووكم بانتظاري :)
دمتم سالمين
اختكم شريفة
شوشو ما شاء الله علي سوالفك الحلوه تعجبني
وأولا شخبارك وسلامي لك وللبيبي العنونو
وأخييييرا هالدرابيل هذا يطلع النشاااااااب
حبوبه نحن نسميه نشاااااب وكلمه درابيل أول مره أسمعها لكن (( ومنكم نستفيد ))
ومشكوووره حبوبه وسمحيلنا مانبي نتعبش ويانا بس شي زين عرفنا شو هو الدرابيل
***************************************
الحمد لله الحمل ماشي عال العااااااااال وكل هذا بفضل من الله
وماتشوفي شر حبوبه عالتعب والجهد اللي يصيدج وما فهمت شو هي الرقعه بالقلب
بس حتى أني لما اقوم بأي عمل اتعب لكن مكيفه نفسي عالراااااااحه
*******************************
تتهني أختي بالأجازه وأستانسي بيها وريحي جسمج عالآخر
وروحي المزرعه وأستانسي ترا جو المزارع والخضره حلوووو راح تنتعشي أكثر من البر غبره
وخيااااااااام والمكان اللي اتحسي بترتاحي له أكثر روحيله وبالعافيه عليكم ولاتنسي الاب توب
عشااان تتواصلي معانا ((( ويكون أحسن اتمري البحرين وتاخذيني معااج ))) هههه تحب الطلعات
وكل سنه وأنتي طيبه وعقباااااال العمر كلووووو يارب
وهذي الكيكه لج
بس عااااد ترى عيد ميلادي جريب بعدج بأربعه أيام واليوم كنت أتكلم ويه زوجي عشان من وين ناخذ الكيكه وفوق هذا اتصلت لي رفيجتي تبيني اروح أياها محل الكيك عشان تختار لزواجها
ورحت معاها محلات الكيك ((( مدري أشفيني اليوم عالكيك ))) وفوق هذا ما أكت نتيفه كيكه
وصدق ضحكت من الخاطر على سالفتش من عرستي للحين ماتغير عمرج هههههههه 24
بأذن الله تاريخ 26\2\2007 أكمل الأربع وعشرين وأدخل في الخمسه وعشرين
وسلميلي عالبيبي الكسووووول وبوسيه عني ((( تقدري عاااد))) :clap:
ونحن بأنتظار أخر أخبارك حبوبه شوشو وأخبار العنونو