حوامل شهر يوليو 2007

أم المهند:
يا فديتكم قريت معلومة وحابة إنكم تستفيدوا منها ..

للي بيدشوا الثامن عما قريب بإذن الواحد الأحد إبدوا إكلوا لوز محمص في اليوم 3 حبات يوميا ليييين ما تولدين بالسلامة ، والفايدة يا حلوات من هالشي إنه راح يخلي البيبي مربرب وفيه خدود إممممممم ودك تاكلينها أكل هههههه .. بس ما يزيد وزن البيبي هو فقط يعطي الشكل كأنه مربرب بس وزنه عادي وشكله كأن وزنه 5 كيلو ما شاء الله .. فهمتوااا يعني ما فيه خوف من زيادة وزنه وحجمه هو بس يعطي الشكل النهائي للبيبي هههههههه الله يحفظهم يا رب

مشكووووووووووورة على المعلومة,,,,:clap: :clap:

بس اخاف يزيد وزن البيبي,,,

ما أريد اجيب بيبي وزنه اكثر عن 3 كيلو,,,:sad: :sad:

انا جبت 3 كيلو و طلع بالغصب وين لو أجيب اكثر,,,

UMABDULRAHMAN:
يالله يالله يا ام المهند
ما بغيت اخلص صفحة
زدوا علي صفحة
من سوالفك انتي وشهد من الصبح

ببببببببببببببه شوي شوي علينا


تعبتوني انا وفجر من الجلسة باقوم اوقف بعدها اردلكم
عن زود كلام

شهودة سامحتلك روحي نامي
لان انا ودي انام الحين
يا بختك

هلا بام عبدالحمن,,,

شخبارج,,,

والله صدقتي زادوا اليوم علينا الواجب,,,:sad: :sad:

الله يسامحكم يا ام المهند وشهودة ,,,,

أم المهند:
بكمل النصائح ..

يا حريم وبالذات البكريات .. مرحلة النفاس مرحلة كئيييييبة حدها ، وما بتلاقين نفسك إلا متضيقة كل حين وكل ساعة .. فنصيحة نصيحة نصيحة لوجه الله ولا أريد منكم جزاءً ولا شكورا ..

لا تنسي ربك في هالفترة ، إمسكي لك كتب الأدعية والأذكار وكل يوم شغلي القرآن وإسترخي عليه يهدأ بالك وقلبك وفيه شي أحلى من كذا ؟؟، لأن هرمونات النفاس تزيد شدتها في هالمرحلة وراح تفشين خلقك في اللي رايح واللي جاي .. بس مع ذكر الله تغيب كل هالأشياء عنك ..

ولا تنسي وقفة زوجك وهم فديتهم ما يقصرون ويانا أبد .. بس حزة النفاس الحرمة تريد أقرب شخص لها زوجها ، فإطلبي تواجده معاك بقدر الإمكان يخفف عليك ويآنسك شوي ..

مشكوره ياعمري على هالنقطه المفيده جدا جدا


و أفضل علاج للأكتآب وهو بقاء الاتصال مع الله بحيث نقوي صلتنا مع الله عز وجل تقل

معاناه الاكتآب



أذكر صادني بحملي الاولي الاكتآب بعد الولاده وكان كل خواتي معاي وأمي وأبوي وزوجي

والله خففوا علي الكثير من مشكله الأكتآب

أم المهند:
معلش يا بنات بسألكم سؤال محرج شوي وأدري كل وحدة تقراه بتضحك على السؤال بس من باب العلم فقط .. يا ترى مع كبر كروشاتكم ما شاء الله طلعت سرتكم لبره ولا لسه ، في حملي هذا أشوفها غايرة مدري ليش وأذكر في حملي بالمهند كانت بره من الشهر السادس .. وهل إختلاف الجنس له دور في هالشي يا ترى ؟؟

إسمحوا لي يا بنات على فضولي بس عشان أتطمن على حالي

تصدقين كان يدور نقس السؤال في بالي من فترة,,,

انا مرات اشوفها لبره ومرات لا ما أدري شو السبب؟؟؟

يمكن على حسب وضعية الجنين...

تابع النصائح ..

