حوامل شهر يوليو 2007

هلا احلى شهد انا في بريطانيا وهذا مو سر :) وانشاء الله بولد وبجي البحرين بعد الولادة

كربلاء والله ضغطتين على الزر

لان اللون الاسود شكله في هالحمل مو راضي يفارقني مو نفس بحمود ولدي كان جسمي عادي ما تغير ولا صار فيه اي لون ما عدا التشققات اللي في البطن بس هالمرة حدث ولا حرج الرقبة على الابطة على الصدر بس ان شاء الله بعد الولادة يروح لان في ناس خوفوني يقولن ان هاللون ما يرحو ( صدق هالكلام ولا لا) :sad: :sad: :sad:

لالا ام النوح يروح بعد الولاده بس ياخذ وقت وانتي اهتمي في نفسج في لنفاس بيروح بسرعه ان شاء الله ، بنات ادري غثيتكم واياد لكن يدي تعورني اليمين كله احس انها تتكهرب قلت للدكتوره تقول عادي يمكن من الحمل بس من شويه صار شي غريب يدي تكهربت لدرجة اني حسيت جسميكله تكهرب وطلعت لي عقده عند العروق مال اليد من الكف فوق مادري عادي والا

هلا كروشات
انا توني يايه من السكه ومتلخلخه حدي ، بس ما يهياني ما طل عليكم
سلامي للجميع وحيالله رفيجتنا اليديده " شيء عالمي" بنات سامحوني ماقدر ارد عليكم بالوحده
بس على طاري التلحلح والسواد فحدث ولا حرج انا حتى يوم برشود سودت بس تالي عقب الولاده شوي شوي يروح بس ياخذ له وقت

والخرايط اوووووووهههههههههه حدث ولا حرج خب من ايام رشود والخرايط ماراحت بس احسها لحد الححين مازادت ومايندره اتزيد لو لا

بنات الله يعين على ما ابرز باقي الاغراض
اليوم بس قصينا تذاكر حق باجر السينام حق فيلم سبايدر مان حق الرشد لأنه من اشد معجبينه ورحنا شرينا ماجلة البيت، بس احس جسمي متكسر والظهر ماقدر اقول شفيه لأنكم ادرى وريولي تندح علي :(

لازم من الحين اتحرك ابرز روحي ولا شكلي بولد ومابسوي شيء


بس شروفه انتي قلتي :
( تقدرين تطبعين من المطبعه مثل ماقلتي ادعيه صغار داخل علبه او على شكل رزنامه وشكلهم حلو وذرب احنا وايد هابين عندنا بالسوالف هذي حتى بالعروس يوزعونها )

شلون ادعيه على شكل رزنامه ؟؟؟ يعني ورقة وحده (رزنامة الطوفة ) ولا رزنامه المكتب
مو فاهمه بس عجبتني سالفة ادعية الرزنامه واذا عنج حركات غير افيدونا افادكم الله :shy:

يلا بنات كثرت عليكم و لغويت وايد عليكم
باروح بانسدح لأنه جسمي يندح علي
وتصبحون على خير واحلام سعيده انشاءالله

مو قادره أنام


وعيوني حدها تعبااااانه


شاسوي :cry: بعمري ياربي


ألحين برد اروح أحاول انيم حالي والا بستخف :down:



إدعولي أنااااااااااااااام :cry:

صباح الخيرات لكل الكروشات شخباركم ..

يا ربي كيف الواجب طويييييييييل الله يسامحكم سويتوها خلال يومين بس ..

يالله ما عليه يوم لك ويوم عليك ..


اولا أحب أبارك لحواملنا الغاليات .. شهودة وكربلاء معرفة جنس البيبي .. فألف ألف مليون مبروووك وأخيرا تأكذت بالفعل إن هالرابطة رابطة البنوتات ..عدا خواتي الشروق ومسلمة اللي في بطونهم صبيان ..

يالله من قدهم وهذا البنات عندهم يختاروا لهم العروسة المناسبة ههههههههه

بجد فرحنالكم وإن شاء الله تشفونهم بأحضانكم قريييييب يا رب .. والحمد لله راح الكثير وما بقى إلا القليل ..

