حوامل شهر يوليو 2007

أم فجورة فديتش يو الحبة سلام فجورة لي ولمودي وصل وإنتي بعد لا تنسي الأمانة نفسها توصليها لفجورة ..

وقلتيلي شي جلابيات أم خماس حال الكبار والله بس توني سمعتها منش مدري ليش صدقت زوجة أخوي خخخخخخ خبرتني ما يجن مقاسات للحريم وأنا يا حليلي صدقتها بس عموما هي نوب شكلها ما عندها خبر ..

المهم أبغى منهن عجب نوب أنا وبصراحة فعلا قماشها خامته حلو ويريح في الصيف .. يوم تجيب جدتك البضاعة سوي لي مسج لا تنسي .. ويا ليت قبل ولادتنا الله بالعافية ..

والشيمة كان فيش شيمة لا ترجعيني ورا وحدي ما رايمة أرد عليهن المسكينات وأنا ما صدقت إفتكيت ,, خلاص أبوي شريفة بو سألتش ما أنا هههههههه

هلا توتي

اخبارك الغالية

والا ذي الاعراض بدت من يومين تقريبا
وانا يوم الاثنين سأقول وداعا للسابع
ومرحبا بالثامن

والله من يصدق صح الايام تعدي بسرعة
بس على الالم نتمناها تعدي اسرع
لان الالام والسهر كل ما يزيد

وانا بعد بروح اصلي فديتكم

تعالي صح أم فجورة .. إسمحوا لي بنات الموضوع خارج عن مواضيع الحمل ..

سمعتي عن الإشاعة مدري الصحة عن تسونامي بو بيجي ف يالقرم واللي تنبأ عنه البانياني بو تنبأ عن التسونامي الكبير ؟؟ تصدقي وزعوا لنا نشرات وتحذيرات وأنا ما صدقت ..

الحين أختي مطرشة مسج إن الموضوع جاري البحث فيه عن طريق الأقمار الصناعية وجاي في جريدة الشبيبة وإن الموضوع إحتمال صحته أكيدة تخيللللللي .. يالله بالستر

واللي راح يصير إن القرم بيجيها منخفض جوي يستمر ليومين إبتداء من الإثنين هاذي ونهايته غرقها نهائيا .. والله ما أعرف هل كذب المنجمون ولو صدقوا نشوف تقدير الأقمار الصناعية ..

الغريبة ان الموضوع منتشر في المنتديات الأخرى بصورة فضيعة .

هلا بتوتي شخبارك يا قلبي ..

والله وإن وجودك صار ينور الرابطة وعساها دوم منورة بأحبابها يا رب ..

وأنا بعد بروح أصلي يالله إسمحوا لي بترخص عنكم ..

صباح الخير بنات شلونكم وشلون الاجازة معاكم

بنات بغيت اسالكم اني من امس الى اليوم البنوتة ما تحركت واذا بتتحرك بتكون حركتها خفيفة جدا هذا عادي ولا لالا زوجي يقول لي بيوديني المستشفى علشان اطمن بس اقول اليه خلني اليوم بعد وبشوف شنو يصير والا شرايكم بنات

ام النوح:
صباح الخير بنات شلونكم وشلون الاجازة معاكم

بنات بغيت اسالكم اني من امس الى اليوم البنوتة ما تحركت واذا بتتحرك بتكون حركتها خفيفة جدا هذا عادي ولا لالا زوجي يقول لي بيوديني المستشفى علشان اطمن بس اقول اليه خلني اليوم بعد وبشوف شنو يصير والا شرايكم بنات

خيوه أم النوح روحي اي مركز قريب منكم وإن شاء الله بتتطمني


لاني يوم الاربعاء صادتني نفس المشكله ورحت المركز وسمعت دقات قلب بنوتتي

أم المهند:
صباح الخيرات لكل الكروشات شخباركم ..

يا ربي كيف الواجب طويييييييييل الله يسامحكم سويتوها خلال يومين بس ..

يالله ما عليه يوم لك ويوم عليك ..


اولا أحب أبارك لحواملنا الغاليات .. شهودة وكربلاء معرفة جنس البيبي .. فألف ألف مليون مبروووك وأخيرا تأكذت بالفعل إن هالرابطة رابطة البنوتات ..عدا خواتي الشروق ومسلمة اللي في بطونهم صبيان ..

يالله من قدهم وهذا البنات عندهم يختاروا لهم العروسة المناسبة ههههههههه

بجد فرحنالكم وإن شاء الله تشفونهم بأحضانكم قريييييب يا رب .. والحمد لله راح الكثير وما بقى إلا القليل ..