بالنسبة للي ودهم أو ناويين يربطون بطونهم عشان منع ظهور الكروشة ..

لا تنسوا تدهنين البطن بفكس أو زيت القرنفل او الورد او الياسمين يمدحونه بالشد وااايد وبعدين ربطي بطنك ..

وأنصحكم ربط البطن بعد الأسبوع الثاني من الولادة أفضل من الناحية الطبية والعلمية

أهم نقطه تشغل بالنا في فتره النفاس وهي الرضاعه

أول نقطه لازم من الحين نعتني بالثدي ونتدهن به عشان ماتكون الحلمه قاسيه
وتصيبها تشققات وبلاوي وآلام وبالتالي مانقدر نعطي الطفل حقه في الرضاعه
من بدايه المشوار

كيف تزيدين كمية الحليب في ثدييك ؟


عندما يمص الطفل من الثديين فإن الغده النخاميه تفرز هرمون البرولاكتين وكلما


كرر الطفل عمليه المص تزداد كميه الحليب في الثدي

****************************

عادتا الامهات يخشون أن الحليب اللي بالثدي غير كافي للطفل وهذي كلها مخاوف
نقدر نتغلب عليها بالأهتمام ببعض النقاط


الأرضاع بصوره متكرره

جعل الطفل يرضع من الثديين

وضعيه الطفل يجب أن تكون صحيحه

التنقل من صدر للأخر في كل رضعه

شرب كميه كافيه من السوائل والعصائر الخاليه من السكر

أعيد عليكم النصيحة بخصوص تدفئة الجسم ..

1- تغطي زييييين ما زيييين ولفي شعرك باللحاف ولا تخلي منفذ لدخول الهوا في الراس وإذا ما دفيتي الراس دفي الريول بالدلاغ المهم منعي دخول الهوا داخل الجسم بأي طريقة وهو يدش في واحد من هالإثنين يا الراس أو الريول تعرفون ليش ..

لأن راح تصابين في عدم تدفئة نفسك بخوا الراس وهذا يسبب صداع مزمن وتعب وهواء في الأرحام..
أرجوكم انتبهوا لأنفسكم في نفاس واستفيدوا من أخطاءنا..

أحلى شهد:

نصائح للنفساء :-





- لا تقومي بأي جهد جسدي في مرحلة النفاس
- لاحظي كمية السائل النفاسي Lochia إذا كان ضمن الحد الطبيعي . فهو يكون في أول اسبوع احمر فاتحاً ثم أحمر قاتماً ثم بنياً ، ويقل تدريجياً خلال اسبوعين
- إذا استمر النزف أكثر من اسبوعين أو ثلاثة أسابيع اتصلي بطبيبك فوراً
- يمكنك الاغتسال وقوفاً وليس في المغطس ( حاذري ذلك )
- لا تهملي أصول النظافة الشخصية واحرصي على تطهير منطقة الفرج والجروح بمحلول مطهر – مثل الديتول – بمقدار ملعقة كبيرة في ليتر من الماء مرتين يومياً واستخدام المناشف المعقمة
- في حال وجود إمساك ، يجب أكل الخضار الطازجة والفواكه ومزاولة الرياضة الخفيفة وتناول دواء ملين
- لا تنزعجي من الخوالف الرحمية ، وإذا كانت شديدة يمكن إزالتها بأدوية مسكنة
- واظبي على قياس الحرارة يومياً وملاحظة النبض
- من الخطأ التسمّر في الفراش وعدم الحركة . وينصح الأطباء اليوم بالمشي فوراً بعد الولادة والذهاب إلى غرفة الاستراحة
- واظبي على مزاولة التمارين الرياضية الخاصة بهذه المرحلة ، ويمكنك البدء بها من الاسبوع التالي بعد الولادة
- يجب أن تكون المواد الغذائية متنوعة وغنية بالكالسيوم والفيتامينات والبروتينات