بنات عندي الم وايد فظيع وقوي في رجلي اليسرى وبطني من بارحة ماقدرت انام ابي اسالكم هل شي عادي او اروح للدكتورة؟؟ طمنوني بسرعة :(

سونية اذا كان الم القدم من الركبة وتحت يعني نقص في الكالسيوم واذا من فوق الركبة هذا من كثرة الضغط لان البيبي صار حجمه كبير وهذا طبيعي ودكتورتي طمنتني وهذا عادي وانا دايما الالم في رجلي اليمين من فوق العظمة وعادي اختي واذا على الم البطن انتي ما حددتين اذا الالم يشبه الدورة يمكن احتمال طلق طاذب وطبعا لازم معاه الم ظهر واذا الم البطن من المعدة حاولي تشربين حليب او كلي خيار علشان تخف الحموضة والله اعلم

تسلمي غزالة على الرد واسئل الله لك الاجر.. عزيزتي انا الم رجلي من فوق الركبة .. اما البطن فالم ليس شديد ويصاحبه الم بالظهر وخاصة مطقة الظهر بالاسفل اي على مستوى البطن من الخلف

سونيا حبيبتي سلامات ما تشوفي شر

بالنسبة لي ما نمت البارحة زين الا ساعتين
وباقي الوقت ما اعرف كانت عيوني مسكرة واااالا مفتوحة
لاني اليوم جاية الدوام مرهقة ولولا انه ما يبقى حد في القسم غيري
كان ما جيت وضربتها نومة في البيت
بس صدق امس كانت فجر بالليل نشيطة
وتتحرك فديتها بس على حساب نومتي،،،
يعني كانت تضرب تحت بالصميم وما حاسة براحة وانا نايمة

حواملنا الحلوات
ما اعرف للبنات اللي قريب يدخلوا الثامن او دخلوا خلاص بشو تحسوا؟؟

انا احس انه نفس عندي ضيق بصراحة
واحس بثقل في بطني يعني كانه ما في وسع
احس نفسي اريد اخرمه عشان اتنفس شويه

وصح بعد لاحظت وايد اتعب في النوم يعني قبل احط راسي وانخمد
والحين لا
هات يا تقليب تمر ساعة وساعتين وانا عيوني مبطلة
والحين احس نفسي ما طايقة نفسي

هاذي العوارض يقولوا عنها تزيد بنهاية الثامن
وانا باقي لي يومين وادخل الثامن ومن الحين متعفسة

الله المستعان بس،،،،

الف الصلاة والسلام عليك يا حبيب الله محمد

كللللللللللللللللللللللللللللللللللللللللللللللللللللللللللوش

مبروووووووووووووووك


البنوتات عليكم

يا احلى شهد " ام علي ومريم"

ويا كربلاء

وتعيش رابطة البنات
تعيش
تعيش
تعيش

ام المهند ومودي

مو حالش

مرة سألتني شو بتسوي حال فوالة

والله عندي حرمة عمي تطبخ اشكال والوان حال هاذي المناسبات

بس انتي طلبي

طبعا الوالدة عليها الماهووووو " هذا حلو ينعمل بالحليب المركز"
وبعد " حلاوة النارجيل "
ومن عند حرمة عمي
مفكرة اطلب لي
مرمريه " هذا عيدان ينعمل بطحين الحمص + ملح + اوراق الغار وفلفل "
فشيتي مالح " ينعمل بالطحين والماي وملح مويكون مقصص على شكل مربعات صغيرة"
بسكوت غريبة " الكل يعرفها "
طبعا مع المكسرات المنوع
والفواكة اللي موسمها بالصيف

وطبعا مع الخبز الركين والعسل " طحين + ماء + ملح + بيض يخلط مع بعض وتكون العجينة سائلة
وتأخذ منه كمية ويقلى في مقلى ويقدم مع العسل والسمن العماني وحلاته ساخن توه جاهز"

هذا طبعا للضيوف اللي بدون موعد
اما اللي راح يجي بموعد

راح نعمل له اطباق ثانية
مثل سمبوسة وباكورة وفطاير الجبن
واطباق حلوة مثل حلو الجالكسي و خلية نحل وهكذا......


انتي شو راح تقدمين
يمكن في شئ فاتني وما تذكرته
واتذكره من عندج


صح رحت محلات سلمان
وخذيت لي صحون ودلة
اما الصواني مالهم فما عجبوني
لانهم ما عمليات يعني ع كثر الغسيل
راح يتخربوا
فراح اشوف السفير عشان الصينية وصينية المكسرات بعد
والفناجين
هذا اللي بقى

شريفة سألتني عن صواني ودلة ام خماس
والله اهل الامارات ادرى
بس شفتهم مرة عند ناس وقالت هذولا صواني
ودلة وفناجين ام خماس

بعد حتى جلابيات ام خماس فيه

عدد المتواجدون في هذا الموضوع » 4 , عدد الأعضاء » 3 , عدد الزوار » 1
‏أحلى شهد, ‏أم المهند, ‏UMABDULRAHMAN



جيت أسلم وراده أكمل نومي


سمحولي يا بنات عمان والله الود ودي اقعد أسولف معاكم


بس والله هالساعتين ثلاث اللي نمتهم ريحوني ومازلت بحاجه للنوم


أشوفكم على خير وخذوا راحتكم بالسوالف


أول ما أجلس بقعد أحل الواااااجب



أشوفكم على خير حبوبات

هلا أم فجورة ..