صباح النور يا قلبو

الله يبارك لكم أختي يارب وفي مودي والمهند

ومثل ما قالوا البنات أنها رابطه بناتيه :shy: والله يعين الشباب اللي فيها

ومشكوره يا قلبي على فرحك لينا وهذا دليل حب الاخوات لبعضها وإحنا بجد خوات

مشكورة خيتو

توج قاعد من النوم صح النوم

sounya:
بنات عندي الم وايد فظيع وقوي في رجلي اليسرى وبطني من بارحة ماقدرت انام ابي اسالكم هل شي عادي او اروح للدكتورة؟؟ طمنوني بسرعة :(

والله ماتشوفين شر يا سونيا


وهذي ألآلام أعاني منها بس مو بالشكل اللي تقولي عنه فضيع


والله الله يساعدك وحاسه فيك بس ليش ما رحتي للدكتورتك ؟؟

UMABDULRAHMAN:

بالنسبة لي ما نمت البارحة زين الا ساعتين
وباقي الوقت ما اعرف كانت عيوني مسكرة واااالا مفتوحة
لاني اليوم جاية الدوام مرهقة ولولا انه ما يبقى حد في القسم غيري
كان ما جيت وضربتها نومة في البيت
بس صدق امس كانت فجر بالليل نشيطة
وتتحرك فديتها بس على حساب نومتي،،،
يعني كانت تضرب تحت بالصميم وما حاسة براحة وانا نايمة

حواملنا الحلوات
ما اعرف للبنات اللي قريب يدخلوا الثامن او دخلوا خلاص بشو تحسوا؟؟

انا احس انه نفس عندي ضيق بصراحة
واحس بثقل في بطني يعني كانه ما في وسع
احس نفسي اريد اخرمه عشان اتنفس شويه

وصح بعد لاحظت وايد اتعب في النوم يعني قبل احط راسي وانخمد
والحين لا
هات يا تقليب تمر ساعة وساعتين وانا عيوني مبطلة
والحين احس نفسي ما طايقة نفسي

هاذي العوارض يقولوا عنها تزيد بنهاية الثامن
وانا باقي لي يومين وادخل الثامن ومن الحين متعفسة

الله المستعان بس،،،،

كأنش يا أم فجوره تتكلمي عن نفسي بس أني طول الليل ما اقدر أنامه


وطول الوقت أتقلب وعاد شوفي حالي والله مع كل تقليبه أتألم وأتعب وادوخ


وما اعرف انام ولا على جهه يعني لايمين ولا يسار ولا عالضهر :sad:


والله أتعب من كثر التقليب وادووووووخ وسالفه النفس والله الحال من بعضه


أني أحس بالثقل على صدري وما اقدر اتنفس حال قبل



وهذي العوارض تجيني يوميا أختي فلا تخافين ولا أتحاتين


بعد شنسوي العد التنازل شارف للنهايه لازم كل خطوه نخطيها بالتعب



وكل هذا نحن مأجورين فيه عند رب العالمين

SHREEFA:
صباح الخير
شلونكم بنات وشلونكم يا امهات البنات
يا احلى رابطة بنات بالدنيا
الله يخليهم لنا ان شاء الله وتقر عيوننا بشوفتهم يارب العالمين

ام النوح ماتشوفين شر على الدم النازل
والله الدم تعبنا هالمره الكل يشتكي منه
والله كريم عليج بحبوب الحديد حسبي الله عليهم مايخلونج تدخلين الحمام من المعاناة والامساك
بس كثري من الخضروات الورقية وعصير البرتقال والله يسهل ان شاء الله ويرتفع


رميثيه
يالله الله يسهل امورج وتخلصين ان شاء الله شغلج كله
انا بخصوص الاستكانات الخاصة بالمستشفى امي عندها شغلات وايد وشغلات حلوه يعني اي شي من استكاناتها يفي بالغرض
لان لو بروح اختار الشغلات اللي نازله الحين على كرستالاات والوان يبيلي على الاقل 200 دينار اوفرهم للمستشفى احسن لي

وناطرين تصورين لنا طقم البيبي :)
بخصوص التوزيعات حبيبتي بعض الصور اللي عندي مايكون داخلها كاكاو مثل الاكياس الصغار المعلقات داخلهم دهن عود ربع توله
مو شرط كاكاو

وافكار وايد بس للاسف مو بين شنو داخلهم
تقدرين تطبعين من المطبعه مثل ماقلتي ادعيه صغار داخل علبه او على شكل رزنامه وشكلهم حلو وذرب احنا وايد هابين عندنا بالسوالف هذي حتى بالعروس يوزعونها
والله يسهل ان شاء الله
والله العظيم عن نفسي لحد الحين مااشتغلت بتوزيعاتي صايبني كسل وتعب جسدي فضيع والله احس عظامي تحت تعورني انسدح تعورني
اقعد تعورني
بطني شاد علي حيل
وسعود اسم الله عليه والله يحفظه
كله يبي يقعد بحضني وحيل يفقص هالبطن وهالشي وايد متعبني
ساعات المه واحضنه وساعات ادزه كافي انا متضايقه استغفر الله

