حوامل شهر يوليو 2007

[grade="00BFFF 4169E1 0000FF"]رميثية شكرا ع مجهودك الغالية




بس الدلة اللي انا شفتها كانت غير
فيها لونين اصفر مع احمر وشكلها مثل الديزانات القديمة
تعرفي
هي وفناجين معاها بنفس الالوان
حتى كان حجم الفنجان كبير
ما ادري انتووا ادرى حبيبتي بسوق الامارات[/grade]

[grade="00BFFF 4169E1 0000FF"]

سونيا
انا اذا راح اولد بولد في مستشفى حكومي " السلطاني "
يعني اكثر من توزيعة الحلويات
وبالفعل بس خليني اخلص من عرس حميي هالاسبوع الله يتمم بخير
وبروح اشوف المحل وبودي التصميم ونتفق ع السعر
ما اعتقد الامن يسمح انه ندخل شئ ثاني


بس عجبتني سالفة الفطاير، وكاتشوري، وعصير
ممكن اشوف مطاعم حبارى الزنجباري
وبخلي خواتي يجيبوا لي كمية حال الضيوف اللي بيجيوا اول يوم



[/grade]

خلاص رسيتي على السلطاني بس ترا سمعت وايد احسن من خولة.. بس امي تحب الخولة يمكن لان كل ولادتها كانت هناك وتشجعني بس الحين اقتنعت بمسقط يوم شافت معاملتهم.. بسالك سؤال انتي ناوية تاخذين حد معاك وقت الولادة داخل غرفة الولادة قصدي.. لان انا ماناوية احس بتنفرز اذا حد معاي ومااقدر اتصرف طبيعي.. بس في نقس الوقت ابي امي او زوجي لاني اخااااااااااااااااااف :(

صباح الخير كروشات
لين اسمعكم تتكلمون عن اللي برزتوه احس انا يبي لي وايييييد لين اخلص اشيائي

مبروك حبيبتي سونيا انج تطمنتي على بيبيتج ، والفال لي بعد اجوفها على ال3D لأن زوجي مب راضي مادري ليش :(

بنات ابي اسألكم انا من يومين وما ارقد احس جنه بطني وايد يألمني (من تحت) جنه مغض او الامنان ، متى يبتدي الامنان نسيت مادري في التاسع او قبل

طمنوني بليييييييز
لأني بعد اخاف اروح الدختر وعندي موعد الاسبوع الجاي

وصج بنات وحشتني الرقده على البطن :)

رميثية:
هلا ام عبد الرحمن شخبارج,,,

والله ضحكتيني يوم قريت صواني ودلة أم خماس,,,

ام خماس الله يسلمكم شخصية كرتونية تمثل شخصية حرمة حقيقية من الماضي,,,

بس سالفة دلة ام خماس أول مرة اسمع فيها,,,

بحاول أدور صورة ها وبنزلها في المنتدى,,,,

ياحليلها أم خماس والله سوالفها تضحك شفت هالبرنامج بشهر رمضان


بس السلطنه مبين عندهم في دله وشغلات مشهوره بأم خماس

رميثية:
هلا شهودة ,,,

شخبارج,,,

انا الحمدلله بخير ,,,

يا هلا برميثيه


الحمد لله أخباري طيبه وبنوتتي بخير وتسلم على بنوتتك عليا


وإن شالله نلاقكم دوووم بخير وصحه يارب

sounya:
صباح الخير.. شخباركم كروشات
يلا بخبركم شو استوى معاي البارحة ..موعدي اسبوع الجاي عند الدكتورة بس هي اتصلت فيني على اساس اروح لها امس لانها مسافرة اسبوع الجاي مهم رحت وتطمن كل شي تمام والحمدلله الضغط والوزن والدم .. قالت لي لازم اعمل التراساوند عشان تبي تشوف الحبل السري هل ملتف بالرقبة ولا لا...مهم حصلت موعد للتراساوند بنفس اليوم قلت خليني اخلص وعملت التراساوند الملون.......... ياربي شوفت بنتي ايش حلااتها فهما انفها احسه يشبهني :shy: وطمنتني ان كل شي طبيعي الوزن والحجم وشفتها مخددة ماشاء الله خخخخ الظاهر نصيحة ام مهند جابت فايدة.. وقالت الحين نبدا التصورير وبنتي ماراضية تلف فقالت لها الدكتور ياربي انتي عنيدة وفوضوية تخيلوا شو سويت غطت وجهها بيدها ورجولها وكشرت قالت دكتور حشا حساسة البنت..زوجي قال طالعة على امها:shy: وبعدين راضيناها وكليت حلاوة وجلستت تتحرك وعطوني صور حلوووووووووووووووووة بالمرة ومن ضمنها صورة وهي كانها تتكلم بالتلفون ..صاح زوجي الله يعينا على مصاريفها بعديم خخخخخخ.. ادعوا الله يحفظها
كربلاء سالت الدكتورة عن سؤالك هل يبين الشعر وقالت ايوا وورتني شعر بنتي وقالت حمدلله ماصلعة خخخخ