بصراحة من كتبت أول رد لين الحين وأنا مالي نفس في شي .. بالرغم من إني ما مشغولة بس ما فيني بارض

وباغية أخرج اليوم بدري عندي موعد بمستشفى مسقط الساعة 4 العصر قلت بطلع بدري أريح وأتسبح وأروح من البيت ، لكن بو صار إن اليوم زاير السلطنة معالي الأمين العام لمجلس التعاون في زيارة رسمية لجلالة السلطان واليوم بيجي مكتبنا بعد ولين الحين ما وصل معاليه .. وعاد كسكرتيرة ضروري أتواجد طول الوقت ..

دعواتكم بالفحوصات الزينة ..

أما عن الفوايل بو ذكرتيها بصراحة حلوة .. نحن نسوي حلو الماهوه عند حرمة وباقي الأشياء اللي ذكرتيها ما نسويها لكن شكلي بخلي بو تقربلش تفصل لي قبل الولادة وراح نتفاهم صوتيا إن شاء الله ..

عن صواني أم خماس أنا بو سألتش عنهن ما شريفة خخخخخخ كنك تلخبطي وبصراحة اول مرة أسمع عنهن بس الجلبيات أيوه أعرف عنهن وإنتشرن بس ما يجين حجم للحريم أغلب اللابيات للبنات لحد 12 سنة بس .. وأنا كنت متحانفة فيهن بس أحسها موضة وتنتهي بسرعة فبطلت عنهن ..

شهودة حبيبتي ولا يهمش .. روحي نامي يا السهيرة ..

أقول شهودة سمعتي عن ( مسيهير الليل ) خخخخ هذا إنتي وحزة الصبح ما تقاومي النوم .. الله يعينش وهذي البنوتة اللي بكروشتك مسوية فيك سوالف هههههه

يالله توكلي وفيك الخير دشيتي وسلمتي والأهم راحتك في النهاية

هههههههههههو
هذا ما نقى يجي الا اليوم بو انتي مخططة فيه انك تطلعي من وقت وعندك موعد

اسميه انه ....الله بالسلامة

حبيبتي جلابيات ام خماس
شئ حال الكبار
واختي مخيطة حالها وحال بنتها بعد
وخاماتهم حلوة قطن ينفعوا حال الحر
وكل يوم اطالب جدتي تجيب منهم لانها هي تاجرة صغيرة
مال البيت بس
لان اللي عندها النقوش اللي في الخامات ما عجبوني ،،،

واعتقد انه شريفة سالت بعد
والا تراه بخليش تردي تقري
كل اللي مكتوب اللي في الويكند
مرة غيرها


اقول ام المهند








امـــــــــــــــــــــانة تسلمي اليوم

على مودي من عند فجورة وامها بعد

تعالي صح شهودة إسم مريم وااايد حلو ويجنن .. وعلى فكرة إسم ما ينمل أبدا ودايما يحلى سبحان الله وهي عموما الأسماء الأصيلة كذا دايما تلاقينها متجددة في كل مرة ..

الله يهنيك فيها ع الأقل الحين صرتي تكلمينها ع أساس إنها بنوتة وإنتي واثقة ..

يالله نبارك لعلاوي هالشي وإن شاء الله ما يضاربها ويكونوا دوووم متفقين هههههه

شلونكم ياحوامل

سونيا الالم هذا عادي الله يعينج بصراحه ،ام عبد الرحمن وام المهند كلامكم واياد حلو ، ام عبد الحمن انتي بنص السابع والا بنهايته نفس الاعراض اللي عندج عندي .

هذا واجب مقتصر اللحين بصلي وبعدين عندي جولة تنظيف في البيت نشوفكم بعدين

يالله ام علي ومريم
سامحيلك يو الحبة
انك تروحي تنامي
وما اوصيك
نامي عني وعنج
تراني والله مرتزعة بالغصب في المكتب واحايل نفسي ع الشغل
يا بختكم