والله اليوم فتحت عيني على الساعة 7 الصبح شكووووو وانا نايمه الساعة 2 اليوم راحتي قاعدة من الصبح الا على شنو بس تفكير بالتوزيعات
قلت انا اليوم كملت اسبوع من الثامن
ماظل شي مابقى شي الا ثلاث اسابيع
انا ودي اخلص كل شي قبل لا ادخل التاسع
وهات هواجيس
متى اخلص يمدي او مايمدي
انا اشتغل مع صديقتي دايما بس شغلي الخاص ماحبيت اقوليها تساعديني فيه لانه شغلي
قلت اقولها
بعدين تذكرت اعيالها عندهم امتحانات مابي ازحم البنت معاي
قلت لالا ان شاء الله بروح اليوم بيت اهلي وانا اغراضي كلهم هناك بشتغل شوي شوي والله يسهل
وان شاء الله اطبق الفكره عملي لاني كل يوم اقول اليوم بس ان شاء الله وباذن الله اني ابدأ خلاص مابقى شي مابقى شي

وناقصني شغلات خفيفه مثل
فوطه خاصه فيني ، دلاغات ، جم بيجامه .... يعني روحه وحده للسوق اخلص بس متى ارووووووح:think: ؟؟؟؟؟؟؟؟
هاهاهاهاي ادري في نفسي والله يسهل يارب ادعولي اني اخلص التناتيف اللي بقت


دمتم سالمين
اختكم شريفة

هلا شريفة,,,

شخبارج وشخبار سعود ونور,,,

يالله يالله شدي حيلج لازم تخلصين,,,

صدقيني من تبدين بتحسين متعة وما تبغين تخلصين,,,

انا كنت مثلج وكله أأجل بس من بديت حسيت متعة,,,,

بالنسبة للتوزيعات ما أدري شو بسوي,,, بفكر

UMABDULRAHMAN:



الف الصلاة والسلام عليك يا حبيب الله محمد

كللللللللللللللللللللللللللللللللللللللللللللللللللللللللللوش

مبروووووووووووووووك


البنوتات عليكم

يا احلى شهد " ام علي ومريم"

ويا كربلاء

وتعيش رابطة البنات
تعيش
تعيش
تعيش

الله يبارك لكم يارب الجوري فجوره


وكاني بشجع



تعيش تعيش تعيش


تعييييييييييييييش رابطه البنوتات

صباح الخير بنات شلونكم وشلون الاجازة معاكم

بنات بغيت اسالكم اني من امس الى اليوم البنوتة ما تحركت واذا بتتحرك بتكون حركتها خفيفة جدا هذا عادي ولا لالا زوجي يقول لي بيوديني المستشفى علشان اطمن بس اقول اليه خلني اليوم بعد وبشوف شنو يصير والا شرايكم بنات

ام النوح تطمني عادي يقولج البيبي في السابع بالرغم من انه حركته ظاهره وقويه الا انها تقل

هلا بتوتي شخبارك يا قلبي ..

والله وإن وجودك صار ينور الرابطة وعساها دوم منورة بأحبابها يا رب ..

النور نوركم غلاتي وانا الحمدلله بخير جعلكم بخير

UMABDULRAHMAN:
ام المهند ومودي

مو حالش

مرة سألتني شو بتسوي حال فوالة

والله عندي حرمة عمي تطبخ اشكال والوان حال هاذي المناسبات

بس انتي طلبي

طبعا الوالدة عليها الماهووووو " هذا حلو ينعمل بالحليب المركز"
وبعد " حلاوة النارجيل "
ومن عند حرمة عمي
مفكرة اطلب لي
مرمريه " هذا عيدان ينعمل بطحين الحمص + ملح + اوراق الغار وفلفل "
فشيتي مالح " ينعمل بالطحين والماي وملح مويكون مقصص على شكل مربعات صغيرة"
بسكوت غريبة " الكل يعرفها "
طبعا مع المكسرات المنوع
والفواكة اللي موسمها بالصيف

وطبعا مع الخبز الركين والعسل " طحين + ماء + ملح + بيض يخلط مع بعض وتكون العجينة سائلة
وتأخذ منه كمية ويقلى في مقلى ويقدم مع العسل والسمن العماني وحلاته ساخن توه جاهز"

هذا طبعا للضيوف اللي بدون موعد
اما اللي راح يجي بموعد

راح نعمل له اطباق ثانية
مثل سمبوسة وباكورة وفطاير الجبن
واطباق حلوة مثل حلو الجالكسي و خلية نحل وهكذا......