يلا عاد انا مستانسة واصله حدي بخبركم عن تجهيزاتي.. غرفة نستشفى خليتها لونين المارون مع البيج وعملت توزيعات عبارة عن صندوق مارون مزين بالخرز البيج فيها ميدالية مكتوب عليها ماشاء الله وعين الحسد ونص الباقي سويتها براويز صغيرة تحتوي على دعاء السفر يقدر الواحد يحتفظ بها بالشنطة مع الحلويات عبارة حلاوة وفوقها كيس مال ماي.. وعملت دعاء كبير يوضع عند مدخل المستشفى وجهزت لها مفرش التقديم والقماط والملابس على هاللونين
اما البيت فعملت فكرة الفواكه وسويت الحلاوة مع الكوكيز( البسكويت) على اشكال الفواكه وشريت طقم للفراش فيها الوان متنوعة
وعملت للسبوع لونين اخضر مع ذهبي وماعملت حلويات انما مكسرات لفيتها في قماش ذهبي وعلقيته في عيدان عشان تكون للتوزيع وبدال الشموع شريت الفوانيس وصبغتها اخضر مع شرائط ذهبية عشان يدوروا حول الطفل وتكون اكثر امن من الشموع
اما اكلاتنا للضيوف تكون عبارة حلوى عماني وحلاوة نارجيل واللدو( دوائر) وحلويات تقليدية في المستشفى.. اما البيت فيكون نفس الاشياء تقريبا ولكن مع الخفايف والفطاير وعصير الكوكتيل
وشريت صواني التقديم مرة حلوة من سيتي بلازا

يلا عاد تعبت وايد وخبرتكم كل اسراري خخخخخ ..يلا ابي اسمع تعليقاتكم :clap:

ما شاء الله ما شاء الله

أخبار حلوه وأحلى شي فيها هالبنوته عيني عليها بارده

وتتهنين يا أم شهوده بالصور وبصاحبه الصور الله يطلعها بالسلامه

و عليج بالعافيه بكل تجهيزاتج الحلوه ما شاء الله تدقيق في هالسوالف

* أم راشــــد *:


صباح الخير كروشات

بنات ابي اسألكم انا من يومين وما ارقد احس جنه بطني وايد يألمني (من تحت) جنه مغض او الامنان ، متى يبتدي الامنان نسيت مادري في التاسع او قبل

طمنوني بليييييييز
لأني بعد اخاف اروح الدختر وعندي موعد الاسبوع الجاي

وصج بنات وحشتني الرقده على البطن :)

هلا بأم رشودي


ليش تحاتيت أختي واذا الالم زايد روحي للدكتوره

بس ألم البطن من الاسفل طبيعي من الوحده تحمل للولاده

بس سالفه الامنان مو فاهمتنها ,,,, شو قصدك بالأمنان :think:

و يا أختي لين جيت بنام ولا قدرت اريح ولا على جانب أشتاق للنوم على البطن :sad:

أحلى شهد:
هلا بأم رشودي


ليش تحاتيت أختي واذا الالم زايد روحي للدكتوره

بس ألم البطن من الاسفل طبيعي من الوحده تحمل للولاده

بس سالفه الامنان مو فاهمتنها ,,,, شو قصدك بالأمنان :think:

و يا أختي لين جيت بنام ولا قدرت اريح ولا على جانب أشتاق للنوم على البطن :sad:

مشكورة يا احلى شهوده

الامنان الله يسلمج : في آخر الحمال ايي دايما الم نفس الطلق بس خفيف ايي ويروح بس نسيت ايي اخر 3 اشهر او اخر شهر، الالم يكون نفس المغص ايود البطن من تحت شوي ويروح

* أم راشــــد *:

مشكورة يا احلى شهوده

الامنان الله يسلمج : في آخر الحمال ايي دايما الم نفس الطلق بس خفيف ايي ويروح بس نسيت ايي اخر 3 اشهر او اخر شهر، الالم يكون نفس المغص ايود البطن من تحت شوي ويروح

عرفت قصدش أم رشود


وهذا خيوه يجي آخر شهر على ما أظن


حمالي بعلاوي كان فيني بآخر شهر نفس الالم اللي ذكرتيه

[grade="00BFFF 4169E1 0000FF"]والله كلنا مشتاقين لنومة ع الظهر
وع البطن
يمي يمي يمي