وش رايكم بنات نضيف نقاط مهمه كلنا نتشارك


لأني أحس نفاسي بعلاوي غلط في غلط

كنت مكتئبه وما أكل شي والضعف بان بشكلي من أول يومين ولاده

حلو الموضوع ,,,,

بس كنت بسألكم متى اعرف اني خلصت من النفاس,؟؟؟؟

أم المهند تكفين كفايه لحد اليوم هالنصائح للنفاس


عندنا فتره شهرين وأكثر وراح نتكلم فيها عن كل شي


عشان ماتولد الحرمه والا هي مهيأه لكل شي


من طق طق للسلام عليكم


بصراحه أني قاعده أستفيد وافيد وياكم


عشان كذا حبيت نطرح هالمواضيع لهذي الفتره المتبقيه

***********************


ام المهند يا قلبوا اللي بيجي ورانا اليوم بينصدم من واجباته كثرنا عليهم هههااااااااي

أم المهند:
أعيد عليكم النصيحة بخصوص تدفئة الجسم ..

1- تغطي زييييين ما زيييين ولفي شعرك باللحاف ولا تخلي منفذ لدخول الهوا في الراس وإذا ما دفيتي الراس دفي الريول بالدلاغ المهم منعي دخول الهوا داخل الجسم بأي طريقة وهو يدش في واحد من هالإثنين يا الراس أو الريول تعرفون ليش ..

لأن راح تصابين في عدم تدفئة نفسك بخوا الراس وهذا يسبب صداع مزمن وتعب وهواء في الأرحام..
أرجوكم انتبهوا لأنفسكم في نفاس واستفيدوا من أخطاءنا..

شكرا يا عمري أم المهند ونبقى نكرر ونعيد عشان يترسخ بهالراس :clap:


وعشان المقوله اللي يقولوها

ألتكرار يعلم الشطار

خففي من الرواائح العطرية والبخور ولا تفكري تكثري منها ..

وإذا ودك في الريحة الطيبة بخري الغرفة بالمستكة ونحن عندنا اللبان الظفاري مدري شو تسمونه في دول الخليج الثانية !!

لأن العطور تفكك غرز الخياطة إذا كنتي مخيطة وتنسد شهيتك للأكل ، وحاجات كثيرة .. طبعا يا حريم أكيد بتستغربون ليش كل هذا الحذر .. وعليكم بالإلتزام لأن النفساء معرضة لأدنى حاجة تصاب بها سواء مرض أو صداع أو هشاشة عظام أو غيره فالحذر واجب وإخذوها نصيحة مني ..

ههههههههههههههههههه ضحكتيني يا شهودة ..

بروحك فتحتي المجال وانا عاد ما قصرت يالسة أعصر لكم من بنات أفكاري على قولتهم خخخخخخخخخخ

وفعلا كثرنا الواجب على الباقي بس شوو نسوي مو ضروري يردوا علينا بس الأهم يستفيدوا وهذا غرضنا من هذي الرابطة ..

الله يعينهم

أمونه:
ترى انا ام راشد بس كان عندي 2 نك نايمس لأني نسيت كلمة السر لأم راشد وفتحت أمونه وتالي تذكرت كلمة السر لأم راشد بس تم هني امونه وانا مالاحظت الا الحين

سامحموني بنات :shy:

الحين باعدل هالغلطة

هلا بام راشد,,, شخبارج,,,

أم المهند:
- لا تقربوا الحوامض أبدااااااااا .. بالذات الليمون وهاي معلومة بعد قريتها من أكثر من موقع ، لنفس الأسباب لأنه ينشف الدم ..


- نصيحة إنكم تشربون ماي وااايد بس مثل ما قلت دافئ ويا حبذا لو تاكلين معاه حبة فيتامين ( سينتروم ) مرة وحدة في اليوم ، هاي فايدتها حلوة ، يعني من ناحية البشرة والشعر والأظافر والصحة بوجه عام لأن بعد الولادة الحرمة تستنزف وااايد طاقة وكل شي يذبل فيها فضروري تحيي هالأشياء بفيتامينات مكملة لنظامها الغذائي ..

- إمتنعي بقدر الإمكان عن أكل الرز لأنه يسوي كرشة ، ويزيد الوزن وإنتي ما صدقتي تبي تفتكين من الوزن المكتسب ، وإذا عاد كان نفسك فيه فإكتفي بما مقداره كوب واحد رز فقططططططط .. وإستبدليه بالشوربات وأنواع السوب والحساء أفضل لك من جميع النواحي وأنصح لفترة الغدا تاكلين شربة الشعير فيها شوي ذرة وبصل والحاجات الي تحبي تضيفينها ..