انتي شو راح تقدمين
يمكن في شئ فاتني وما تذكرته
واتذكره من عندج


صح رحت محلات سلمان
وخذيت لي صحون ودلة
اما الصواني مالهم فما عجبوني
لانهم ما عمليات يعني ع كثر الغسيل
راح يتخربوا
فراح اشوف السفير عشان الصينية وصينية المكسرات بعد
والفناجين
هذا اللي بقى

عندكم أطباق غريبه عجيبه


ما شاء الله تبارك الرحمن عيني بارده عليكم


ما كأنه للولاده وكأنه عندكم عرس :shy: :shy: :shy:


الله يبلغهم فيش يارب بالصحه والسلامه وتتهنون يارب بهالبنوته




إلا اقول يا أم الجوري
تتهني ياربي بكل الاغراض اللي أشتريتيهم

ويالله شدي الهمه ما بقا شي والله يعطيش العافيه يارب

أم المهند:
تعالي صح شهودة إسم مريم وااايد حلو ويجنن .. وعلى فكرة إسم ما ينمل أبدا ودايما يحلى سبحان الله وهي عموما الأسماء الأصيلة كذا دايما تلاقينها متجددة في كل مرة ..

الله يهنيك فيها ع الأقل الحين صرتي تكلمينها ع أساس إنها بنوتة وإنتي واثقة ..

يالله نبارك لعلاوي هالشي وإن شاء الله ما يضاربها ويكونوا دوووم متفقين هههههه

خلاص عجل أسم مريم راح يطبق بالقانون ههههه :bigsmile:


والله شجعتوني وحمستوني عليه أكثررر :cool2:


اي والله صدقتي والله طول الاشهر كنت اكلمها على اساس هي بنوته بس بعد

بداخلي اقول يمكن يطلع ولد وبيصير بناتي من كثر ماتكلمت معاه بالبناتي


والحين الحمد لله الدكتور شاف المستخبى وأكد ليي أنها بنوته قمر مافي زيها


وحتى واني عند الدكتور كنت أشوف وجهها القمر والله أقول لبو علاوي


شوفها تشبهك هالقمرررر (r)

كربلاء:
الا يا كروشات شخبار تغيرات الحمل وياكم

يعني في خطوط على البطن وسواد ولا للحين ؟؟؟؟

عن نفسي من نهاية السادس اشوف احمرار في بطني من تحت الا عقب صاير لي خطوط حمرا تلوع الجبد
بصراحة تضايقت واجد حتى راويتهم زوجي قال عاااااااادي ( لان مو في بطنة شعلية )

وبالنسبة للسواد صدري منتفخ وصاير اسود ورقبتي شوي بعد

ومتنانة زايدة 12 كيلو يعني للتاسع يمكن انفجر !!!!!


يلة نستحمل عشان الي في بطونا


خبرونا عنكم

هلا كربلاء,,,

شخبارج,,, شخبار البنوته,,,

ما أحس بتغير وايد,,,

ووزني زاد بس 7 كيلو للحين,,,

أم المهند:
شهودة حبيبتي ولا يهمش .. روحي نامي يا السهيرة ..

أقول شهودة سمعتي عن ( مسيهير الليل ) خخخخ هذا إنتي وحزة الصبح ما تقاومي النوم .. الله يعينش وهذي البنوتة اللي بكروشتك مسوية فيك سوالف هههههه

يالله توكلي وفيك الخير دشيتي وسلمتي والأهم راحتك في النهاية

الله يسلملك الأحباب يارب


والبارحه سبب سهري مو عشان تقلبات الحمل لالالالا


كان سبب سهري انه بو علاوي من غبشه توكل على الله وسافر ويه ربعه


في سيارتهم الخاصه الى مكه والمدينه


والله من البارحه والتفكير ذابحني وما قدرت أنام عدل


والهواجس تروح وتيجي مره بالخير ومرات الله لا يقوله بالـــ


ومن طلع من بعد صلاه الصبح قعدت أبكي لييييييين أحمرت عيوني


وفتحت النت وما قدرت أواصل وبس دخلت هالرابطه وطلعت مباشره


والحمد لله نمت وصحيت ونفسيتي افضل بكثيييير :clap:



وما أقول إلا ( الله يردهم بالسلامه يارب )

UMABDULRAHMAN:

يالله ام علي ومريم
سامحيلك يو الحبة
انك تروحي تنامي
وما اوصيك
نامي عني وعنج
تراني والله مرتزعة بالغصب في المكتب واحايل نفسي ع الشغل
يا بختكم

رحت ونمت يالغاليه وبعد كلها ثلاث ساعات


والله يعينك عالشغل وقله النووووم

توتي ورميثيه أنتم موجودات شخباركم عساكم طيبيييين