وبعد مشتاقة اتقلب وانا نايمة ع السريع من غير ما اقول اه اه
وزوجي يساعدني في التقليب من جنب ع جنب يوم يكون صاحي

الله ايام الراحة في النومة والتقليب جــــــــــــاية ان شاء الله[/grade]

أحلى شهد:
ما شاء الله ما شاء الله

أخبار حلوه وأحلى شي فيها هالبنوته عيني عليها بارده

وتتهنين يا أم شهوده بالصور وبصاحبه الصور الله يطلعها بالسلامه

و عليج بالعافيه بكل تجهيزاتج الحلوه ما شاء الله تدقيق في هالسوالف

تسلمي حبيبتي ..الا قوليلي شخبار مريومة سلمي عليها :)
واكيد تكون تجهيزات حلوة لان الي تسويها من ديرتكم من البحرين الشقيقة وماشاء الله عليها افكار روعة :shy:

صباح الخير كروشات

يعني حتى محد سأل عني .. محد إفتقدني

عموما أنا توني راجعة من المستشفى ورحت اليوم عشان فحص السكر والنتيجة تطلع اليوم المسا الدكتورة راح تتصل فيني إن شاء الله ..

أخبركم عن موعدي مال أمس الساعة 4 العصر .. طبعا معالي الأمين العام ما زارنا المكتب أمس بعد ما كنت ناوية أطلع بدري من المكتب عشان أتزهب للموعد لكن لزوم الزيارة أجبرتني على البقاء لين نهاية الدوام ..

رحت الموعد والحمد لله كالعادة ما أنتظر ولو دقيقة وعلى طول هات يا فحوصات ، والحمد لله والشكر جميع فحوصاتي أوكيه ..

وزني زايد كيلو ونصف يعني لين الحين زدت من بداية الحمل بس 5 كيلو ونصف

الضغط في المعدل الطبيعي ولله الحمد

وفحوصات البول وإنتوا بكرامة كلها تمام ..

وشفت مودي بالأشعة وتطمنت عليها الحمد لله بس فيه حاجة بسيطة أرقتني شووووي

تقول الدكتورة إن حجم جسم مودي أقل بأسبوع عن العمر الحقيقي للحمل وهذا نتيجة الضغط اللي جاني ببداية الحمل ، خبرتها هل راح يتحسن الأمر وطمنتي إن شاء الله إيه .. وزنها مناسب وطبيعي حوالي كيلو و100 غرام الحمد لله ( لا تنسوا أنا أخر وحدة فيكم بولد ) ، بس شو رايكم بموضوع الحجم وهل له علاقة بالأكل تعتقدوا ..

عموما في فحص حضرتها كانت ناسية تسويه لي وهو فحص السكر وزين إني ذكرتها .. عشان كذا خبرتني أجي اليوم الثاني من بدري ( اللي هو اليوم طبعا ) ورحت لها جلست هناك 3 ساعات تاخذ فحوصات عقب ما شربت ذاك اللوعان الجلكوز علما بأني كنت صايمة من أمس المسا وسحبت دم مني 3 مرات تقول فحص السكر ، الهيموجلوبين ، ووظائف الكبد

والنتيجة اليوم أعرفها المغرب إدعوا لي بالفحوصات السليمة أيضا ..

وهذي مختصر علومي والسموحة ع الإطالة

بيييييييييييييييه


أم المهند تتشره عليناااا



الله يستر :sad:



إلا اقول والله اني من جلست على هالرابطه اليوم والله واللي يعلم بالغيب جل وعلا


بيعلم بحالي قاعده أحرصش متى تجين

UMABDULRAHMAN:
[grade="00BFFF 4169E1 0000FF"]والله كلنا مشتاقين لنومة ع الظهر
وع البطن
يمي يمي يمي

وبعد مشتاقة اتقلب وانا نايمة ع السريع من غير ما اقول اه اه
وزوجي يساعدني في التقليب من جنب ع جنب يوم يكون صاحي

الله ايام الراحة في النومة والتقليب جــــــــــــاية ان شاء الله[/grade]

الله يساعدك


هذا وانتي ماوصلتي شهرك يا أم الجوري كذااا



الله يعين بكراااا :qaq: كيييف الحااااال بيكون



ولا تتحلمي بأيام النوم والتقليب جايه هههههههههه


وما بخبرك ليييه لانش بتعرفي حزتها إن الحمل لآخر يووووم أهووون بكثير من بعد الولاده

sounya:
تسلمي حبيبتي ..الا قوليلي شخبار مريومة سلمي عليها :)
واكيد تكون تجهيزات حلوة لان الي تسويها من ديرتكم من البحرين الشقيقة وماشاء الله عليها افكار روعة :shy:

الحمد لله مريومه بخير وتسلم عليكي هههه :salam:


توني أقولها تسلم عليج سونيا أم شهوده :shy:

[grade="00BFFF 4169E1 0000FF"]ع فكرة سونيا

انا للحين ما اعرف مين اشل من معي
والا اخلي من
بس في 3 اشخاص

زوجـــــــــــي
امــــــــــــــي
وعمتـــــــــي

طبعا لين حزة الولادة ما اعرف مين بيجلس معي بس الاكيد امي

لان زوجي ما اقدر اخليه اخاف بعدين يكون عليه تأثير نفسي
وما يقربني يعني يكفيني يكون معي لحد الطلق

وعمتي والله مستحية اردها كيف
ما اريدها تحضر
اقولها عمتي يكفي انك راح تحضري ولادة بنتك مو لازم انا
عاد ان شاء الله لين ذاك اليوم تنشغل بشئ ثاني غيري
وما تقدر تروح بس عاد يخبروها انه فلانه ربت وانا عاذرتنها...

امي عادي تكون موجودة معي
لانها تحضر ولادات اختي
بس اتمنى انها بعد ما تكون موجودة
لانها راح تخبر الحريم تفاصيل الولادة
وكيف تعبت

الله يستر بس لين هذاك اليوم
ما تعرفي شو بيصير فيه
نسأل الله السهالة للجميع [/grade]

أحلى شهد:
خلاص عجل أسم مريم راح يطبق بالقانون ههههه :bigsmile:


والله شجعتوني وحمستوني عليه أكثررر :cool2:


اي والله صدقتي والله طول الاشهر كنت اكلمها على اساس هي بنوته بس بعد

بداخلي اقول يمكن يطلع ولد وبيصير بناتي من كثر ماتكلمت معاه بالبناتي


والحين الحمد لله الدكتور شاف المستخبى وأكد ليي أنها بنوته قمر مافي زيها


وحتى واني عند الدكتور كنت أشوف وجهها القمر والله أقول لبو علاوي


شوفها تشبهك هالقمرررر (r)

هلا بشهودة

الحمد لله على عطية رب العباد .. وحاسة في فرحتك بنت الحلال ما يحتاج توصفيها .. وعسى تمر الأيام والأسابيع بسرعة وتشوفين مريومة في أحضانك يااا رب

بس تعالي هنا لما شفتيها بالأشعة ليش قلتي لأبو علاوي إنها قمر تشبه ، ليش ما تكون شبهك ؟؟
عاد إنتي عززي شوي من نفسك خخخخخخخ .. الله يدوم الأفراح يا رب والله بالسلامة والسحة قولي آميين

هلا ام مهند .. حمدلله على فحوصاتج الطيبة.. شوفي بما اني بكرية ماعندي فكرة عن هالسوالف بس البارحة وانا انتظر دوري حال الاشعة قالت لي وحدة توها كانت طالعة من الاشعة ان قبل شهر ونصف كان طفلها صغير وضعيف جدا والحين ماشاء الله رجع الطول طبيعي والوزن وصل كيلو و600 غرام فسالتها عن سبب فقالت عادي تصير هالحالات والدكتورة طمنتها اصلا وقالت لي بس اخر 3 اشهر طفل يحتاج الى كمية كبيرة من البروتينات والكالسيوم وتقول انها كانت تشرب حليب 3مرات باليوم وتكثر من الخضار الورقية والسبانخ وامي اكدت لي هالمعلومة فاتمنى تفيدك هالمعلومة وان شاء الله تبشرينا بفحوصاتك :)

أحلى شهد:
الله يسلملك الأحباب يارب


والبارحه سبب سهري مو عشان تقلبات الحمل لالالالا


كان سبب سهري انه بو علاوي من غبشه توكل على الله وسافر ويه ربعه


في سيارتهم الخاصه الى مكه والمدينه


والله من البارحه والتفكير ذابحني وما قدرت أنام عدل


والهواجس تروح وتيجي مره بالخير ومرات الله لا يقوله بالـــ


ومن طلع من بعد صلاه الصبح قعدت أبكي لييييييين أحمرت عيوني


وفتحت النت وما قدرت أواصل وبس دخلت هالرابطه وطلعت مباشره


والحمد لله نمت وصحيت ونفسيتي افضل بكثيييير :clap:



وما أقول إلا ( الله يردهم بالسلامه يارب )

يا عيني عليك يا أبو علاوي أبوي من قدك .. تعال شوف ولع أم علاوي فيك شو مسوي خخخخخخخخخ .. حبوبة الله يعوده بالسلامة يا رب وخليه شوي يغير جو تراهم يحتاجوا لهالتغيير عشان يرجعون لنا fresh خخخخخخخ