- في فترة النفاس داااايما تسدحي قد ما تتذكرين ونامي أو إستلقي على الجهة اليسرى لأن الرحم بهالطريقة أسرع في عودته لمكانه الطبيعي .. ولا تصعدي وتنزلي سلالم أبدا طوال 4 أسابيع عشان تحافظي على رحمك طبعا ..

- يفضل النوم على ( الدوشج) أو الفراش اللي في الأرضية للي ما يفهمون شو هو الدوشج ، لأنه أشد على الظهر وعلى قولتهم يصلب عودك من جديد بعد ما إهتلك من شدة الزفر حزة الولادة ..

- لما تدشين تتسبحين ما تمكثين تحت الرشاش أكثر من 10 دقائق ، وهذا كاااافي يا حريم وبعض الحريم يتروشون يوم ورا يوم وسبحان الله تأكدوا أن لكل شي حكمته في المنع ..

يالله هذا اللي عندي خلوني أتذكر أكثر وأرجع أفيدكم .. تراه الي فوق من واقع تجربة وخبرة وقراءات كثيرة في مواقع مفيدة ..

ما شا الله عليج يا ام المهند,,,

مدرسة الواحد يتعلم منها,,,

مشكورة على هالمعلومات ,,,,,

طيب الحيين بشفق عليكم ياللي بتدشون عقبنا وبنأجل المزيد من النصايح لين باكر وإسمحوا لي بروح أصلي الحين وراجعة لكم ..

أم المهند:
عدد المتواجدون في هذا الموضوع » 5 , عدد الأعضاء » 4 , عدد الزوار » 1
‏أم المهند*, ‏* أم راشــــد *, ‏أحلى شهد, ‏رميثية


أم رشودي كنتي إنتي تزورينا فيه وحدة جديدة بعد ؟؟؟ يالله نقدم لها الدعوة للمشاركة

رميثية يا حي الله ومسهلة متأخرة بس منورة

شهودة لسه موجودة ما رحتي تنامي ؟؟

هلا بام المهند,,,

آسفة على التأخير بس زوجي طلع متأخر,,,

وأخيرا شفقتي علينا يا ام المهند انتي وشهودة,,,

تعبتونا ,,, الواجب كان طويل واخيرا خلصت,,,

والحين بروح اصلي وبرجع

ما شاء الله عليج يا ام المهند انتي وشهودة
بسكم كثرتوا الصفحات على البنات في الرابطة يا حليلهم

بس ما شاء الله نصايح ذهبية وخطيرة بصدق
ام المهند
عصري كل افكارك

واذا شئ نسيته

ما يهمك نحن بنفتح حتى يوم نولد

عن شئ يجي في بالك
" مزحة لا تأخذي في خاطرك حبيبتي"
لكن
اسميك ما قصرتي والنعم فيك يا بنت بلادي
معــــــــــــــــلومات اعرف عنها اول مرة بصدق
وجلست اكتب في الدفتر اللي راح اخذه معي يوم بكون في النفاس
عشان اتذكر كل شئ

جزاك الله الف خير
وان شاء الله تولدي
27/7/2007
حـــــــــــــــلوة الدعوة

امــــــــــــــــــــــونة خي ام راشــــــــــــــــد:gum:

كنا نشوف اسمك معانا بالمتواجدون
وطلعتي انتي
يالله حيا
والله حلو اسم رناد
والاسماء القديمة هم حلوة ما تقدم بالعكس تتجدد
يقولوا عتيق الصوف ولا جديد البريسم

الله يرسيكم ع بر انتي وزوجك

علووووووه بسني أم فجورة وحدي تعبت خخخخخخخخخ ، بنكمل باكر ما يهمك ..

وتراه في النهاية قاصدين نفيدكم إنتوا بالذات يا بكريات وما يمنع اللي سبق لهن الولادة يستفيدن بعد ..تراه والله كلنا يالسين نستفيد من بعض ..

ويازين دعوتك حبيبتي .. الله يسمع منك وأولد قبل بعد خخخخخخخخخ